JAMITA PARTANGIANGAN

(EPISTEL MINGGU XXIII DUNG TRINITATIS, 12112023)

AMOS 5:18-27

Aha do ulaning masalah di tongatonga ni bangso Israel asa pola songoni muruk ni Jahowa tu nasida? Asa
pola didok: Huhagigihon (Aku menghinakan perayaanmu)! Biasan Ahu! Ndang dihalomohon rohangKu!
Ndang parduli Ahu disi! Paholang angka hagunturon ni angka endem! Dohot angka na asing?

Tagamon do na hurang tabo begeon manang na hurang harmonis? Manang na hurang torop nasida na
marende i? Ai olo do ala hurang tabo dibege, gabe ndang lomo rohani halak mambege ende i. Ia soi ala
masitonjolhon soarana be do parende i? Ala na pagogohu do musikna asa ndang lomo roha ni Debata
mambege? Ai olo do ala na pagogohu musik i gabe ndang lomo roha ni halak mambege. Na hurang tabo
dohot na hurang godang do pelean na pinasahat nasida i, asa ndang dihalomohon Tuhan i?

Hamu angka dongan!

Molo tacermati jala tangkas tapaihutihut turpuk on, sepertinya bukan pada persembahannya yang
menjadi masalah. Maksudna, ndada na hurang godang manang na hurang tabo pelean i. Dan juga bukan
pada perayaannya. Juga bukan pada musiknya. Ibadah mereka tersusun dengan rapi, teratur, padat,
indah dan sistematis. Jala ndada di ari ni Jahowa i anggo titik permasalahanna. Antong di dia do molo
songoni?

Pada prinsipna ndang adong na salah di ibadah i. Ndang adong na salah di ari raya nasida i. Ndang adong
na hurang di pelean i. Ndang adong na hurang di musik manang di soara ni sordamna i. Na bermasalah
diri nasida do. Jolmana i do. Lapatanna, halak na padalan ibadah i do. Halak na pasahat pelean i do.
Halak na mamalu sordam i do.

Di hamu angka amanami dohot inanami!

Beribadah tanpa motivasi na jelas. On ma na terjadi di tongatonga ni bangso i. Ibadah mereka hanya
formalitas. Lapatanna ndang adong hadomuan ni ibadah na pinatupana i tu parngoluan nasida siganup
ari. Ibadah tanpa tindakan nyata. Jala on ma na dikritisi panurirang Amos. Laos alani peribadahan na so
jelas on ma gabe uhum ari ni Tuhan i di nasida. Ndada be las ni roha. Ndada be hatiuron, alai balik gabe
hagolapon. Ndada be gabe pasupasu di nasida, alai justru gabe pusapusa nama. Ai nga gabe maju kena,
mundur kena nasida. Taida ma didok di ayat 19 i: “Maporus maradophon singa, alai dijumpanghon
babiat ibana. Mangunsande tanganna tu dorpi hape dipargut ulok ibana.”

Hamu angka dongan!

Atik namasa do nang di tongatonganta songon na masa di tongatonga ni bangso Israel on? Beribadah
tanpa motivasi na jelas? Beribadah tanpa hati? Holan alani kewajiban sambing do rupani asa laho ibana
tu gareja. Ndada nionjar ni roha na masihol marsaor dohot Tuhan i? Alai tung ala na terpaksa do. Ia soi,
ndang adong penjiwaan nanggo otik di ari raya na pinatupana i. “Toe ma, na somal i do i” Ninna. Molo
laho pe ibana tu gareja, na maila do dibereng donganna ndang marminggu. Ia soi holan na mangihutihut
sambing do rupani.

Adong muse dope na erget. Disungkun donganna ma ibana, boasa ndang marminggu ho, ninna. Aha ma
alusna? “Ai so markoor hami sadari on. Ndang gilirannami markoor” Ninna. Jadi laho ibana marminggu,
holan ala na markoor do seksina manang kategorialna. Ia soi holan ala na markoor do wijkna manang
sektorna. Anggo soi, ndang laho ibana tu gareja.

Suang songoni do nang partangiangan wijk manang partangiangan sektor. Ala na sai diteleponi sintuana
nama ibana asa ro. Ai nga maos ditelepon i. “Ro ma hamu amang, inang!” Nunga sai ninna. Tong ndang
marnaro. Gok ma alasan dibahen. Dungi ro ma muse Sintuai mandok tu angka ruasna i: “Ise nama annon
mangallang sipanganon na pinarade ni tuan rumah on? Apala godang ni dipatupa nasida? Ninna ma
rupani. Dungi pe, asa direspon. “Ro pe hami, molo boti” ninna ma di telepon i. Ro ma tutu nasida. Disuru
Sintuana ma ibana mambahen tangiang pangondianon. Olo do, alai aha ma didok di tangiangna i? “Tu
angka dongannami na losok ro tu partangiangan on, tuktuhi ma roha nasida, asa diingot nasida ro
marpungu dohot hami tu minggu na ro.” Ima didok di tangiangna i. Hape minggu na ro nai pe, ibana pe
tong do ndang ro. Hape anggo tangiangna soi nama.

Godang dope tahe peribadahan i nda holan formalitas sambing. Ala na so tarjua, dohot angka na asing.
Hamu angka dongan!

Molo magigi Jahowa mamereng ari raya ni bangso i hatiha i, ba unang ma masa i di tongatonganta.
Ibadah bukan hingar bingar. Musik, bukan musik yang membuat ribut. Gabe nengel pinggol sipata
dibahen ala ni gogona. Suang songoni do nang pelean. Dipasahat ma i sian ias ni roha dohot las ni roha.
Unang sanga didok Tuhani tu hita: “Di ho i. Ndang di Ahu i. Ndang parduli Ahu disi.” Songon na nidok ni
hata ni Tuhantai do, “Ganup ma nionjar ni rohana, unang ma sian muruk manang sian na so tarjua; ai
dihaholongi Debata do na las roha mangalehon!” (2 Korint 9:7).

Unang ma tasirang ritus ni parugamoonta i sian panindangion ni ngolunta. Saurdot ma ritus-ritus ni

peribadahanta i tu pangalaho siganup ari dohot tu angka pambahenan na denggan.