PUPULAN KIDUNG SAKRAL

KHAS DESA ADAT PAKRAMAN PEDAWA

OLIH

PASRAMAN KILAT
DESA ADAT PAKRAMAN PEDAWA
KECAMATAN BANJAR
KABUPATEN BULELENG
TAHUN 2013

Khas Desa Adat Pakraman Pedawa |1

2 | Pupulan Kidung Sakral
 PURWANING ATUR

Om Swastyastu,

S
angkaning Asung Kerta Wara
Nugraha Ida Sang Hyang Widhi
Wasa, tityang Panitia Pasraman Kilat
Desa Adat Pakraman Pedawa Warsa 2013
presida mupulang kidung kidung sakral
lanang lan istri sane ketah mangge ring
Desa Adat Pakraman Pedawa luire ring
sajeroning panca Yadnya.
Kidung puniki kekutip saking
tetamian leluhur sane wenten ring Desa
Adat Pakraman Pedawa, mangda side
tetep ajeg tur kelestariang olih Krama
sareng sami
Khas Desa Adat Pakraman Pedawa |3
 Sapunika daging atur pemahbah
tityang, tuna langkung antuk tityang
nyuratang tan lali tityang ngelungsur geng
rena sinampura

Om Santhi, Santhi, Santhi Om

Pedawa, 28 Desember 2013

Kelian Desa Adat Panitia Pasraman Kilat

Pakraman Pedawa Ketua

I Gede Mulia Nyoman Subaga

4 | Pupulan Kidung Sakral

 KIDUNG

I. KIDUNG WARGA SARI

1. Sang kakung
Lunganya sendu
Jangga wari, kampuhe
Mesabuk dewangga halus
Naga soca,lan kerise
Sumpang tunjung tutur
Ningarukya, suweng papelik
Tansyah ceti titiang mangiring
Praptining, ayuning darma, warga sekar
Pepek pancoran suci

2. Sampunang I ratu sendu

Sinampura, parekane lintang dusun
Lengis murub wang jero puri
Makekota nyineb kori
Reregang lelangsene
Apang ica I dewa turun
Dong medal ke jaba bali
Khas Desa Adat Pakraman Pedawa |5
3. Mamedek di Pura Agung
Mingkaliang, lanang wadon
Masekar kedapan geninjring
Miwah anggrek sasih, mungguing gelung
Kadi bintang duur gunung
Tuhu rupaniya ngererawit
Sekadi raras anak anaku
Sekadi bintang siange
Tuhu rupaniya dewi ratih
Solahnya ngeraras alon
Sami membah huwus niya matur

4. Pepek penangkilan sampun

Sumusana, putus mangko
Miwah sumuning reratih
Tan piraning baktinin ipun
Memedek di pura agung
Baktine tan sipi – sipi
Kalih lan wong istri kakung
Miwah papendetane
Kalih lan juru ukir
Sareng lan juru song – song
Kaping arep juru tayung
6 | Pupulan Kidung Sakral
5. Mamedek nindyang atur
Sumusana putus mangke
Matur canang burat arum
Mirik sumirit gegandane
Kalih lan kukus arum
Nyembah nyumbah, niya ke pura
Maruntutan sajeng sari
Luwih ukiran madu niya
Awor lawan burat arum
Kahineng keciran gendis

6. Puput seaturan ipun

Malih pinunase
Turun dewa ratu agung
Menyelehin parekane
Matur canang burat arum
Kaulane nindyang bakti
Yening menawi sisip
Durusang sinampura
Parekane lintang dusun
Kalih lan juru ukir
Khas Desa Adat Pakraman Pedawa |7
7. Sesayut tumpeng taluh
Bekakak ayam ijo
Sesayut datuka silir
Jangan suwaih peneka guru
Kacang komak sudang taluh
Lan penyeneng di sanggah urip
Beras wakulan lan tetenung
Masusun jinah satak selae
Canang gantal burat wangi
Beras taning lan wohwohan
Kelawan pipis lima likur

II. KIDUNG RATU DALEM

1. Ida Ratu Dalem Mas Majapahit
Putran Ida Mas Manik Subandar
Kalih Dalem Madura reke
Ida katuran turun, memacekin Pulo Bali
Apan ida kawitan jawa
*Ida ratu Ayu, mas manik subandar
Mayoga, kalih dalem Madura sakti
Apan ida ngayatang lunga

8 | Pupulan Kidung Sakral

2. Ida ratu Ayu manik subandar luwih
Raris Ida ngerangsuk busana
Mesinjang sutrane tangi
Mawastra sutra aun-aun
Mapepetet sutra ratna
Maselendang sutra dadu, sinusunan
sutra jingga
Malin alin
Masoca mirah luwih
Windu sara mutiara

3. Magelung kurung tur masekar taji

Masekar mas mahuncak-huncak kombala
Mapetitis geninjringe
Masekar cempaka lan tunjung dadu
Masigelan mas jawi
Masekar mas macerancang
Ida ratu Ayu, sampun wusan
ngrangsuk busana
Kadi Hyang ratih warnane
Wawu mijil
Kerangan menyari surya

Khas Desa Adat Pakraman Pedawa |9

4. Ida ratu Dalem Madura Sakti
Raris ida ngerangsuk busana
Makulambi luwir mase
Makampuh sutra murub
Mawastra sutra kuning
Mapepetet sutra mawarna
Nyungkelit keris landeyan danti,
urangkane mas maprada
Malin-alin masoca mirah luwih
Mirah gading, madester mas
macerangcang

5. Masekar tunjung mas ngerawit

Pinggel kana masoca luwir muncar
Kadi Hyang samara warnane
Sampun Ida Huwus matur
Ring yayah ibu sami
Mejajar kadi ring wayang
Yayah ibu sami, ingsan amatra pulo
jawa
Sinareng, kakang manik subandar luwih
Raris Ida matur sembah

10 | Pupulan Kidung Sakral

6. Duh pakulun yayah ibu mangkin
Ingsun metilar ring gumi jawa
Yen enak ingsun lampahe
Ring Pulo Bali Umungguh
Yayah ibu sami
Ring Bali memacekin
Yayah ibu mangke, aje sire masuwe
ring pulo Bali
Tumuli sira silunga
Raris ida lumampah

7. Huwus Ida ngiyangin sang kekalih

Ida ratu ayu manik subandar
Ratu jawa ida nyarengin
Rarontek lan umbul-umbul
Pajeng robrob lan pajeng kuning
Talempak lan tamiyang
*Mangumangu Ida memargi,
Ngelinggihin joli mas ngerawit
Pemargine tungtung tangis
Suryake wanti-wanti
Gong kulkul kamuredeg
Geger lan baris diarepan
Khas Desa Adat Pakraman Pedawa | 11
III. KIDUNG ANGLUNG SMARA
1. Anglung smara lampah ira lumaris
Manjing wana, tumuruning jurang
Tan kitung suket margine
Andarung lampah ipun
Wenten tirta kadulu asri
Metu saking parangan
Kandeg lampah ipun
Tumuli arsa masiram
I Anglung smara amujiaken Hyang widi
Tumurun dane asiram

2. Huwus asiram lampahniya angradin

Tan areren lampahnya amurang
Kalunta lunta lampahe
Wenten petapan katemu
Petapane asri angrawit
Gopuranya jimbar
Kutaniya agung
Ancak saji mungguwing jaba
Candi bentar ring ukir-ukiran sami
Murub tan pendah luwir swargan

12 | Pupulan Kidung Sakral

3. Tetanduran reke cempaka wilis
Mungguing jaba
Lan Angsokaliman
Kemuning lan tunjung reke
Pada anedeng santun
Kumbang ika sami angrengih rengih
anarih sarining sekar
Umung suaran ipun
Luwir kakung lan wadunia
Ring pamereman
Nangis angrengih rengih
Dewa sahur rinabasa

4. Tetanduran reke tuhu angerawit

Tetandurane sarwa sekar
Cempaka jingga lan pinge
Jempiring lan tunjung tutur
Lan angsoka pada angrawit
Kemuning lan sridanta
Lir gilo lan menuh
Gambir melati lan mayang mekar
Angsana lawan sulastri
Parijata lan pakyulan
Khas Desa Adat Pakraman Pedawa | 13
IV. KIDUNG BASANTA TILAKA
Kawitin nyeraca Kidung Wargasari bait I

1. Akweh tekapnia rumuat brata Pandu

Putra
Lunghang dinakara, ginanantyan
ikang çaçangka
Tamtam maninghali wilasanikang
surastri
Oyut mahanuluhi les sumilib
kameghan

2. Luwirnyan kedo mulati gatra sang

arya partha
Mingmang mamancana kabancana
deni kungnya
Maryanaha angidungngidung humirib
laranya
Tunggal makangsi makecap mametik-
metik jong

14 | Pupulan Kidung Sakral

3. Wewanten manyumbana pudak
ginuritnya partha
Ndan suswa suswani kinolnya hanan
liningling
Rakryan wedintatanakun lewu
pangawista
Heman kita bapa niragraha masku
lingnya

V. KIDUNG ALIS – ALIS IJO

1. Mulaning agung wiring rong
Kawirage kagimbong
Kawelas hyun
Hana diah anonton gending
Hana diah acarana
Rupania listu ayu
Pepek denia anganggo-anggo

Khas Desa Adat Pakraman Pedawa | 15

16 | Pupulan Kidung Sakral
 TANDAK

I. RAKSA NGANTEN
1. Raksa nganten
Siring Dewa
Ambal laku suka sugih
Apa adan kayune
Kayu mas kayu puring
Ngalap kayu ngawe umah
Pang sadya rahayu sambil aumah
Apa adan pelawane
Nurati tunjung biru
Suryak Ook, Suryak Ook, Suryak Ook

II. TAKSU
2. Pengakan taksu
Ambal laku suka sugih
Ipun lunga kija
Luas kundangan
Kija ipun kundangan

Khas Desa Adat Pakraman Pedawa | 17

 Ke Mas majapahit
Napi linggih ipun
Ngelinggihin jong perahu
Napi karyanang ipun
Ngaryanang sampyan Mas
Napi tatakan ipun
Selaka mas gading
Napi uncal ipun
Alin-alin sedek di kaci

III. NGIDER BUANA

3. Amuja siring sumadri
Amuja mupu sarinin gumi
Amuja siring sumadri
Amuja sarinin duku
Amuja siring sumadri
Amuja mupu anah apuh
Reke pakulun ipun mangkin
Kayu sulasih pengundang asih
Reke pakulun ipun mangkin
Les majagau pengundang taksu
Reke pakulun ipun mangkin
18 | Pupulan Kidung Sakral
 Les cendana pengundang dewa
Reke pakulun ipun mangkin
Uus pakumba uus pejati
Reke pakulun ipun mangkin
Uus penek muncak manik
Apa adan kayune
Kayu mas kayu puring
Ngalap kayu ngawe umah
Paang sadyarahayu sambil aumah
Apa adan pelawane
Nurati tunjung bir

Suryak Ook, Suryak Ook, Suryak

Ook,

IV. NGUMBANG
1. Angumbang ring segarane
Ambal aku suka sugih
Apa isin gegantungane
Saro mole saro maji
Apa isin jong perahune
Pinggan cawen mas pakurincing
Khas Desa Adat Pakraman Pedawa | 19
 Apa isin gedonge
Tabe pakulun ipun mangkin
Misi mas tamurun rabut sedana
Apa adan kayune
Kayu mas kayu puring
Ngalap kayu ngawe umah
Paang sadya sambil aumah
Apa adan pelawane
Nurati tunjung bang
Suryak Ook, Suryak Ook, Suryak Ook

20 | Pupulan Kidung Sakral

 SENDIKI

I. KIDUNG SENDIKI
1. Sendiki ringa gita, saderuwe griyan ipun
Olon – olon tengain ketangon,
ginungsun uyun-uyun
Kepiting banyun tawang, tembe
suwan saptaning wong nyelema
Ngerantuk ring anemu, timurat kemit
kelawan iki

2. Citakan batu jawa, sinalilogam

kelawan sari
Ambal – ambal ipun ya timah, kelawan
besi perunggu
Pangresek ipun ya gangsa, alin – alin
ipun ya dahem
Angampak punang lawang, angampak
punang ratu
Ngerantuk ring anemu, timurat kemit
kelawan iki

Khas Desa Adat Pakraman Pedawa | 21

3. Ambal lampah gedong wetan, sabran
dina ya kepanggih
Kepanggih gedong sawiji, purin ipun
selaka terus
Indongan ipun besi sigaran, daging
ipun manik astagina
Ngingsunang aji kasur sengkalor,
pengider – ider ipun sejati terus

4. Raeb ipun geringsing, manyundarin

balene deriki
Wenten gunung katinggalin, kakayone
naga sari
Lalabe kecicang junggul, kelawan
gedung tebu
Kayu mas kayu puring, tetanduran
dane dukuh
Madu empat batma putih, saroning
tinga – tinga
Yang sekar rona – roni, yang sekar
pada gumungkur

22 | Pupulan Kidung Sakral

 Les cendana majagau, yah iku sira
medandan
Medandan dewa medandan, mawilah
– wilah bulan tumanggal

II. RIKALA NGELEBANG SIAP

1. Dewatane sami katuntun, kapendak
ring damuhnyane
Parekane sami bhakti, ngaturang
canang peras pejati
Dewatane sami nangkil, nunas ica ring
sang hyang luhur
Ngaturang sembah nunas mepamit,
medandan benang medandan tangan
Pemargine madundon – dundonan,
damuhnyane sami mangiring

III. RIKALA DI BALENE

1. Ring bale mase dewatane malinggih,
magunem – gunem bebawosnyane

Khas Desa Adat Pakraman Pedawa | 23

 Nunas tirta panglukatan, dane balian
manganterang
Turun tirta sakeng luhur, angelencok
muncrat mumbul
Paican bhatara sami, dane balian
manibakang
Mapan tirta amerta jati, panyupatan
dasa mala
Sami pada sida lebur, malane ring
sagumi

IV. RIKALA NGABKABANG

KUNDUH
1. Atur tityang ring sanghyang luhur,
mamutus sang dewata
Asep menyan cendana jenggi,
kukusnyane dados pemargi
Pemargin sang dewata, pemargin ipun
mangulayang
Mangojog ring pangukusan,
memanggihin gedong sawiji

24 | Pupulan Kidung Sakral

 Linggih ida sanghyang luhur,
mamedek ring sanghyang guru
Nunas genah sane jati, mangda
galang duuring apadang
Ngerantuk ring anemu, timurat kemit
kelawan iki

V. RIKALA RING PAIBON

1. Dewatane raris ngeranjing, ring
gedong kuncine Ida malinggih
Sane kiwa linggih hyang pitari, sane
tengen linggih Hyang pitara
Manyumdarin damuhnyane, parekane
sami bhakti
Ngaturang canang peras pejati, nunas
ica ring yayah ibu
Damuhnyane sami nangkil, ngaturang
sembah pangenjali

Khas Desa Adat Pakraman Pedawa | 25