Dudonan acara

Pamahbah:
Om swastiastu. Om anobadrah kretawyantu wiswantah. Om sarwa karya prasida
sidantam. Dumogi pikayun sane becik rauh saking sagenah-genah, lan nuntun sajeroning
pemargi. Angayu bagia aturang titiang majeng ring Ida sang Hyang Widhi Wasa, duaning
sangkan pasuecan ida, titiang ping kalih ida dane sareng sami prasida macunduk mapupul
masadu ajeng ring galah lan genah sane becik puniki melarapan antuk kerahayuan lan
kerahajengan.

Swasti prapta aturang titiang ring ida dane para uleman sane sampun prasida rauh ring
acara Pasraman Pinaka Utsaha Nincapang Kapasitas Pamangku, Serati, Sutri, Prejuru Miwah
Baga-Baga Ring Desa Adat Biaung rahina mangkin ring suba dewasa Saniscara Wage, Wara
Tambir Tanggal Masehi 6 (Nem) April Warsa 2022 (Kalih Tali Kalih Likur).
1. Nunas Lugra Titiang Ngojah Papasih Ratu, Ida Rsi Bhujangga Arimbawa Puja Segara, Maka
Wakil Dharma Upapati Phdi Kabupaten Tabanan, Sane Meraga Suci Sane Banget Baktinin
Titiang, Sane Tepengan Mangkin Pinaka Narawakya Ring Acara Puniki.
2. Jro Mangku Lanang Istri Sareng Sami Sane Banget Singgihang Titiang.
3. Serati, Sutri, Prejuru, Lan Para Pamilet Sami Sane Tan Sida Antuk Titiang Nyarca Sane
Banget Wangiang Titiang.

Mungguing dudonan acara rahina mangkin inggih punika:

1. Pamungkah atur saking pangenter acara
2. Ngaturang puja pangrastiti/doa
3. Sambrama wacana saking Bendesa Adat Biaung sapisanan mungkah acara puniki.
4. Pangwedar daging sari-sarining pangweruhan olih narawakia sane kapertama
5. Masandekan
6. Pangwedar daging sari-sarining pangweruhan olih narawakia sane kaping kalih
7. Penyineb.
 Inggih, wantah kadi punika acara pasraman rahina sane mangkin, mogi-mogi sida ngicen
pikenoh sane mabuat turmaning dados anggen sasuluh sajeroning ngemargiang Dharma agama.
Titiang ngangganing prawartaka sami ngelungsung geng rena sinampura menawi wenten atur
miwah parilaksanan titiang sajeroning acara puniki nenten manut ring sajeroning pikayun,
duaning tan hana wong swastya annulus. Pinaka wasananing atur, puputang titiang antuk
ngaturang parama santih. Om Santih, Santih, Santih Om