OM SWASTYASTU

OM AWIGHNAM ASTU NAMA SIDHAM

Ratu idadane sane banget wangiang titiang sinaamian. Titiang mangkin maka sisianing ring Denpasar. Ring
rahina angkin icen titiang nyidang galah jagi midartayang indik NARKOBA

Sane pinih sorotang titiang indik pidarta sane danat mautama parindikan Narkoba puniki, maka tetujon ipun
boyaja siyos ngicinin paridabdab maring kawula muda taruna taruni anda tatas uning maring paindikan
muwang pkobet indik narkoba punika.
Banget titiang nunas geng rena siampura di pradine atur titiang malih bosbos sane kaiwangan.

Ratu idadane sareg sami utamane para kawula muda sareng sami, saantukan kewentenan Era Globalisasi
sane ngeranjing ring jagat Indonesia tanpa sangkan taler sang guru rupaka sane nenten gelis tanggap ring pari
polah paak ipun tur kawentenan ring wewidangan soang soang sane nenten becik, akeh kawula muda taruna
tarunine sampun koni kabrebehan antuk Narkoba inggihan punika makawinan pamedalan generasi sane loyo,
ten medue rasa tanggun jawab, manah maajah sampun ical, tata karma sane nenten becik, taler akeh sampun
para mudane sane karanjingan ring balai rehabilitasi Narkoba, talerring makudang rumah sakit, taler akeh
sampun para kawula mudane ngeranjing ring gui. Kawentenan punika banget pisan makta pikobes maring
jagat Indonesiane. Sepatutne yening jaging pacing ngerereh kedik jayaan nenten nenten manut nganggen
Narkoba. Nike mawihan akeh ngikairinin paridabdab sane nenten becik. Sampun manardi pakaryan iraga
sareng sami ngemecikan para kawula mudane sane nganggen Narkoba punika akeh wenten paridabdab
pamargi sane prasida kamargiang mangda kawula mudane prasida kabecikan malih, inggih punika :
Ngicenin pitutur saking yayasan sosial ,sekolah, pari dabdab saking guru swadyaya taler ngeargiang
seminar seminar.
Ngicenin pendidikan Budi Pekerti, sastra Agama sane tetujone ngemecikin kawula mudane.
Melarapan antuk dahat subakti ring Sang Hyang Widhi Wasa
Mangda nenten para mudane ngeroko taler nginum minuman Alkohol
Maing jero guru rupaka mangda mangidapdaing anak icenin patuwah patuwah sae becik mangda nenten
mangda okan-okane tusing kena Narkoba, tur sios-siosan.

Malarapan antuk paridapdap punika kaaptian ngamuihin ngamulihin pamargi sane becik tur nenten malih
nganggen Narkoba.

Inggih punika pidartan titiang kirang langkung titiang nunas pangampura mangda sane wedarang titiang punika
kaanggen tur wenten kawi gunanye maka panguntap titiang ngaturang Parama Shanti

OM SHANTI SHANTI SHANTI OM

Om Swastyastu,

Semeton, idadane sareng sami sane prasida rauh ring genah puniki.

Titiang merasa gargita pisan, duaning ratu ida dane prasida kacunduk, tur samian kapica
karahuan, seger oger.

Ring tepengan sekadi mangkin, titiang jaga ngaturang ring ajeng pamiarsa sareng sami
ngeninin indik lingkungan, yening aturang titiang ring sastra bali inggih punikapalemahan wiadin
lingkungan Palemahan pinaka salah sinunggil pahan ring Tri hita karana, tetiga sane prasida
ngranayang iraga rena. Titiang nenten panjang atur indik tri hita karana, nanging pabaosan ring
patemon titiang sareng iratu sareng sami ring galahe puniki cutetang titiang jaga ngaturang
indik sampah. SAmpah, luwu, mis wiadin barang sane sampun nenten dados kaanggen malih,
wiadin sane sampun tan maguna malih. Umpaminipun bungkos roko, bungkus jaja, miwah sane
lenlenan.

Ratu ida dane sareng sami.

Sampah wiadin luwu punika wenten duang soroh, inggih punika:

1. Luwu organik, inggih punika luwu sakeng entik-entikan sane marupa don-donan, carang
kayu, wohwohan. Tain buron sekadi kambing, sampi miwah sane lianan, nika ngranjing ring
luwu organik. Luwu organik punika, yening jagi kaolah malih, nika dados lemek wiadin pupuk
ring raos mangkine.

2. Luwu anorganik, inggih punika luwu sane sakeng tan entik-entikan. Minakadi belahan
kaca, belahan pucung lan keramik, barang sakeng besi, plastik, miwah akeh sane tiosan. Ring
pahan puniki taler ngranjing sampah radioaktif.

Pamiarsa sareng sami.

Indayang mangkin uratiang ring palemahan duene soang soang. Ring genah makarya wiadin
kantor, ring umah jero puri griya soang-soang. Ring margi ring angkutan umum, miwah ring
genah sane tiosan. Ring pura manawi. Akeh kantun wenten sampah/luwu mabrarakan, ngardi
palemahane nenten asri. Yening luwu ring margine punika yening sampun ngempetin jlinjing,
nika makardi toyan sabehe meluab ke margine, ngantos ka paumahan, napi malih yening
sabehe ageng. Ngiring macecingak malih, luwu ring tukade, ring danu, ring pasisi wiadin pasih,
ring genah-genah sioasan ring pasar umpaminipun. Asapunapi kawentenanne?

Indik luwu wiadin sampah puniki sobyahang titiang ring ajeng sameton sareng sami, tuah
ngentenin komanten. Mapan sareng sami sampun uning.

Sane dahat patut kauratiang mangkin, sapunapiang sampah wiadin luwune punika?
Sampunang dumun indik luwu sane wenten ring tukad, ring danu, ring margi. Ngiring luwu sane
wenten ring kantor, jero, umah, puri, griya soang-soang sane becikang dumun. Luwu ring paon,
pawaregan, perantenan. Luwu sane marupa gluwang (kertas), plastik, luwu plalian alit-alit
duwene, luwu pecah belah sekadi meka, pucung, keramik, wiadin barang siosan. Nika iringang
titiang ratu ida dane mangda uratian, mangda kawikanin. Riantukan luwu sane wenten ring
paumahan punika sane pinih akeh.

Niki tunasang titiang ring sameton sareng sami, mangda sampah wiadin luwu ring paumahan
soang-soang prasida katitenin mangdane palemahan wiadin lingkungan duene tetep asri lan
lestari.Yening paumahan soang-soang sampun prasida asri, pastika lingkungan wiadin
bebanjarane taler asri tur lestari.

Ratu, idadane sareng sami, pamekasne aturang titiang ngiring sareng sami uratian ring sampah
wiadin luwu puniki, mangdane palemahane prasida asri tur lestari.

Titiang nentan panjang atur malih. Iratu ida dane sareng sami sampun ngawikanin. Titiang
wantah mapinget komenten, sira ugi wenten sane lali.

Inggih ratu ida dane para pamiarsa lan pemilet sinamian.

Wantah asapunika titiang prasida matur ring ajeng pamiarsa. Dumogi napi sane aturang titiang
wenten pikenoh ipun. Ampurayang indik basa basita paribasa, sor singgih basan titiang nenten
manut ring sarejoning manah.
Puputang titiang antuk parama santhi
Om Santhi, Santhi, Santhi, Om.
 Suksma aturang titiang majeng ring pengeter acara indik galah sane kapaica ring titiang ngaturang
sambrama wacana mantuka ring ida dane sareng sami.

Sane wangiang titiang dewan juri lomba

Sane wangiang titiang para uleman sane sampun prasida rauh ring acara puniki
Bapak/ Ibu guru pendamping sane sampun ledang nganter para sisia rikala melomba puniki. Sapunika taler
majeng ring para sisia sane sareng ngewiletin lomba sane dahat tresna asihin titiang, maka miwah ida dane
sareng sami sane ten presida antuk titiang nektek siki-siki sane suksmayang titiang.

Sedurung titiang ngaturungang sambrama wacana, ngiring sareng-sareng ngaturang rasa

angayubagia mantuka ring Ida Sang Hyang Widhi Wasa duaning sangkaning paswecan Ida iraga presida
mapulpul iriki ring acara lomba melarapan antuk nguncarang Pangastung kara:

Om Swastyastu
Inggih, menawi ida dane sareng sami sampun uning indik kewentenan jagat Bali puniki. Jagat Bali
magenah ring panegara Indonesia. Jagat Bali kewangun antuk kutus (8) kabupaten miwah kota asiki. Pekaryan
sane kemargiang olih para jana ring Bali luwir ipun Petani, undagi, bendega, pengangon, perbankan, tur sane
lianan. Tiosan ring punika wenten bidang sane silih sinunggil presida ngerajegan pembangunan ring Bali inggih
punika Pariwisata.

Indik kewentenan pariwisata ring Bali sampun kasub ke dura negara. Punika mawinan akeh
wisatawan sakeng Amerika, Eropa,Afrika, Asia miwah Australia sane melancaran ke jagat Bali puniki. Wisata
sane kasub kasenengin olih para wisatawan domestik miwah dura negara inggih punika wisata alam miwah
tradisi-tradisi sane kemargiang ring Bali. Inggian tradisi Bali sane kasenengin olih para wisatawane sekadi
Ngaben, Melasti miwah sane tiosan. Ping kalih indik wisata alam sane kasenengin sekadi Rafting, Tracking,
cyrcling miwah nyingakin kewentenan alam sane kantun asri sekadi ring kintamani, batur, uluwatu, alas
kedaton, air terjun nungnung, air terjun gitgit, miwah sane lianan.

Inggih ida dane sane wangiang titiang, duaning kadi asapunika buat kewentenan alam ring Bali sane
sampun presida ngewangun pariwisata, patutne iraga setata ngelestariang kewentenan alam punika. Inggian
pemargi sane presida kaanggen jalaran ngelestariang alam punika akeh. Silih sinunggil sekadi program sane
sampun kamedalang olih guru wisesa inggih punika Program Clean and Green. Kruna Clean and Green ring
basa indonesia madue arti Bersih dan Hijau. Suksman Program Clean and Green punika ngutsahayang
mangdane jagat Bali setata bersih miwah alamnyane asri. Yening alam sampun asri pastika sampun byuta
sane kasengguh pemanasan global nenten pacang nibenin jagat bali, tur angin sane kairup nenten keni polusi
duaning kewentenan asep miwah gas sane berbahaya sampun kesaring olih taru-taru sane wenten. Sapunika
taler yening alam lingkungan sampun bersih pastika pekantenannyane becik tur ngawinang iraga sehat rikala
maurip pamekasne ring jagat Bali. Lianan ring punika, yening jagat Bali sampun bersih tur alamnyane asri
pacang presida ngundang para wisatawan sayan ngakehang rauh melancaran ke Bali. Sakemaon ngantos
mangkin lingkungan miwah alam ring Bali durung mecihna bersih tur asri. Titiang maosang kadi asapunika
duaning sering sampun kecingak wenten anak sane kantun ngerusak alam sekadi nebang taru tanpa ijin
miwah ngentosin carik dados wewangunan. Ring kebersihan lingkungan taler durung mecihna memargi
duaning sekadi ring kota-kota kantun akeh luhu sane mauyang tur kewentenan tukad sane daki tur tercemar.
Yening pariindike puniki nenten ketanganin pastika pacang ngawinang para wisatawan sane rauh ke Bali
sayan ngidikang punika taler kesehatan masyarakat nenten terjamin.

Inggih ida dane sareng sami sane banget suksmayang titiang, mangdane byuta kadi punika nenten
nibenin Bali iraga patut sungkem tur sareng-sareng ngemargiang Program Clean and Green punika mawit
saking iraga sekadi mebersih ring pekarangan, mebersih ring margi sane wenten ring ajeng genah iragane tur
patutune nandur taru ring sisin margi miwah ngelestariang carik utawi penegalan. Sapunika taler yening dados
sisia, iraga patut setata mebersih miwah ngelestariang tetamanan ring lingkungan sekolah. Yening iraga
sampun ngelaksanayang punika mawit saking angga soang-soang pastika Program Clean and Green pacang
presida kemargiang, ngentur raris kebersihan miwah kelestarian alam ring Bali pacang presida ketincapang.

Inggih ida dane sareng sami sane wangiang titiang, wantah asapunika presida antuk titiang ngaturang
sambrama wacana puniki, yening prade wenten kirang langkung atur titiang sane nenten mungguh ring
pekahyunan ida dane titiang nunas geng rna sinampura. Pinaka pamuput atur titiang ngaturang prama santih
Om Santih Santih Santih Om