Makarya Dharma wecana

Mangda alit-alit dangan makarya dharma wecana, karyanin dumun bantang-bantang dharmawecana
madasar antuk wangun Dharmawecana.
1. Selehin tema sane kanggen nganutin Agama soang-soang (Sesuaikan dengan Agama masing-
masing)
2. Karyanin murda manut tema punika,
TETUJON MABUSANA ADAT YENING NGERANJING KA PURA

3. Pamahbah Pidarta
a) Matur suksema ring pangenter acara
Matur suksma majeng ring pengater acara, antuk galah sane becik puniki kapicayang ring
titiang.

b) Pangastuti/pangastawa (salam pembuka)

Ibu Guru ngajar Bahasa Bali sane wangian titiang miwah para sameton sane tresna sihin
titiang “Om Swastiastu”
c) Pangayubagia majeng ring Tuhan Yang Maha Esa
Bapak Guru sane wangiang titiang, tur timpal-timpal sane tresnain titiang, ngiring sareng-sareng
ngaturang puja pangastuti ring Ida Sang Hyang Widhi Wasa.
d) Pangaksama ring para uleman lan pamilet utawi pamiarsa
Saantukan antuk kerta waranugrahan Ida, Iraga sareng sami prasida kacunduk ring galahe
mangkin.
e) Nyinahang angga sang dharma wacana
Ri kalane puniki, titiang pacang ngaturang dharma wacana indik “Tetujon Mabusana Adat Yening
Ngeranjing ka Pura.”
f) Nguningayang murda dharma wacana majeng ring para pamiarsa
Bapak Guru tur timpal-timpal titiang sane wangiang titiang, kaping pisan, Iraga sareng sami patut
uning punapi Pura punika. Kruna Pura ngawit saking basa Sansekerta, sane tegesipun benteng.
Pura inggih punika genah suci umat Hindu ngelaksanayang swadharma magama, sekadi
ngaturang bakti ring Ida Sang Hyang Widhi Wasa, prabhawan Idane, tur Atma Siddha Dewata
utawi atma suci kawitan.
 Daging Dharmawecana
a) Nlatarang teges ring murda utawi tema manut kamus utawi pustaka suci lianan (menurut
kitab suci atau pustaka suci Agama masing-masing)
Kegunan Pura inggih punika sekadi genah kaanggen mabakti ring Ida Sang Hyang Widhi,
mapagubugan, tur ngekehang keterampilan teknis, minakadi keterampilan mebanten, mejejaitan,
megambel, miwah sane lianan.

b) Nlatarang pikobet sane wenten ring kahanane mangkin

Bapak Guru tur timpal-timpal titiang sane wangiang titiang, napi ngawinang Iraga sareng sami
patut mabusana adat yening ngeranjing ke Pura? Busana adat inggih punika busana sane
kaangge olih krama Bali ngelaksanayang upacara adat lan agama.
c) Nguningayang pangimbang-imbang (solusi) antuk pikobet punika nganutin daging
pustaka suci
Iraga sareng sami patut nganggen busana adat yening ngeranjing ka Pura, awinan busana adat
punika karasayang rapi, becik, suci, tur patut kaanggen ngeranjing ka Pura olih krama Hindu Bali.
Yening Iraga sareng sami nenten nganggen busana adat, Iraga sareng sami pacang karasayang
kirang patut ngeranjing ka Pura olih anak sane lianan.
Awinan punika, Iraga sareng sami sekadi umat Hindu Bali sane bakti ring agama lan budaya
Hindu Bali, sepatutnyane nganggen busana adat Bali sane kedas, rapi, lan suci yening
ngeranjing ka Pura. Tetujonne, nyaga etika mabusana tur nyaga mangda busana adat Bali tetep
tileh asri.

Pamuput Dharmawecana
a) Nyutetang daging dharmawecana punika
Inggih asapunika dharma wacana sane kaaturin titiang.
b) Matur suksema antuk uratian pamiarsa
Dumogi wenten pikenohnyane ring arsan sameton sami tiang maatur sukseme.
c) Nunas pangampura antuk kaiwangan maatur-atur
Titiang nunas pangampura ring Bapak Guru lan timpal-timpal titiang sareng sami, yening wenten
ring atur titiang sane nenten manut ring arsa sareng sami.
d) Parama santih
Panguntat atur titiang, titiang sineb antuk parama shanty. Om Shanti, Shanti, Shanti, Om

4. Yening sampun makarya bantang dharmawecana, alit-alite mangda nglimbakang lan nlatarang
daging dharma wacana antuk basa sane manut ring anggah ungguhing basa Bali. Uratiang taler
sasuratannyane mangda nganutin Ejaan Basa Bali Latin (EYD Basa Bali Latin) !
Rahajeng Makarya
 TETUJON MABUSANA ADAT YENING NGERANJING KA PURA

Matur suksma majeng ring pengater acara, antuk galah sane becik puniki kapicayang
ring titiang. Ibu Guru ngajar Bahasa Bali sane wangian titiang miwah para sameton sane
tresna sihin titiang “Om Swastiastu”. Bapak Guru sane wangiang titiang, tur timpal-timpal sane
tresnain titiang, ngiring sareng-sareng ngaturang puja pangastuti ring Ida Sang Hyang Widhi
Wasa. Saantukan antuk kerta waranugrahan Ida, Iraga sareng sami prasida kacunduk ring
galahe mangkin. Ri kalane puniki, titiang pacang ngaturang dharma wacana indik “Tetujon
Mabusana Adat Yening Ngeranjing ka Pura.”. Bapak Guru tur timpal-timpal titiang sane
wangiang titiang, kaping pisan, Iraga sareng sami patut uning punapi Pura punika. Kruna Pura
ngawit saking basa Sansekerta, sane tegesipun benteng. Pura inggih punika genah suci umat
Hindu ngelaksanayang swadharma magama, sekadi ngaturang bakti ring Ida Sang Hyang Widhi
Wasa, prabhawan Idane, tur Atma Siddha Dewata utawi atma suci kawitan.

Kegunan Pura inggih punika sekadi genah kaanggen mabakti ring Ida Sang Hyang Widhi,
mapagubugan, tur ngekehang keterampilan teknis, minakadi keterampilan mebanten,
mejejaitan, megambel, miwah sane lianan. Bapak Guru tur timpal-timpal titiang sane
wangiang titiang, napi ngawinang Iraga sareng sami patut mabusana adat yening ngeranjing
ke Pura? Busana adat inggih punika busana sane kaangge olih krama Bali ngelaksanayang
upacara adat lan agama.Iraga sareng sami patut nganggen busana adat yening ngeranjing ka
Pura, awinan busana adat punika karasayang rapi, becik, suci, tur patut kaanggen ngeranjing
ka Pura olih krama Hindu Bali. Yening Iraga sareng sami nenten nganggen busana adat, Iraga
sareng sami pacang karasayang kirang patut ngeranjing ka Pura olih anak sane lianan.
Awinan punika, Iraga sareng sami sekadi umat Hindu Bali sane bakti ring agama lan budaya
Hindu Bali, sepatutnyane nganggen busana adat Bali sane kedas, rapi, lan suci yening
ngeranjing ka Pura. Tetujonne, nyaga etika mabusana tur nyaga mangda busana adat Bali
tetep tileh asri.

Inggih asapunika dharma wacana sane kaaturin titiang. Dumogi wenten pikenohnyane ring
arsan sameton sami.Titiang nunas pangampura ring Bapak Guru lan timpal-timpal titiang
sareng sami, yening wenten ring atur titiang sane nenten manut ring arsa sareng sami.
Panguntat atur titiang, titiang sineb antuk parama shanty. Om Shanti, Shanti, Shanti, Om.