TUNGGAL PANALUAN Turi-turian najolo na patorangkon hajajadi ni tunggal panaluan.

Daong ma najolo sada ruma tangga na maringan di pat ni dolok pusuk buhit namargoar Guru Hatiabulan dohot tunggani boruna. Nunga leleng di parsinta nasida laho marianakkon. Alai bohadoparianakkon ni nasida, tabereng ma dif ragmen na parjolo on. GB: Nunga tingkina nian hita marianakkon dung nikira ariarina pinabotohon mu tu au. TB: Toho doi ale amang marningot ari-ari na huetong, du bulan ganup bulan nunga tingkina nian. GB: Martangiang ma hita tu Mulajadi nabolon I asa hatop ma I lean di hita ianakkon. Naung leleng tapaima-ima i. TB: Nauli amang. Di parleleng ni asa hipas tungga ni boru hatiabulan. Masa ma logo niari na so marhasoan di huta i. Jala ro ma bada tu Guru Hatiabulan. RB: Guru Raja hatiabulan boasa piaraon mu lalap tungga ni borumi??? Ala ni I masa logo ni ari si rangga puri I huta on. Ingkon pamisiron mu sian hutaon tungga ni boru mon (muruk) GH: Boasa dokkonon muna alani tungga ni borukku mambaen logo niari na so marhasoan I hutaon?? RB: Nunga leleng situtu hamuna dang marianakkon. Tung mancai janggal ma molo ro bala songonon di tingki mardanging na denggan tungga ni borumi. GH: Dang alani tungga ni borukon asa masa logo niari na marsamari, sotung sala hamu amang Raja. RB: Ingkon pamisiron mu do tunggani borumon sian huta on saonari GH: Dang oloanku pabalionku tungga ni borukku sian hutaon. Alana dang alani imana masa logo ni ari on amang. (Muruk. Lao) Dung sae dua ari hipasma tungga ni boru Guru Hatiabulan, longang ma nasida Alana kembar do dakdanak I, sada baoa sada nai borua. Jala dung tubu ianakkon ni Guru Hatiabulan I las ro ma udan. Alani I ibaen ma pesta ni hatutubuni ianakkon nai. Iseat ma lombu asa padaohon akka na mambaen marsak roha. I jou ma Raja huta dohot natua-tua ni huta tu pestai. Jala di pestai di goari ma ianakkon na baoa si Ajidonda Hatautan jala ianakkonna boru igoari ma si Tapiomas Nauasan. Ale dung sidung pestai roma gok jolma mangkatai tu Guru hatiabulan. OB: Horas amang guru. GH: bah horasss amang. Aha nian na naeng sidokonon muna amang? OB: DI partubu ni ianakkon munai bah amang, ikkon manian papisaon muna geelleng muna nadua I amang. Asa unang gabe sa sopo halaki anon. OL: Toho doi amang. Ikkon pamisaon muna do ianakkon muna I amang. Sada tu timur jala sada nai tu barat. GH: Mauliate ma di halak amang. Alai sahat tu andingan pe dang nalao pisahon hu gelleng kon. Alana holan ianakkon name naduaon do sipalas roha name. OB: Toho doi nian amang hu boto do nian borat ni roha muna lao papisahon ianakkon muna i. alai ikkon pisahon muna doi amang. Asa unang adong sol-sol ni roha di halak amang. GH: (bingung) OL: Pikkiri mai denggan amang unang sappe adong sol-sor niroha muna. Sattabi( lao) Dung ma pida-piga taon. Mabiar ma Guru hatiabulan dohot tungga ni boruna alani lam asing do pangalaho ni gelleng nai. GH: Inang.. (manggoit tungga ni boruna) TB: Aha I amang? GH: bereng ma ianakkon ta an. Boasa asing do rohakku molo hu bereng rap mekkel halaki nadua? TB: Ido amang.. di pamerengan hu lam leleng dang boi nasida I pasirang. Ikkon rap manian torus nasida. GH: Inang, boha molo ta pasirang ma nasida asa unang di ulahon nasida naso si ulahonon i??? TB: Toho doi amang, asa unang songon na hea I dokkon akka dongan sahuta hinan, asa unang gabe sa sopo nasida. Di tahi nasida ma pasirangkon dakdanak nadua I jala dilean ma si tapiomas tu tulangna. GH: Ajidonda Naro jo amang. AH: ou among? GH: lao majo ho martao. Jala jura majolo hoda na di handang nai dohot tukkar ma tu na porlu tu parngoluon ta. AH: Olo among. (mambuat jarring) Lao au da among? (Lao) Di nalaho si AJidonda hatautan tu tao, diboan ma si Tapiomas nauasan I tu jabuni tulangna. GH: Horas lae! TL: Bah.. Horas lae! Horas ito. Aha ma sinakkapan ni roha muna ro hamu tu sopo name on??... Ale masuk majo hita masuk. TL: Hundul ma halak lae, ito dohot bere ku. Aha hinan lae?? GH: songonon amang hu boan ma nuaeng si tapiomas nauasan on tu bagas muna on amang, naeng adong ma nian di tahi ni roha nami. TL: Oh.. Aha ulaning di tahi roha muna sian au? GH: Songonon lae Pamudu-mudu hamu ma dakdanak on ro di nabalga, sotung unang ipaloas hamu ibuat ibotona imana haduan, molo so husuru hami. Alana na di sirang hami do ibana Alana mabiar do hami diulahon nasida gabe sasopo nasida. TN: Aha inong? Among? Aje ikkon tinggalhonon muna nama au I jabu ni tulangon?? Daong olo au inong. Ikkon di huta do tong au maringanan dohot hamu inong TB: I son ma ho borukku, asa adong mangurup-urupi tulang mon. TN: Dang olo au inong, dang olo au marsirang sian among, inong dohot itokku si Ajidonda. Among Dang olo au I jabu ni tulangkon maringanan. Alana iboto halak inong dohot among do ison dang adong dongan hu. Molo I huta ta, adong dope itokku si Ajidonda na boi mandongani au siganup ari. GH: Burju-burju ma ho dison borukku. Adong do anon ison borukku, gok do edam ison boru. Halaki ma dongan mu marmeam siganup ari. TL: Olo bere, burju-burju do sude akka edam. Ikkon sonang do anon ho bahenonni halaki. Jala ho ma mangurupi nasida di ganup parkareoanna da bere?? TB: Unang pala tangis be ho borukku (mangelek, manjama uluni si tapiomas) Ro do muse anon hami lao mangalap ho dohot itom da boru?? (mandahop) TN: (mangunduk) GH: Nunga botari, mabiar hami paborngin hu hami I dalan. Mulak majolo hami ate lae?? Lao among da borukku?? (manjama uluni si tapiomas) TL: olo lae. Manat-manat ma hamuna I pardalanan ate lae? Ianggo boru muna on, lao pamudu-muduon ku nama on sahat tu na magodang ibana. TB: Nadenggan mai amang. Dung mulak si ajidonda sian pardalanan sian Tao I, I sukkun ibana ma didia iboto nai. AH: Horas inong. TB: Bah.. horas anakku. Nunga mulak ho amang? Aha deba iboan ho amang? AH: Sude ma akka na rikkot di parngoluanta inong. TB: denggan mai amang. Molo songoni martapian majo ho amang. Asa tor marindahan na las hita amang. AH: Olo inong, ale didia si Tapiomas inong? Han nakin songon na so hu bereng? TB: (sip satokkin) Amang ajidonda, ai nungga monding be iboto mi (huhut tangis) AH: aha inong? monding? Dang porsea au inong TB: sukkun ma among mu Ajidonda, naung monding do itomi AH: (tangis jala tor lao)

Tangis ma si Ajidonda parsadarian, nunga lungun hian rohana Alana dang adong be iboto nai. Ala naung leleng dibereng si Ajidonda Hatautan dang hea inong nai lao tu tao, jala disungkun ibana ma tu dongan sahuta nai. AH: Namboru! Namboru DS: Aha nian amang ajidonda?? AH: Didia do hape ibotokki?? Boasa dang hea hu bereng inong lao tu tao, dang hera na lungun rohana na mate ibotokki. DS: Eh I jabu ni tulang mudo iboto mi, dang mate dope iboto mi. AH: Oido hape namboru. Mauliate ma da namboru?? DS: Olo amang. Lao ma ho tu jabuni tulang mu molo nga masihol ho tu iboto mi amang. AH: Olo namboru. Lao da namboru(lao) Laho ma si Ajidonda tu amang nai jala di dok ma naeng tu tao ibana. AH: Among laho ma jolo au hu tao, adong laho sialapon ku hu tao GH: Nadenggan mai amang. Laho maho nei! Laho ma si Ajidonda hatautan tu jabu ni tulangnai. AH: Horas ma tulang TL: Horas ma beren, bohado natua-tuata di huta? Hipas do? AH: Hipas do amang. TL: Bah nadenggan mai amang Masuk majolo ho amang. (masuk) Aha hinan ma na sinitta ni roham rot u son amang? AH: harorokku tu son lao mangalap ibotokku si Tapiomas Nauasan didok amang. TL: Bah.. nungga tikkina nian. AH: Olo amang. Jou hamu ma si Tapiomas asa hu boan ma ibana mulak tulang. TL: Tapiomas Tapiomas Ro jo ho inang.. TN: Aha I tulang (mamereng tulang na dope) (ibereng ma iboto na) Bah.. ai ho do I ito? Ito eta ma mulak ito Dang olo au marsirang sian ho ito..(tangis) Nunga leleng hu paima-ima halak inong, among dohot ito laho mangalap ahu. Eta ma mulak ito. AH: Unang tangis ho ibotokku (manjama uluni si tapiomas) Harorokku tu son a laho mangalap ho do ito. Jadi unang pala lungun roham ate ito? TN: Ido ito?? (sonang) toho do na ni dok mi??? Mulak nama hita tu huta? AH: olo ito eta ma mulak itokku (manarik tanganna asa tindang) Mulak ma hami da Tulang?? Asa unang paleleng hu anon hami sahat tu jabu. TL: Olo amang. Manat-manat hamuna da amang. AH: Olo tulang (lao) Laho ma nasida tu harangan, jala songon naung saripe nasida. Na hinabiarhon ni natua-tua I hinan ningga be masa. TN: Laho tu dia do hita on ito?? Boasa herana dang naeng mulak tu huta ta? AH: Molo mulak hita tu huta ito, ikkon pasirangonni halak inong dohot among do hita nadua ito?? Nariahai tikki di boan ho tu jabu ni tulang I, did ok do ho nga monding itokku Tung mansai lungun do rohakku disi. Alai husukkun ma namboru na di huta ta. Inna I jabu ni tulang do ho ito. Dukkon I ma au rot u son laho mangalap ho. Jala hudok ma tu among laho tu tao au. TN: aha ito?? Aha do na di pikkiri halak among dohot inong asa ipasirang hita ito??? (tangis) Tung mansai lungun do ariarikku dung ipasirang dohot ho ito. AH: Dang olo halaki rap hita ito. TN: Aha ma salana molo rap hita ito?? Dang boi?? Dang asi rohana mamereng hita ianakkon naon na lungunan alani I pasirang?? Unang pala be mulak hita ito. Dison ma hita mar huta ito. Dang olo au I pasirang muse dohot ho. AH: SOngoni nang au ito Dang olo au marsirang sian ho ito. (manjama bohini si Tapiomas herana mangelek) Di harangan I, mauas ma si tapiomas, jala di bereng ma hau pui-pui na mansai bagak borasna. Jala did ok ma songonon:

TN: Bagakni boras hau piu-piu tunggulan on ale ito?? Hape mauas au, hujakkit majolo ate ito??? AH: Nadenggan mai ito, laho ma nei. Mangjakkit ma ibana naeng sahat nama ujung ni hau I alai pittor lokkot ma ibana tu hau i. Dung leleng ibana paima iboto nai, manjakkit ma muse ibana, dung laho das tu pussuk ni hau I lokkot ma muse. (beradegan) Dung leleng dang marnamulak si Ajidonda lahon ma amang nai tu huta ni tulang nai, ala naung di bege naun g laho si ajidonda tu jabu ni Tulang nai. Dung isukkun Guru Hatiabulan ma tu tulang ni si aji donda idia si tapiomas, di dokkon ma nga I alap ibotona. Marlojong ma Guru hatiabulan tu harangan Alana naung di paboa tulang ni si ajidonda, ro ma asida di sada hau. GH & TB: (manjou-jou) GH: bah nunga I muruki omputta mula jadi na bolon nasida ala naung di ulahon nasida na sosuman I. TB: Amang nasib hi. Boasa ma nian dang pasirangon huh an najolo ianakkon hon. Holoan ho do anak dohot borukku Ajidonda!... Tapimas boasa bahenon mu lungun ni roha nami?? (tangis mangandungi) GH: Nga sae bei inang, ta lului ma jo datu na boi paluahon ianakkon taon sian hau on. Mulak ma raja hatiabulan jala diboan ma Sada Datu Parmanuk Holing. GH: Amang.. jakkit hamuna majolo hau on jala palua hamu ma nasida sian hau i. DPH: Nauli amang (beraksi, lokkot) Sai di jakkit ma hai I alau lau das di pussu lokkot ma muse. Jala di boan ma muse Datu pongpongon niebungan. GH: Amang.. jakkit hamuna majolo hau on jala palua hamu ma nasida sian hau i. DPN: Nauli amang (beraksi, lokkot) Di jakkit ma muse hau I alai laho das tu pussu lokkot ma muse di hau I di boan ma muse Datu Sibaso paet. GH: Amang.. jakkit hamuna majolo hau on jala palua hamu ma nasida sian hau i. DSP: Nauli amang (beraksi, lokkot) Alai laho das tu pussu, lokkot ma muse datu i. Di boan ma muse Datu na margoar Datu Parbue na Bolon. GH: Amang.. jakkit hamuna majolo hau on jala palua hamu ma nasida sian hau i. DPB: Nauli amang (beraksi, lokkot) Alai laho das tu pussu nunga langsung lokkot. Dibohan ma muse datu Parhorbo Pohul na Bolon lai tong dope sarupa. Di boan mamuse Datu parpansa ginjang. DPG: Tobang hamu ma hau on, nunga hona mara nasida. Ikkon jouon muna do pemahat laho mamahat bohi, tangan dohot pat nasida di bagasan sada hau. Jala baen hamu ma parningotan tu halaki di huta muna asa sonang rohani halaki. Dung I di jou ma pemahat tu huta I jala di bahen ma tukkot na mansai bagak jala sarupa tu hau piu-piu i. Dung I, di bahen ma parningotan tu ianakkon ni si ajidonda dohot si Tapiomas dohot sude datu na lokkot di hau i. Dung I di baen ma tukkot I mamudi I lumbung. Jala dung i. sai manortori ma Daru parpansa ginjang masuk ma roh ni halaki sude tu imana. DPG: (makkata-katai) molo songoni bahen hamu ma tukkot I gabe tukkut laho manaluhon akka musuh dohot gabe paro udan. GH & TB: Olo amang Di olio ma poda I jala diulahon ma songon na pinodahon nai Datu Parpansa Ginjang. Tukkot ima na ni goaranna Tunggal Panaluan. Di tukkot on adong ma tambana ima sada biang dohot sada ulok ima ulok ni Datu Parulok bolon dohot sada biang ni datu pongpong niebungon.