ACARA PARTANGIANGAN

MANDOK MAULIATE TU NATUA-TUA

DESA SIHOMBU, JUMAT, 30 DESEMBER 2022
P = Paragenda; H = Huria; Kel = Keluarga S = Sude
01. JOUJOU MARPARSAORAN DOHOT DEBATA
P : Tama do sadarion hita marningot basa ni Jahowa di angka natajalo. Aut
surat tasungkun dirinta, tarbahen hita ma margogo mamolus angka
galumbang na pasingkot parsorin di pardalananta? Saluhut nai tung ala asi
ni Debata Jahowa sitompa langit dohot tano on.
H : Pujion ni rohangku dohot tondingku do Ho ale Jahowa ala saluhut denggan
ni basaMi. Tung aha ma ahu nian di adopan ni habadiaonMu? Nda
tudoshon songon orbuk do ahu anggo dijoloM? Tung tarbahen ahu ma
mangalangka ia so mardonganhon Ho? Ho do na manompa portibi on ro di
isina, nda guru di Ho do saluhut?
P : Asi ni roha ni Jahowa do na manontong soada manang ise pe namanundati
i. Onpe holan asi ni roha nama sipangasahononhon sian tingki tu tingki.
Marpanumpak tu las ni roha do asi ni roha ni Jahowa.
H : Sian asi ni roha ni Jahowa do boi ahu mangalangka, mangula, marhobas
sumarihon angka napatut sisarihonongku. Di parhatopot rohangku do, asi
ni roha ni Jahowa ro di saleleng ni leleng na.
P+H: Eben Haizer. Rasi rasa sadarion di asi i Jahowa do hita. Hasangapon,
hamuliaon ma di Ho ale Jahowa di bagasan Jesus Kristus Tuhan i.
02. MARENDE NO. 467 : 1 ASI NI ROHAM HUPUJI
♫ Asi ni rohaM hupuji ala Ho manobus au,
Dipaias Ho rohangku, gabe soranganMu au.
IngananMu rohanami, tondiMi manggohi i,
Pangke dohot ngolunami gabe ulaulaMi.
03. VOTUM - INTROITUS
P : Di bagasan GoarMu ale Debata Ama, Anak Tuhan Jesus Kristus dohot
Tondi Porbadia, tabuha i ma Partangiangan manghatindanghon
pandonganion ni Debata di pomparan ni Natuatua on.
H : Ro ma Ho tu tongatonga nami, Ho ma natarpuji, marsangap ma GoarMu
di partangiangannami on.
1
 Kel : Mauliate ma rohanami di Ho ale Jahowa na manghaholongi hami, sian
denggan ni basaM do hami umbahen na boi hami mangalangka dohot
mangula nasa siulaonnami, ai ndang adong na hupangasahon hami
dungkon asi ni rohaM.
H : Bagasnai antong hamoraon hapistaran dohot parbinotoan ni Debata.
Naso hasigatan do angka uhumNa, jala naso habogasan do angka
dalanNa.
P : Onpe, puji hamu ma Jahowa di bagasan hajanghajang ni hagogoonNa.
Puji hamu ma Jahowa di bagasan hamuliaonNa na sun badia. Ibana do
Alfa dohot Omega, bonana dohot ujungna.
S : (mangendehon) BE. No. 9 : 1 HUPUJI HOLONG NI
♫ Hupuji holong ni rohamu, o Tuhan Jesus, Rajangki.
Tu Ho hulehon ma tondingku, ai i do pinangidoMi
Huhalupahon ma diringku, mamingkir holong ni rohaMu.
P : Martangiang ma hita: Ale Debata, Ama ni saluhut parasinirohaon!
Pujipujian mardongan mauliate ma dipasahat hami tu Ho di bagasan
sadarion, ala denggan ni basaM dohot asi ni rohaM na manogunogu jala
mangiringiring hami. Di papungu Ho hami di inganan on jala marlas ni
roha hami siala dilehon Ho do pasupasu tu natuatua nami on. Ndang
hasuhatan denggan ni basaM dohot sude asi ni rohaMi. Pos do rohanami
nang tu joloan ni ari on pe, sai lam tambai ma las ni roha ditongatonga ni
keluarga on songon I nang tu ianakhonna nang saluhut pinomparna tahe.
Tambai hahipason, habisuhon jala pasupasu na niula ni tangan nang
pingkiran nasida na so maralo tu hataMi. Jalo ma tangiang hamauliateon
ni rohanami on, ala ni AnakMu Tuhan Jesus Kristus Tuhannami.
H : A m e n.
04. MARENDE BE. 754 : 1 – 2 GOK LAS NI ROHA DO AU
♫ Gok las ni roha do au di ngolunghon, di ngolunghon, di ngolunghon. Gok
las ni roha do au di ngolunghon, tongtong di rohanghon. Ref.: Mauliate
gok las ni roha maringan holongMi Tuhan di au. Mauliate gok las ni
roha maringan holongMi Tuhan di au.
♫ Mardame jala sonang do ngolunghon, di rohanghon, di rohanghon.
Mardame jala sonang do ngolunghon, tongtong di rohanghon.
Ref.: ……….

2
05. MANJAHA HATA I DEBATA : Psalmen 150 : 1 – 6
P : Halleluya! Puji hamu ma Debata di bagasan habadiaonna i, puji hamu
ma ibana di hajanghajang ni hagogoonna i!
H : Puji hamu ma Ibana ala hagogoonna, angka na sumurung i, puji hamu
ma Ibana, hombar tu hinagodang ni hatimbulonna.
P : Puji hamu ma Ibana mardongan soara ni sarune, puji hamu ma Ibana
mardongan arbap dohot sordam.
H : Puji hamu ma Ibana mardongan tali sajak dohot panontoron na marliat,
puji hamu ma Ibana mardongan hasapi dohot tulila!
P : Puji hamu ma Ibana mardongan ogung panggora, puji hamu ma Ibana
mardongan ogung panonggahi!
H : Sude na marhosa ingkon mamuji Jahowa! Halleluya.
P : Ido sahatna: Martua do angka na tumangihon hata ni Debata jala na
umpeopsa, Amen.

06. MARENDE NO. 691 : 1 – 2 HUPASAHAT MA TU JESUS

♫ Hupasahat ma tu Jesus saluhutna ngolungki,
Roha nang pambahenanku saluhut na tingkihi.
Ref.: Hupasahat ma tu Jesus saluhutna diringki.
Hupasahat ma tu Jesus saluhutna ngolungki.
♫ Pangkeonku ma tanganku, mangula lomoNa i.
Langka nang simanjojakhu mangihuthon Tuhanki.
Ref.: Hupasahat ma tu Jesus saluhutna diringki.
Hupasahat ma tu Jesus saluhutna ngolungki.

07. TANGIANG PANGONDIAONON

08. Marende No 753 :1 “Dipardalanan Jesus di jolongku”
 Di pardalan Jesus di jolongku holong ni TanganMi manogu au. Nang di
ngolungku Ho do sombaongku, tung sonang mardalan raphon au. (Reff)
Huboto do tangkas panoguonMu, ditiop Ho tontong do langkangki,
sahat ro di ujung ni pardalangku, togu mau jonok tulambungMi.

09. JAMITA/RENUNGAN SINGKAT: Pdt Antonius Situmeang, S.Th

3
10. MARENDE BE. 763 : 1 – 2 MOLO JESUS DONGANMI
PAPUNGU PELEAN TU HURIA
♫ Molo Jesus donganmi las roham. Jesus i pangurupim las roham. Hot
haporseaonmi dohot pos ni rohami Mardonganhon Jesus i las roham.
Ref.: Las roham, las roham, mardonganhon Jesus i las roham.
Marsinondang ma di ho, bintang panghirimon i, Mardonganhon Jesus i
las roham.
♫ Molo Jesus donganmi las roham! JagaonNa tondim i las roham.
Tiruonmu ma tongtong dame nang holongNa i, Saleleng di ngolum i las
roham. Ref.: Las roham, las roham, mardonganhon Jesus i las roham.
Marsinondang ma di ho, bintang panghirimon i, Mardonganhon Jesus i
las roham.

11. PANUTUP : TANGIANG PELEAN, TANGIANG ALE AMANAMI , PASUPASU,

AMEN…AMEN…AMEN