SEKAA GONG ASTA DHARMA KERTI

DESA ADAT PEKRAMAN KAYUAMBUA

PEMAHBAH
Om Swastyastu
Om Awighnam Astu Nama Sidham
            Malarapan antuk pasuwecan lan asung kerta waranugraha Ida Sang Hyang Widhi
Wasa, Bhatara Bhatari sane malingga melinggih ring Pura Kahyangan Desa Adat Pekraman
Banjar Kayuambua, wastu prasida kasurat Pararem Awig-Awig Sekaa Gong Asta Dharma
Kerti ring Desa Adat Pekraman Br. Kayuambua, ring rahina wrespati tolu 28 Juli 2016 lan
malih kejangkepin miwah kesempurnayang ring pesamuan sekaa gong rahina Wrespati
Manis Pahan 28 Juli 2022.
            Awig-awig Sekaa Gong Asta Dharma Kerti Desa Adat Pekraman Br. Kayuambua
puniki maka sepat siku–siku pamatut sakaluwiring pamargin ayah-ayahan Sekaa Gong, ugi
prasida kasungkemin prayojana sami, angidep muah amanggehaken kesukertan manah sami
ring angga sekaa gong.

SARGAH I
ARAN LAN WAWIDANGAN

Pawos 1
Aran lan Wawidangan

1.      Sekaa Gong sane kamanggehang ring Desa Adat Pekraman Kayuambua mawasta
Sekaa Gong Asta Dharma Kerti, sane magenah ring wewidangan Desa Adat Pekraman
Br. Kayuambua.
2.     Sekaa Gong Asta Dharma Kerti puniki kadruwenang olih Desa Adat Pekraman Br.
Kayuambua, sane kamiletin olih krama roban (karma bala angkep) Desa lan Banjar
Mekarang, Desa Adat Pekraman Br. Kayuambua

1
 SARGAH II
PAMIKUKUH LAN TETUJON

Pawos 2
Pamikukuh

Sekaa Gong Desa Adat Pekraman Br. Kayuambua ngemanggehang pamikukuh minakadi:
1.      Peraturan Daerah Propinsi Bali Nomor : 4 Tahun 2014 tentang Pelestarian Warisan
Budaya Budaya Bali;
2.      Awig-Awig Desa Adat Pekraman Br. Kayuambua;
3.      Pamutus Paruman Desa Adat Pekraman Br. Kayuambua

Pawos 3
Tetujon

Maka Tetujon Sekaa Gong Dharma Kerti:

1.      Ngerajegang lan nincapang kasukertan Desa Adat Pekraman Br. Kayuambua pamekas
sekaa gong saha pawongan sakala lan niskala;
2.      Nincapang  miwah nglimbakang seni budaya miwah tata sutreptin sekaa gong;
3.      Ri sajeroning ngemargiang putusan ngelarang paras paros sarpanaya lan saluwung-
luwung sebayantaka;
4. Nyangkepin pemargi-pemargi adat ritatkala ngemargiang upacara agama
5. Mangdane seni lan budaya preside ajeg lan lestari.

SARGAH III
UGER UGER MANGGALA SEKAA GONG

Pawos 4
Manggala Sekaa Gong

1.      Manggala Sekaa Gong Desa Adat Pekraman Br. Kayuambua inggih punika:
a.       Bendesa Adat Br. Kayuambua
b.      Kelian Sekaa Gong
c. Wakil Ketua
d Bendahara
2. Sane dados kahadegang anggota utawi angga sekaa gong luwire:
a.       Krama Banjar roban (Krama Bala angkep) Desa Adat Pekraman Br. Kayuambua
sane munggah ring lekhitan banjar adat, turmaning jumenek magenah ring
wawidangan Desa Adat.

2
 b. Krama Roban Sane seneng metetamburan sane kasudi ngeranjing ring sekaa gong.
c. Krama Roban (bala angkep) sane kasudi ring prajuru skaa gong melarapan nunas
pemargi pacang keunggahang ring sekaa gong.

3. Swadarmaning Manggala Sekaa Gong luwire:

a.       Bendesa/Kelian Adat Desa Pekraman Br. Kayuambua pinaka Pembina miwah
penasehat sajeroning sekaa gong saha ngicenin pamargi lan pawarah-warah ring
prajuru sekaa gong;
b.      Kelian Sekaa Gong pinaka petajuh prajuru adat sane pacang ngelanturan pemargi-
pemargi adat ritatkala pacang wenten ayah-ayahan metetamburan sajeronin pemargi
upacara agama lan pemargi sane tiyosan.

Pawos 5
Prajuru  Miwah Angga Sekaa Gong

1.     Prajuru  Sekaa Gong Desa Adat Pekraman Br. Kayuambua, inggih punika:
a.       Kelian (Ketua) adiri;
b.      Pangliman (Wakil Ketua) adiri;
c.       Patengen (Bendahara) adiri;
d. Kasinoman (Juru arah) kalih diri;

2.      Prajuru pinilihin sami madue swadarma majeng pamargi sekaa gong;

Pawos 6
Swadarmaning Dados Prajuru

Swadarmaning Prajuru Sekaa Gong luwire:

a.       Ngarincikang sehananing pekaryan utawi program ring sekaa gong, selanturnyane
ngalaksanyang sane sampun kapikukuhang olih paruman sekaa gong;
b.      Nguningayang pamargin sekaa gong ritatkala wenten dedauhan saking prajuru adat
rikanjekan ngemargiang ayah-ayahan mauruk-uruk, upacara agama (wali, buta yadnya,
pengabenan lan sane tiyosan).
c.       Ngamargiang pisadok utawi pihuning ngenenin indik kawentenan jinah utawi kas
nyabran paruman sekaa gong lan riwusan pemargi wali.;
d. Nyahcah sajeroning sekaa gong yening sampun ngalaksanayang ayah-ayahan;
e. Ngaryaning sejeronin pembukuan seperindikan pemargi-pemargi ring Sekaa Gong
(inggih punika: buku pecacahan, buku agenda rapat, buku kas, lan sane tiyosan)
f. Angga Sekaa Gong sane polih kesinoman madruwe pakaryan inggih punike:

3
 - Ngemargiang arah-arahan ritatkala pacang ngemargiang ayah-ayahan utawi pemargi
mauruk-uruk lan pemargi sane tiyosan.
- Angga kesinoman mangdane nuriksain lan mecikan tetamburan sane nenten becik
genahnyane, taler ngemagiang pareresikan ring genah metetabuhan mangdane
genahe bersih lan asri sedereng kemargiang tetamburan/megamel.
- Angga kesinoman mangdane sampun siaga nyiapang sehananin kejangkepan
tetamburan inggih punika: panggul tegakan lan sane tiyosan sedereng
kelaksanayang tetabuhan.
- Angga kesinoman mangdane nyineb panggul serana metetamburan risampune
pemargi ayah - ayahan puput.

Pawos 6
Angganin Prajuru Sekaa Gong

Sane dados kahadegang Prajuru Sekaa Gong luwire

a. Angga Sekaa Gong Desa Adat Pekraman Br. Kayuambua sane sampun munggah ring
pecacahan sekaa gong sami madruwe hak pinilih kedadosan prajuru ring sekaa gong;
b. Angga sekaa gong sane sampun ngemolihang pinilihin, olih angga sekaa gong
melarapan ngemargiang paruman, angga sekaa gong punika sane keadegang
ngangganin prajuru ring sekaa gong sane keupesaksi olih prajuru adat.
c. Ritatkala pacang ngadegang angganin prajuru sekaa gong, nenten wenten pinilihan
saking angga sekaa gong, wit nenten wenten sane manut ring arsa sekaa gong,
selanturnyane pemargi pinilihan sane pacang ngangganin prajuru sekaa gong, dados
angga sekaa gong nyukserahang pinilihin ngangganin prajuru sekaa gong ring prajuru
adat Desa Pekraman.
d. Ritatkala prajuru adat sampun pinilihin sane ngangganin prajuru sekaa gong angga
sekaa gong patut nyungkemein.

Pawos 7
Prajuru Sekaa Gong Kagentosin

Prajuru sekaa gong kagentosin utawi husan, malarapan antuk:

a.      Seda utawi padem;
b.      Mapinunas ngeraga sangkaning rahayu saha polih lugraha saking paruman sekaa gong;
c.       Sungkan rahat tur suwe saha tan prasida ngmargiang swadarmaning prajuru;
d. Pacang Ngemargiang ayah - ayahan Desa utawi Banjar mekarang
e.      Husan dados Sekaa Gong/ Nyada pinaka karma banjar roban
f.       Sangkaning kahusanang antuk paruman Sekaa, mabukti iwang turmaning nenten
nganutin uger–uger sekaa gong;

4
 SARGAH IV
PAMIKOLIH SEKAA GONG

Pawos 8
Pamikolih Sekaa Gong

1.      Sekaa Gong Desa Adat Pekraman Br. Kayuambua wenang polih tuwas-tuwasan manut
kawentenan kauangan Desa Adat tur manut uger- uger sane kapastikayang sane
kaunggahang ring paruman desa adat;
2.      Sekaa Gong Desa Adat Pekraman Br. Kayuambua wenang nunas busana/kostim sekaa
gong dipradene busana sane sampun keicenin dumunan kaon/sampun nenten dados
keanggeang utawi sampun nenten becik.
3.     Tetamburan sane sampun kaon/usak utawi nenten prasida kaanggen, lan sehananin
peralatan tetamburan luir ipun (pangggul, tegakan lan sane tiyosan), punika manados
tanggung jawab Desa Adat. Ritatkala kewentenan sarana lan prasaran punike kaon,
dados prajuru sekaa gong mapinunas ring prajuru desa mangdane kewentenan
tetamburan lan sarane tiyosan kebecikang.
4. Prajuru lan angga Sekaa Gong Desa Adat Pekraman Br. Kayuambua sane kini
kesinoman ri sajeroning ngemargiang ayah-ayahan, ritatkala punike wenten bakti
munggah ring gong inggih punika nasi karangan risampune wenten pewarah-warah
saking prajuru adat, bakti punika dados ketunas (ngemolihang Ulih-Ulihan) manutin
pemargi sane pacang kemargiang saking prajuru sekaa gong.
5. Angga sekaa gong dados nunas petempoan ritatkala wenten pemargi-pemargi adat ring
soang – soang purian sinarengan ring pemargi ayah-ayahan ring Desa pekraman lan
ring setiyosan Desa pekraman. Kenten taler ritatkala angga sekaa gong kewentennyane
sungkan/sakit utawi keluarga sakit/sungkan.
a. Ritatkala wenten upacara agama ngemolihang petempoan inggih punika:
1) Ngenteg Linggih : Ngeriinin mekarya sanganan suci ngantos manis ngenteg
linggih
2) Piodalan/Pujawali : seraine sedereng piodalan lan puncak piodalan (pang kalih)
3) Pawiwahan : pang tiga (seraine sedereng puncak karya, puncak karya, manisne)
4) Pengabenan: angga sekee gong sane dados pengarep kedadosan nenten nyarengin
ayah-ayahan ritatkala sekaa gong ngemargiang petedunan.
5) Undangan : polih petempoan ritatkala undangan manten.
6) Maturan: polih petempoan ritatkala maturan manten.
b. Sungkan/Sakit
1) Sakit/Sungkan : angga sekaa gong ngemolihan petempoan ngantos angga sekaa
gong prasida ngemargiang ayah-ayahan.
2) Keluarga Sakit/Sungkan: angga sekaa gong nenten kewatesin selami nyarengin
pekemitan ngangganin sane sakit kedadosan utawi ngemolihan petempoan.

5
 SARGAH V
SWADARMANIG LAN UGER-UGER PAMIDANDA

Pawos 9
Swadarmaning Sekaa Gong

Swadarmaning sekaa gong:

1.      Sekaa gong patut tedun matetamburan mapauruk lan ngayah ri sajeroning sampun
wenten pawarah-warah;
2.      Sekaa gong patut mabusana adat nista utawi madia nenten kedadosan ngangga kamen
sarung ritatkala mapauruk
3.      Sekaa gong patut mabusana adat jangkep/busana kostim ritatkala pemargi pujawali
utawi pemargi adat sane tiyosan manutin pewarah-warah saking prajuru sekaa gong.
4. Angga Sekaa gong wenang masadok sareng prajuru ritatkala nenten sida ngamiletin
mapauruk utawi wenten pemargi adat pacang matetamburan sangkaning wenten
kapialangan, pemargi – pemargi upacara agama lan pemargi sane tiyosan ring soang
angga sekaa gong;
5. Angga sekaa gong wenang mesadok ritatkala pacang nunas petempoan manutin
petempoan sane pacang ketunas, ring parajuru utawi ring jro kesinoman.
6. Ritatkala sampun kemargiang pecacahan turmaning buku pecacahan sampun kesineb
wawu ngenikayang pacang nunas petempoan angga sekaa gong tetep keni danda
petedunan.
7. Ritatkala ngemargiang pecacahan budal sedereng sami ngemolihan pecacahan nenten
kedadosan budal ngeriinin.
8. Rikanjekan petedunan angga sekaa gong kedadosan mewangkid, dipradene wenten sane
mebuat pisan ring angga sekaa gong, sakemaon mangdane wenten pewarah ring
prajuru utawi kesinoman.
9 . Ritatkala sampun ngangge busana setelan/kostim rikanjekan metetamburan nenten
kedadosan ngangga busana setiyosan busana setelan (inggih punike busana jaket, jas,
lan sane tiyosan)
10. Ritatkala pemargi ida betara lunga melasti utawi kepemasaran lan sane tiyosan sedereng
puput pemargi sesolahan rejang baris, sekaa gong nenten kedadosan ngedoh-ngedoh
saking tetamburan sedereng wenten pewarah-warah saking prajuru.
11. Angga sekaa gong sane sampun polih tedun/sampun ngemargiang ayah-ayahan
ngeriinin budal nenten wenten pewarah ring prajuru utawi kesinoman lan angga sekaa
gong, petedunan dereng kemargiang pecacahan bundal nike nenten kepatutan. Angga
sekaa gong punike kewastanin melencerin pacang keni pidanda manut uger-uger.
12. Pecacahan ngesepin petedunan pacang kemargiang telungdasa (30) menit ngantos satu
jam (1 jam), utawi sampun langkungan telungdase menit kemawon sampun preside
nabuh riwusan nabuh pertama punike kemargiang pecacahan ngesepin. Indik pemargi

6
 pecacahan ngesepin pacang keanutang manut kewentenan petedunan ritatkala pemargi
pujawali/piodalan ring Desa pekraman.
13. Ritatkala ngemargiang ayah-ayahan ring dura Desa Pekraman Kayuambua sekaa gong
risampune puput ayah-ayahan taler sampun polih nunas boga mangdene makumpul
pacang kemargiang pecacahan budal, rikanjekan pemargi punike nenten kemargiang
pecacahan ngesepin.
14. Angga sekaa gong sane keni kesinoman ritatkala memargi ayah-ayah mangdane silih
sinunggil wenten rikanjekan petedunan.
15. Angga kesinoman dipradene nenten mresidang ngemargiang ayah ayahan dados
kelakuan ring angga sekaa gong sane tiyosan, kemaon mangdane ngewentenan pewarah
warah ring prajuru sekaa gong.
16. Angga kesinoman ritatkala sampun memargi ayah-ayahan makekalih wenten
kapihalangan cuntaka, nanging ayah-ayahan Kantun memargi pacang kegentosin sane
ngangganin kesinoman manut undagan kesinoman sane sampun memargi olih prajuru
sekaa gong.
17. Ritatkala sekaa gong maduwe kas, wenten angga sekaa gong anyar ngeranjing, angga
sekaa gong anyar punika dados nutug kas sane keduwenang manut akeh kas sane kepah
utawi bagi ring akeh angga sekaa gong, akeh jinah pahan punika sane kekenenin.
18. Angga sekaa gong sane sampun sareng nuwenang kas ring sekaa gong madruwe hak
indik kas punika, inggih punika ritatkala kas keanggeang metumbasan ring sekaa gong
utawi sampun uwusan dados sekaa gong pacing ngemolihang duman kas sane wenten.
19. Angga sekaa gong keni petedunan ring adat ritat kala pemargi pesamuan ring banjar
ageng, kematian, gotong royong ring setra, gotong royong pemerintahan wawu
ngeranjing ring pecacahan banjar ageng, setiyosang ring punika ritatkala wenten ayah-
ayahan ngerangjing ring pecacahan sekaa gong.
20. Pecacahan Ring sekaa gong pacang kemargiang wantah ritatkala pemargi petedunan
mapauruk/latihan lan pemargi tedun pacing metetamburan
21. Ritatkala petedunan kematian, pengabenan lan nyakah dipradene tedun metetamburan
nenten kemargiang pecacahan, pemargi punike wantah ngayah.

Pawos 10
Pamidanda

Pamidanda sekaa gong:

1. Prajuru lan angga (anggota) sekaa gong sane malaksana  tan patut utawi lempas ring
uger-uger saha sampun kesungkemen sareng sinamian pacang keni pamidanda inggih
punika:
a. Ritatkala patedunan nenten wenten risampune kemagiang pecacahan ngesepin ring
angga sekaa gong keni : Rp 1.000 (siu rupiah)

7
 b. Ritatkala pecacahan budal saking ayah-ayahan angga sekaa gong nenten wenten
keni danda : Rp. 2.000 (duangtali rupiah)
c. Ritat kala pemargi sesolahan rejang baris apisan pemargi, ring angga sekaa gong
nenten wenten keni danda: Rp. 2.000 (duangtali rupiah)
d. Ritatkala pemargi ayah-ayahan tedun gong ngingsiran saking pura Desa ngenahang
ring tiyos Pura ring sekaa gong sane nenten preside ngemargiang ayah-ayahan keni
danda: Rp. 2.000 (duangtali rupiah)
e. Ritatkala pemargi ayah-ayahan nyineb gong ring genah penyineban gong angga
sekaa gong nenten preside ngemargiang ayah-ayahan pacang keni danda: Rp. 3.000
(tigangtali rupiah)
f. Ritatkala wenten sesolahan / ilen-ilen saking aturan, rikenjekan punika sekaa gong
ketunasin taler ngenahang tetamburan ring genah sesolahan, taler riwusan
sesolahan malih ngingsiran ring genah bale gong, dipradene angga sekaa gong
nenten presida nyarengin ayah-ayahan keni pidanda pateh sekadi pidanda nomor d
lan e (Rp. 2.000 lan Rp. 3.000)
g. Ritatkala ngemargiang ayah-ayahan ring dura desa angga sekaa gong nenten preside
ngemargiang petedunan pacang keni danda :Rp. 10.000 (dasetali rupiah)
h. Angga sekaa gong ritatkala ngangge busana setelan/kostim, wenten silih sinunggil
sane nenten ke anggeang (inggih punike napi: udeng, senteng, baju/kuace, kampuh
lan kamen) keni danda: Rp. 3.000 (tigangtali rupiah)
i. Angga sekaa gong sane nenten presida ngemargiang ayah-ayahan pang tiga (3 kali)
ngelantur pacang keni danda dadas pang papat (ketikel)
j. Angga sekaa gong sane sampun polih ngemargiang petedunan sakewanten ngeriinin
budal sedereng pecacahan budal kemargiang keni danda melencerin : Rp. 6.000
(enemtali rupiah)

SARGAH VI
PAMUPUT

Pawos 11
Pamuput Awig Awig

1.      Awig-awig puniki kawastanin awig-awig Sekaa Gong Asta Dhrama Kerti Desa Pekraman
Banjar Kayuambua.
2.      Awig-awig Sekaa Gong Asta Dhrama Kerti puniki Kasumgkemin ring ring rahina Respati
Wage Tolu 28 Juli 2016 Dauh (pukul) 19.00 wita,
3.      Awig-awing sane kasurat puniki pinake pengiket sajeroning sekaa gong ngemargiang
ayah-ayahan mangdane preside memargi trepti sareng sami nemuang kesukertan ring
manah sekaa gong.

8
4. Awig-awig Puniki ritatkala sampun nenten manut ring kewentenan ring sekaa gong dados
kecingakin tur kesempurnayang melarapan antuk ngemargiang pesamuan.
5. Pararem/awig-awing puniki kalingga tanganin olih prajuru  Sekaa Gong miwah angga
sekaa gong lan keupesaksi ring prajuru adat.
6.      Luwir sang ngalingga tanganin:

PAWILANGAN ANGGA SEKAA GONG ASTA DHARMA KERTI

DESA PEKRAMAN BANJAR KAYUAMBUA

TANDA TANGAN
N NAMA JABATAN
O
1 I NENGAH WARNA

2 I WAYAN SUKERTA

3 I NYOMAN BUDIARTA

4 I MADE SADIA

5 I GEDE SUDIARTA

6 I KADEK SUKAWIDANTA

7 I WAYAN SUDIARTA

8 BADENG

9 I WAYAN SUARMAN

10 I WAYAN SUARDANA

11 MANGKU SADIA

12 I WAYAN MARDIKA PUTRA

9
13 I NENGAH SUMARDIKA

14 KETUT KONTO

15 PUTU ERY DHARMA YOGA

16 I NENGAH SUDIARTA

17 I WAYAN SUARJANA/BODING

18 I WAYAN ARKA

19 I NYOMAN ARKA

20 RAJIN

21 KETUT ARTA/ELANG

22 I WAYAN SUKARATA

23 KETUT JULIARTAWAN

24 LANUS

25 I NYOMAN SUJANA/BAGONG

26 NENGAH TAMPI

27 I MADE PURNA

28 KETUT NAMI

29 I WAYAN SURADNYA

10
30 GEDE SUARSANA

31 I WAYAN SARI

32 I NENGAH KUAT/ MALEN

33 I WAYAN SUKLAT

34 I KADEK JAYA

35 I NYOMAN SUKARYA

36 I KETUT SUARNATA

37 I NYOMAN SUKARATA

38 I MADE KEMBAR

39 I MADE SUARTIKA

40 I MADE KARDIANA

41 I KETUT SEKEN

42 I WAYAN SUKADANA

43 I NENGAH SUWIRA

44 I KADEK SUKADANA

45 I KADEK SARIARSANA

46 SUTARA

11
47 SELAMET

48 KOMANG EDIGUNAWAN

49 I WAYAN MERTA

50 I NENGAH SUJANA

51 I WAYAN SUARDIKA

52 I.B PUTU MAHARDIKA

53 NYOMAN SUDIARTA

54 KEMBAR PRIBADI

55 I WAYAN BUDIANA

Kayuambua, 14 Juli 2022

Prajuru Sekaa Gong

Kelian Sekaa Gong Wakil Sekaa Gong

I Made Suartika I Wayan Mardika Putra

Prajuru Desa Pekraman Kayuambua

I Nyoman Sukadana

12
 SUSUNAN MANGGALA SEKAA GONG
ASTA DHARMA KERTI DESA ADAT PEKRAMAN BANJAR KAYUAMBUA
(DISAHKAN PRAJURU ADAT HARI MINGGU 24 JULI 216 JAM 20.00 WITA)

PRAJURU ADAT/PENASEHAT

Kelian Sekaa Gong

Wakil Kelian Bendahara Kesinoman Anggota Sekaa

Sekaa Gong Gong

13
14