Ambilan Minggu, 26 September 2021

Teks : Pilemon 1 : 8 – 17
Topik : Manggoluh doskon Keluarga ni Naibata

Somal do jumpah hita i tongah-tongahni masyarakat, anggo adong sahalak na

marsalah, mahol tumang do ijalo hasoman hajongjonganni agepe domma marubah
parlahouni. Boi do ia gabe bahan tartawaan bahkan sipata ahape na ihorjahonni selalu serba
salah bani hasoman. Artini kesalahan di masa lalu boi do mambahen sasahalak mendapat
penolakan sosial di lingkungannya.
Bani ambilan on, beda do sikap ni Paulus hubani Onesimus na mambahen kesalahan
dompak si Pilemon. Onesimus aima jabolonni Pilemon, sahalak na bayak hun Kolose. Sada
panorang Onesimus manghorjahon na jahat i lobeini Pilemon majikanni ai. Halani ai
Onesimus melarikan diri dari Pilemon. Tapi bani sada panorang Apostel Paulus pajumpah
pakon Onesimus. Parjumpahanni sidea ai mambahen hamubahonni uhur bani Onesimus,
janah dihut ma ia rap pakon Paulus bani horja pangidangion. Sanggah ipenjara Paulus, si
Onesimus do patorsa-torsahon na porlu bani Paulus. Selaku juak-juakni Naibata, lang
marosuh Paulus mangidah anggo torus hurang dear parsaoranni si Onesimus pakon si
Pilemon. Halani ai ibagas toruhni uhur iondoskon Paulus ma si Onesimus hubani si Pilemon.
Ipangindohon Paulus ma ase sirsir si Pilemon manjalo si Onesimus ampa mengampuni
kesalahanni. Pangindoanni Paulus ase Pilemon manjalo Onesimus lang be gabe jabolon tapi
gabe sanina na hinaholongan, ase dear parsaoranni sidea. Jangan ada lagi dendam di antara
mereka. Hukum Romawi panorang ai mangijinkan anggo adong jabolon melarikan diri
karena kejahatan boi do ia ihukum mati. Tapi lang hukum Romawi na ipakei Paulus tapi
titahni Naibata do aima ase marsihaholongan janah saling mengampuni.
Hita haganupan...
Bani parsaoranta siganup ari rap pakon hasoman, gati do jumpah hita kesalahpahaman,
boritni uhur halani sikap pakon pambahenanni hasoman. Jumpah hita do homa bagei-bagei
masalah i tongah-tongahni na mardiha-diha na mambahen hurang dear parsaoran. Tapi
marhitei pardas ni ambilan na madear hu tanoh Simalungun 118 tahun na salpu, domma idilo
Naibata hita gabe keluarga-Ni. Halani ai, selaku keluarga ni Naibata, ambilan on mangajari
sonaha do hita sepatutni mandompakkon na masa in:
1. Gabe siboan damei ma hita: sirsir patorsahon na hurang janah padameihon na
berselisih.
Domma ibere Paulus banta siusihan, ase anggo adong hasomanta na berselisih maningon
gabe mediator ma hita laho padameihon, memulihkan hubungan na berselisih. Siboan jarum
ma hita laho pasadahon, ulang gabe hita siboan gunting laho pabangbangkon na marigat,
ulang mangkompori laho pagarahon masalah, domdom pakon sogam ni uhur. Selaku
keluarga ni Naibata tardilo do hita gabe siboan damei: mempersatukan yang terpisah,
mendekatkan yang jauh, mendinginkan yang panas. Sasintongni anggo lang dear parsaoranni
si Onesimus pakon Pilemon, secara pribadi maruntung do Paulus halani adong na ipatorsa-
torsahonsi. Tapi lang ipakei Paulus kesempatan ai. Harganan do bani anggo mardamei
Onesimus pakan Pilemon. Jenges tumang iusihi hita na binahen ni Paulus on. Pori pe ningon
loja hita manghorjahon ai, tapi nini Tuhan Jesus: “Martuah ma sibahen damei, ai goranon do
sidea anakni Naibata”. (Mat.5:9).
 2. Sirsir ma hita ipaingat bani hahuranganta.
Ganup do hita ongga marsalah songon si Onesimus. Ganup do hita ongga berselisih pakon
hasomanta. Halani ai anggo adong na sirsir laho paingatkon ampa mamodahi hita, dear
tumang ase jalo hita ma ai ibagas lumbang pakon malas ni uhur, janah sirsir ma hita paubah
uhurta. Sonai do homa anggo adong na marsalah dompak hita songon pengalamanni si
Pilemon, ulang ma mardomdom janah longkot sogam ni uhurta. Ibagas holong na humbani
Naibata jalo hita ma ia songon sanina na hinaholongan, sirsir mengampuni ampa mardamei.
Laho manghorjahon in domma dong onjolan banta na dob ijalo hita humbani Naibata. Ilobei
ni Naibata, ganup do hita marsalah ampa mardousa janah patut hona uhum. Tapi domma
ibahen Naibata pardameian pakon hita marhitei ampa ibagas Jesus Kristus. Halani ai domma
mardamei hita pakon Naibata. Domma isalpuhon ganup hasalahanta i lobei-Ni. Pataridahkon
hita ma buahni ai marhitei na saling mengampuni ibagas holong na humbani Tuhan.
Manggoluh ma hita doskon keluarga harajaon ni Naibata. Amen.