KENAKALAN REMAJA

Suksma antuk galah sane sampun kapaice ring padewekan titiang.

Pare panureksa pcentokan sane banget kusumayang titiang

Ida dane para atiti miwah uleman sane baktinin titiang
Sihin Punika taler majeng ring para sameton lanang istri sane tresnasihin titiang

Dahat gargita pesan manah titiang santukan sangkaning sih ida sanghyang widhi wasa, titiang
pingkalih ida dane, prasida kacunduk saduajeng, turmaning ring galahe sane becik puniki
titiang jagi matur atur samatra ngeninin indik kenakalan remaja nanging sadurung titiang
nglantur matur atur, lugrayang titiang ngastiti bakti ring ida sanghang widhi wasa
malarapan antuk nguncarang pangastung kara.
Om sawastiatu
Ida dane sane kusumayang titiang
Yening pikayuni sareng sami, ring zaman modern sekadi mangkin, akeh para yowanane sane
piwal. Minab guru rupakan ipun nenten uning, napi sane kekaryanin antuk pianak pianak
ipune ring maragi utawi ring sekolah ipun. Minab sangkaning kemajuang globalisasi utawi
jamane, sane ngawinang akeh para yowanane melaksana asapunika dadosne para yowanane
ngangge manah ngraga, melaksana sane boya boya. Bilih bilih yening nenten uningine
antuk i guru rupaka.
Ida dane sane baktini titiang
Sajeroning pidabdab kenakalan yowana punika, yenign minabang titiang, ring yowana sakadi
sane mangkin akeh pisan matiosan piranti piranti modern. Taler akeh pakrimikan olih para
panglingsir muah surat kabare, mungguing kawentenan para yowanane utawi para truna
trunine sane sampun keni pinungkan kemrosotang moral, wastanin titiang ngandap ngesorang
kesusilaan, wiakti makeh prihatinan ipun.
Sane kapertama : para guru pengajian, pakrengkeng, pakrimik, ngandikayang hasil evaluasi
para sisiane makeh sane ring sor patakon.
Sane kaping kalih : akeh para yowana uning mamunyah munyah, ketagihan tuak arak
mieah miras, yening sampun punyah napi prasida elingang, sinah ical sami papinehe sane
waras. Kantun tuak, arak, napi malih sampu keni narkoba majanten meweh pacang nambanin,
sane ngaryanang keweh i rerama, keluarga ngatos banjare taler keni pakeweh, yening sampun
punyah munyine ngawag-awag parisolah ngapak-apak lan ngadug-ngadug.
Sane kaping tiga : maparilaksana sane tan manut ring agama, bebas tanpa wates sajeroning
para truna trunine sane mapuara ngusakang paridabdab ring jagate.
Ida dane miwah para sameton sami sane banget baktinin titiang.
Yening uratiang para yowanane mangkin akeh sane tan manut ring napi kapolihang pelajahan
ring sekolah, pitutur rerama, sane ngawinang yowanane salah kanti inggih punika. Nenten
eling ring galah, nenten eling ring pelajahan, mrika mriki, gradag grudug sareng timpal
timpal ipun, ngwinang ipun dados iwang pemargi, tan manut ring tata susila, dadosyane
sekolah ipun putus ring tengah margi, ngawinang cita cita ipun tan prasida kapolihang,
pastika para yowana pacang nyeselin padewekan antuk napi sane sampun kekaryanin sane

sampun lintang sinah gur rupakan iraga keciwa teken pianak ipun., duaning ten uning ring
pamargi pianaknyane.
Ida dane sane kusumayang titiang
Sane mangkin ngiring sikiang pikayun druenen mgnda sumuyub, urati utawi lingu ring
kawentenan kenakalan yowana sane sampun wenten, mangda nenten nglantur, yening
pinunas titiang majeng ring para yowana sinamian, ngiring ja maparilaksana sane manut ring
tata titing kahuripan muah agama lan budaya sane magenah ring jagat bali puniki, para
yowana sinamian, yening iraga dados sisia patut eling ring swadarmaning sisia inggih punika:
pamerintahe sampun ngemargiang pendidikan dasar 9 tahun , muah subakti ring catur guru,
santukan iraga sareng sami, kari anom pinih becik mlajahhang rage
Sene kaping kalih: mangde ngedohin karya sane ngreredang bayu miwah tuwuh.
Sane kaping tiga: ngiring sareng sami mangda eling, ngelingang raga. Impasin pesan sane
mawasta biuta sane pacang mialangin sajeroning pangubugan sisia , pagehin ragane antuk
budi pekerti sane becik, keret indriane mangda paras-paros masawitra.
Inggih ida dane sane wangiang titiang.
Wantah aspunika titiang matur-atur ring galahe sane becik punika, suksma ring uratian ide.
Yening wenten atur-atur titiang sane nenten manut ring pikayunan ide, ledang ugi ida
ngampurayang. Inggih puputan titiang antuk parasme santhi.
Om santhi,santhi,santhi om.