BHAKTI RING GURU PENGAJIAN

Om Swastyastu

Para diaksa, atiti, miwah uleman sane wangian titiang Taler para semeton sane tresnasihin titian
Pangayubagia uningayang titiang ring Ida Shang Hyang Paramana Wisesa, duaning mejanten
sangkaning asung kerta wara nguraha ida mawinan titiang pingkalih ida-dane prasida mangguh
karahajengan saha kacunduk sakadi mangkin. Ring galahe sane becik puniki titiang pacang maatur-atur
samatra nganinin indik “Bhakti ring Guru Pengajian”.

Ida dane miwah sameton sinamian sane kasumayang titiang, Para atiti sane wangiang titiang,
sadereng titiang nglanturang indik sesanan iraga dados sisia sane bakti majeng ring guru pengajian,
sane pacang aturang titiang sanemangkin mawasta “Catur Guru” sakadi sane munggah ring tatua
Agama Hindu sane kalanturang catur guru bakti. Mangda sida iraga bakti ring sang maraga catur guru
punika, nenten sios peplajahanne anggen iraga ring titi sastra sane ngelueihin pengeweruhane sane
mautama. Guru sane patut baktinin iraga inggihan punika kaping siki, sang maraga guru rupaka, I
Biang kalawan I Aji. Akeh karasa piutang iragane marep ring linggih dane, ngawit saking ngembasang
saking sajeroning garba ngantos wentene sakadi mangkin, wantah sangkaning sang maraga guru
rupaka, sane ngupapira iraga sinareng sami, tan surut-surut kinasih danene. Nenten ja wenten sane
prasida ngasorang kaluihan tresnan sih I Rerama marep ring pianaknyane, mawinan asapunika I raga
patut ngelaksanayang piteket-piteket, pewarah-warah danene, make cihna I raga nyalanang sasananing
pianak tur nyihnayang rasa bakti linggih dane, samaliha nenten dados tungkas, tulak ring sapatuduh
rerama.

Kaping kalih, sang maraga guru pangajian, boya ja wenten tios wantah para guru ring
sekolahan. Patut pisan taler nyinahang pangubaktin ring linggih ida, bilih-bilih I raga pinaka sisia
sakadi mangkin. Pangubaktin ragane marep ring linggih idane kalintang andep pisan yan imbangan
ring kalascaryan danene sueca ngicenin kaweruhan pinaka bekel nincapang kauripan kawekas ring
jagat puniki.

Sane kaping tiga, sang maraga guru wisesa, pemerintah kabaos sekadi mangkin. Sang sane
ngaryanin uger-uger, menawi yan ring desa pakraman kabaos awig-awig sane nyandang pisan tinutin,
duaning awig-awig sane kakardinin punika pinaka sasuluh sepat siku-siku rikalaning mapidabdab
ngamargiang parilaksana. Parilaksana nenten satata ngulurin indria, ngulurin manah, mapan ikang
manah tan adue tepi, doh para I raga prasida nginutin. Watesin manah punika, laksanayang antuk awig-
awig utawi atur-aturan, pinak cihna I raga subakti ring guru wisesa mangdane sinareng sami nemu
karahajengan lan kerta raharja.

Kaping pat, wantah ida sang maraga guru Swadyaya, Ida Sang Hyang Widhi Wasa. Wentene I
raga sakadi mangkin wantah sangkanin Ida sane ngicen pangurip, patut pisan I raga satata eling
mangubakti ring linggih ida, satata ngastiti nunasang mangda Ida satata ledang mapica karahayuan
karahajengan jagate sami. I raga para sisia patut pisan satata eling ring linggih Ida, malarapan antuk
teleb malajahang angga sane pinih utama tur sakala kaanggen cihna pangubakti ring linggih idane.
Mapan teleb malajah punika sampun marupa swadarmaning pinaka sisia. Ring Arjuna Wiwaha wenten
kabaos “Wyapi wyapaka sarining parama tatwa, durlaba kita” Ida Sang Hyang Widhi nyusup ring
sarwa bawa, taler pinaka sarining tatwa utama. Ring sajeroning malajah nyujur kaweruhan taler
kaanggen jalarang nyujur genah Ida Sang Hyang Widhi Wasa.

Ri tepengan panegara druene kabaos aor tan pawates utawi ngaranjing ring era globalisasi
puniki patut karasayang mugguing pengaruh wisatawan sane kaon makeh ngeranjing mawinan tata
krama kahuripan parajananesayan rered. Kauripan sane setata nguberin kasukan, kasukertaan, miwah
kekuasaan sering ngalaliang dresta sane ngutamayang pasuka-dukan miwah pasuitran sane rumaket
saha nginggilan kauripan magotong-royong, sagiik-saguluk saluung-luung sabayantaka.

Akeh anake maosang mungguing moralitas parajanane sampun sayan-sayan rered. Punika sane
mawinan jagat druene keni krisis moneter sane mawinan kantos mangkin sakadi rug jagate sami.
Pengangguran sayan ngakehang, piutang panagarane, miwah supermasi hukume nenten pastika. Punika
sane mawinan sayan rered kepercayaan rakyate ring pemerintah. Karasayang para pejabate akeh keni
krisis moral, setata ngeruruh kekuasaan saha nenten yukti-yukti kayun melanin rakyat. Kamanah antuk
titiang, menawi nenten tios pamargi sane patut titenin sajaba digelis mawilah ngelingan jati raga suang-
suang antuk nelebang daging ajahan agama sane prasida kanggen mikukuhin utawi ngrajegang budaya
baline sane pinaka unteng industri pariwisatane ring Bali.

Ida-dane miwah pamilet sinamian sane bakitinin titiang, mangkin ngiring kayunin, sapunapi
tata carane nyihnayang bhakti ring guru pengajian? Sane mangkin pacang aturang titiang napiindik
guru pengajina sane ngicen iraga peplajahan ring sekolah. Sane ngicenin iragakaweruhan sane makadi
ketah kaaturan dados sisia bakti. Yening manah antuk titiang, prasida iraga dados sisia state teteb
ngaruruh pengeweruhanne pinaka taler anggen dasar mangabakti ring guru pengajian. Pinaka sisia,
nenten pisan kapatutang tulak maricedamiwah nyakitin duaning asapunika kalanturang “Alpaka Guru”
sane mawasta dosa. Iragadados sisia patut nyinggihan kasor majeng ring guru pengajian.
 Wenten tetujoan ring guru pengajian punika nenten boya sios mangda iraga prasida ngamijilang
sisia sane prasida mewiguna majeng ring bangsa lan Negara. Lan prasidayang ngamijilang jadma sane
madue keweruhan miwah kawigunan sekadimangkin. Sisia patut nyane kalanturang ninutin sapituduh
guru pangajian. Yening sampun sakadia sapunika parindikan lan laksananne prasida pacang kapangguh
dagingtatujon guru pengajian mangda prasida ngawetuang jadma sane kaapti pamekas ring masyarakat
keluarga mangda nyarengin sane kaanut ring sumber daya manusia. Inggih para atiti sinamian sane
wangiang titiang, cutet daging pidarta sanekaaturan titiang punika, sane ngindikin mangda sisia majeng
ring guru pengajian. Tetujoniraga baktinin guru pengajian boya sios, mangdane pinaka sisia prasida
bakti tur nyinggihang sakadi ketah kalanturan “Hormat”. Mangda nyidayang singgih ring paraguru ring
sekolahan lan majeng ring guru wisesa inggih punika ring guru swadiaya utawiIda Sang Hyang Widhi
Wasa, sekadi sesenggakan baline “Buka Petapang ambenganemula dicerikne ia tanjep tur mangan”.
Inggih para atiti sane singgihin titiang, wantah asapunika sane prasida kalanturantitiang ring parindikan
Bakti Ring Guru Pengajian Boya ja patut aturang amplop sane medaging kertas mawar utawi cengkeh,
boya taler antuk ngaturang artabrana marupa emas, mirah miwah tetombokan. Para gurune sampun
ketah dados “Pahlawan tanpa tanda jasa” sane nenten naenan ngaptiang pangwales marupa artabrana.
Guru pengajian pacang rumasa bagia yening para muride kayun jemet melajah, nenten bolos, tertib,
rikala dane ngajahin, kayun jemet metaken yening nenten utawi durung ngerti, saha nenten naenan
piwal ring sapituduhnyane.

Inggih, makadi asapunika kawentenan prasida antuk titiang ngaturang, dumogi atur titiang wenten
pikenohipun, tur mawanti-wanti titiang nunas ngaturang geng rene sinampura ri pet wenten atur titiang
tan manut ring arsa tan nginutin sesuduk bahasa punika wantah riantukan kanambetan titiang kalintang.
Pinaka panguntat puputang titiang antuk parama santhi.

“Om Santhi, Santhi, Santhi, Om”