IBADAH MINGGU UJUNG TAON PARHURIAN

PARNINGOTAN DI ANGKA NAUNG MONDING

HKBP TELUK MULUS RESSORT PONTIANAK
MINGGU, 26 NOPEMBER 2023

Manomunomu banua ginjang dohot tano na imbaru

Menyongsong langit dan bumi yang baru

I. Joujou tu parsaoran dohot Debata. (L = Liturgis R=Ruas)

.................Musik...BE. no.440: dua ayat
L : Hamu angka dongan sahaporseaon, sadarion sahat ma hita tu Minggu Ujung
taon Parhuriaon, jala laos patupaonta do parningotan di angka naung
monding, saluhutna i lao manogihon rohanta mamilangmilangi pardalan ni
ngolunta.
R : So adong taboto dongan na masa sogot; ai aha do hosanta. suman ma hamu
tu timus na tarida satongkin, dungi gabe so haidaan be.
L : Laos paingothon hita nang tu ujung ni pardalananta sian portibi on laho
mandapothon Debata. Ai hasonangan do diparade Ibana di hita angka na
porsea,alani taendehon ma :
01. Marende BE No 753 : 1 – 3 “Dipardalanan Jesus dijolongku”
♫ Dipardalanan Jesus dijolongku, holong ni tanganMi manogu au. nang di-
ngolungku Ho do sombaonku, tung sonang mardalan raphon Ho, Reff.. huboto
do tangkas panoguonMu, diiring-iring Ho do langkangki, sahat ro di ujung ni
pardalanku, togu ma au jonok tu lambungMi.o
♫ Sipata lilu haporseaonku, nililianan ni portibion, alai dung Ho hutatap, o
Tuhanku, margogo do au dingolungkon, Reff....
♫ Patogu ma Tuhan haporseaonku, asa polin tu Ho manghirim au, tu Surgo i
patulus pardalanku, TondiMi maringan ma di au, Reff...

Votum - Introitus – Tangiang.

L : Marhitehite Goar ni Debata Ama, dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on
R : Amen.
L : Songon duhutduhut do saluhut daging, jala songon bungabunga ni
duhutduhut i do hasangapon ni jolma.
R : Nunga malos duhutduhut i, jala nunga marurus bungabunga i, alai na
hot do Hata ni Tuhan i ro di salengnilelengna.
L : Sai burju ma ho rasirasa mate, dungi lehononku ma tu ho tumpal
hangoluan i...........Haleluya.
R : (Mangendehon) .....Heleluya......Haleluya.....Haleluya.
 L : Martangiang ma hita............. Ale Tuhan Jesus, Tuhan ni angka na mate
dohot na mangolu. Ho do nampuna hami mangolu manang mate pe hami.
Nang pe mardalan hami di rura ni linggoman ni hamatean, ndang huhabiari
be hamatean, ai Ho do dongannami. Ndang tartiop hamatean manang
tanoman be hami, ai Ho do Tuhannami, jala Ho nampuna hami. Ro hami
nuaeng mangido tu Ho : Sai sahat tu Ho ma tondinami dohot dagingnami,
asa di Ho hami mangolu manang mate pe. Sai tiop tangannami, sai urupi
hami marhitehite panghophopMI, asa sahat hami tu hangoluan na so ra
suda......Amen.
02. Marende BE No : 331 : 1,2 “ Sai Kristus do ngolungku “
♫ Sai Kristus do ngolungku, Lao mate untung do, tusi do lao rohangku, tusi masihol
do.
♫ Las situtu rohangku, manopot Jesuski, dilambung ni Tuhanku, sai mian tondingki.
PATIK – SINGKAT NI PATIK :
L : Patik di minggunta sadarion, tarsurat di Konfessi HKBP Bindu 16,
Tahaporseai jala tahatindanghon do : Ampe do tu jolma;mate sahali, dung i uhum i. na
mardian nama ibana sian ulaonna. Jala Jesus Kristus do Tuhan ni na mangolu dohot na
mate. Asa ia tabahen pe parningotan di angka naung monding, na marningot ajalta
sandiri do hita disi dohot pahothon rohanta do i di ngolu parungkilon on
R : Martua do na mate dibagasan Tuhan i na satia ro diujung na.
L : Marhite poda on taalo jala tatulak do : Poda Hasipelebeguon na mandok : Adong do
pardomuan ni tondi ni naung mate dohot jolma na mangolu. songon i poda na
mandok : Laos tinggal di tanoman i do tondi ni na mate i. Laos songoni taalo jala
tatulak do poda ni Rom Katholik na mamodahon : api Pangurason ( Ari parpitapita)
na ingkon boluson mangurasi tondi ni naung mate asa tu hangoluan, jala na boi
patupahon Misa di na mate, dohot na manangianghon naung mate i asa humatop
malua sian api pangurason. Laos songon i na martangiang tu tondi ni na badia naung
mate dohot na manghirim taripar hagogoon dohot habadiaon ni angka naung mate –
tanomanna – ulaonna – barangbarangna – holiholina (parmanomanoan)
R : Taalo do pikiran na mandok boi na mangolu manjalo pasupasu sian na mate
L : Taalo do pikkiran na mandok paboa na so adong pardomuan ni na mate dohot
na mangolu marhite tangiang manang mendoakan arwah-arwah. Taalo do
pikkiran na mandok ingkon pajongjong tugu laho pasangaphon na monding,
dalan pangalapan pasupasu tu pinomparna. Jala marhite poda on tatulak do
sude rumang ni na pinodahon ni ugamo hasipelebeguon lumobi poda taringot
tu tondi na mandok tading do tondi ni na mate i, jala tondi ni na mate i gabe
begu dohot sumangot
R : Di parningotan ni na monding siparateatehononhon do mandok mauliate tu
Debata
L : Di na marningot ulaon na denggan uju di ngoluna, alai ndang na mangigil
pasupasu dohot tanda siarsiaran sian na monding i. I ma sahat na..Rap ma
hita mangido gogo tu Tuhanta laho mangulahon PatikNa i
L+R : Ale Tuhan Debata sai pargogoi ma hami mangulahon na hombar tu PatikMi.
Amen!
 03. Marende BE No : 345 : 1 – 2 “didia adian”.
♫

♫ Di-dia adian na sun demak i, sambulon ni tondi di-dia do i? tung jumpang

adian ni tondi dison, di tano ni jolma, na mardosa on? nda tung, nda tung di
tano-on, di Surgo do dapot sambulo inon. nda tung, nda tung di tano on, di
Surgo do dapot sambulon inon.
♫ Tadingkon ma ruhut ni portibi on, naeng masuk ho sogot tu Surgo inon,
ihuthon ma Jesus partogi do i, ai nasa na olo, ditogu tusi; tongon, tongon,
ima tutu; ihuthon ma Jesus partogi burju, tongon, tongon, ima tutu, ihuthon
ma Jesus partogi burju.
MANOPOTI DOSA
L : Hamu angka dongan! na jongjong do hita di adopan ni Debata, apala di
Minggu Parningotan di angka naung monding sadari on. Ndang tagamon so
manolsoli hita di angka dosa, pangalaosion dohot hahuranganta di adopan ni
Debata, lumobi na taulahon saminggu na parpudi on. Ala ni i tapamanat ma
jolo rohanta, ra godang do angka dosa na taulahon di adopan ni Debata dohot
dongan jolma, taparhatopot ma i di bagasan roha na magopu
Song Leader : [mangendehon BE No 353 : 1] di Surgo hasonangan i, inganan na
dumenggan i, tu-si naeng laho muli au, asa rap dohot Jesus au.
L : Ale Tuhan Debata! Di na hupatupa hami parningotan di angka naung
monding sadari on, diuhirhon i do tu rohanami jempek ni ngolu on
R : Ndang leleng hape ngolu nami di portibi on, ai songon timus do i tongkin
idaon laos songon duhutduhut na mura malos. Hape jotjot do lupa hami disi,
gabe so marsingosngos las ni roha nami mangharingkothon ngolu partondion,
haporseaon, lumobi ngolu sogot
L : Lalap do hami manarihon ngolu siap ari na mura malos, hape
tadinghononnami do luhut na i molo dung jumpang tingki panopotMu di hami
be. Asi rohaM di hami ale Tuhan!
Song Leader : [mangendehon BE No 353 : 2] tutu godang dope adong, marningot au
ditano on, sai tostosanhu na ma i, lao mandapothon Surgo i .
L : Ale Tuhan, molo hutaringoti hami hamatean,sai pintor mabiar situtu do hami
mangadopi i. Godang dope sian tongatonganami na manghaporseai molo mate
jolma gabe begu manang sumangot ma tondina.
R : Ala ni i, sai dihaporseai rohanami dope na gabe parbeguan portibi on, dietong
rohanami dope na sai maotaot begu ni angka naung mate i di jabu, di bona ni
sampilpil, hariara, di kuburan manang sorop tu angka na mangolu.
L : Ala ni Tuhan, asi rohaM di hami, patingkos pingkiran dohot haporseaonnami,
paboa naung so di portibi on be maotaot angka tondi ni naung mate i,alai
nunga sahat angka na porsea i diampuanMu, unang sai digohi biar be
dirinami!
Song Leader : [mangendehon BE No 353 : 3] na dao dope au sian i, aik tung disungkun
rohangki, tung ise be mandok tu au na holang sian Jesus au
L : Ale Tuhan! Ala ni biarnami maradophon hamatean i, ndang tolap hami
manaringoti hamatean i di bagasan las ni roha; i do umbahen molo
hutaringoti hami hamatean i sai hudok hami dope jotjot:”Santabi jabu on..”
Ndang sadar hami dipatudu pandohan sisongon i do, na mabiar situtu dope
hami tu hamatean i, gabe palobihu panghormationnami tusi ai manghirim
hami anggiat tung unang masa i nian tu dirinami manang tu pangisi ni
bagasnami, hape maralo do i tu na hinaporseaannami, ai hamatean do
parhitean managam surgo sambulo ni tondinami. Ala ni ale Tuhan unang loas
hami lilu,alai tung patingkos ma haporseaonnami dohot panghirimonnami,
asi rohaM di hami ale Tuhan!
R : [mangendehon BE No 535 : 1]
♫ Hamatean parhitean lao manopot Jesuski. Dohot au ingkon mamolus, asa
sahat au tusi. Nang pe pinadaodao dompak hamatean i. Lam jonok do
hapengani langkangki tu ajalhi
♫ [Song Leader] Molo i hugolomgolom, sabam sonang rohangki. Nang
marningot angka dongan naung jumolo lao tusi. Ai denggan tohapnasida,
di banua ginjang i na marende do nasida raphon pardisurgo i.
L : Baga-baga ni Debata taringot tu hasesaan ni dosanta : humophop hita, gabe
dosa do Ibana, na so tumanda dosa dibahen Debata, Asa gabe hatigoran ni Debata
hita, marhitehite Ibana...Hasangapon ma di Debata na di ginjang
R : Amen
KOOR :
04. Marende BE No 143 : 1+4 “Jerusalem, jerusalem”
♫ Jerusalem, jerusalem, na timbul nahinan/na dipatimbo Debata, Ho ro
dilangitan/nuaeng marserak pangisim, huhut magargar ho, Jerusalem,
Jerusalem, hutatangisi ho.
♫ O Jesus tatap ma bangsoM, na tong marserak i, rohana do tongtong holom,
sondangi ma muse, sungguli Israel sude, na manundalhon Ho, Jerusalem,
Jerusalem, hutangiangkon ho.
EPISTEL :
L : Epistel di minggunta sadarion ima na tarsurat di Jesaya 65 : 17 - 23, Ai ida
ma, Ahu ma manompa langit na imbaru dohot tano na imbaru, jala ndang be ingoton
angka na parjolo i manang tarsunggul tu roha.
R : Ingkon marlas ni roha ma hamu jala marolopolop ro di salelenglelengna ala ahu
manompa angka i! Ai ida ma, ahu manompa Jerusalem bahen parolopolopon, jala
bangso isina i bahen las ni roha.
L : Ahu sandiri pe marolopolop do mida Jerusalem, jala marlas ni roha ahu mida
bangsongku, jala ndang be tarbege disi soara partangison manang soara
angguhangguk.
R : Ndang adong be disi posoposo siotik ari, manang na ubanon na so gok ariarina; ai
dolidoli dope na marumur saratus taon laho mate, jala pardosa sisaratus taon hona bura.
L : Jala paulionnasida ma angka bagas, laos inganannasida, suanonnasida ma hau anggur
jala panganonnasida parbuena.
R : Ndang tagamon nasida paulihon bagas, gabe halak na asing mangingani, ndang
tagamon nasida manuan, gabe halak na asing manganhon; ai songon ariari ni hau,
songon i do ariari ni bangsongku, jala jadijadian ni tangannasida ingkon halak na hupillit
marsaulihonsa.
L : Ndang tagamon loja so marniula nasida, manang manubuhon anak, asa tilahahononna
tibu, ai pinompar ni na pinasupasu ni Jahowa do nasida ro di tubunasida i. Ima sahatna
: Martua do na tumangihon hata ni Debata, jala naumpeopsa.
R : Amen.
KOOR :

05. Marende BE No : 838 : 1 – 2 “unang sungkun be tu au”.

♫ Unang sungkun be tu ahu, boasa marsak rohami, Debata do hulului, siapuli
rohang-ki, nang di au pe hamoraon tua ni portibion, tung pogos panghilalaanku
molo mago tondingkon, tung pogos panghilalaanku molo mago tondingkon.
♫ Surgo ido na manongtong na sai hulului i/ hupabulus ma langkangku
hutinggalhon artangki/ ai disi do au marende raphon pardisurgo i. dohot angka
na porsea di banua ginjang i/ dohot angka na porsea di banua ginjang i.
MANGHATINDANGHON HAPORSEAON
L : Tahatindangkon ma haporseaonta i, songon panghatindanghonon ni donganta
sahaporseaon disandok portibion, rap mandok ma hita. Au Porsea di Debata
Jahowa..............................................

WARTA JEMAAT
KOOR :
II. PARNINGOTAN DI ANGKA NAUNG MONDING
U : Tung na laho salpu do luhutna; alogo sambing do tutu luhutna. Tung aha ma
na hot tinggal di jolma i sian saluhut hangalutonna,na hinangaluthonna
saleleng di hasiangan on
R : Marende BE No 835: 1-2
♫ Nunga lao,nunga lao dongan deba tu na dao, mandapothon Debatanta,
dialapi suruanNa tu banua ginjang i, tu banua ginjangi
♫ Timbang be, timbang be, dohot hita lao muse, dongan jongjong humaliang,
saluhut do martangiang, di na lao tondinta I, di na lao tondinta i.
U : Tahasiholi jala tahirim do anggiat unang adong tading sian hita on. jala
marhite hamatean i do dalanta lao manopot surgo i, songon angka donganta
naung jumolo sian hita di sataon Parhuriaon on ima :
No Nama Komplek Tgl Monding Umur
1
2

U : ( JONGJONG MA HITA) ….Hamu angka dongan molo pe tabahen

parningotan on ndada na paingotingot angka na mate i hita. Alai naeng
marningot hamamatenta be do hita andigan pe masa i. Molo marungkil
pe hita nuaeng unang mandele hita, unang tarpodom songon na leban i
sai dungo ma hita jala marroha na torang; ai ndang taboto arina dohot
sadiharina. Ala ni i manongtong ma hita martangiang
R : [Mangendehon BE No 335 : 2 + 4 ]
♫ Jesuski, Sondang i sitorusi ombun i O andigan ro tingkingku Asa
borhat ma tondingku Lao marnida bohiMi?, Lao marnida bohiMi?
♫ Sonangmi tondingki Molo sahat ho tusi O Jahowa Debatangku Ndang
dodoan ni rohangku Las ni roha i disi Las ni roha i disi
U : Disungguli parningotan on do hita marningot hata ni Parjamita 3 na
mandok : ”Martiti be do sude nasa na tinompaNa”. Adong tingki tubu
adong tingki mate. Molo tabo pe panghilalaanta, unang lalap hita disi;
molo hansit jala parir pe taahap, boto ma martiti do las ni roha dohot
na hansit. Unang lalap hita di portibi on, parsatongkinan do ngolu i
R : Tuhan, sungguli hami asa unang lalap hami di portibi on
U : Parningotan di angka naung monding on paingothon hita : ndang dison
sambulo ni ngolunta. Ndang portibi on tujuan dohot sihirimon ni
rohanta. Surgo i do sambulonta dohot sihirimonta. Surgo i do na hot
tongtong.
R : Tuhan, dongani hami asa tulus pardalanannami mandapothon
ingananMi
U : Parningotan di na monding on paingothon hita : Ndang lohot di
tanoman i angka na mate i. Adong do haheheon sian na mate na
mangalehon panghirimon di hita di parjumpangan sogot dohot na
porsea i. Ai didok do “nunga hehe Kristus sian na mate, Ibana do
parjolo ni angka na monding i”.
R : Ale Tuhan, pahot di hami panghirimon di hangoluan sogot i
U : Parningotanta sadari on mangigil parsihohoton ni haporseaon dohot
hahobason mangoloi Tuhan i. Ai didok magira ma Ahu ro, tiop ma na
di ho unang adong mambuat tumpalmi. Sai burju ma ho rasirasa mate
dung i lehononNa ma di ho tumpal hangoluan i
R : Ale Tuhan, patogu haporseaon dohot panghirimonnami di haheheon
parpudi i
S : [Mangendehon BE No 347 : 1-2]
♫ Sai masipaidaan do na porsea i. Dung sahat be langkana tu
hasonangan i tu hasonangan i, tu hasonangan i
♫ Antong burju ma hita, mangalo dosa i. Sai unang tading hita di
tongan dalan i, di tongan dalan i, di tongan dalan i
U : [Tangiang- Agenda Parningotan ni angka naung monding]..........[hundul]

06. Merende Huria NO : 834: 1 - - - “na masihol do rohangku” (Pelean 1A&1B)

♫ Na masihol do rohangku tu na sonang i. Tu inganan ni Tuhanta i, tano on ro di
sudena pangisina i susa sai susa rohangki. Marolopolop rohangki di surgo di na
sonang i, Soada na hurang sabam sonang rohangki, Molo dung sahat au tusi.
♫ Ai andigan idaonku haholonganki, Raphon Jesus ale-alengki,Haholongan na badia
sian Jesus i, Sonang sai sonang rohangki. Marolop-olop ………
JAMITA : PANGUNGKAPON 21 : 1 - 4
07. Marende BE. No : 837 : 1- “sada huta na masai uli”.
♫ Sada huta na mansai uli, Sambulo ni tondita do i, Bagas ni Debata Ama i,
Diparade di na monang i. Sogot di surgo i, sai pajumpang do hita disi sogot
di surgoi,Sai pajumpang do hita disi.
♫ Hita dohot donganta di san, rap marende mamuji Tuhan, ndang adong
hasusaan di san, salelengna di surgo sonang. Sogot di surgo I ………
♫ Debata Ama parholong i,sai puji on salelengna i,na marmuduhon ngolunta
i,denggan basaNa sai hot do i. Sogot di surgo i ………
PARSURUON :
L : Mulak ma hamu dibagasan dame dohot mangasahon haporseaon tu Debata,
marsihohot di haporseaon, togu di panghirimon Debata Ama parholong roha i
dohot tu Jesus Kristus Sipalua i. Ai didok Tuhanta Jesus Kristus : Ahu do
haheheon dohot hangoluan, na mangolu do ganup naporsea di ahu nang pe
mate ibana.
R : Di haporseai rohangku do, ia mangolu au mangolu di Tuhan i do, ia mate pe
mate di Tuhan i do.
L : Unang ma hamu mabiar, unang ma bobonosan jala unang lalap di habot ni
roha. Sai nadonganan ni Tuhan i do hita marhite TondiNa, na mangalehon
gogo di hita laho manguduti ari ngolunta rade ma hita managam Ibana.
R : (mangendehon BE. 539 : 3 “Sai Hutagam Do Tuhanku”)
♫ Sai rade, ale tondingku, tagam panjouonNa i, Sai tu langit an manomu ho di
Jesus Tuhanmi. Sai mardongan olopolop huriaM managam Ho, Maranata, ro o
Tuhan, Amen, sai tibu ma ro!
Tangiang Pelean+Ale Amanami+ Pasupasu-Amen----Amen------Amen.