f 17.

JAMITA : PSALMEN 31 : 1 - 9
18. MARENDE HURIA No. 475 : 1……. “ Tuhan Jesus Siparmahan “ PARTURE NI ACARA MINGGU
(Pelean IIa di tempat; Pelean IIb tu jolo Amplop Ressort)
 Ho tongtong ihuthononku, Jesus Sipangolu au. DI HKBP SA RESSORT SINTANG
Tung na so tadingkononku, Ho na paluahon au.
Sai marguru au tu Ho, sai marguru au tu Ho
Ho tongtong ihuthononku, Jesus Sipangolu au. MINGGU ESTOMIHI
 Tung didia jumpang ahu, Tuhan sada songon Ho.
Na manogunogu ah utu na sonang songon Ho
Sai marguru au tu Ho, sai marguru au tu Ho
Ho tongtong ihuthononku, Jesus Sipangolu au.
PERINGATAN HUT KE 18
 Naung ditaon Ho hamatean lao humophop tondingki
Asa masuk au maneantohap na sumurung i.
Sai marguru au tu Ho, sai marguru au tu Ho
Ho tongtong ihuthononku, Jesus Sipangolu au.
 Sai girgir tu Siparmahan angka birubiru ro.
Jesus gok di ho rohangku, sai ihuthononku.
Sai ihuthononku, sai ihuthononku Ho.
Jesus gok di Ho rohangku, sai ihuthononku Ho.

HKBP RESSORT SINTANG

19. TANGIANG PANUTUP

SELAMAT ULANG TAHUN KE 18

MINGGU, 23 PEBRUARI 2020
HKBP RESSORT SINTANG

Tema :

JAHOWA PARTANOBATOANKU
1. PATUJOLO
Liturgis : Sian hami Pandita Ressort, sude uluan huria, Parhalado Ressort
dohot sude Parhalado na di HKBP sa Ressort Sintang on, hupasahat
hami ma tu hamu saluhutna : Sekolah Minggu, remaja, Naposo,
Ina, Ama : Horas ma di hamu saluhutna : Asi ni roha ni Tuhanta
Jesus Kristus, dohot holong ni Debata Amanta dohot Parsaoran ni
Tondi Parbadia ma mandongani hita saluhutna.
Huria : Horas ma tutu! Sai didongani asi ni roha ni Tuhan Jesus dohot
holong na sian Debata dohot parsaoran ni Tondi Parbadia ma tutu
parsaoran las ni rohanta sadari on.
Liturgis : Di bagasan sadari on tama do hita mandok mauliate tu Debata
Amanta Pardengganbasa i dohot tu Jesus Kristus Raja ni Huria
dohot tu Tondi Parbadia na marmudumudu huriaNa, ai mamungka
dipaojak gabe Ressort boho ma sadari on 18 taon naung ojak
HKBP Ressort Sintang. Saluhutna i, tung asi ni roha ni Debata do.
Alani tama ma tutu tapuji Debata. Tapasahat ma i marhite na
taendehon Ende No. 581 : 1 “ Sangap di Jahowa “
Huria : (mangendehon) Ende No, 581 : 1 “ Sangap di Jahowa “
Holan Parompuan: Sangap di Jahowa na sun timbul i.
Holan Baoa :Balga ni holongNa ndang tarasam i.
Sude : Dilehon Anakna na sasada i, manobus hita
jolma pardosa i.
Holan Baoa : Puji ma Debata ale manisia.
Holan Parompuan: Las roham, las roham. Somba ma Debata.
Sude : Dapothon Jahowa na sun timbul i. Marhite
Anakna Tuhan Jesus i.
Liturgis : Tung so tarasam do balga ni holong ni Debata dibagasan pardalan
ni huriaNa mamungka ojak gabe Ressort HKBP Ressort Sintang on
di 18 taon naung salpu. Marningot saluhutna pambahenan ni
Debata i, tung tama ma lam balga holong ni rohanta tu Debata
dohot tu huriaNa i, ai ndang gabe sumurut manang parpudi hita
dibahen Debata maradophon na humaliang hita. Ro be ma hita tu
adopanNa jala tasomba ma Ibana.
Huria : (Mangendehon) Ende No. 581 : 2 “ Sangap di Jahowa”
Holan Baoa : Tung so hasuhatan do basaNa i, marhite Anakna nilehonNa i.
Holan Parompuan : MudarNa durus do di hau silang i. Rara pe dosanta ias dibaen
i.
2 7
Liturgis : Ima Hata ni Debata.
Martua do angka na tumangihon Hata ni Debata jala na
umpeopsa. Amen.
10. Koor :
11. MARENDE HURIA No. 467 : 1 + 4 “ Asi ni rohaM Hupuji “
 Asi ni rohaM hupuji ala Ho manobus au.
Dipaias Ho rohangku gabe soranganMu au.
Ref. IngananMu rohanami, tondiMi manggohi i.
Pangke dohot ngolunami gabe ulaulaMi.
--------- jongjong ----------
 Sai papulik rohanami gabe pangoloi di Ho.
Asa marsahala hami lao manghatindangkon Ho.
Ref. IngananMu rohanami, tondiMi manggohi i.
Pangke dohot ngolunami gabe ulaulaMi.
12. MANGHATINDANGKON HAPORSEAON
13. KOOR
14. TINGTING – TANGIANG
15. KOOR
16. MARENDE HURIA No. 117 : 1.... “ Jahowa Debatanta do “
(Pelean Ia + Ib)
 Jahowa Debatanta do partanobatoanta.
Musunta ingkon talu do dibaen pangondinganta.
Ianggo musu i, ima sibolis i; jorbut do tahi ni, mangago jolma i;
ndang dapot na mangatup.
 Gogonta ndang haposan i, tibu do mago hita.
Pinillit ni Jahowa i, na tuk pamonang hita.
Ai ise goar ni? Ima AnakNa i, Tuhanta Jesus i.
Sigomgom sasude, na so tarbaen so monang.
 Gok begu pe portibi on na naeng mamolgak hita.
Nda tung mabiar hita on, ai ingkon monang hita.
Ai nang tarrimas pe sibolis i tahe, ndang habiaran be
Ai nang sahata pe tuk do manaluhonsa.
 Ai Hata ni Jahowa i ndang dapot ungkitonna.
Tuhanta manjagahon i, ditungkol naposoNa
Hosanta arta pe, ugasan sasude, dirampas musu i.
Antong mahua i; Hot do harajaonna.
8. MARENDE HURIA No. 435 : 1 + 3 “ Marolopolop Tondingki “
 Marolopolop tondingki ai naung ditobus Jesus i.
Hamu sude begema i, sai las rohangku mandok i.
Sonang ni tingki i, dung jumpang Jesus Tuhanki.
Tondi na mangajari au, tarbaen marlasniroha au.
Sonang ni tingki i dung jumpang Jesus Tuhanki.
 Dihaol holongNa rohangki, tung na so boi be mago i.
Matana do manatap, pinggolna tu mangihon au.
Sonang ni tingki i, dung jumpang Jesus Tuhanki.
Tondi na mangajari au, tarbaen marlasniroha au.
Sonang ni tingki i dung jumpang Jesus Tuhanki.
9. EPISTEL
Liturgis : Epistel di Minggu sadari on ima na tarsurat di Mateus 17 : 1 - 13
Dung i salpu onom ari, di arahon Jesus ma si Petrus, si Jakobus dohot
anggina si Johannes, ditogihon ma nasida tu sada dolok na timbo, tu
na suhi.
Huria : Dung i muba ma rupaNa di ida nasida, gabe marsinondang ma bohina
songon mata ni ari, mamontar ma ulosna songon na tiur. Jadi tarida
ma di nasida si Musa dohot si Elia, manghatai dohot Ibana.
Liturgis : Jadi dipanghulingi si Petrus ma Jesus; Tuhan, sonangna i dison. Molo
une di rohaM, hupauli ma dison tolu inganan, sada di Ho, sada di si
Musa, sada di si Elia.
Huria : Mandok i dope ibana, ro ma sada ombun na tiur mangalinggomi
nasida jadi mangkuling ma soara sian bagasan ombun i : On do Anak
haholonganku, lomo do rohangku mida Ibana, tangihon hamu ma
Ibana.
Liturgis : Umbege i angka sisean i, manungkap ma nasida jala mabiar situtu.
Gabe didapothon Jesus ma nasida laos dijama, huhut ma didok: Hehe
ma hamu; unang ma mabiar. Alai laho manaili tu ginjang, sasada
Jesus nama dapot matanasida disi.
Huria : Jadi laho tuat sian dolok i, dipatihi Jesus ma nasida, na so jadi paboan
on tu manang ise pe na niida nasida i, saleleng so hehe dope Anak ni
jolma i sian na mate.
Liturgis : Dungi disungkun angka siseanna ma Ibana: Boha do pandok ni angka
siboro surat: Ingkon jumolo ro si Elia ? Gabe dialusi Jesus ma nasida:
Ro ma tutu si Elia pajongjongkon saluhutna.
Huria : Alai hudok ma tu hamu : Nunga sahat ro si Elia, alai ndang ditanda
nasida ibana; roharohanasida do dibahen tu ibana. Laos songoni ma
mangae Anak ni jolma i bahenon nasida. Dung pe i asa diboto
siseanNa i, si Johannes pandidi na nidokna disi.
6 Sion Nauli.
Sude : Puji ma Debata ale manisia. Las roham, las roham. Somba ma
Debata. Dapothon Jahowa na sun timbul i. Marhite Anakna Tuhan
Jesus i.
Liturgis : Pillit ma sadari on manang ise sioloanmu : Hagogoon ni Debata do
manang hagogoon ni portibi on. Pillit ma manang ise sisombaonmu
: debata sileban do manang Debata silehon hangoluan i.
Huria : (JONGJONG)
Alai anggo Ahu dohot donganku sajabu, Debata Jahowa do
oloannami.
Huria : (Mangendehon) Ende No. 581 : 3 “ Sangap di Jahowa “
Balga situtu pambaenMi Debata. Tung so hasuhatan holong ni
rohaM. Tu jolma pardosa asi do rohaM, di ungkap Ho dalan lao tu
banuaM.
Puji ma Debata ale manisia. Las roham, las roham. Somba ma
Debata. Dapothon Jahowa na sun timbul i. Marhite Anakna Tuhan
Jesus i.
2. VOTUM - INTROITUS – TANGIANG
Liturgis : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia, na manompa langit dohot tano
on. Amen.
Sai paeleng ma pinggolMu tu ahu, hapogani paluahon ahu. Sai Ho ma
gabe dolok batu partanobatoan di ahu, gabe huta na gonting laho
pangoluhon ahu. Ai Ho do partanobatoanku hian dohot
pangondinganku, jala ala ni goarMu sai iringiringonMu jala toguonMu
ahu. Tu Ho do ale Jahowa, ahu marhaporusan, sai unang ma paurak ahu
saleleng ni lelengna; sai palua ma ahu marhitehite hatogoranMu.
HALELUYA!
Huria : (Mangendehon) Haleluya..Haleluya..Haleluya.
Liturgis : Martangiang ma hita : Ale Tuhan Debata Pargogo na so hatudosan,
Amanami saleleng ni lelengna. Asi ni rohaM do na mangaramoti hami
dohot huriaM sian na sai laon sahat tu sadari on. Hupuji hami Ho ala
dilehon Barita Nauli na gabe hangoluannami.
Huria : Sai asi ma rohaM di hami, sai buhai ma rohanami jala lehon TondiM na
badia i, asa huantusi hami sude panogunoguM dohot pambahenanMu na
balga i.
Liturgis : Tu Ho do hami pasahathon parsombaonnami, ala sian tingki tu tingki,
lam sai di dongani Ho do huriaM di panghobasionna.
Huria : Ho do na pajongjongkon dohot paojakhon huriam HKBP Ressort
Sintang on ima huriaM HKBP Sintang on, HKBP Belitang dohot HKBP
3
 Liturgis : Ditongos Ho do angka NaposoM, angka pandita, mamaritahon Barita
Nauli tu huriaM jala dilehon Ho do sada ni roha di ruasMu di Ressort
on.
Huria : Dipabangkit Ho do marhite huriaM angka sintua, parhalado na olo
manghobasi di huriaMi. Sai jalo jala tangihon ma las ni rohanami sadari
on.
Liturgis : Sai paian ma HataM di bagasan rohanami be asa mardame jala sonang
huhut lam imbaru rohanami marhitehite Tuhan Jesus Kristus
Tuhannami. Amen. (Hundul)
3. MARENDE HURIA No. 363 : 1 + 10 “ Hamu Saluhut Harajaon”
 Mauliate dok hamuna di Debata na basar i.
Sai puji ma denggan basaNa, na so marpansohotan i.
O Israel, girgir endehon ma asi ni rohaNa i.
Na so hea marparujungan, saleleng ni lelengna i.
 Dison do bahal ni Jahowa, bongotan ni partigor i.
Lao pasangaphon Debatanta di serep ni rohaNa i
Mauliate ma rohangku di Ho na asi roha i
Na mangalusi tangiangku, mambahen hatuaonki.
4. REFLEKSI HUT - PATIK
Liturgis : Gok ma nuaeng umur ni HKBP Ressort Sintang 18 taon. Molo
taingot, tarimangi saluhut pardalan ni Ressort on, mansai godang
pasupasu. Saluhutna i pasupasu dohot pandonganion ni Debata do.
Huria : Sai baritahononku ma tutu angka denggan basa ni Debata, ai ido na
tama marningot sude na binahen ni Jahowa.
Liturgis : Molo taida nuaeng nunga tung mangerbang be HKBP Ressort
Sintang on. Sian mamungka ojak gabe Ressort; lam martamba ruasna
dohot parhaladona, lam hottot parsaoran suang songon i haburjuon
mamelehon dirina dohot na adong di ibana tu huria i – lam martamba
arta ni angka huria -
Huria : Sai anggiat ma tu joloan ni ari on lam tu singkopna panghobasion ni
huriaNa marhite Ressort on – anggiat lam marsangap Debata di
tongatonga ni huriaNa HKBP Sintang, HKBP Belitang dohot di
HKBP Sion Nauli. Dipargogoi Debata ma saluhut parhaladoNa
patulushon sangkap ni Debata di huriaNa.
Liturgis : Antong taolophon ma denggan basaNa marhite na manghangoluhon
patik ni Debata di bagasan HataNa di Efesus 4 : 24 na mandok : Jala
solukkon hamu ma jolma na imbaru, na tinompa suman tu
Debata, dibagasan hatigoran dohot hapolinon na
marhasintongan. Marsiadu ma hita patupa na denggan laho
manumpahi nasa ulaon na denggan di huriaNa, asa lam jumpang di
4 5
Huria : Ale Tuhan Debata, sai pargogoi ma hami mangulahon na hombar tu
patikMi. Amen.
5. Koor :
6. MARENDE HURIA No. 432 : 1 – 2 “ Sian Hurungan ni dosangki “
 Sian hurungan ni dosangki ro au tu Ho, ro au tu Ho.
Tu haluaon di mudarMi, Jesus au rot u Ho
Nasa rohangku malum hipas, gabe mamora nangpe pogos
Sian jeangku ro au tu Ho, Jesus au rot u Ho.
------- jongjong -----
 Sian ilangku nang ramunhi, ro au tu Ho, ro au tu Ho.
Gabe na ias nang rohangki, Jesus au rot u Ho
Sian holsongku tu sonangMi, sian runduthu tu dameMi
Sian arsakkku tu holongMi, Jesus au rot u Ho.
7. MANOPOTI DOSA
Liturgis : Tatopoti ma dosanta. Martangiang ma hita :
Ale Tuhan Debata Pargogo na so hatudosan, Parasiroha na sumurung,
Ama ni Tuhan Jesus Kristus Sipangolu hami. Hami halak pardosa na
dangol on, ro tu jolo habangsa ni habadiaonMi manopoti jala
manganggukhon dosanami. Mansai jotjot huarsahi hami Ho
marhitehite pingkiran dohot hata dohot pambahenanami na roa i.
Huria :Ndang huhaholongi hami Ho sian nasa rohanami dohot nasa
ateatenami dohot nasa tondinami dohot nasa gogoami; nang
dongannami, ndang doshon dirinami hubahen hami.
Liturgis : Dibahen i tama do rimasanMu jala uhumanMu hami tu hamatean
saleleng ni lelengna.
Huria :Alai na maporus ma hami nuaeng tu asi ni rohaM na godang i,
mangido sian nasa rohanami hasesaan ni dosanami saluhutna.
Liturgis : Sai urupi ma hami paubahon rohanami ala ni Tuhan Jesus Kristus,
Anak Haholongan ni rohaM, Sipangolu hami dohot alani GoarMu na
badia i. Ale Tuhan, sai asi ma rohaM, di hami halak na dangol on.
Amen.
-------- hohom mar 7 detik -------
Liturgis : Bagabaga ni Debata di hasesaan ni dosa.
Munsat pe angka dolok jala humuntal pe angka robean, alai anggo
parasi ni rohangKu na so tupa munsat sian ho jala padan ni
hadameonKu na so tupa humordit, ninna Jahowa siasi i ho.
Hasangapon ma di Debata na di ginjang!
Huria :Amen