AWIG-AWIG

KRAMA DADYA TAMAN SARI

SUSUAN

KELURAHAN KARANGASEM
KECAMATAN KARANGASEM
KABUPATEN KARANGASEM
 DAGING AWIG-AWIG
KRAMA DADYA TAMAN SARI

PEMAHBAH
SARGA KA PERTAMA
Ketatwan Purwaka
SARGA KA PING KALIH
Dasar Miwah Tetujon
SARGA KA PING TIGA
Sukerta Tata Pekraman
PALET 1
Indik Krama Dadya
Indik Prekanggen Dadya
Indik Pemangku
PALET 2
Indik Sungkepan Lan Petedunan
SARGA KA PING LIMA
Indik Duwen Dadya, Miwah Paolih-Olih Dadya
SARGA KA PING LIMA
Sukerta Tata Pawongan
SARGA KA PING NEM
Sukerta Pura Dadya
SARGA KA PING PITU
Sukerta Tata Agama
Indik Cuntaka
SARGA KA PING KUTUS
Nguwah Nguwih, ngentosin Awing-awig Miwah
Paswara Pemutus Parerem
Indik Pemindandahan
SARGA KA PING SIYE
Pemuput
 PEMAHBAH
Om Awighnamastu,

Maka pamungkah mengguwing kawentenan prasistana puniki wyakti pinaka

bukti pemargi para lelangit sane tan nyandang pacang boyanin malih, patut mangda
uningin minakadi hincepang ring kahyun, pidabdabin saha limbakang sajroning
pahiketan pasemetonan sane sampun mula rajeg saking katama turun temurun punika
kebawos pedadyan.

Melarapan antuk uning minakadi teleb pekayunane mantuka ring pemargin

para lelangit saking pengawit wentene ring Bali sane kinucap Kawitan, wyadin
pedadyanan, punika pacang ngawetuang kahyun ngutamaang astiti bhakti ring Ida,
taler kaupadiyang pisan mangda kasiddan nurud salwir pemargin Ida sane becik, sane
patut nyandang anggen ugel', sipat siku-siku sajroning maurip prati sentana trus
tumus rauh kaungkur sajroning dadia. Malih yan sampun tatas uning ring kawitan,
pengaptine sinah pacang kasidan ngalimbakang nglaca-laca miwah ngerajegang
pehadungan kalih pahiketah pasemetonan maka larapan mangda dangan pacang
ngulati tetujone gumanti sajeroning tunggal dadya.

Dwaning asapunika, tetujon pacang nyujur mangda kasidan kadi sane kinucap
ring ajeng, punapi malih warga prati sentanan Ki Tutuan sampun wredhi ngelimbak,
awanan mabuat pisan ngewangunang awig-awig miwah paswara, sane nyandang
anggen uger sepat siku-siku sajeroning mapanglaksana manut ungguan ring Desa
Pekraman Susuan, minakdi sajeroning pasemetonan sane kasinanggeh Pratisentanan
Ki Tutuan maka sami, mangda sidda kapanggih tatujone mautama.

Awanan melarapan sangkaning asung kena waranugraha Ida Sang Hyang

Widhi Wasa minakadi Ida Bhatara Bhatari Kaw'itan, kasiddan ngaripta lekita pinaka
uger-uger pasemetonan, selantur ipun kewastanin Awig-Awig Krama Dadya Taman
Sari, Susuan.
 SARGA KA PERTAMA
KATATWAN PURWAKA

Pawos 1
Pangemong Pura Dadya utawi Pura Paibon Taman Sari, Susuan, selantur ipun
kcbawos krama dadya utawi warga dadya, wantah pratisentanan Ki Tutuan minakadi
munggah nyungsung ring Pura Kawitan utawi Pedarman, inggih punika ring Pura
Bukit Buluh Klungkung.

Pawos 2
Dadya pasemetonan prati sentana Ki Tutuan pinaka genah pesayuban kalaning suka
duka. magunita ngulati kerahayuan, maka wahana ngewredhiang kasusrusan kahyun
ngaturang ayah, dharma bhakti ring leluhur, ngawibuhang dharma agama miwah
dharma negara.

SARGA KA PING KALIH

DASAR MIWAH TATUJON

Pawos 3
Pinaka dasar pasemetonan pratisentanan Ki Tumen. sajeroning Dadya Taman Sari.
Susuan wantah Tatwa Hindu Dharma.

Pawos 4
Munggwing tatujon pasemetonan pratisentanan Ki Tutuan, sajeronig Dadya Gunung
Sari, Susuan, kadi ring sor puniki :
1. Ngalimbakang saha ngukuhang pemargine mapasemetonan sajeroning
katurunan tinggil wetune saking Ki Tutuan, gumanti mikukuhang sajeroning
semeton tunggi dadya.
2. Ngulati kelanggengan pehadungan pahiketan krama dadya, maka larapan
sumayan wredhi kasusrusan hidepe ngaturang ayah miwah dharma bhakti
majeng ring leluhur.
3. Midabdabin saha ngalimbakang katulusan kahyun mapitulung sajeroning
krama dadya, pacang ngupadi kelanduhan sekala niskala, ngerajegang tri kaya
parisudha, pinaka sarana ngawibuhang hidepe susrusa ngaturang ayah hastiti
bhakti majeng ring betara kawitan.
 SARGA KA PING TIGA

SUKERTA TATA PEKRAMAN

Palet 1

INDIK KRAMA DADYA

Pawos 5

Sane kebawos krama dadya, warga dadya Taman Sari, Susuan wantah pratisentanan
Ki Tutuan ring dija hugi megenah, kantun manggeh nyungsung Bhatara ring Dadya
Taman Sari, Susuan, minakadi manggeh nyungsung Bhatara ring Pura Kawitan utawi
Pedarman, inggih punika ring Pura Bukit Buluh Klungkung.

Pawos 6

Pepahlihan krama Dadya Taman Sari, Susuan, inggih punika Krama dadya sane
nekeh magenah ring wewidangan Desa Pekraman Susuan, miwah krama dadya sane
magenah liwaring Desa Pekraman Susuan, nanging kantun makrama desa maayah-
ayah saurah-arih ring Desa Pekraman Susuan.

Pawos 7

Ngawit tedun mekrama dadya, nyada, minakadi usan mekrama dadya kadi ring sor.

1. Ngawit tedun mekrama dadya :

ha. Krama dadya sane mewed kalih jenek magenah ring wawengkon Desa
Pakraman Susuan, mipil ring dadya, melarapan antuk tateragan dadya
wire sampun bulangkep, tur sampun puput widhiwidana pawiwahan sane
kapuput antuk sang sampun ka dwijati, yogya ngeranjing mepayahan ring
Jadya.
na. Krama dadya wed saking dadya Taman Sari, matinggal kadura desa,
wastu malih mewali ke Desa Pakraman Susuan :
1. Yan sangkaning rahayu kalih saking palugran prajuru dadya
patinggale nguni, wenang mewali mipil ring dadya, nanging patut
nawur pangepok akeh ipun manut perarem.
2. Yan tan saking becik patinggale nguni, yogya prajuru dadya sane
katuju ngatengahang babawos ka dadya, mangde kabawos antuk
prajuru dadya, yan tan katinutin tatepasan prajuru dadya punika patut
nawur pangepok akeh ipun manut perarem tur macihnayang antuk
 maguru piduka ring Pura Dadya Taman Sari, prasiddha kalugra
pinaka krama dadya Taman Sari, Susuan
2. Wusan makrama Dadya melarapan antuk :
ha. Seda
na. Sangkaning pinunas ngeraga saha polih palugrahan prajuru dadya
ca. Teduh utawi tilar saking agama hindu
ra Sangkaning sampun mayusa 70 warsa, tur wenten pinunas nyada
saking sang pacang nyada.
3. Swadarmaning krama dadya lwir ipun :
ha. Krama dadya ngamongin hemponan sane katami ngaci-aci ring pura
dadya metata turun cumeh, mepayaahan saurah arih, nyanggra seraja
karyan dadya.
na. Krama Dadya ring duran desa, yognya ngaturang pinahub ke dadnya
ngemasa-masa senangken rahina galungan gung arta manut pemutus
pererem, minakadi ngaturang dana pawangunan, ritatkala dadya
mepewangun, ngayum wewangunan sane pawangunan, ritatkala dadya
pewewangunan, ngayum wewangunan sane kadruwe antuk dadya
gung arta manut paswaran paruman.
ca. Krama dadya samian yogya satutur ring daging awig-awig Krama
Dadya Taman Sari Susuan, paswaran miwah pamutus parerem dadya,
ngutsahayang mangda kasidhayang mapikolih sakadi patitis tatujon
dadyane kinucap ring hayum, tumus mamangguhin kajagadithaning
praja.
ra. Yan wenten sinalih tunggil krama dadya seda, sakewenten kantun
madue swadarma naur utang piutang majeng ring Dadya, wenang
utang punika keatur antuk sentanan ipun.
4. Pala Pheksaning Krama Dadya :
ha. Krama Dadya samian yogya polih pasayuban wiyadin pangoban
saking dadya salwiring wicaranya yogya kabawosang antuk prajuru
dadya manut tata titining wicara.
na, Krama Dadya