PARTORDING NI PARMINGGUON

DI MINGGU ADVENT IV

Ev. Jesaya 35 : 1 - 4 Ep. Heber 10 : 5 - 10

TOPIK :
RO DO JAHOWA TONGON PALUAHON BANGSONA

HURIA KRISTEN BATAK PROTESTAN

MINGGU 24 Desember 2023
01. Marende BE. HKBP No. 44 : 1 – 3 “HAMUNA NA PORSEA I SAI
TOMU TUHAN JESUS” BL 206
♫♪♫ Hamuna na porsea i sai tomu Tuhan Jesus i, pahehe rohamuna
Jonok do ari pesta ni saluhut huriaNa i, i ma hatutubuNa
I pe hehe ma hamuna, baen pantunna lao manjangkon
Na manopot hajolmaon.
♫♪♫ Marlas ni roha situtu saluhut halak na burju lao mangihuthon Jesus
I pe pataridahon ma las ni roham di Debata sangkapNa ma patulus
Puji puji Jesus Kristus na manobus tondimuna
Sian hamagoanmuna.
...musik ... .Jongjong
♫♪♫ Sigati rohamuna be sai tanda dosamu sude, paringkot rohamuna
Manjangkon Sipalua i na tuat sian surgo i manggarar utangmuna
Tanda hata hangoluan na binoan ni Tuhanta
Na pasae sude dosanta.

02. VOTUM
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano
on. Amen. Marolopolop ma ho jala marlas ni roha, ale boru Sion, ai
ida ma, na ro ma Ahu maringanan di tongatongam i, ninna Jahowa.
Haleluya!
H : (Mangendehon BE. HKBP No. 852) “HALELUYA” BL 852
Haleluya, Haleluya, Haleluya!
U : Martangiang ma hita !
Ale Amanami jala Debatanami ! Na mandok mauliate do hami tu Ho
sian nasa rohanami, ala disuru Ho AnakMu, Tuhan Jesus Kristus, na
paluahon hami sian dosa dohot hamatean. Hupangido hami, sai patiur
jala rajai ma rohanami marhitehite Tondi Parbadia i, asa unang hu
rohanami mida hametmetonNa i. Urupi hami, asa lam hutanda hami
Ibana Raja naung ro i, sisombaon ni sandok jolma na di liat portibi on.
Amen. (hundul)
1
03. Marende BE. HKBP No. 41 : 1 – 2 “PARRIPE NI TUHANTA” BL
153
♫♪♫ Parripe ni Tuhanta sai hehe ma hamu
Sai jangkon ma Rajanta marroha na burju
Girgir ma hita be marende di Ibana
manjouhon Hosianna burju ma sasude.

♫♪♫ Hamu na marsak roha jonok do Raja i

Na ro mangapul roha ni nasa na tungki
Torop nuaeng tahe inganan hasonangan,
I ma partangiangan ni na porsea i.

04. PATIK:
U : Tangihon hamu (Tatangihon) ma Patik ni Debata di Minggu Advent
IV on, i ma Patik V – X.
- Patik V: Ingkon pasangaponmu do natorasmu, asa martua ho jala
leleng mangolu di tano na nilehon ni Jahowa Debatam di ho.
- Patik VI. Unang ho mamunu !
- Patik VII. Unang ho mangalangkup !
- Patik VIII. Unang ho manangko !
- Patik IX. Unang ho olo manghatindangkon hata na so tutu
maralohon dongan jolma.
- Patik X. Ndang jadi haliangan ni roham bagas ni donganmu, ndang
jadi haliangan ni roham dongan saripe ni donganmu, manang
naposona baoa manang naposona boruboru manang lombuna
manang hodana, manang dia pe ugasan ni donganmu.
Ido sahatna, antong rap mangido gogo ma hita tu Tuhanta i.
U+H: Ale Tuhan Debata, sai pargogoi ma hami mangulahon na hombar
tu PatikMi. Amen.
2
05. Marende BE. HKBP No. 176: 3, 4 “NA MUNGKAP DO SURGO” BL 3
♫♪♫ Antong o tondingku, tu Jesus ma ro
Ai las do rohaNa manjangkon nang ho
Ai las do rohaNa manjangkon nang ho

....jongjong....

♫♪♫ Tar songon hasumba, rara dosami.

Sesaon ni mudar ni Jesus do i
Sesaon ni mudar ni Jesus do i.

06. MANOPOTI DOSA:

U : Tatopoti ma dosanta, martangiang ma hita: Ale Amanami jala
Debatanami na di banua ginjang. Parasiroha na sumurung mida hami!
Huparhatutu jala hutopoti hami do dosa dohot pangalaosionnami na
godang i. Tatap hami marhite asi ni rohaM, jala sesa ma dosanami
saluhutna, ala ni panghophop ni Anak haholongan ni rohaM, Tuhan
Jesus Kristus, Sipangolu hami. Amen.

Bagabaga ni Debata taringot tu hasesaan ni dosa.

Parasi roha jala pardengganbasa do Jahowa, lambat tarrimas jala
Parasiroha godang. Ndang dibahen tu hita hombar tu angka dosanta,
jala ndang dibaloshon tu hita hombar tu angka hajahatonta. Songon asi
ni roha ni amaama mida angka anakna, asi ni roha ni Jahowa di angka
na manghabiari Ibana.

Hasangapon ma di Debata na di Ginjang

H : Amen. (Hundul ma hita)

08. Marende BE. HKBP No. 194: 2, 3 “AUT SO ASI ROHAM” BL 62
♫♪♫ Mauliate ma, di Ho o Debata, ala basaM
Sibahen dalan i, marhite AnakMi, tu banuaM
3
 ♫♪♫ Anggiat ma holong, rohangku sai tongtong, burju tu Ho
Sai dongananMu au, manang tu dia lao, sonang tutu

09. EPISTEL
U: Tangihon hamu (tatangihon) ma hata ni Debata turpuk ni ari Minggu
on, tarsurat di Heber 10 : 5 – 10; Ala ni i, ninna do di habobongotNa
i tu portibi on: “Ndang diparhagiot rohaM pelean manang
silehonlehon; daging i do dipauli Ho di Ahu.
H: Ndang lomo rohaM di pelean situtungon manang di pelean
pardosaon.
U: Jadi ningku ma: Na ro ma Ahu mangulahon lomo ni rohaM, ale
Debata; di pustaha i do tarsurat taringot tu Ahu.”
H: Didok jolo: “Ndang diparhagiot Ho pelean dohot silehonlehon,
nang pelean situtungon manang pelean pardosaon, jala ndang
lomo rohaM di na pinelehon mangihuthon patik.”
U: Dung i didok ma: “Na ro ma Ahu mangulahon lomo ni rohaM.” Disi
ma dipasohot na parjolo i, asa dipajongjong na paduahon
H: Di bagasan lomo ni rohaNa i gabe angka na badia hita, binahen ni
daging ni Jesus Kristus, naung pinelehonNa, na sahali i.
U: Ido sahatna. Martua do angka na tumangihon Hata ni Debata jala na
umpeopsa.
H : Amen.

10. Marende BE HKBP No. 184 : 1, 4 “NUNGA TUNG JUMPANG AU

OJAHAN” BL 103

♫♪♫ Nunga tung jumpang au ojahan, ni tondingki na mago i

Mudar ni Jesus do manahan, saleleng ni lelengna i
Nang mago pe portibi on, tongtong do hot ojahan on.
4
 .... Jongjong ...
♫♪♫ Naung lonong do sude dosanta, tu mudar ni Tuhanta i
Ai molo na porsea hita, ndang jadi hona uhum be
Dibaen panjou ni mudar i, na mangondihon jolma i.

11. MANGHATINDANGHON HAPORSEAON :

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea di Debata Jahowa….. du
(hundul)

12. TINGTING
13. Marende BE HKBP No. 593 : 1... “NA HINIRIM NA SAI LAON”
BL. 593 (Pelean Ia, Ib)
♫♪♫ Na hinirim na sai laon Jesus Kristus ro ma Ho
Sian dosa hatahuton sai palua hami on
Ho do gogo si haposan, panghirimonnami i
Angka bangso saluhutna paima bagabagaMi.

♫♪♫ Ro ma Ho palua hami, bangso na pinillitMi

Ro ma Ho rajai ma hami, saleleng-lelengna i
Sai tumpahi hami monang, marhitehite tondiM
Boan hami tu na sonang, ala ni panghophopMi.

. . . . . . . Musik . . . . . . .

14. JAMITA: Jesaya 35 : 1 – 4

15. Papungu Pelean Huhut Marende BE HKBP No. 594: 1... SAI RO MA
HO IMMANUEL – BL 594 (Pelean II)
5
 ♫♪♫ Sai ro ma Ho Immanuel, manopot bangsoM Israel
Nunga ngolngolan bangsoMon, paimaima haroroM
Las ma roham o Israel, ai nunga ro Immanuel.
♫♪♫ Sai ro ma Ho o Jesuski, salpuhon ma na hansit i
Palua ma huriaMi, sian hasosahan na i
Las ma roham………….

... musik ...

♫♪♫ Sai ro ma Ho panondang i, palao ma na holom i

Patiur pardalananki, gok dame bahen rohangki
Las ma roham…………..

♫♪♫ Sai ro ma Ho, o Tuhanki, palua na tarhurung i

Ungkap pintu ni surgo i, hinsu dalan ni musu i
Las ma roham…………..

... musik ...

♫♪♫ Sai ro ma Ho Debatangki, baen marhuaso hataMi

Songon na pinatupaMi, di atas dolok Sinai i
Las ma roham……………

16. TANGIANG PELEAN :

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
6
 Buhai ma roha nami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.

R : (Mangendehon) BE. HKBP No. 204 : 2 “Ndang Tadingkononhu

Ho” BL. 73
 Nasa na nilehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
R : (Mangendehon BE. HKBP No. 841 “AI HO DO NAMPPUNA
HARAJAON”)
 Ai Ho do nampuna harajaon, dohot hagogoon
Ro di hasangapon, salelengnilelengna, Amen.

U : Tangiang Pasupasu
R : (Mangendehon BE. HKBP No.845 “AMEN HKBP”)
 Amen, Amen, Amen.