Inggih suksma aturang titiang majeng ring Pangenter Baos antuk galah sane kapaica
ring titiang. Sadurung titiang ngelanturang atur pinih ajeng lugrayang titiang
ngaturang parama suksmaning manah majeng ring Ida Sang Hyang Widhi Wasa
OM SWASTYASTU
Asapunika taler Ida dane sareng sami sane ten presida ojah titiang saka siki sane dahat
Ring galahe sane becik puniki titiang jagi ngatur uningayang nanginin indik
ngelestariang kewentenan Segara Kerthi sane patut kemargiang ring jagate puniki.
Segara kerthi inggih punika silih sinunggil pahan saking Sad kerthi. Sad Kerthi punika
kawangun antuk kalih kruna, inggih punika Sad miwah kruna Kerthi. Kruna Sad
madue arti nenem, kruna Kerthi madue arti suci. Dadosne, Kruna Sad Kerthi punika
madue arti nenem kesucian sane patut kamargiang olih para janane ring jagate puniki.
Enem kesucian sane patut kemargiang punika nenten ja wenten tios, Atma
kerthi, Samudra/segara Kerthi, Danu Kerthi, Wana Kerthi, Jagat Kerthi, miwah Yana
Kerthi.
Inggih ida dane sareng sami sane dahat wangiang titiang, Menawi ida dane
sampun uning indik kasuksman Segara kerthi punika. Sane kebaos Samudra/Segara
Kerthi inggih punika utsaha sane patut kemargiang mangdene prasida keasrian
samudra, pasih, miwah pesisi keajegang. Akeh jalaran sane presida kautsahayang
minakadi nenten ngelaksanayang pekaryan sane presida ngerusak pesisi napi malih
sane ngerusak sekancan sane wenten ring tengahing segara. Pekaryan sane pacang
ngerusakin segara utawi sane maurip irika, contoh ipun ngereh ulam ngangge portas,
pukat harimau, bom utawi sane tiosan. Iraga dados manusa sane madue pekahyun
patutne presida miara keasrian segara ne punika sekadi ring sekala inggih punika
nandur taru ring pesisi, nenten ngeruk pasir, tur setata miara sane kebaos terumbu
karang. Ring niskala taler patut kemargiang sekadi mapekelem, melasti miwah sane
tiosan.
Inggih ida dane sareng sami sane dahat kusumayang titiang, titiang mapinunas
majeng ring ida dane mangda saking mangkin iraga jaga utawi ngemong keasrian
segara punika mangda tetep rajeg lan lestari, santukan makasamian urip sane wenten
ring jagate madasar saking segara lan puput ipun taler ring segara. Pamekasnyane
iraga imanusa sane maduwe tri pramana inggih ipun bayu, sabda, idep mangda janten
mautsaha maparilaksana nganutin kaluwihan sane sampun kapaica inggih ipun idep.
Antuk idep punika sapunapi iraga mapineh mangda kasuen-suen keasrian segarane
prasida lestari. Titiang mapekeling ring ida dane sareng sami mangda nenten ngrusak
kawentenan segarane punika. Santukan yening segarane punika rusak sinah sakancan
sane maurip ring jagate samian pacang ical kalelep olih toyaning segara.
Inggih ida dane sane wangiang titiang, sepatutnyane iraga setata mekarya utawi
sane santi, asri tur ajeg. Yadiastun iraga wantah presida ngemargiang silih sinunggil,
punika sampun presida ngardi kerahayuan, napi malih yening presida ngemargiang
punika antuk upacara-upacara agama. Silih sinunggil upacara agama sane pinaka
jalaran ngelaksanayang Sad Kerthi inggih punika Upacara Labuh Gentuh. Sane tiosan
wenten taler ngelaksanayang upacara Bali Eka Dasa Rudra nyabran satus warsa,
Panca Bali Krama nyabran dasa warsa, tawur kesanga nyabran ngenem warsa miwah
upacara Bali mrebu bumi sane kelaksanayang nyabran siu warsa. Nika sami madue
titiang ngaturang nanginin pariindik utsaha sane presida kaangge ngemargiang Sagara
Kerthi. Akeh titiang matur, akeh taler iwang atur titiang. Kirang langkung atur titiang,
titiang nunas geng rna sinampura. Pinaka pamuput, sineb titiang antuk ngaturang
parama santih.