5. Marende B.E No. 15 : 1 + 4 BL.

103

♪ Aut na saribu hali ganda saringar ni soarangki, Naeng nasa gogo

bahenonku, mamuji Debatanta i. Paboa las ni rohangki hinorhon ni
pambaenNa i.
♪ Mauliate ma rohangku di Ho, o Debata tongtong. Dibaen sude
denggan basaMu naung nilehonMu di au on Ai dipatongon Ho tongtong
sude na ringkot di au on.

6. Renungan :

7. Marende B.E. 465 : 1 + 4 BL. 311

♪ Pasupasu lehononmu ido bagabagaMi, songon angka udan nene sai tu
ahu manetek i. Nang tu au, nang tu au, patetekhon i tu au.
♪ Suru ma TondiM manggomgom hata nang ulaonki, paimbaru ma
rohangku topot au di asiMi, dohot au, dohot au, sai ditopot Ho nang au.
8. Tangiang Pangondianan sian hula-hula.
9. Koor : PPr HKI Sirata
10. Marende B.E. 188 : 1 ………… BL. 131 ( Papungu Pelean)
♪ Jahowa siparmahan au, ndang hurang manang aha. Ai nasa jea
dipadao do sian dorbiana Tongon dibaen na lomak i, lao pangoluhon
tondingki Dibaen asi ni rohaNa
♪ Ditogu au tu na tio, aek mata hangoluan Dibahen do tondingki sio,
di dalan hasonangan Sabam rohangku do tongtong, saleleng au
ditanoon Baen sangap ni goarNa.
♪ Rade dibaen Ho meja i di jolo ni matangku Paadopadop musungki
na so habiaranku Ulungku dimiahi Ho, panginumanku suksuk do
Binaen ni panumpakMu.

11. Tangiang Panutup

* Horas - Horas - Horas *

 Resort Sirata, Daearh IV DAKOTA

St. E. MANALU
D. br. NAPITUPULU
( Ama Desi )

Senin, 10 Februari 2020

“Bonum est Confidere in Domine ”
( Tuhanlah sumber iman bagi kita )

Pinatomutomu ni : Pdt. Theresa Sitorus, S.Th

1. V o t u m . ( U = Uluan ; H = Huria )
 U : Marhitehite Goar ni Debata Ama dohot goar ni AnakNa Tuhan
Yesus Kristus, dohot goar ni Tondi Porbadia, dipasaorma dameNa tu
tondimuna (tondinta). Amen.
U+H : Ale Jesus Tuhannami, bereng hami na dison, Pinarmahan Mi do
hami saluhutna na dison, sai asi rohaM di hami, sai pangolu hamion,
Amen.

2. Marende B.E No. 187/ BL. No. 200 : 1 + 4 “Las Situtu Rohangku”
♪ Denggan do panoguM ale Jahowa, di angka na pinarmahanMi. Tagamon
bahenonMu mana roa, so tarbunihon Ho do burjuMi. Jotjot Suhar
pambahenanMi di roha ni na so tumanda Ho, alai marhite sian I do ro tu
hatiuron na tinoguMi
♪ O Tuhan, sai pinuji ma goarMu, ai dipangolu Ho do hami on.
Tandaonnami ma pambahenanMu, dung dipatiur Ho do mata on. O
Debata, lomo do rohaMi manogu hami di na rodop on, Holong do
rohaMi di hami on, naeng sahat tu lambungMu baenonMi.

3. Doxologi (Pujipujian) + Tangiang

U : Pujionku ma Jahowa sian nasa roha diluhutan ni angka partigor
dohot di huria i.
H : Balga do angka pambahenan ni Jahowa, hinalungunhon ni sude
angka na lomo roha disi.
U : Hamuliaon dohot hasangapon do parulaonnai, jala hot do jongjong
hatigoranNa i saleleng ni lelengna.
H : Ari on do najinadihon ni Jahowa, marolopolop jala marlas ni roha
ma hita disi.
Kel. St.E. Manalu/ D. Br. Napitupulu : Ale Jahowa, sai
manumpak ma Ho! Ale Jahowa sai Ho ma mambaen
manjadi.
H : Pinasupasuma na ro marhitehite goar ni Jahowa. Hupasupasu hami
ma hamu angka na sian bagas ni Jahowa.
U : Jahowa do Debata, jala Ibana manondangi hita. Tambathon hamu ma
angka pelean ni pesta i sahat rodi angka tanduk ni langgatan.
H : Ho do Debatangku, jadi Ho do pujionku, ale Debatangku, sai Ho do
patimbulongku.
 U : Mandok mauliate ma hamu di Jahowa, ai pardenggan basa do Ibana, ai
rodi saleleng ni lelengna do asi ni rohaNa i.
H : Ganup ari ma ahu mandok mauliate tu Ho, jala pujionnami ma Ho nang
marhite ULAON PASAHATHON SULANGSULANG PAHOMPU na
huulahon hami sadarion. Marsangap jala marmulia ma Goarmu ditonga-
tonga ni ulaon on, ro ro di salelenglelengna.

Kel. St. E. Manalu/ D. Br. Napitupulu : Ianggo ahu dohot donganhu

sajabu, Jahowa do oloan nami. Ale Debata Jahowa dibagasan Jesus
Kristus Tuhan nami. Ho do husomba jala hupuji hami saleleng
ngolunami. Jala tu Ho do hupasahat hami pujian, hasangapon dohot
hamualiateon ni roha nang tondi.
U : Martangiang ma hita : Ale Tuhan Debata, Amanami na marhabangsa di
Banua ginjang! Mauliate ma hudok hami tu Ho, disude denggan ni basa
na tongtong parmudumudu ngolunami. Dilehon Ho do tu hami hahipason
pardagingon nang hahipason partondion gabe boi hami ro laho manggohi
gokhon dohot joujou na sian hasuhutonnami. Suang songoni nang
saluhutna keluarga ni bona hasuhutonnami tongtong dibagasan
hahipason. Ale Tuhan sai lehon ma TondiMi tu hami tarlumobi bona ni
hasuhutonnami asa boi saluhutna tulus angka ulaon na naeng hupatupa
hami ditingki on hombar tu adat ni habatahonnami. Asa marhitehite
ulaon nami sadarion gabe mamboan hasangapon jala hamuliaon di
GoarMu. Dibagasan Goar ni AnakMu Jesus Kristus martangiang hami tu
Ho, Amen.

4. Koor : Gabungan