PERAYAAN NATAL

REMAJA-NAPOSO

HKBP MEKAR SARI

RESORT BUKIT ZAITUN

Tema : Rabu, 21 Desember 2022

Love Is So
Real
Sub Tema :
“Saling mengasihi satu sama lain adalah cerminan
semangat natal bagi kehidupan muda-mudi gereja”
 I. Kata sambutan : 1. Ketua Panitia Natal
2. Mewakili Orangtua
3. Dewan Koinonia
4. Paniroi RE-NA

II. Preludium (Prosesi)

 Jongjong huria di ingananna be, diiringi duet mengendehon “Holy Night”
rodi na nasahat uduran prosesi di jolo ni Langgatan.
 Diuduti ma muse tu acara pagalak lilin, laos di son ma Parjamita,
Paragenda, Paniroi Naposo, Ketua Natal, Ketua BPH, Mewakili
Parhalado, Mewakili Undangan “Huhut ma huria mangendehon BE. No.
616. : 3”
 Uli nai, sude marlas ni roha, ala naung songgop harajaonNa i
Huria i ria do ro marsomba, mamuji Raja na sun sangap I
Ibana do panondang hangoluan, na mangalehon pangkirimon i
Uli nai marende do Suruan
diborngin i do tubu Kristus I
diborngin i do tubu Kristus I .......hundul.......

III. Invocatio (Jou-jou marsomba tu Debata) U: Uluan, H: Huria

U : Hamu angka dongan na hinaholongan dohot napinalua ni Debata. Diborngin
on ma dipatupa sada natal parningotan ni hatutubu ni Tuhan Jesus Kristus
na nihasuhuthon ni ianakhonta Remaja-Naposo Bulung ni hurianta on.
Tahalashon ma on anggiat gabe mamboan hamubaon di hita tarlumobi tu
angka ianakhonta na manghasuhuthon ulaon on. Mardongan haporseaon na
tung mansai togu, taokuhon ma dibagasan rohanta na Debata do na
mandongani hita, jala Debata do na tumangihon dohot pasinghophon angka
pangidoanta ganup marsadasada.
H : Mansai godang situtu nabinahen ni Jahowa tu hita. Jadi, marhiras ni roha
ma hita disi. Ale Jahowa sai manumpak ma Ho. Ale Jahowa, sai Ho ma
mambahen manjadi
U: Antong taeahi ma hatutubu ni Sipalua I dibagasan las ni rohanta, marende
ma hita

03. Marende BE. No.569: 2, “ O Debata tung Longang do Rohangku”

 O Debata tung longang do rohangku, molo hubereng na tinompaMi
Saluhut Bintang, hilap dohot ronggur manghatindanghon hasangaponMi
…………Jongjong…….
Marende au Tuhan mamuji Ho, o Debata sangap do Ho
Marende au Tuhan Mamuji Ho, o Debata sangap do Ho
1.Votum - Introitus U : Uluan, H: Huria
U : Marhitehite goar ni Debata Ama, dohot goar ni AnakNa Tuhan Jesus Kristus,
dohot goar ni Tondi Porbadia na manompa langit dohot tano on. Amen.
Nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonna GoarNa : Sipartahi halongangan,
Ulubalang ni Debata Ama, saleleng ni lelengna, Raja ni hadameon.
H : Nunga patar dibahen Ho holongMu tu hami, jolma na tinompaMon. Jala
nunga lam hupanghilalahon hami denggan ni basaM na sai tontong mian di
tongatonga nami, ale Jahowa Debata nami Sai Ho ma tongtong na
mangarajai ngolu nami
U : Nunga dilehon Debata Anakna Na sasada I tu portibion, Ibana do na manean
sude angka dosanta. Alani i, puji ma Ibana, puji ma Jesus Kristus anakNa I
mardongan olopolop.
H : mangendehon “Haleluya.....Haleluya.....Haleluya....”
U : Martangiang ma hita : Ale Jahowa Debata Amanami na di Banua ginjang,
mandok mauliate do hami tu Ho ala ni AnakMu Jesus Kristus na
mangajarhon tu hami “salpu pe sogot langit dohot tano on, alai angka
hataNa, ndang olo salpu saleleng ni lelengna”. Alani i, asi ma rohaM di hami
jolma pardosa on. Sai lam patogu ma roha nami manghaporseai hataM
marhite Tondi Porbadia. Urupi ma hami asa lam togu roha nami
manghalungunhon Ho, asa gabe parjambar hami di hatuaon dohot
hangoluan na saleleng ni lelengna. Amen.

2.Marende Sian no: 57: 1+ 3. “Nunga Jumpang Muse”

 Nunga jumpang muse ari pestai. Hatutubu ni Tuhanta Jesus i.
 Tuat do Ibana sian surgoi , mebat tu hita on.
Hasangapon di Debata, Dame-dame ma di jolma,
Las ni roha ni Debata hajolmaon muse.
 Sombanami ma di Ho na tubu on, Ho siboan dame tu portibion.
Sai pasaorhon ma tu rohanami on, Dame-Mi, o Jesus.
Hasangapon di Debata, dame-dame… du……

3.Liturgi I

4. Koor : Re-Na HKBP Bukit Batrem

5.Marende no: 52:2+3, “Hatuaon Do”
 Hatuaon do, las ni roha do, hatutubu ni Jesus i.
:,:Domu do hita tu Debatanta. Las be, las be ma rohanta I:,:
 Hatuaon do, las ni roha do, hatutubu ni Jesus I,
:,:Las ma rohanta mida Tuhanta. Las be, las be ma rohanta i:,:.

6.Liturgi II

7.Koor : Ama HKBP Mekar Sari

8. Marende Sian no. 62: 1+ 4, “Halalas ni Roha Godang”

 Halalas ni roha godang na hubaritahon on
Nunga tubu sipalua dihita jolma on
Reff : Hasangapon di Debata laos Dame, dame, dame ma dijolma
Lomo ni roha ni Debata, do hita jolma on
 Sai sondangi ma rohangku, ale Tuhan Jesus I,
Asa dohot au maruli di hatutubu-Mi. .....du....

9. Liturgi III

10. Koor : Re-Na HKBP Marthin Luther

11. Liturgi IV
12. Marende Sian no: 56 :1 + 4, “Sai Ro ma Hamuna”
Sai ro ma hamuna angka naporsea Jesus, Tuhanku sai naeng pujionku,
Sai ro ma hamuna tu Betlehem pambaenMu di ahu pardosa on.
Ida Dakdanak Sipalua hita Ai gabe jolma Ho humophop ahu. ....du.......
Reff : Tasomba ma Ibana, tasomba ma Ibana,
Ta somba ma Ibana, Rajanta
13. Liturgi V

14. Koor : Re-Na HKBP Mekar Sari

15. Marende Sian no: 54:1-3: Sonang ni Bornginna i.
 Sonang ni borngin na i, uju ro Jesus I, sonang modom do halak sude;
holan dua na dungo dope. Mangingani Anak-na Jesus Tuhanta i.
 Denggan ni borngin na i, uju ro Jesus I, tu parmahan di Betlehem I,
dipaboa na di surgoi: Nunga ro Sipangolu, Jesus Tuhanta i.
16. Liturgi VI

17. Marende Sian BE No. 615 : 1-2

 Tarbege surusuruan marende mansai uli
Angka dolok dohot rura, gok do saringar na i
Sangap ma sangap ma di Tuhan
Sangap ma sangap ma di Tuhan
Reff : Saaaa.......ngapma. sangapma di Tuhan
Saaaa.......ngapma, sangapma di Tuhan
Las roham ale parmahan, nunga tubu Kristus i
Rap marende ma hamuna, pasangaphon Raja i

18. Jamita :

19. Marende Sian no.49:1....., Sai ro ma tu bara. (Papungu

Pelean).
 Sai ro ma tu bara di Betlehem on
Hamu na porsea hatop ma tuson
Marnida halasan ni rohanta i
Tinongos ni Ama na di surgo i
  Tung aha ulaning denggan ni rohaM,
silehononnami baen las ni rohaM?
Nang sere, nang perak, ndang pinangidoM.
Ai roha na ias sambaing do lomoM.
.........musik.........
 Antong rohanami ma peleanMi.
O Jesus, hasian sai jalo ma I;
Ias jala sonang ma baen angka I, ........jongjong.........
tongtong gabe domu ma tu rohaMi.

IV. Panutup (Pasu-pasu): U: Uluan, H: Huria

U : Pujima Debata alani holong ni Rohana naung dipapatar tu hita manisia na
diportibion, Kristus nunga ro mamboan hadameon na sian Debata tu hita
manisia. Saluhut angka na porsea di Ibana paluaon Na do sian dosa dohot
hamagoan i
H: Hasangapon ma di Debata na di banuaginjang, dame ma di tano on di
angka jolma halomoan i
U : Kristus nunga ro mamboan dame tu hita angka bangso na, asa mardame hita
dohot Debata, mardame dohot diritta sandiri, mardame dohot donganta. Alani,
sai marsihothot ma rohamuna jala togu, hamu sude angka na
manghalungunhon Jahowa
H: Ajari ma hami Tuhan mamereng bohiM di bohi ni dongan nami, jala ajari
ma hami Tuhan pasadahon roha nami tu Ho, ale Jahowa Debata mual ni
hadameon.
U: Antong, pauba hamu ma roha muna, jala marhaposan ma tontong tu Debata,
jala oloi ma sude hata Na, hamu angka jolma na porsea na manghalungutton
Ibana.
H : Ajari ma hami Tuhan pasadahon roha nami tu Ho, ale Jahowa Debata mual
ni hadameon.
U: Dibagasan haporseaon na togu, dohot panghirimon namangolu jala
manontong tu Debata, rap ma hita sumombahon tangiang na niajarhon ni
Jesus Kristus tu saluhut angka jolma na porsea di Ibana, rap ma hita mandok
U+H: Ale Ama nami du… + Pasupasu + Mangendehon Amen…Amen…Amen…
V. HIBURAN
 Tortor
 Drama
VI. SNACK

SELAMAT MENYAMBUT NATAL

25 & 26 DESEMBER 2022
&
SELAMAT MENYAMBUT TAHUN BARU
2023
“Karena adalah lebih bahagia memberi daripada menerima (Kis 20: 35 b)”