Om Suastiastu!

Angga panureksa sareng sami sane wangiang titiang.

Para atiti, punika taler ida dane sareng sami sane tresna sihin titian (silakan tambahkan sesuai
dengan yang hadir)
Ring galahe sane becik puniki, titian jagi ngaturang dharma wacana sane mamurda “segara
kerthi”.
Maosang indik segara kerthi madue kasusksman segara pinaka pangawit miwah pamuput
sahaning kahuripan, nganutin unteng Nangun Sat Kerti Loka Bali. Antuk punika ngupapira
kesucian miwah keharmonisan sadaging jagat Bali pinih mabuat pisan sajeroning ngawetuang
kahuripan krama Bali sane kerta raharja anut ring kawentenan sekala niskala.

Ida dane sareng sami.

Segara Kerthi pateh sekadi segara agung tan patepi. Napi mawinan sekadi asapunika, duaning
makasamian jagate puniki kaiterin antuk segara sane nenten prasida antuk ngwatesin. Yening
iketang ring widang Bahasa, Aksara, miwah Sastra Bali, segara kerthi pinaka panglikub
pikayunan sane ngawengkonin jagat Bali. Antuk punika, ngiring upapira tetamian panglingsir
antuk manah subakti, antuk parilaksana sane jakti, mangda prasida macampuh ring ius budaya
global. Titiang ngaptiang ida dane sareng sami mangda prasida ngupapira kesimbangan alam
semesta miwah sedagingnyane manut sekadi pahpahan Tri Hita Karana.

Ida dane sareng sami sane tersna sishin titian

Pmicutet tetujon Krma Hindu Baline wantah moksartham jagadhita ya ca iti dharma, sane
mateges antuk dharma prasida ngawetuang karaharjaan makasmian kahuripan sane wenten ring
jatage, taler nenten keni paridikan samsara, prasida nunggil ring Brahman. Punika mawinan
sajeroning kahuripan sarahina-rahina patut kadasarin antuk Sad Kerti. Sad kasuksmannyane
enam miwah Kerti kasuksmanyane utsaha ngupapira kesucian miwah keseimbangan. Yening
cutetang, Sad Kerti inggih punika enam utsaha sajeroning ngupapira keseimbangan jagat. Sad
Kerti punika wenten nenem:
1. JANA KERTI
Jana Kerti inggih punika utsaha ngupapira kesucian mangda pikayunan nenten goyah.Jana Kerti
kamargiang antuk catur sadhana: uleng ring pikayunan, welas asih, parilaksana becik majeng
ring sakancaning maurip, miwah nenten kaiket olih Sad Ripu.
2. JAGAT KERTI 
Jagat Kerti inggih punika utsaha ngupapira kesucian utawi keharmonisan paiketan sekancan
maurip. Manut pidbdab sekala, Jagat Kerti kamargaing antuk ngaluketang pasameton miwah
paiketan sosial sane lianan. Manut pidabdab niskala Jagat Kerti kalaksanayang antuk
ngamargiang upacara Bhuta Yadnya.
3. SAMUDRA KERTI
Samudera Kerti inggih punika utsaha ngupapira kesucian miwah kelestarian tepining segara
miwah segara, antuk ngamargiang mareresik miwah upacara ngaturang pakelem ring segara.

4. WANA KERTI
Wana Kerti inggih punika utsaha ngupapira kesucian utawi kelestarian wana miwah kawentenan
giri, antuk nandur saha ngupapira taru, taler ngaturang upakara ring sekancan taru mageng.
5. DANU KERTI 
Danu Kerti inggih punika utsaha ngupapira kesucian utawi kelestarian wit toya minakadi danu,
wit toya sane membah mangda nenten keni cemer.
6. ATMA KERTI
Atma Kerti inggih punika utsaha ngupapira kesucian para atma sane sampun matilar saking
angga sasrira. Atma kerti kamargiang antuk ngamargiang upacara Pitra Yadnya,

Ida dane sareng sami, ngawit mangkin ngiring mulat sarira, eling ring angga, eling ring Sad
Kerti. Duaning ring kahuripa puniki patut pisan makerti ayu, mangda sadaging jagat kerta
raharja.
Wantah sekadi asapunika sane prasida aturang titian. Kira langkung antuk titian ngaturang, titian
nglungsur ageng rena pangampura.
Om Santi, Santi, Santi, Om
.