Kelompok 2

Anggota Kelompok
1. Gabriellio Cahyo Dwi Putra Purwanto ( 01 )
2. Gusti Ayu Dhiza Anggreny ( 02 )
3. I Made Ferry Dwipayana ( 13 )
4. Kadek Ana Indah Kirana ( 19 )
5. Komang Yulia Febriyanti ( 21 )
6. Ni Ketut Desi Suarmini ( 25 )
7. Ni Made Gita Arsita ( 28 )
8. Ni Putu Cheril Septiana Padma Dewi ( 29 )

SIWARATRI

Nunas uratiang ida dane sareng sami,

Sadurung titiang matur atur ngiring sareng sami ngaturang panganjali umat
"Om Swastyastu"
Ring Ibu guru sane dahat kusumayang titiang, lan semeton sane tresna asihin titiang.
Pinih ajeng lugrayang rihin sareng sami ngaturang rasa angayubagia majeng ring Ida
Sang Hyang Widhi Wasa duaning sangkaning asung kerta wara nugraha Ida, iraga sinamian
polih kerahajengan sareng sami saha prasida mirengan "Dharma Wacana nginenin indik
rahina Siwaratri "
Santukan pamungkah acarane sampun kamargiang titiang mangkin ngelanturang ring
acara "Dharma Wacana" matur suksma majeng ring semeton titiang sane jagi ngewedaran
dharma wacana sane mawasta
1) yulia
2) desi
3) ana
4) cheril
5) gita
6) dhiza
7) gabriel
8) ferry
Sane mangkin ida dane pacang iring titiang mirengang Dharma Wacana sane
mamurda Siwaratri.
Inggih ida dane sareng sami, sampun pada pawikan, rahina mangkin Prawaning Tilem
Kepitu/Caturdasi Kresnapaksa Maghamasa, sane sampun kaloktah kawastanin Rarahinan
Siwa Ratri. Maosang indik Siwa Ratri, sampun kalumrah pisan ring pambiaran, duaning ida
dane umat Hindu pamekas, sampun ngalaksanayang sabilang warsa. Ring jagat Nusantarane
pamekas ring Bali, indik Siwa Ratrine punika, sampun dados unteng beblibagan ring
pasantian, mapiranti antuk Kekawin Siwa Ratri Kalpa, pinaka sastra Jawa Kuno, sane kekawi
olih Mpu Tanakung, ring Bali kabaos Kekawin Lubdhaka. Duaning makeh ida danene durung
cacep ring basa Kawi/Jawa Kuno, para pangawi Baline katah makarya kekawian marupa
Parikan Lubdaka, sane ngangge basa Bali Lumrah. Indike punika maka cihna umat Hindu
ring Bali oneng ring daging cakepanne punika.
Unteng dagingnyane wantah satua, satuan Sang Lubdaka. Sang Lubdaka punika
wenten maosang Sang Nisada, Sabara miwah Pulinda, sane mateges juru boros. Malarapan
antuk satuane punika, iring titiang ida dane sareng urati ring parindikan punika, ngiring rereh
suksemannyane, duaning sang Kawi waged pisan mingitang daging kekawianidane. Sang
Lubdhaka setata mamati-mati, himsa karma, ngamademang buron sane panggihipun.
Sangkaning nglaksanayang brata Siwaratri, sesampun padem atmanipune polih Swargaloka.
Yening matra-matra pikayunin sinah nungkalik ring ajah-ajah Karmaphala. Nanging yening
uratiang pisan, I Lubdhaka, ri sampun padem atmanipune sampun polih kasingse olih
Kingkara Balane, nampi pikolih himsa karmane, pamuput ipun polih genah suci Siwaloka.
Kasinahanipun iriki Ida Sang Kawi Wiku, Ida Mpu Tanakung, sinah madruwe tetujon sane
pingit, kangge ngetus pikayun ida danene mangda kayun ngamargiang ajah-ajahan agama
Siwaratri. Raris wenten ring pambiaran maosang brata Siwa Ratri, wantah pinaka : Malam
Peleburan Dosa. Indike punika patut rerehang pamargi pamatut, mangdane nenten ngirangang
unteng sukseman Siwaratrine.
Ainggih ida dane sareng sami sane wangian titiang iwau sampun kawedaran dharma
wacana sareng semeton titiang nginenin indik rahina siwaratri sane mangkin galah aturang
titiang indik sesi tanya jawab durusang semeton sane jagi metaken utawi ngewewehin galah
titiang sukserahang.
Inggih suksema, sane mangkin petaken punika jagi kacawis sareng semeton titiang
antuk galah titiang durusang.
Inggih ida dane sareng sami sane mangkin dharma wacana sane sampun kawedaran
jagi cutetan sareng semeton titiang, galah titiang durusang.
Ainggih, wantah asapunika sane prasida aturang titiang ring rahinane mangkin,
yening wenten atur titiang iwau nenten manut ring kayun semeton sareng sami titiang nunas
pangampura, puputang titiang antuk paramasanthi.
Om Santhi, Santhi, Santhi, Om.

Kesimpulan
Siwalatri inggih punika upacara umat Hindu sané kalaksanayang nyabran warsa
anggén mikélingin rahinannyané Ida Sang Hyang Siwa. Upacara puniki taler kabaos
padmarajaratri. Wénten taler sané maosin pinaka Maha Siwaratri. Siwaratri maartos pinaka
rahina Bhatara Siwa mayoga. Upacara puniki kagelarang nyabran warsa ring purwaning
Tilem utawi panglong ping 14 sasih Kapitu. Saantukan punika, umat Hinduné
ngalaksanayang parikrama-parikrama sané matetujon anggén nyuciang raga, ngulengang
pikayun ring Ida Bhatara Siwa pinaka utsaha ngeret indria mangda sayan éling ring
kasujatian urip.