UNTUK 10 ORANG

AGANGKU AMMINRA MUSUNGKU

Ri sikola SMP Negeri 32 Bulukumba, iami antu sikola paling ni kagumia ri masyaraka’ka ia
ngaseng. Sannak jaina ruangang kalasak, sala sekrenna kalasak salapang tallu (9.3).
Anne ri kalasaka niak rua tau sannak singaina, mingka akbesereki gara-gara sekre tau.

Tonji : (Ammempo-mempo ilalang ri kalasakka siagang I Mina)

Memang : Oe tonji apa nuparek anrinni?
Tonji : Accarik-caritaji.
Mina : Edd, I Memang… I Tonji ji na kutaknang. I nakke tena nakutaknangak.
Tonji : Tena nakamma anjo Mina, ka punna sekre ku kutaknang antu Singkammami
angkana ku kutaknang tongko, ka irampiknajako I Tonji.
Mina : (Aklampa ambokoi I Tonji na I Memang)
Memang : Mina nakemaeko? Mae mako anrinni, masa kammaji anjo larrojako.
Mina : Tejak. (Aklampa ambokoi I Tonji na I Memang)

Larroi I Mina ri Memang na ri Tonji, nasabak I Memang na I Tonji sannak singaina, nampa I
Mina tena agang bajikna.
Siriwa : (Lannasak). Oe, Mina anngapako? na paikkamma antu rupannu, lakbi-lakbi
na paria, paik dudu.
Mina : (Anjanjang kodi) We teakmako jai urusi, antu naik rupannu singkamma
paria jappok.
Siriwa : Idih, manna kammma anjo larroji, akbanjuk-banjulukjak kapang.
Semmamakik nasimporok, takraccikmi poleng bebena, bajik anjo punna baukja,
ingka akrasa tarasi bari.
Mina : (Aklampa ambokoi I Siriwa, akmoro-moro tommi anjo mange ri pakjappanna)

Tena na lakbu wattua, assakrami lonceng pattanda angkana nanimulaimi pappilajaranga,

antamakmi guru bahasa Daerayya (Pak Darwis).

Pak Darwis : Assalamu’alaikum Wr.Wb.

Muridka : Waalaikumsalam Wr.Wb.
Pak Darwis : Anak-anak niak Pr to?
Anto&Arnold : Tena pak…
Jule’ & Jelu’ : Niak pak…
Anto&Arnold : Tena!!
Jule’ & Jelu’ : Niak!! Iyanne I anto nangai akballe-ballea.
Pak Darwis : Kerea antu annaba?
Anto : I nakke pak.
Jule’ & Jelu’ : Teai pak, balle-ballei I Anto pak.
Siriwa : We! Bajikangngang teamaki pakalompoi kammaya anjo tenaja gunana.
Pak Darwis : Punna kamma antu, takkala tena niak annaba.

Tena na sallo assakrami seng loncenga, assulukmi guru bahasa Daerayya. Wattu istirahakmi.
I Mina larro inji ri Tonji na ri Memang. Lanri kammanamo anjo na paccarita kodimi I Tonji
mange ri agang-agangna nampa nakana paunna I Memang.

Mina : Tonji!
Tonji : Apa?
Mina : We… masak I Memang nacaritako mange ri agang-aganga angkana I kau
beng punna attinroko akbebeko bedeng.
Tonji : Ish, kemaeko seng allangerek anjo caritaya?
Mina : Iii, jaimi kapang anngissengi.
Tonji : Kareng, kamma anjo paeng sipakna I Memang mange ri nakke.
Mina : I nakke lagi naku ballisik ri iya.

Sannak larrona I Tonji allanngereki kananna I Mina, nabokoi I Mina nampa mange naboya I
Memang.

Memang : (Annganre karoppok)

Tonji : Oe… (napasambila karoppokna I Memang)
Memang : Anngapako Tonji?
Jule’ : Apaseng antu kajariang anngapa nukbesere’ antu? kukana agang bajikko?
Tonji : I kau Memang punna ri dallekangku bajikko, ingka punna ri bokoku nucaritajak.
Memang : Inai seng antu ancaritako?
Tonji : I Basok na I Baccek.
Memang : Apa antu masalana? tena mantong ku assengi.
Tonji : Ahh. Sudami, pilanngeri baji-bajiki, I kau teaimako agangku.
Memang : (Takbangka takkullea akkana-kana)
Jule’ : Ii, teako appakammai anjo, carita bajik-bajiki rong teako tetterek naik emosinu,
agang bajiknu anjo kaue!
Tonji : We budi, teakmako jai kanannu, sannang-sannang mako naung teai
anne urusannu. (Larro, aklampa ambokoi I Memang na I Budi)

Ri cappak ruangang
Mina : Naika assuroko, tena kungai nakke punna accinikak tau rannu nampa I nakke
tena.
Anto : Ooo, I kau padeng ampakbeserangi I Tonji na I Memang.
Mina : Teak mako kau jai pusingi.
Anto : Kupauang I Tonji deh!
Mina : O pale!

I Anto mangei napauang bajik-baji I Tonji na I Memang supaya tena lakbu pakbeseranga.
Tonji : Ternyata paballe-balleko palek di!
Mina : Apa nukana? ulangi beng!
Tonji : Kukana paballe-balleko.
Mina : Tena kungai punna assibuntuluk sipakruamako, tenamo nuciniki tau
maraenga.
Memang : Pasti cemburuko toh? ka kau tena agannu.
Mina : Io cemburuak. Anngapaika?
Memang : Kodong, iami antu punna akjari tau taua teaki kodi dudu sipaka.
Jule’,Arnold &Siriwa : (Antamak-tamak ri tannga pakbeseranga) Apa antu hebak? antamak
tongkik e.
Tonji & Memang :(Akbalek larro) sannang-sannang mako antu, tena urusannu anrinni!
Siriwa : Waduh! Mallakja nakke.
Anto : We, bro! Teakmako antamak-tamakki ri masalanna anak bainea,
bajikanngangi assulukki ammempo-mempo accinik baine gakga ammalo.
Pak Darwis : Masala apa antu takjari? nama gegerek kamma.
Tonji : Inne pak Darwis, I Mina apparek-pareki carita poro ampakbeserangak
siagang I Memang.
Pak Darwis : Ooo, anjo masalana! Kamma anne bajik e, punna taua agang tena na
bajik sikodi-kodi, apalagi ampak beserangi aganta, harusna sibajik-
bajikikik ilalang ri tallasatta. Assijamak-jamakki ngaseng mako,
kaluppaimi anjo masalanu ngaseng, akjari agang bajik ngaseng mako.
Tonji : Teajak Pak. Tejak nekke ammallaki agang paballe-balle.
Memang : Setuju! Tea tonjak ammallaki agan kamma anjo.
Mina : Nai tongka erok anjari agannu?
Memang : Anjo Pak, mulaimi seng apparek pakbeserang.
Pak Darwis : Eee, kodi taua sipakamma anjo apalagi aganta tonja, e, assijamak-
jamakki mako, sipammok-pammopporang mako.

Assijamakki ngasengmi, manna tabajikapa pakmaikna.

Pak Darwis : Oe, kau ipantarang, antamak mako mae ri kelaska, nanmulaimi
pappilajaranga tena nanulanngreki anjo saKra loncenga.
Jule’, Anto, arnold na Siriwa : Iyek Pak. Na antamak makik anne.

Antamak ngasengmi ri ruangang kelaska, ni mulaimi pappilajaranga. Lekbakmi masalayya,

akjari agang bajikmi ammoterek I Tonji na I Memang, sadarak tommi pole I Mina, akjari agang
bajik ngasengmi.

### TAMAT ###