PIDARTA BASA BALI

NARKOBA

NAMA: NI PUTU MERLIN DEVINA ALMIGHTY

NOMOR: 29
KELAS: XE 3
Om Swastyastu

Bapak Kepala Sekolah sane wangiang titiang.Bapak lan Ibu Guru

sane baktinin titiang.Miwah Para Sisia sami sane kusumayang lan
tresnasihin titing.
Angayubagia pisan titiang polih ngemiletin pacentokan mapidato
puniki. Titiang uning ring padewekan belog, jugul apunggung, tur
pangkah milu-milu tuung. Meled manah titang sareng ngrameang Wali
Warsa sekolah.
Para semeton sinamian, pakrimikan para penglingsire, muah surat
kabare mungguing kawentenan I raga, para truna trunine sampun keni
pinungkan kemerosotan moral, wastanin titiang ngandap-ngesorang
kasusilaan.
Wiakti makeh pracihnan ipun, umpami: kaping siki, para gurune
pakrengkeng pakrimik, ngandikayang hasil evaluasi para sisiane
mangkin makeh sane ring sor patakon, tur kocap tan prasida urukang.
Jengah manah titiang miragiang indike puniki.

Praciri kaping kalih, makeh para trunane oneng mapunyah-

punyahan, katagihan tuak arak, miwah miras sane tiosan. Yening
sampun punyah, napi malih sampun keni narkoba, narkotik obat
berbahaya punika.
Meweh sampun nambanin meweh sami, rerama, kluarga jantos
banjare taler keni pakeweh. Yening sampun punyah, munyine ngawag,
parisolah ngapak-apak, ngadug-adug. Pedih rasane ngatonang indike
puniki.
Praciri kaping tiga, para sisiane makeh katelimpung matungkas
majaguran ring margi-margi sareng sami sisia ngawinang paiketan para
sisiane belah buyar, ngicalang kagilikan masemeton sejeroning sisia.
Yening nglimbak patungkas puniki prasida nguugang Negara Kesatuan I
ragane.

Ratu idadane sareg sami utamane para kawula muda sareng sami,
saantukan kewentenan Era Globalisasi sane ngeranjing ring jagat
Indonesia tanpa sangkan taler sang guru rupaka sane nenten gelis
tanggap ring pari polah paak ipun tur kawentenan ring wewidangan
soang – soang sane nenten becik, akeh kawula muda taruna tarunine
sampun koni kabrebehan antuk Narkoba inggihan punika makawinan
pamedalan generasi sane loyo, ten medue rasa tanggun jawab, manah
maajah sampun ical, tata karma sane nenten becik, taler akeh sampun
para mudane sane karanjingan ring balai rehabilitasi Narkoba, talerring
makudang rumah sakit, taler akeh sampun para kawula mudane
ngeranjing ring gui. Kawentenan punika banget pisan makta pikobes
maring jagat Indonesiane. Sepatutne yening jaging pacing ngerereh
kedik jayaan nenten nenten manut nganggen Narkoba. Nike mawihan
akeh ngikairinin paridabdab sane nenten becik. Sampun manardi
pakaryan iraga sareng sami ngemecikan para kawula mudane sane
nganggen Narkoba punika akeh wenten paridabdab pamargi sane prasida
kamargiang mangda kawula mudane prasida kabecikan malih, inggih
punika :
 Ngicenin pitutur saking yayasan sosial ,sekolah, pari dabdab
saking guru swadyaya taler ngeargiang seminar – seminar.
 Ngicenin pendidikan Budi Pekerti, sastra Agama sane tetujone
ngemecikin kawula mudane.
 Melarapan antuk dahat subakti ring Sang Hyang Widhi Wasa
 Mangda nenten para mudane ngeroko taler nginum minuman
Alkohol
 Maing jero guru rupaka mangda mangidapdaing anak icenin
patuwah –patuwah sae becik mangda nenten mangda okan-okane
tusing kena Narkoba, tur sios-siosan.
 Pracihna kacatur, inggih punika parilaksana tan manut gama, bebas
tanpawates sajeroning truna-truni, sane mapuara ngusakang paridabdab
masekolah. Jejeh ngeri titiang ngrawatang di mata parisolah sakadi
puniki.
Para semeton sinamian, titiang nunas pangampura, santukan titiang
ngelanturang sane wastanin titiang ngandap-ngesorang kasusilan truna-
trunine I wau, menawi I raga keni silih sinunggil ipun. Nangin dumadak
para sisa iriki bebas saking catur mala punika.
Ngiring mangkin midabdabin mangda pinungkan I wau tan nglahlah
ngrangsuk ring padewekan. I raga para sisia patut eling ring
swadarmaning sisia, inggih punika seleg malajah, sumungkem ring
pituduh rerama, susrusa ring pawarah guru. Wantah ring mungpung
truna pinih becika murukang rage.
Kaping kalih dohin punika sne mawasta miras sane makrana punyah,
miwah narkoba sane makrana ngreredang bayu miwah tuuh. Ketiga
ngiring sareng smi eling ring raga. I raga masemeton sareng sami ring
sajebag Negara Indonesia Impasin pisan punika sane makrana biuta
sajeroning pagubugan para sisia.
Soroh narkotika punika katah pisan luire
minakadi ganja, eroin, morfin, kokain, opium, sabu-sabu, miwah sane
lianan.
“ Sire sane patut nganggen narkotika???” Sane dados utawi patut
nganggen narkotika wantah para dokter ring rumah sakit rinuju
pinungkan banget jagi maoperasi mangda sang sungkan tan merasa
sakit.
Nanging manut siaran TV miwah radio sane nganggen
narkotika punika sampun nglimbak. Ganja soroh narkotikan sane
kagenang ring lanjaran utawi amik-
amikan nanging eroin boya ring lanjaran sakewanten kasuntikang utawi
kasedot antuk irung.
Punika mawinan para janane ring pambiaran akeh sane nganggen
minakadi para sisya, para
mahasiswa, miwah para yowanane.

Yening sane nenten patut nganggen raris nganggen

 punika mawasta salah surup. Sane sampun kecanduan utawi ketagihan,
tan urungang pacing kedap sepra, bengong-bengong ngrawatang sane
tan kasidan sekadi kasida.
Antuk punika narkotika sampun kapastikayang olih pemerintah marupa
gegodan, ngoda katreptian jagat. Ngapialangin pewangun, pinaka meseh
sajeroning garba.
Santukang sekadi punika, ngiring mangkin, sampunang lali. Mangda
iraga pamekas para yowanane setata menget ring sikian sandurung
kasep.
Patut nyane sareng sami sayaga minakadi guru rupaka, guru
pengajian miwah guru wisesa. Sane pinih tragia tanlian wantah para
yowarane setata eling ring rage.
Makeh sane patut laksayang, sane ngawerdiang dewek, umpami
macentok seni budaya, macentok mapadu olah raga, macentok
sajeroning iptek muah sane lianan. Kacatur patut eling ring sesame sane
manggeh kasusilan.

Kelidan gegodane sane prasida ngusakang katelebane nguruh

kaweruhan, pagehin ragane antuk budi pakerti sane becik, keret indriane
tur poras-poras masuitra.
 Inggih asapunika atur titiang ngindikang menakadi Ngrajegang
Ksusilan, make kirang langkung lan manawi wenten tan manut ring arsa,
sekadi unjuk lungsur, anggah ungguhin basa, titiang nunas geng rena
sinampura. Pinaka pingintat atur titiang antuk parama shanti,

Om Shanti Shanti Shanti Om.