BAHAN SERMON EVANGGELIUM LUK 14:7-11 RESORT ONANRUNGGU

MINGGU XII D.TRINITATIS

TOPIK: MANGOLU DIBAGASAN SEREP NI ROHA

PATUJOLONA

Kehormatan / hasangapon adalah sesuatu yang sangat penting bagi kehidupan sosial. Menurut duniawi
kehormatan / hasangapon itu harus dicapai dan menjadi sebuah kebutuhan. Pandohan nadeba na mandok: na
binahen do diriniba sangap asa sangap. Tutu do i! Jala ido dipareahi torop halak umbahen na marsiadu panakkokhon
status martabat, jabatan, pendidikan, kekayaan, asa nangkok do dohot hasangapon ni jolma i. Halak batak pe
diparhatutu do: Hasangapon, Hagabeon, Hamoraon ido gabe sitta-sitta na. Diturpuk on marasing do cara manang
ajaran ni Tuhan Jesus asa nangkok kehormatan / hasangapon ni sasahalak jolma, sian angka natagoari nadiginjang i.
Tasigatima!

LATAR BELAKANG ni turpuk on berawal sian na dipio sahalak sintua ni halak Parise do Jesus laho marsipanganon
tongon di ari sabbat. Alai jumpangsa ma disi sahalak na marsahit sigurbagahon. Jumolo ma i dipamalum Jesus nang
pe diari Sabbat, maralo hombar tu aturan ni hajahudion. Jesus lebih mengutamakan parasinirohaon sian angka na
asing na i. Ihut do muse diida Jesus taringot tu parhundul ni angka na dipio di sada parunjuhan (7-11), laos diajari do
muse akka ise do si pio on jumpa adong parunjuhan (12-14), laos akka kemungkinan na terjadi jumpa masa pamioon
(15-24).

HATORANGAN: PARHUNDUL NI ANGKA NA PINIO DI SADA PARUNJUHAN

Etika / tata cara sikap; disude tempat do adong, jala sude do i asa mardalan hombar tu aturan / kebudayaan/
adatistiadat/. Diajari Jesus do taringot tu etika / tata cara sikap na seharusna parhundul ni akka jolma molo di pio tu
sada ulaon. Alai laos diumpamahon Jesus do turpuk on tarinngot tu Jesus na mamio hita tu Harajaon sogot. Molo ro
tusada ulaon parunjuhan dengganan do molo suhut i na manontuhon parhundul sian hita sandiri na langsung
mambuat parhundulta. Denggan do molo halak na asing pasangaphon hita, sian hita sandiri. Jesus mandok atik tung
beha adong halak na sumangap sian hita dope na pinio ni suhut i. Unang gabe maila maon, molo disuru muse pindah
sian hundulanta i. Jala ido aturan na masa, lomo ni suhut do mangaturhon ise ma na patut hundul di lambungna
(somalna ido na sumangap di ulaon i). Ndada na mandok Jesus asa Marsipaula ma hita, purapura duduk di belakang
asa dijou tu jolo. Alai molo pe so dijou ala memang sian ias ni roha ta do hundul di pudi dang gabe ungutungut i muse.
Ba molo dijou hita tu jolo na uli ma i.

Jesus ndada holan mangondolhon etika/ tata cara sikap parhundul ni jolma i, alai na ummarga sian idope ima:
Haserepon ni Roha i. Dipatuduhon tata cara sikap ta ido haserepon ni roha ta. Jesus mangajarhon ise na patimbohon
dirina sipaoruon do, ise na paoru dirina ido sipatimboon! Lapatanna holan Jesus do na berhak patimbohon sasahalak
jolma laos paoru sangap ni sasahalak jolma. Dang berhak jolma i laho mambahen dirina sogot timbo / sangap dijolo ni
Debata dina dipio tu harajaonna, laos dang berhak jolma i manontuhon dirina toru / lea di meja kerajaan Allah. Alai
dipangido Jesus do asa ganup jolma marsiadu patutoru dirina be maradophon dongan na. Ise naeng sangap,
dipasangap ma jumolo donganna, masijolojoloanan ma hamu masipasangapan, dengan demikian Allah akan
menimbang dan melihat siapa yang pantas dipanggil duduk disebelahnya ketika perjamuan nanti.

HAHONAAN TU NGOLU SIAPARI: MANGOLU DIBAGASAN HASEREPON NI ROHA

Aha do mambahen maol jumpang jolma na serep marroha? Alusna: ala mian roha diri, ginjang ni roha, na
beranggapan lebih tinggi daripada sesamanya. Jotjot lupa, diatas langit masih ada langit (ilustrasi: seperti katak dalam
tempurung). Endeta ipe mandok: ginjang ni roha ido jumotjot ala pangalapan sala.

a. Mangolu dibagasan serep ni roha boi jumpang do i ala tongtong taingot bahwa sude na adong dihita dohot na
diportibion sifatnya adalaah sementara. Naso jadi hita marhaposan tu saluhutna i. Jesus pe dang lomo rohana
akka naung tinobusna dipatutuoru muse di harajaon ni Ama i, ido mubahen dipaboa Ibana rahasia / kunci
utama supaya bisa duduk DEKAT bersama dengan Bapa. Ima mangolu dibagasan serep ni roha. Jesus sandiri
pe nunga dipatuduhon marhite dirina na manolukkon rupa hatoban di Pillipi 2:1-11 i.
b. Mangolu di bagasan serep ni roha ido na gabe ciri-ciri utama bagi orang Kristen siihuthon Kristus. Memiliki
prinsip bahwa hanya Allahlah yang patut ditinggikan dan dimuliakan, bukan diri kita didepan sesama manusia
c. Ndang na gabe ukuran hasangapon ni portibion tolok ukur hasangapon sipasahaton ni Debata tu akka na
mangulahon haserepon ni roha i, alai umbalga sian idope. Molo pe gabe moru sangapta diadopan ni halak ala
tapatutoru dirinta maradophon ibana alai adong do Debata na manimbangisa muse tu hita.
d. Tatambai ma muse asa lam mamora hita di pangantusion.
 BAHAN SERMON EPISTEL MINGGU XIII D.TRINITATIS RESORT ONANRUNGGU
JESAYA 57:14-21
MANGOLU DIBAGASAN HASEREPON NI ROHA

1. Dipatuduhon Debata do holongni rohana tongtong tu bangso naung pinillitNa i, marhite na

manogunogu, maminsang marhite uhuman habuangan, paluahon sian habuangan laos
mangapuli roha ni bangsoNa naung magopu. Holong ni roha ni Jahowa tu bangsona di turpuk on
berupa hukuman habuangan alai laos huhut do dipalua sian habuangan i mulak muse tu
Jerusalem huta bonapasogit na hian. Dang dipaloas Debata bangsoNa i lalap di hasomalan na
nasai manomba ganaganaan i ido umbahen diuhum Debata nasida marhite habuangan. Alai tong
do marulahulak rohaNa dang dipasombu maheu jala magopu roha ni bangsoNa ala habuangan i
ido umbahen ditogihon muse mulak nasida asa mulak muse bangso i tu hadirionna songon
bangso ni Debata, ima turpuk epistelta on.
2. Dipatuduhon panurat on do las ni roha ni Debata manjangkon mulak muse bangso i tu
Jerusalem, songoni dohot akka jolma na asing na adong di Jerusalem hatiha i laho manomu
hamumulak ni bangso i sian habuangan. Pandohan “horsihi, horsihi, pahornop ma dalan i, padao
ma partuktuhan sian dalan ni bangsoku” (14) sada pandohan penyambutan tamu dengan
sukacita dan penuh persiapan do i siala naung leleng dipaimaima hamumulakna. Ihut tusi ma
muse dipaandar di turpuk on paboa Debata nasuntimbul jala na marmulia i sandiri do na
patuduhon hadirionna songon Debata parholong na sai mian tongtong dilambung ni bangsona
(15). Dua inganan hadirionNa dipatorang dison ima: Dibanua Ginjang dohot dilambung ni halak
parroha na magopu / maheu. Debata na badia do ibana na hundul di habangsa habadiaonNa di
banua ginjang i, alai laos huhut do Ibana mian raphon angka halak na maheu, naso mardiha
diha, na serep marroha dohot partondi na gale. Dang holan Debata na tuk manguhum ala
rimasNa ibana, alai huhut do Debata parholong jala parasiroha Ibana mida bangsoNa. Ido
umbahen Ibana sandiri do na marnida pangalaho pangalaosion ni bangsoNa i huhut sai
marhusari do rohaNa mida roha ni bangsoNa i sotung ma on gabe mandate alani uhuman i (16).
Sai marpangulahi do tongtong rohaNa mida-ida pangalaosion ni bangso i, sai dipinsang do asa
muba alai sai tongtong do didatdati mangulahon dosa (17); sai hera naung so marbinege jala so
marnida do dibahen bangso i Debata ala jotjotan do madabu tubagasan hajahaton nasida.
Debata sandiri do tahe manguhum bangso i songon cara ni Debata paubahon roha na sai
maninggalhon Ibana, ai Ibana do maminsang laos ibana do pamalumhon asa ditanda goarna na
sun timbul i (18-19). Akka jolma na olo marhaposan tu Debata sai maruli hagogoon do i
mardapot dapot, alai anggo halak na so olo mangoloi Debata tudosdo ibana songon aek di laut
na margalumbang na so adong hasonangan na, sai susa do rohana dibagasan jala dang dapot
hasonangan ianggo tondina (20-21). Ai nunga mian hajahaton di rohana jala holan dalan
pasauthon tahitahi ni hajahaton i nama dipikkiri rohana. Ido umbahen dang dihalomohon Debata
bangsona mangulahon hajahaton ai hasusaan do jambarna di tanoon nang diari sogot pe. Sai
marpangulahi do tongtong rohaNa mida angka pangalaosion ni bangsoNa i jala sai dipaima ima
do hamumulakna asa marhasonangan bangso naung pinilitNa i. Ima balga ni holong ni rohaNa.
3. Dijou Debata do angka napililtNa i marhite turpuk on asa marhasonangan di ngolu siapari
marhite na mulak muse tu dalan ni Debata. Molo pe sipata dibolus ragam ni hasusaan ala ni
portibion alai tongtong do Debata mian dilamabung ni angka halak na olo manjou goarNa. Dang
hea dipasombu Debata bangsoNa maheu jala humasusa laos mandate, alai sai dilambungna do
Ibana mangapuli huhut pamalumhon asalma nian olo jolma i pajonokhon diri tu Ibana huhut
mananda Ibana dibagasan haserepon ni roha. Tanda naung mangolu dibagasan haserepon ni
roha do molo olo jolma i manjou Debata mian tongtong dirohana huhut padaohon hajahaton
sian tahitahi ni roha nang pikkiran na. Alai molo sai mangasahon gogo do dohot pikkiran ni
rohana do jolma i, ido namambahen maol mian Debata di ibana jala mago ma haunduhon na tu
Debata sitompa jala sipalua ibana. Tuson do hita dijou turpuk on asa paposhon rohata laho
tongtong satia mangihuthon lomo ni rohaNa dibagasan haserepon ni roha, nang pe sipata
sihosomi portibion hita siala parsihohotonta tu Ibana.
4. Molo unduk hita tu Debata sai tau hasonangan do jambarta muse, taingot ma dang hea Debata
pasombuhon hita angka naung pinaluaNa tongtong humasusa binahen ni angka na masa ditano
on, Donganta do Debata! Molo Debata do Donganta ise be alonta? Molo Debata do donganta,
dang adong be sihabiaranta, molo Debata do donganta dao ma hajahaton sian rohata. Ai dang
hea mian Debata di roha na so ias, ala Debata na badia do Ibana. Alai tapaias ma rohanta,
mangolu ma hita dibagasan haserepon ni roha asa mian Debata di lambung ta, jala sonang ma
ngolunta. Amen...,,