INDIKATOR Kompetensi dasar Dharma wercana:

1. Membaca teks dharma wacana

2. Mengidentifikasi kerangka dharma wacana berbagai upacara
3. Menyusun isi pokok kerangka dharma wacana suatu upacara
4. Menerangkan cara membuat naskah dharma wacana

Teges Dharma Wacana

Dharma wacana inggih punika wacana sane madaging indik ajahan agama sane
kabaktayang ring umat Hindu manut ring kahanan, bantang, wangun jenis karya
keagamaan, genah, galah/kala, lan patra.

Ring agama Hindu kabaos Dharma wecana

Taler wenten ring agama siosan kawastanin kotbah, siraman rohani utawi sane lianan.

Tetujon Dharma Wacana

Tetujon maktayang Dharma Wacana inggih punika:
1.    Anggen nambahin kaweruhan
2.    Nelebang ajaran agama
3.    Ngamargiang paindikan agama, masyarakat (warga), bangsa, lan Negara.

Basa Dharma Wacana

Dharma wacana sane becik sapatutnyane nganggen bahasa sane becik, tan
rumit, lan tan nganggen istilah-istilah asing.

Widangan Dharma Wacana

Widangan Dharma Wacana inggih punika:
1.    Pamahbah
Ring pamahbah madaging:
-Panganjali umat
-Matur suksma ring pengenter acara
-Ngastiti bhakti majeng ring Ida Sang Hyang Widhi
-Matur suksma antuk galah sane kaicen antuk madharma wacana
-Nguningayang murdha lan nguningayang raga (memperkenalkan diri)
2.    Daging (isi/materi)
Madaging materi dharma wacana sane manut ring bantang.
3.    Pamuput
-Pamuput madaging napi sane jagi kaaptiang ring acara punika lan madaging
reringkesan indik napi sane katlatarang.
-Nunas ampura antuk kaiwangan atur
-Matur suksma antuk uratian
-Parama Shanti
Binan ring Dharma Wacana, Sambrama Wacana, lan Pidarta
-Bantang sane kaanggen ring pidarta punika kahanannyane jimbar (umum)
-Sambrama wacana kaangge ritatkala nyambrama tamiu. Bantangnyane kanutan
ring karya sane kamargiang
-Dharma wacana bantangnyane indik ajahan agama
-Tetujonnyane mabinayan. Tetujon pidarta inggih punika mangda sang sane
kabaktayang pidarta punika kayun ring napi sane kapidartayang. Tetujon
sambrama wacana inggih punika anggen nyambrama tamiu. Nanging tetujon
dharma wacana inggih punika mangda sang sane mirengang punika kayun ring
indik agama lan mangda sane mirengang marasa liang.

Patehnyane ring Dharma Wacana, Sambrama Wacana, lan Pidarta

Bantangnyane kanutan ring parikrama sane kamargiang
Madaging purwaka, daging, lan pamuput
Tata caranyane ngaturang pateh sakadi maktayang pidarta

Conto murdha
1. Dharma wecana
-Tata cara nglaksanayang upacara hari Saraswati
-Subakti ring catur guru
-Swadarmaning sisya
Msl.
2. Sembrama wecana
-Dudonan upacara metatah
-Sembrama Bupati ring acara wanti warsa desa
-Sembrama Kepala Sekolah ring Hut sekolah
Msl.
3. Pidarta
-Baya nganggen narkoba
-Nglestariang seni lan budaya Bali
-Bali pulo pariwisata druene patut katami
Msl.

Mangkin cawis pitaken sane wenten ring kolom pertanyaan