PUPUH SINOM

1. RING RAHINA SANISCARA

2. WUKU WATUGUNUNG NGUNI

3. PUNIKA RAHINAN IDA

4. IDA SANG HYANG SARASWATI

5. DEWAN KAWERUHAN SAMI

6. SANE NGARDI JAGAT IKU

7. MANUT RING SUNDARI GAMA

8. SAKTINNYA HYANG BRAHMA MURTI

9. URIP IKU

10. SASTRA LUWIH KASINURAT

1
1. SEMBAH PANGUBAKTI TITIANG

2. RING IDA HYANG PRAMA KAWI

3. SANG HYANG SARASWATI PUJA

4. SWECA RATU MANYUNARIN

5. MANAH TITIANG MIASA KERTI

6. MALARAPAN TEMBANG KIDUNG

7. SATSAT TEKINE AKUPAK

8. YENING RATU MANYUECANIN

9. NUNAS SULUH

10. MANAH TITIANG SIDA GALANG

2
1. YENING IDA SANG BRAHMANA

2. PIAGEME KASUNGKEMIN

3. YOGYA MELAJAH MAHOMA

4. PATUT MAPAWENEH MALIH

5. PAICA ATURAN LUWIH

6. SENENG MASUCIAN LAUT

7. NGAJAH LAN DADOS NAYAKA

8. SANG MAHOMA LAN SAMADI

9. YOGYA KAYUN

10. NAMPEN PAICA HATURAN

3
1. BRATAN IDA SANG BRAHMANA

2. RORAS KATAHNYA SUJATI

3. BACAKAN IPUN PUNIKA

4. DHARMA SATYA TAPA HRIH

5. WIMATSARITWA DRTHI

6. TITIKSA LAN DANA MILU

7. DAMA MIWAH ANUSAYA

8. KSAMA TALER MENYARENGIN

9. JANGKEP SAMPUN

10. BABRATAN SANG BRAHMANA

4
1. SINOM ANGGEN JUMUN TEMBANG

2. NEMBANGANG PITEKET PUNIKI

3. KETUSAN KARYAN SANG WIKAN

4. KAHATUR RING TRUNA TRUNI

5. MIWAH PARA ALIT-ALIT

6. DUMADAK KAYUNNYA CUMPU

7. NELEBANG NGANGGO PANGANCAN

8. NYUJUR HIDUP MAHUTAMI

9. LAMPAH ANUT

10. RING KECAP SASTRA AGAMA

5
1. PATUTE NUMADI JADMA

2. SANUNE CENIK GELITIK

3. MALAJAH MANGULIK SASTRA

4. ANAKE LINGSIR TUNASIN

5. SAKANDAN TUTURE LEWIH

6. KOTAMANE JRONING HIDUP

7. MANUSANE KADI LALANG

8. TAJEP SAHENUNE CENIK

9. DADI PUNTUL

10. TUR BINGUNG YAN SUBA TUWA

6
1. DABDABANG MALU DABDABANG

2. MUNGPUNG RAGANE NU CERIK

3. MALAJAH NINGKAHANG AWAK

4. DARMA PATUTE GUGONIN

5. EDA PATI IRI HATI

6. DULEG TEKEN ANAK LACUR

7. EDE BONGGAN TEKEN AWAK

8. LAGUTE KAUCAP RIRIH

9. EDA SUMBUNG

10. MANGUNGGULANG AWAK BISA

7
1. KADI SARAT MANAH TITIANG

2. YENING IDA DANE LALI

3. MARING SENI BUDAYA BANGSA

4. ADAT AGAMA NE MALIH

5. SANJATANE PINIH SAKTI

6. SANDANG PISAN SUNGSUNG SUWUN

7. MANGDA BALI NE MESINAR

8. KITAB LONTAR LUWIH LUWIH

9. ANGGEN NUNTUN

10. ALA AYU MANGDA SINAH

8
1. ANTUK LIANG MANAH TITIANG

2. NGATURIN SUKSMENG HATI

3. TITIANG NISTA LINTANG TUNA

4. PANGKAH PURUN MENGATURIN

5. SANE ONANG GITA SANTHI

6. MOGI WIAKTI NEKEN KAYUN

7. RASA GALANG MANAH TITIANG

8. KADI RATIH KALA WENGI

9. NGAWE TEDUH

10. SIDA MENGATURANG GITA

9
1. ATUR TITIANG RING SESAMA

2. UTAMANE RING PARA SANTI

3. MARING PULAU DEWATA

4. DASAR KAYUN SAKING JATI

5. SUBAKTI RING SANG HYANG WIDI

6. DIASTUN ANTUK MAKEKIDUNG

7. LANTURANG LAKSANA MELAH

8. SARAHINA YA MABUKTI

9. SAT PEMUCUK

10. DADI TATULADAN JAGAT

10