B.Penulis Cerita
RISKA NURSANTI
C.Editor Cerita
D.Penyunting Musik
E.Koreografi
Paraga : 1) Painah
2) Painem
4) Patih Raksapraja
5) Warok Sudarmo
Ing wayah sore, wonten ing Kadipaten Kahuripan para dayang-dayang nembe reresik
amargi Kadipaten menika badhepun diagem kangge rapat dening Adipati Ali Sutamijaya.
Painem : “Halah mbakyu wis wae, asah resik-resik! Rak yo ra dibrakot karo den mas. Hahaha… ”
Painem : “Woo… painah ki, lagi reti po piye nek aku ki pinter. Wis gek didokke wedhange dinggo
unjukan tamu mengko!”
Painem banjur lunga menyang pawon. Sakwise kuwi tamune banjur rawuh wonten ing
Kadipaten Trenggalek.
Painah : “Oo.. njih..njih, mangga mlebet mawon. Kula timbali den mas rumiyin.”
Adipati Ali : “Kakang Reksapraja.... “(Nuwun paring dhawuh kanjeng)” kepiye Kadipaten
Trenggalek sakwise brandal-brandal wis kecekel?”
Adipati Ali : “Oh.. yo syukur nek ngana, la sing nyekel brandal-brandal ala kae sapa?”
Patih Reksa : “Ingkang nyekel menika, kakang Sudarmo (nunjuk Sudarmo). Kakang Sudarmo
dipuntimbali dipanggeh kanjeng!”
Adipati Ali : “Apa bener kakang Sudarmo sing nyekel brandal-brandal kae??” (metenteng)
Wr. Sudarmo : “Inggih leres kanjeng, sedayanipun amargi saking pangestunipun kanjeng Adipati.”
Adipati Ali : “Yo..apik nek ngana, aku proud karo njenengan! Kakang reksa....(nuding) banjur
aku kudu kekucah apa?”
Patih Reksa : “Nyuwun pangapunten kanjeng, menawi babakan kekucah kula mboten trep menawi
matur.”
Adipati Ali : “Oww... iyo kakang! Lha kakang Sudarmo ki nduweni anak wedok ora, nak nduwe
ki bocahe kaya ngapa to kang?”
Wr. Sudarmo : “Nggeh sae kanjeng... larenipun injih ayu, pethak, langset, ugi trengginas lan
keibuan. Menapa njenegan badhe ngersaaken?”
Adipati Ali : “Kene... kene cepet gelak ngelak (Painem menehi unjukan Adipati Ali, Painah
nyuguhi tamu liyane) Oo.. iyo, piye anakmu, nek gelem tak jodohke karo anakku,
Subroto kae.”
Wr. Sudarmo : “Lha nggih purun sanget to kanjeng, anak kula kalebet ayu piyambak ing ndesa
menawi dipun jodohaken dening Den mas Subroto lak nggih sae sanget to kanjeng.”
Wr. Sudarmo : “Nggih kula ugi setuju sanget, mangga kita sesarengan nemtoaken tanggalipun.”
Adipati Ali : “Woo iyo, kang Reksa tak pasrahke kabehe marang kowe!”
ADEGAN 2
Adipati Ali : “Nah…Painah, kana celuken Broto kan rene! Painem.. rene mijeti aku.. awakku
keju tenan..!!”
Adipati Ali : “Kene..kene ngger anakku sek bagus, ngene yo le, kowe bakal tak rabekke karo
anakke kakang Sudarmo.”
Subrata : “Nyuwun pangapunten Rama, kula mboten tresna lan kenal dening wanita menika”.
Adipati Ali : “RA NGURUS!! Kowe nek ra gelem rabi karo Suminten, bakal tak coret seka
kadipaten iki.”
Subrata : “Nyuwun pangapunten Rama, kula mboten siap ugi mboten mangertosi calon
tetimbangan kula.”
Adipati Ali : “BROT!!! (ngadek, Painah lan Painem banjur lingguh wedi) MINGGAT,
MINGGAT, kowe seka kene!!!”
(MUSIK GENTING....)
ADEGAN 3
3) Dalino
4) Margono
J. Gentha : “Wong kok kondhange rak kaya aku to... wes bagus, sugih, sakti mandraguna. Iyo
ra?” (mendelik, mecicil)
Dalino : “Lha inggih to ndara? Ra ana sik bisa nandingi Raden Jaka Gentha.”
Margono : “Lha iyo mesti kuwi.. ra ana sik isah nandingi, wes sakti, bagus, sugih, hemmm....
lengkap pokokmen...”
J.Gentha : “Woo la iyo.. bocah nom-noman lanang we kabeh ing kadipaten iki wedi karo aku!
Perawan-perawan kae do kesengsem karo aku.”
Dalino : “Setuju kula! Siip tenan pokoke ndara."
Margono : “Nyuwun sewu ndara, iki wis jam pira ta, kok kadingaren yu Cempluk durung liwat,
selak njamur iki.”
J.Gentha : “Woo.. iyo yo, yahmene kok durung liwat yo?”
Margono : “Ho’oh je, kok durung teka! Ndara taksih tresna sanget kalih yu Cempluk napa?”
J.Gentha : “Lha iyo jelas... lha wong jroning atiku aku tresna banget marang yu Cempluk, wes
wuayune kaya ngana, ra bakal pindah ati aku...”
Dalino lan : “Wah sippp... ndara...”
Margono
Cempluk teka
Cempluk : “Ealah..lha kok panase kaya ngene to, ning tengah ndalan, ning tengah mbulak dewe
ra ana kancane, eeh mbok tak leren dhisik, menawa ana barengane.”
Jaka Gentha lan balane teka seka Pandelikan.
J.Gentha : (tangane njepaplang ngalangi Cempluk) Yuu.. mbakyu Cempluk, pucuk di cinta
ulam pun tiba...hahaaa!” (nguyu metenteng)
Cempluk : Wee.. la gene kowe ta le, kowe mau metu seka ngendi? Kok reti-reti tekan kene,
karo sapa kowe ki, le?”
J.Gentha : “Biasa to yu.., karo brandal-brandal kuwi, la blanjamu endi yu?”
Cempluk : “Blanjaku yo mung iki gula, kor tuku mbako remenane bapak, rak yo wakmu barang
ta? Yo wis ndak mundak awan, minggir aku arep bali!” (mlaku dicegati Genta)
J.Gentha : “Eeee.. mengko ndisik yu, selak arep nandi to? Aku arep takon, sak temene yu
Cempluk ki rak yo tresna karo aku ta?”
Cempluk : “Woo.. yo mesti tresna to, la karo adine dewe kok ra tresna, la kowe ki rak anake
mak cilik Suro Bangsat, yo jelas aku tresna!”
J.Gentha : “Yen ngana kowe tak dadekke bojoku gelem to yu?”
Cempluk : “Wooo... edan po kowe ki, wegahh... wegah..!!”
J.Gentha nyanyi cinta kita tak terpisahkan
Cempluk : “Wes minggir..!! Meneng suaramu fales!!”
J.Gentha : “Ra urusan yuu, sik penting aku tresna karo kowe.”
Cempluk : “Lha yo wegah, kowe ki adiku le, piye-piye no aku ki haram nek rabi karo kowe.”
Margono : “Yo kudune yu Cempluk ki manut karo ndara Gentha.”
Dalino : “Pancen bener sing diomongke Margono. Ndara Gentha pancen cocok karo yu
Cempluk. Cocok tenan, kaya pasangan Pangeran William karo Lady Diana pokoke.”
Cempluk : “E.. ee... eeee..... ngopo kowe melu-melu urusanku!” (nuding lan nyengeni Margono
lan Dalino)
Margono : “Aduh.. aduh.. ampun yuu.”
Cempluk : “Wes sumingkir!!!! Aku ra urusan karo kowe kabeh!!!” (nyoba mlayu saka Jaka
Gentha)
J.Gentha : (mbengok lan nesu) “Woo awas kowe yu! Saklawase uripku rung ana sing nggawe
kagol aku!!! Yen saiki yu cempluk gawe kagol aku, aku bakal tega karo kowe yu!!”
(ndemok pundak Cempluk)
Ananging Cempluk bisa lolos saka J.Gentha lan mlayu sak bantere.
ADEGAN 4
Paraga : 1) Subroto
2) Painah
3) Painem
4) Sugimin
Painah : “Yu.. aku ki arep diajak nendi to?? Mlaku ngalor ngidul kok ra ngerti tujuane
(lungguh, leren ) Wes panase kaya ngene, ra ngerti tujuane jan apes tenan!”
Painem : “Wah kowe ki gur nyebut wae ket mau. Aku ki yo ra ngerti tujuane nah! Aku ki kur
ndherekke den mas Subroto.”
Sugimin : “Wee.. lha pait tenan, wong lunga kok ra ngerti tujuane nem!”
Painem : “Piye je iki ki malah dho nyalahke aku kabeh.”
Sugimin : “Lha arep nyalahke sapa meneh? Bapakmu po piye? Genah sing ngajak we kowe je
nem!! Aneh-aneh wae kowe ki.”
Painah : “Mulakna nek arep lunga ki di schedule sikik. Ben ra linglung ngalor ngidul kaya
ngene..”
Painem : “Salah meneh salah meneh .. ee tak meneng wae.”
Broto teka rupane lesu lan semrawut.
Painem : “Ngapusi kuwi den, ngapusi.. Painah karo Sugimin mau ngrrasani panjenengan.”
Subroto : “Ooo.. keberanian kowe Min. Ra reti wong lagi susah piye, rak tak gaji nek kowe
kaya ngene.”
Sugimin : “Ampun den mas .. ampun! (karo sujud ampun) Kula taksih gadhah utang kathah.
Menawi den mas mboten menehi gaji, rak nggih cilaka kula mangke to den mas.”
Painem : “Ngaten lho den, la mbok nggih den Subroto niku kersa dipun nikaahaken dening
putrinipun Raden Sudarmo.” (Subroto lingguh meneng wae)
Painah : “La kowe ngapa to nem, kok meksa-meksa den Mas. Yo ben sak karepe to. Masalah
buat lo?” (Mleroki Painem)
Painem : “Salah meneh… salah meneh, ngene salah, ngana salah. Ooaalah jan…”
Subroto : “Wis wis do rasah ribut... rasah kakeyan cungkimin. Ngene lo nah yem. Aku wegah
dipeksa rabi karo sik jenenge Suminten kuwi. Seka jenenge we aku wis isa nebak
kuwi mesthi wonge ra ayu.”
Sugimin : “Walah den, jarene Raden Adipati niku sae lo den. Pokoke tak jamin wis den, ra
bakal nyesel yen ketemu.”
Subroto : “Hhhmm.. sok tau kowe ki min, piye leh mu ngerti ketemu we durung. La nek ayu
we mesa, la nek rupane kaya wong kurang gizi. La ya ancur to reputasiku!”
Sugimin : “Lah jare, menawi den Mas mboten purun Raden Adipati badhe ngusir panjenengan
to den?”
Subroto : “La ya kuwi min, sik marakke aku galau. Rabi tanpa tresna apa bisa? Apa diusir
rama kelangan banda? JAN APES-APES tenan nasibku iki…!!”
Painah : “La nggih den, nek kula setuju njennengan kesah mawon. Tinimbang mengke
nyesel saklawase.”
Sugimin : “Wuuh.. sesat nek kuwi. Ampun dipun gugu den! Ahaa.. (sok mikir) ngeten mawon
den, menawi den mas ketemuan rumiyin dening sapa jenenge (mikir) Nah suminten!
Kersa to den?”
Banjur Sugimin lunga gawe janji karo Suminten. Ing sore kuwi sing dijanjekke karo
Subroto, Suminten ngributi dandan sak ayu-ayune. Nganti rupane katon putih kaya gaplek.
Suminten : “Ah asiik, pokoke aku arep tampil sik paling cetar membahana badai halilintar
wedhus gembel Merapi. Hmmh.. Syahrini wee.. lewat.”
Suminten nyanyi lagu lan menyang neng pinggir kali opak kanggo ketemuan dening
Subroto seng wis di idam-idamake. Ning pinggir kali opak, Subroto teka dikancani Sugimin.
Sak banjure kui, Suminten teka. Kadi kaadohan Suminten ngamati Subroto sing gagah
ning ndhuwur jarane.
Suminten : (karo ngucek-ngucek mata ra percaya) “Gusti Allah, kok le bagus temenanan den
mas Subroto. Jan Bapak ra salah milih tenan iki” (sumringah rupane)
Subroto : “ Iiiih.. Gusti Allah. Kok ya ana manungsa kaya ngana bentuke.”
Subroto : “Min.. min.. ayo mlayu wae! Ayo min ayo cepettt… !!”
Suminten : “E..e..ee.. tak cegah ra iso mlayu. ( ngguya-ngguyu karo tangane nggondeli Subroto)
kang mas.. arep ning ngendi? Aja lunga! Iki aku Suminten.”
Suminten : “Ya ampun kang mas.. aku ki kurang apaa? Body, gitar Spanyol. Kulit, putih kaya
bidadari medhun saka kayangan. Idep.. Syahrini we lewat.. Kurang apa aku kiii?”
(ndepel-ndepel Subroto)
Subroto : “Gitar apaa.. Spanyol? Separo nyolong po piye? Mbok kowe ki ngaca. a (karo
nyodongke sikile ning raine Suminten) Rupamu ki blaass ra ketulungan. Lutung we ra
bakal kepincut karo kowe ten, Suminten.”
Suminten : “Kok kowe tega kaya ngene karo aku kang Mas. Aku salah apa karo kowe? Apa aku
kurang ayu?”
Subroto : “Kowe salahe mung siji, urip ing ndonya iki!! Wes minggir kana aku arep lunga!!”
(mlaku cepet, Suminten nggondeli)
Suminten : (ndeprok ngglosot nggondeli Subroto) “Ajaaa lungaa Kang Mas.. pleeaase! Aku
tresna karo kowe kang Mas..”
Subroto : “Asssshh.... (nyampluk tangan Suminten) lunga... lunga.. ora, mbangane (tangane
wis maju) 1..2...3....!!”
2. Ny. Sudarmo
3. Suminten
4. Sinur
Ny. Sudarmo : “Pakne kok lagi baliki sik dirembug apa wae to? Sumelang nek njenengan mengko
nyangkut ning omahe GADIS. Wediku nek kowe mengko mbribike sik Gadis janda
kembang kae..”
Wr. Sudarmo : “Walah bune bune.. lagi tekan wae kok wis ribut. Aku ki seka ngadhep Raden
Adipati Ali.”
Wr. Sudarmo : “Makane nek ngomong kuwi dipikir sikik, aja waton muni. Wes kene aku dipijiti
kesel tenan awakku iki. (Ny. Sudarmo nyekel pundakke lan mijeti)
Wr.Sudarmo : (merem-merem ngarasake pijetane) “Nah munggah sithik bune, meneeh meneeh..
Nah tonjo tenan nek iki.”
Ny. Sudarmo : “Yo wis gek dicritani hasil rapate mau apa?”
Wr.Sudarmo : “Ngene lo bune, Raden Adipati kuwi arep ngrabekke anake awakdewe Suminten
kae, karo den Mas Subroto.”
Ny.Sudarmo : “Weeelaah dalah.. anake awakdewe payu pakne. “(sumringah nglepas pijetane)
Sinur teka nggawa unjukan lan mireng kabar suka kala wau.
Sinur : “Walah ndoro Suminten ajeng dipun rabekke napa? Wah jan melu seneng aku nek
payu ki. Nggih mugi-mugi calonipun purun nggih ndara..”(ngampet ngguyu)
Ny. Sudarmo : “Ya mesti gelem, wong ibune ayu kaya ngene !!”
Sinur : “Lah apa hubungane ndara? La soale ndara Suminten niku rupane mboten kalap
tenan je. Kula wedhi menawi calone ndara Suminten menika kaget lan mboten purun.
Mangke saget ngrusak keturunan ndara.....!”
Ny. Sudarmo : “E..ee, kok keberanian kowe Nur..., wani-wanine waton mutusi! Eleke kaya ngana
kae yo tetep anakku kae ki... mbiyen arep tak guwang ya ra tega je aku nurr...!!”
Sinur : “Woo.. dados nate pengen mbuwang ndara Suminten to ndara...wkwkwkwk” (nguyu
kemekelen)
Wr.sudarmo : “Welah bune ki malah mbukak aip ki piye... jan tobat tenan!”
Sinur : “Alah mboten napa-napa ndaara. Rahasia terjamin menawi wonten uang tutup
mulut!” (plirak plirik dolanan tangan)
Ny.sudarmo : “Wah kowe ki dasar mata duitan nur Sinur...! yo wis saiki kowe lungaa goleki ndara
Suminten yah mene kok ra ning omah ki neng ndi!!”
ADEGAN 6
MBULAK/NDALAN
Cempluk : “Nyuwun ngapunten mass…! (menggos menggos kekeselen) Kula sampun nabrak
sampeyan.”
Subroto : “Mboten napa napa..... manungsa mboten luput saking salah! Lajeng wonten
menapa kok kadose wedi banget?”
Cempluk : “Kulaa ...kula, nembe dipunoyak-oyak dening lanangan ingkang badhe meksa kula
nikah! Ooo. njihhh.... nami kula Cempluk Warsiah saking dusun Ngampal.”
Subroto : “Oooo dek Cempluk (salaman). Kula Subroto.(atine lan jantunge Subroto deg deg
an ra karuan)
Musik lan dance Cherrybel-diam diam suka(ngedance leli nungki jelita parjo)
Subroto : “Ooo.. yo dek Cempluk, mau ngapa kok mlayu mlayu..... sapa sing wani ngoyak
ngoyak sampeyan dek?”
Cempluk : “Asmanipunn Jaka Gentha ... kula ajrih banget.. sampeyan purun to nulungi kula?”
J.Gentha : “Akhire nemokke kowe, yu....ayo mulih yu! Wis ditunggu bapak mesti sampeyan
yu...!”
Cempluk : “Wegah ra sudi...!! kowe ki dikei ati njaluk rempela. Ora sudi aku dadi bojomu!!”
( nuding J.Gentha)
J.Gentha : (nyeraki Cempluk dihadang Subroto) Alahh ayo to yu..bali karo aku...!”
Subroto : Heh..! kowe ki dadi lanangan tulen apa kur lanang lanangan??!” (mendeliki
Gentha) Nek pancen kowe lanangan tulen. Ora pantas pokalmu meksa wong
wedhok...!!”
J.Gentha : “Wooo...dadi kowe nantang aku...?! Nek panjalukmu kaya ngana.. ayo saiki kowe
lawan aku!!”
Subroto : “Okeee..... tak tampa uga tantanganmu....! (marani Sugimin) Min, jaga dek Cempuk
nek aku ndilalah kalah jakken mlayu...!!”
Subroto : “Min ...cepet malayu min... slametna dek Cempluk!!” (bonyok diantemi J.Gentha)
2. Ny.Sura Menggala
3. Cipluk
4. Cempluk
5. Subroto
6. Jaka Gentha
Wr.Sura : “Si cempluk kae lo bune ......wis prawan, bareng pecah pamore jian ketok ayu
tenan.”
Ny.Sura : “Woo.. lha injih pakne..., lha ibune we yo ayune koyo ngene kok pakne..mosok
anake ra ayu..”
Wr.Sura : (ngguyu) Ning ngene bune.. arepa rupane ayu ning polahe ala dadi yo bocah mesthi
kurang sethitik bune... ya wis tanganmu bune, gawa rene!”
Ny.sura : “Lha ngapa to pak.... leres pakne.. lha kabeh mau awit saking paringane kang Maha
Kuasa e..”.
Wr.Sura : “Woo la yo bener omonganmu bune. Aduuh aduuh.. pegel tenan rasane guluku iki.
Aku pengen pijetanmu bune, aku kangen.”
Cipluk : “Mangga pak, niki unjukannipun. ( menehke wedhang) Ooo.. yu Cempluk menika
nembe ten pasar pak! Ajeng tumbas mbako, lha njenengan to pak wau kang
ngenken...?”
Ny.Sura : “Ooo.. iyo, wau njenengan to pakne sek dhawuh...wah jan bapak ki lalen ki pripun
to pakne??”
Wr.Sura : “Lha yo aku ki cen lali (nggoceki sirah).. nanging iki wes sore lho..!”
Cipluk : “Lha nggih pak, niki pun sore to? le mangkat ket kapan je pak?”
Wr.Sura : “Ket mau awan. Lho.. lha le ku akon ki wes ket esuk mau je..mosok ket saiki urung
bali-bali.. marai gawe mangkel atine wong tua wae...”
Cipluk : “lha injih pak.. ,paling-paling nggih ndadak mampir-mampir wonten pundi-pundi
pak..!”
Ny.Sura : “Wo.. lha mbakyumu ki.., kebiasaan nek lunga-lunga ndadak mampir-mampir!”
Cipluk : “Lha njih buk... ,yu Cempluk ki gawene kur mblayang wae! Mesti tethek nang
ngarep dalan kuwi buk... nek mboten nggih mesthi njih spa ten salon.”
Cipluk : “Woo lha niku pak! Yu Cempluk sampun mulih.. ning wonten napa kae kok mlayu-
mlayu...??
Ny.Sura : “Woo iyo kae ana apa? Karo sapa kae...?” (penasaran)
Wr.Sura : Heee.. Cempluk!! Kowe wedi karo bapak yo mergo mulih kawanen to..? Mampir
nengdi kowe?” (metenteng lan mendelengi Cempluk)
Cempluk : “Haduhh.. mengke riyen pak,mbok, pluk... kula leren sekedap riyin..!”
Cempluk : “Ngene lho pak,buk.. kula nyuwun pangapunten.. kula niki meh kenging alangan...”
Wr.Sura : “Heeeh? (mripat mendelik) gek alangan opo to pluk? Rep ketabrak motor po piye?”
Cempluk : “Mboten pak.. kula niku dioyak-oyak kalih wong sing pengen ngejak rabi kula..”
Cempluk : “Ah kowe kiki jan, meneng sik to! mengke rak tekan mriki pak...”
Ny.Sura : Walah nok, gek kowe ra ngapa-ngapa to..? (karo ndemok awake Cempluk) Rak ra
ana sik lecet to?”
Cempluk : “Sssssttt.. iso meneng po ora? Aku ki isih deg-degan, ngerti ora?”
Wr.Sura : “Wahh... iki mesti bocah sing wani kurang ajar ngganggu anakku... mati kowe..ra
sakna!!” (karo nggoceki kerah klambine Subroto)
Wr.Sura : “Aku wis ra kuat nahan emosi ku.” (isih tetep nggoceki kerahe Subroto)
Cempluk : “Kang mas niki ingkang sampun nulungi kula...” (ngalangi bapakne)
Painah : “Lha njih pak sabar sabar.. niki den mas Subroto ingkang nulungi mbak Cempluk.”
Wr.Sura : “Ooo... (nglepas klambine Subroto) Dadi iki to sik malah sing nulungi kowe to
pluk.. lha jenengmu sapa le..?”
Subroto : “Kula niki putra Trenggalek, nami kula Subroto pak... putranipun Raden Adipati Ali
Sutamijaya.”
Cipluk : “Laahh iki to sik jenenge den mas Subroto kae. Alah-alah jan istimewaa!!” (gaya
chibi)
Painem : “Lha injih pak, ... njenengan mboten kenal pripun... bagus kaan? Iyaa kan?
Wr.Sura : “Oalahh... nyuwun ngapunten nggih den.. aku ra reti je.. nek kowe ki putrane
Adipati Ali Sutamijaya...”
Ny.Sura : “Oalah.. den mas Subroto to... aku pangling tenan je... kok saiki wes gedhe gek
mundhak bagus yo..”(ngguyu)
Cipluk : :Lha pancen aku wong ndeso je. Masalah buat lo?”
Painem : “Alah buk... mbok dikon mlebu.. panas tenan je ten mriki..” (karo kipas-kipas)
Wr.Sura : “Wis saiki gek critakna nduk, lha sing ngoyak-ngoyak kowe sopo to pluk..?”
Wr.Sura : “Oalah Jaka Gentha to... bocah kuwi ki pancen kurang ajar... sedulure dewe kok
arep dipek bojo jan ra nggenah tenan...!”
Cipluk : “Wooo dadi Jaka Gentha to.. anake Lek Surabangsat ki pancen... gendheng tenan.”
Subroto : “Nyuwun ngapunten, gandheng sampun sonten kula badhe nyuwun pamit.”
Subroto : “Nggih nggih sampun-sampun dek buk. Njih kula pamit nggih” (padha saliman)
Jaka Gentha : “Kula nuwun pakdhe... kula nuwun.. kula nuwun..! walaaah (kaget malah mata
mendelik) Pakdhe ki malah turu. Lingguh nang kursi we kok yo isoh ngorok.
Horoooo... huualah ngeces barang le turu, iki nek tak glimpangke kursine pakdhe ra
bakalan tangi...” (Gentha ngglimpangke kursi)
Wr.Sura : (tiba) “Adohhhhh buneee..... wooo lha bocah ra nggenah.. teka ra kula nuwun
malah gawe sengsarane wong tuwa... kualat kowe mengko..!!” (nuding nuding)
J.Gentha : “Oalahhh pakdhe... lehku matur kula nuwun hambok ping satoss.. nanging pakdhe
malah saya angler le turu nganti ngeces...! hehehe”
Wr.Sura : “Lha po iyo?? (karo ngelap bekas ecesane) Ana apa le?”
J.Gentha : “Kula pingin gesang kaliyan yu Cempluk dhe.. ila yu Cempluk badhe kula suwun..!”
Wr.Sura : “Weeelha …dalahhh.. aku ora oleh, ora setuju, amarga yu Cempluk ki mbakyumu,
lan kowe yo wis wani kurang ajar ro Cempluk..”
J.Gentha : “Weeelha.. wong tuwa diajeni malah ra rumangsa.. klakon ilang nyawamu.. wis
wani ro aku...!!”
Wr.Sura : “Bocah iki kok le angkuh tenan.. ayo nek wani maju siji lawan siji...!!” (maju
tangane obah-obah gaya kungfu)
J.Gentha : “Adohhh... ampun dhe... pakdhe patamu tetep isih ampuh tenan...!!”
Wr.Sura : “Lha yo to gurumu mbiyen ki sapa? Kaya ilmumu ki wes dhuwur wae..!”
Ny.Sura : “E..ee..ee ana apa iki pakne? Ayook ayooo pakne... tonjok wae kuwi bocah
gendheng!” (sorak –sorak nyemangati Wr.Sura)
Wr.Sura ::Okee pijeti sikik bukne..!! (karo siap siap gaya kungfu)
Wr. Sura : “Iki ponak’anmu dadi bocah kok le sombong tenan..!” (Isih gaya kungfu)
Ny.S.Bangsat : “Injih pakne, apa donya iki wis tuwa kok panase elok tenan. Jan bocor nerakane…
(karo kipas-kipas)
Wr.S.Bangsat : Wah jan, kowe ki.. ra pangerten mbokyo aku ya dikipasi to yo bune-bune. Jan payah
tenan..”
Wr.S.Bangsat : “Naahh.. rak ngene, ADEM..MakNyess.. ben tambah so sweet meneh bune! (genit)
Ny.S.Bangsat : “Ah pakne ki genit (karo nyiak ngajeng janggut Wr.Sura bangsat)
Ny.S.Bangsat : “Yo rapopo, karo bojone dhewe kok. Oh njiih pak, sik Jaka kok kethok irunge ki
endi?”
Wr.S.Bangsat : “Walah paling yo tethek ning mbulak kae karo brandal-brandale kae..”
Ny.S.Bangsat : “Walah pak….Jaka kiwis gerang lo pak, mbok ndhang dirabikke wae..”
Wr.S.Bangsat : “ Lhaa.. iyo karepku yo ngana kuwi. Tapi la piye meneh… bocahe isane muk
mbirik-mbirik thok.”
Wr.S.Bangsat : “Ana apa to le...? (wajah datar) bengak-bengok ben tanggane ra krungu po?”
J.Gentha : “Pak…, pokoke bapak lan simbok sesuk kudu mara ning ngomahe pakdhe Sura ..!!”
Wr.S.Bangsat : “Iyo..ana apa to kok kadingaren kon mara barang... bapak ki wong sibuk!!!”
Ny.S.Bangsat : “ (syok kaget) Wee..lha... dong po ra kowe ki, mbakyumu dewe kok arep dipek
bojo...??!”
Wr.S.Bangsat : “Hooh le.. mbok miker kowe ki..,mikerr.. iseh waras po ora kowe ki...!!?”
J.Gentha : “Wis ra urusan aku pak.. rep mbakyuku po udu pokokke aku tresna karo yu
Cempluk!!”
Wr.S.Bangsat : “Oalahh... duwe anak siji tur wis gawe kesel kaya wong duwe anak sepuluh wae..
anakmu kui lho bune...”
Dalino : “Lha yo ndara ki gawe bingung uwong wae.. seka ngendi to ndara..??”
Margono : “Lha kula kaliyan Dalino pokoke kudu bareng-bareng terus kaliyan ndara Gentha
pokoke tak terpisahkan...”
Dalino : “Caradene niku sampun dadi soulmate ndoro..wes kanca kenthel pkoke.”
J.Gentha : “Walah... wegah aku soulmatean karo kowe-kowe!! (nuding Margono lan Dalino)
soulmate ku yo yu Cempluk!!”
Dalina :”Ahh orak wes, piyek piyekna den broto ki perlu aku, nek kowe ipecat we r a papa.”
Margana :”Wuh asemmiii…. Koe nek urip ra karo aku ki yo raiso we gaya.”
Dalina :”Ha..haaahaa guyon(karo ndemok sirahe) WEs yo bali wae gek an.”
Paraga : 1. Wr.Surabangsat
2. Ny.Surabangsat
3.Wr.Sura Menggala
Wr.S.Bangsat : (ngguyu) “Tenane aku mau nang nggonamu jebul omahmu suwung gek saiki malah
petuk nang kene..”
Ny.S.Bangsat : “Injih iki... malah kepeneran kok pakne ketemu neng kene.”
Wr.S.Bangsat : “Ngene lho kang.. kowe reti dewe to anakku ki kepiye yen duwe karep.. anakku ki
pengen ngepek bojo anakmu si cempluk”
Ny.S.Bangsat : “Iyo kang si Jaka ki wis tresna tenan je karo si Cempluk tak kondan-kandani yen
Cempluk ki mbakyune nanging tetep ra di gugu....”
Wr.Sura :” Yo piye yo dhi... lha Cempluk ki wes arep di pek bojo karo wong liyo je..”
Wr.S.Bangsat : “Kosik-kosik , kok kakang bisa ngomong kaya nganakanthi dasar apa kang?”
Wr.sura : “Lha anakmu ki wes wani kurang ajar karo anakku je... gek karo aku yo wani...”
Ny.S.Bangsat : “Yen perkarane mung kui anakku sesok tak kandanane kang ... supaya dadi bocah
seng apik nanging... Cempluk tetep tak jaluk dadi mantuku...
Wr.S.Bangsat : “Oooo ngana to kang... kowe berarti ngajak pedhot paseduluran ro aku...”
ADEGAN 10
2. Painah
3. Painem
4. Patih Reksapraja
5. Sugimin
Sugimin : “Nek menurutmu piye, den Mas cocoke ro sapa? Nek aku ki ndukung karo mbak
Cempluk, wis ayu, bahenol pokoke joss… !”
Patih Reksa : “Hhhhmm…. Nek aku yo ndukung den Mas Subroto karo Suminten. Wis cocok sak
level… bibite bobote bebete.”
Patih Reksa : “Yo durung… tapi didelok seka jenenge la nasal-usul keluargane we wis
meyakinkan.
Sugimin : “Tak kandani ya.. Patih Reksa Praja sik jenenge Suminten kuwi rupane ra kalap..
seka pucuk kapok ra ana iso di sawang!!”
Patih Reksa : “Lha kan kuwi… menurutmu, njak kowe ki seleramu ki pancen rendah.
Adipati Ali : “Nah.. kowe ngerti Patih Reksa ra? Dadi asisten malah mblayang-mblayang…?”
Painah : “Walah..walah, nyuwun ngapunten den, kula mboten ngertos cobi kula tangletke
Painem.”
Adipati : yow is ngene kana kowe golekaana nah. Painem ben mijeti aku.
Adipati : Waah.. kowe ki mung manutan payaah…wis nem kowe gek gawe wedhang “
Adipati : Ngene lo kakang patih, aku tetep arep ngrabikke Subroto karo Suminten.
Sugimin : Ngaten lho den… amargi kula sampun mirsani rupanipun Suminten jan.. nyuwun
sewu malih, mboten kalap den..”
Adipati : Wooh nak ngana, yo wis batalke wae…!! Patih saiki kowe mara ing nggone
Suminten omongo yen pernikahan iki BATAALL… !!
Patih lunga
Paraga : 1. Suminten
2. Sinur
Ing pinggir kali. Sinur bingung nggoleki Suminten. Seka adoh ndeprok sesenggukan nangis.
Suminten : (nangis ndeprok) “Huuuu…uu..uu.. Subroto nur.. Subroto nakaall..!! Kowe kudu
nulungin aku nur, aku tresna tenaaaan karo den Mas Subroto.”
Sinur : “Halah.. kapan ndara…lehmu arep ayu…!angel ..angel..wes permanen ndara ..pol
niku.”
Suminten : “Ya kapan-kapan, nek aku ngangsi ayu..huhh!!(sombong) Cah Piyungan, Kasihan,
Mbarongan, Kretek! Kabeh do kepincut ro aku.”
Suminte : “Hhhmm… tapi aku yakin den Mas Subroto gelem karo aku.” (karo ngibas-ngibas
rambut lan ngelapi uluhe)
Paraga : 1.Wr.Sudarmo
2. Ny.Sudarmo
3. Suminten
4. Sinur
5. Patih Reksapraja
Suminten : “Adohhh.. ajeng pirsa napa to pak? Yen mundhut pirsa dhawuhe bapak sedaya
sampun beres pak, pokoke aman terkendali..!!”(sumringah)
Sinur : “Injih ndara, rencang-rencang kakung lan putri sing dadi omong tamu sampun beres,
undangan sampun sumebar...pokoke beress!”
PAtih Reksa :” Adipati dhawuh kula supaya nyampekke yen anggone bebesanan diwirungake...”
Wr.Sudarmo : (nesu-nesu,bengok-bengok) “Ora sido? ora sido? Lakok isa!Dadi kaya ngene to
cak-cakane wong sing duwe panguwasa?.... hmmmm... omongane esok tempe sore
dhele..!”(ngangkat kursi- Patih Reksa mlayu)
Wr.Sudarmo : (bengok-bengok) “Wis tarube do dibrubah, sing do rewang do dikon mulih... ra ana
gunane!!”
Suminten krungu kadi kamar, lan metu nggawa vas kang lagi dilapi.
Wr.Sudarmo : “Ngene yo rungakna aku..!! (meneng sakwetara) kowe.... ra sido dadi manten nok...
kowe ra sido rabi karo Subroto...!!”
Suminten : “Weeee... yo ra isoh to pak... (bingung) Aku emoh..eemooh pokoke emoooh pak
eeee…..!!” (nglosot banjur vas kembang langsung dibanting) (bengok sero)
opoooo??? Aku ra sido dadi manten karo den as subroto? Ra munggkiiiin....
impossibleee.......” (njempling sero terus tibo pingsan)
Sinur : “Oalahh ndara kok dadi koyo ngene to.... kok malah dadi edan kaya ngene...”
Ny.Sudarmo : “Alah-alah anakku sing ayu dewe... kok nasib mu dadi koyo ngene to nok...!!”
Paraga : 1.Cempluk
2. Darmi
3.Cipluk
Cipluk : “Lek Darmii….!!”
Darmi : “Oooo… kowe ta nak, kene kene mlebu!! Kok ndingaren kowe ngethok nok?”
Cipluk : “Hehee… kangen aku karo kowe lek.. kok ra tau dolan ning nggonku ta?”
Darmi : “Eneng opo to pluk? Aku ki arep nyapu latar kae.. galo reget banget latar e...!!”
Cempluk : “Ngene lho lek.. pikirku bingung iki lho... ngapa yo nek aku kesenggol karo den
mas Subroto awakku mrinding kabeh...mergane opo yo lek?”
Darmi : “Ngene yo nok... kowe ki wes pantes due bojo dasare koe ki yo ayu WIS DUWE
INNER BEAUTY, lha kira-kira den mas Broto seneng ra ro kowe?”
Cempluk : “Wah ... aku yo ra reti je lek... wong nyatane wonge ki durung ngendika je...”
Cipluk : “Yo mengko di delok wae yu.. mengko wonge rak arep mara to..”
BROTO TEKA
Subroto : “Sakjane ket pisanan aku wiruh kowe, atiku ngrasa bungah… Apa gelem…
(mandheg ambil nafas) dadi….pasangan uripku?”
Cempluk : (isen-isen) “Pripun njeh... kula manut mawon kaleh den mas Subroto...”
Suminten : (ngeret-ngeret klambi) Den Subroto… aku tresna karo kowe…. Hihihihi”
Suminten : “Oraaa..urusaan! kowe tetep kudu dadi bojoku! (karo ngguya-ngguyu) AKU KI
CINTA MATI KARO KOWE..!!”
Suminten : “Huuuu….. aja ninggalke akuu den Mas!!” (nangis ndeprok ngosek-ngosek)
Lan akhire, Suminten edan lan nangis sak kejer-kejere. Ananing Subroto lan Cempluk dadi
pasangan urip saklawase.