ACARA PELETAKAN BATU PERTAMA

BAGAS NI KELUARGA INANG MAK ANDO PANDIANGAN/BR SIMANUNGKALIT

01.  Marende Huria BE No. 565 : 1 + 4       “Las rohangku lao Mamuji”

 Las rohangku lao mamuji Debata parholturiong i. Songon bunga na mangerbang din a binsar ari i. Arsak, dosa,
haporsuhon mago dibaen asiMi. Las ni roha na manongtong lehon di au Tuhanhi.
 Rap ma hita mangendehon sangap di goarNa i. Tapangiar soaranta lao mamuji Tuhan i. Sun do holong ni rohaNa na so
marnamontok i. I do pasadahon hita salelenglelengna i.

02. Votum - Introitus - Tangiang :

Parhalado: Marhitehite Goar ni Debata Ama, AnakNa Tuhan Jesus Kristus, dohot Goar ni Tondi Parbadia na
tumompa langit dohot tano on.

Keluarga : Amen.

Parhalado: Sai olo ma nang hamu paulion songon angka batu namangolu, gabe bagas partondion jala hamalimon
nabadia, laho mamboan angka pelean partondion halomoan ni roha ni Debata marhite Jesus Kristus.

keluarga: Ale Tuhan, asi rohaM di hami angka ruasMon, sai patau jala pasupasu ma hami laho
manghanjongjonghon bagas on.

Parhalado: Arga do Ibana di hamu angka na porsea, alai di angka na so porsea i : Batu na binolonghon ni angka
pande bagas i, ima gabe batu parsuhi.

kelauarga: Ale Tuhan, asi rohaM di hami angka ruasMon, sai patau jala pasupasu ma hami laho
manghanjongjonghon bagas on.

Parhalado: Martangiang ma hita! Ale Tuhan Jahowa, Ho do partanobatoan dohot mual ni saluhut hagogoon.
Pasupasu ma hami ruasMon nang songon i inganan on, asa batu na hupeakhon hami baen ojahan
pembangunan bagas di inganan on. Togu jala hot songon batu mamak hajongjangan ni bagas
sibaganding tua on. Paias ma inganan on sian angka tondi hajahaton, panggunturi, parsalisian, late ni
roha, dohot pangiburuon. Suanhon ma di inganan on hadameon, holong niroha dohot parbue ni tondi,
asa sian na mamulai sahat tu na mangujungi pembangunan bagas on, asa marolopolop jala marlas ni
roha saluhutna keluarga. Pasupasu ma nang angka pande, na mamandei bagas on, lehononMu
hahipason, gogo, dohot kerjasama di nasida, asa saluhut ulaon nasida denggan jala uli dibagasan
dame. Anggiat ma pembangunan bagas on na pinajongjong di atas ni batu Ojahan na pineakhon
sadarion, hot dihansinghansingna, togu di rancang-rancangna. Ia ro pe udan potir, mangalantap pe
tangkuju jala pur pe habahaba manondong bagas on, ndang marumpak, ai batu mamak do ojahanNa.
Amen.

03. Marende Huria BE No. 569 : 1  “O Debata tung longang do rohangku           
  O Debata tung longang do rohangku, molo hubereng na tinompaMi. Saluhut bintang, hilap dohot ronggur
manghatindanghon hasangapoonMi. (Reff)Marende au Tuhan mamuji Ho, o Debata sangap do Ho. Marende au Tuhan
mamuji Ho, o Debata sangap do Ho.

04. Jamita: psalmen 127:1

05. Marende BE No. 753 : 1 “Di pardalanan Jesus di jolongku” 
  Di pardalanan Jesus di jolongku, holong ni tanganMi manogu au. Nang dingolungku Ho do sombaonhu,
tung sonang mardalan raphon au. Huboto do tangkas panoguonMu diiringiring Ho do langkangki. Sahat ro di
ujung ni pardalanku, togu ma au jonok tu lambungMi.
06.Tangiang panutup
07. Mameangkon batu parjolo (diatur tersendiri)