Hari-Hari Suci Di Bali Menurut Lontar

Sundarigama
Hari Suci Menurut Lontar Sundarigama
Coma Ribek (Coma Pon Sinta), mabanten ring lumbung, genah beras parhyangan, upakara
ipun: nyahnyah grinsing, geti-geti, biu mas, maduluran wangi-wangi. Pangastitinne ring Ida
Sang HyangTripramana sabuh masa.
Anggara Wage Sinta, mabanten mantuka ring saluiring raja brana makadi mas manik, sarwa
mule. Upakara bebantenipun: suci daksina, peras penyeneng, sesayut merta sari, canang
lengewangi, buratwangitadah pawitra, unggahang ring payasan sanggar utawi ring paturon, I
manusa patut masuci laksana ring sampunnematuran, lungsuran punika patut kaayab.
Pagerwesi (Budha Kliwon Sinta) Payogan Ida Sang Hyang Paramesti Guru, kairing antuk
dewata nawa sanga, babanten aturan ipun daksina, suci asoroh, peras ajuman, penyeneng,
sesayut panca lingga. Canang wangi, raka-raka runtutanipun. Maturan ring Sanggah
Kamulan, manusa patut natab sesayut pageh urip miwah tebasan prayascita. Samalih macaru
ring sarwa bhuta kala, nasi manca warna ring natar sanggah, kawewehin segehan agung asiki.
Tumpek Landep (Saniscara kliwon Landep), puja wali Ida Bhatara Siwa miwah yogan Ida
Bhatara Pasupati munggwing aturan babanten ipun: makadi tumpeng kuning adahan, maulam
jejatah, gerih miwah sere barak, sedah woh 29, haturang ring sanggar, ring payogan
SangHyang Pasupati patut maturan sesayut pasupati, sasayut jareng perang, sasayut kusuma
yuda, suci, daksina, pras, ajuman, canang wangi, reresik, astawang sarwa sanjata sane
lanying, mapiteges nyanyapin kayun.
Redite Umanis Ukir, pujanwali Ida Bhatara Guru, upakara babanten ipun: sasayut
pengambyan, sedah ingapan 23 siki, miwah kwangen akutus, haturang ring sanggah kamulan,
astawa Ida Bhatara Guru.
Saniscara Kliwon Wariga, tumpek uduh puja karti Ida Sankara, ida sane ngwerdiang sarwa
tumuuh, kayu-kayu sami, upakara bebanten ipun, peras, tulung sayut, tumpeng bubuh miwah
tumpeng agung, ulam ipun guling dados, itik dados, maruntutan raka-raka, penyeneng
tetebus, anguduh sarwa tumuuh melarapan sesayut cakra geni.
Coma Pahing Warigadean, puja wali Ida Bhatara, babanten haturan ipun sedah woh, runtutan
ipun seka sidan, astawayan ida ring paibon kawitan, maduluran puspa wangi.
Redite Wage Wayang, kawastanin wara cemer, Tan dados matemu krida, maseneng-seneng
ring rabi.
Buda Kliwon Pahang, pegatwakan wastanipun,bebanten sarwa pawitra,wang-wangi miwah
sesayut dirgayusa,penyeneng tatebus katur ringIda Sang Hyang Tunggal.
Sukra Umanis Mrakih, pujawali Ida Bhatara Rambut Sedhana, mawasta Sang Hyang
Rambut Kapala. Bebantenipun sane katur:suci, daksina, peras, penek ajuman, sodaan putih

tuning, astawa Sang Hyang Rambut Sedhana san malingga ring rajta, kanika, miwah sarwa
mule tewosan.
Saniscara Kliwon Uye, kawastanin tumpek kandang, tatuwek aturane ring IdaBhatara Siwa
sane kabhisekain Sang Hyang Arcana, Sang Hyang Rare Angon. Bebanten ipun: suci,
daksina, pras penek,ajuman sodaan putih kuning, lengewangi/burat, penyengan, pesucian,
astawayang ring Sanggar Arcane Sang Hyang Rare Angon. Ring sarwa pati kawenang
(ubuhun) patut mabanten: tumpeng sasayut asiki ring sapi/kebo,maduluran penyeneng tetebus
kembang payas.
Wraspati Wage Sungsang, wastan ipun parereduan, sugian jawa. Katoktah penyucian bhatara
sami, mareredon ring sanggar, maduduluran pareresikan, miwah puspa wangi. Patut sang
sadaka mapujangarpa puja, mayoga samadi, duaning sami Ida Bhatara tedun ka jagate,
ngantos rahina galungan.
Sukra Kliwon Sungsang, wastan ipun sugian Bali, asuci laksana patut ipun, anglungsur tirta
gocara,penglukatan ring Ida Sang Wuku.
Radite Pahing Dunggulan, kawastanin penyekeban, tedun Ida Sang Kala Tiga, dados Sang
Bhuta Galungan, Sang Bhuta Dunggulan miwah Bhuta Amengkurat.Imanusa patut pagehin
idep mangda nenten kakahonang antuk gagodan sang Bhuta tiga.
Coma Pon Dunggulan, kawastanin penyajaan, nuwekang kapagehangangamong yoga
semadhi.
Anggara Wage Dunggulan, kawastanin penampahan, pamuktian sang kala tiga, mabhuta
yadnya ring desa-desa magenah ring catus pataning desa.Semalih manusa sami patutnatab
pabyakalan, prayascita, soang-soang kuwu paomahan patut masegeh warna telu kasasahang,
tetandingan ipun manut urip. Ulam ipun olahan bawi, maduluran segeh asiki, genah caru
punika ring natah umah,ring dengen,katurang ring sang bhuta galungan.
Buda Kliwon Dunggulan, kawastanin galungan, ngaturang widhi wedhana ring bhatara sami,
ring sanggar parhyangan, natar paturon, ring lumbung, ring perantenan, ring dengen, ring
tugu, pangulun desa, pangulun setra, penghulun sawah, ring wana, gunung. Ring sanggar
parhyangan haturin ipun agung alit, tumpeng penyajah, penek wakulan ajuman, sedah woh,
kembang payas, wangi-wangian, pasucian, ring pasambiyangan patut ngaturang tumpeng
pengambeyan, jarimpen, pajegan, gebogan, sodaan, ulam jejatah bawi mwanggagorengan.
Benjang ipun I manusa patut kabeji, asuci laksana, mahening-hening.
Redite Wage Kuningan,kawastanin pamaridan guru, taler ulian pikenoh ipun pemantuke para
dewata sami. Babanten sane katur, tipat kelanan, canang raka, wangi-wangi.
Coma Kliwon Kuningan, kawastanin pemacekan agung, masegeh agung ring dengen,
masambleh ayam samalulung, ngundurang sarwa bhuta sami.
Buda Pahing Kuningan, puja bhatari Ida Bhatara wisnu, babanten ipun sedah ingapon putih
ijo jambe 26, tumpeng ireng ulam ayam ireng, astawang ring paibon, maruntutan sekar.
Saniscara Kliwon Kuningan, tedun watek dewata kairing antuk dewapitara asuci laksana.
Banten sane katur sege sulangi, tebog, miwah raka-raka jangkep, gegantungan tamiang

candiga, ring treptepaning, wawangunan. Puja astawa ngantos sadurung jegjeg surya. Pangaci
ring I manusa patut ipun: sesayut prayascita luwih, penek kuning, ulam itik putih, ngaturang
segeh agung siki ring natar sanggar.
Sukra Wage Wayang, hala paksa wastanipun, I manusa patut macolek pamor benengan hulun
hati,soang-soang pomahan mesawen pandan.
Saniscara Kliwon Wayang, kawastanin tumpek wayang, pujawali Ida Bhatara Iswara,
pengastawane ring sarwo tetabuhan, gong, gambang, gender, gente dll. Bebanten ipun suci,
pras, ajuman, perangkatan, ulam ipun itik putih, sedah woh, canang raka, pesucian.
Saniscara Umanis Watugunung, kawastanin Saraswati, babanten sane katur suci, pras,
daksina, penek, ajuman, sasayut saraswati, banten saraswati, segara gunung, perangkatan
putih kuning, sarwa wangi-wangi, daksina, pengedengan asiki, kembang payas, sekar cane,
canang yasa.