SIBORU TUMBAGA NASOMARIBOTO

Tumbaga : anggia, buntulan, dibege hodo soara ni na marendei ?

Buntulon : hubege do hahang, lungun huhilala

Tumbaga : molo hurimang-rimangi hatani endei, mansai lungun roha sarupa tu bagianta nadua
dirusuki ate-ate

Buntulon : imadah hahang, malengleng ate-ate, attar songon dia do lapatanni endei tahe?

Tumbaga : pangeol-eol mi solu, solu na di tonga tao, molo matipul hole mi, maup tudia maho?
pangeol-eol mi boru, boru naso mariboto molo mate amanttai maup tu dia nama ho ?

Buntulon : jadi songon dia didok roham hahang?

Tumbaga : didok rohakku nian anggi, asa tajujui ma amongta mangoli. Anggiat asi roha ni Mulajadi
nabolon adong siraja ibot ta

Mardalan mandapothon among na

Tumbaga : among among hundul majo ho among adong sidohonon nami

Ompu Guasa : aha ma haroa lao dohononmu tu au dainang....

Tumbaga : molo hupikkiri do among bagian namion, haccit do naso mariboto. Alani nian among
adongdo rohanami dohot si buntulanon naeng manjujui among mangoli. Anggiat adong si raja ibot nami

Ompu guasa :e boruku, Boha dobahenonku,ai nunga matua au ,ai boru nise do naolo tu au dainang

Tumbaga : songon on among, lao pe au manukkun datu aut boha adong boruni halak naolo tu
among

Ompu guasa : boha do bahenonmu da boru laho manukkun datu, ai so adong datu dison dainang,
ingkon tu barus doho lao, ai disi do adong datu, pasombu dainang ma songoni

Tumbaga : lao pe au among

Ompu guasa : amang tahe borukku, ai tung mansai godangdo rura dohot harangan tusi dainang,
pasombu dainang ma, apalagi ho sahalak boru-boru ba boha do bahenonmu mardalan tusi

Tumbaga : ikkon lao do au among, diho anggi buntulan ala naeng lao nama au tu barus denggan
denggan ma jaga among ta on da, sotung dipaloas ho mardalani sahalak na da

Buntulon : olo hahang

Di tonga ni pardalanan

Tumbaga : horas amang

Datu : horas lae

Tumbaga : ai na sian dia do hamu amang, jala naeng tudia?

Datu : ia au na sian barus do au lae. Ia hamu sian dia naeng tudia?

Tumbaga : sian huta sisuga-suga do au amang naeng tu barus

Datu : bah apala ise ma huroa na naeng topotonmu disi? paboa ma goarna, alana sude do
pangisi ni barus hutanda, jala goarna pe ra huboto do
Tumbaga : bah, sattabi sangap ni rajai, ima Datu partungkot bosi

Datu : hehehhehehehe, dang adong dua partungkot bosi di barus, holan au do

Tumbaga : bah, hamu do hape i amang? Horas ma amang

Datu : horas ma tutu lae, horas

Tumbaga : bah, nunga dipatoho-toho uhum hape hita amang, nadisuru do au mangalapi hamu
amang

Datu : ise manuru hamu?

Tumbaga : ompu guasa amang

Datu : ompu guasa namora i? Bah, da tulang do i, mahua huroa tulang i?

Tumbaga : marsahit amang

Datu : bah bah bah , ba boha nama on ate, hape lao adong dope sidalananku

Tumbaga : da tung tumagon amang mangkait, molo boi do mandungdung on, ala nunga pajuppang
hita patoho-toho uhum, ba inna rohakku haporluhon hamu majo amang

Datu : ido tutu lae,molo datulang ido namanuru, dang tarjua au, beta ma beta, borhat ma hita

Datu : laeee o laeeee oiii, paima au bah, unang humarojor ho.

Datu : bah bah bah ai naung tudia do lae i nakkin bah. tulang, adong nakkin dibereng ho doli2
sampe bunga mamolus sian on? Alai suruanmu do inna imana?

Tumbaga : au doi amang boru, unang pola sai lulu lulu ho

Datu : ah husadai maho, nararat doho, doli2 do nakkin na mangalapi au

Tumbaga : tohodoi amangboru, asa hupatudu hajutmi, innon ma hajut mi nakkin amang boru

Datu : toho tutu ate, daga yamang tahe, toho do hape, dang pilit dang lipe, guri2 pe dohot gule2
isi do sude. Alai tahe anggi, doli2 do nakkin na mangalapi au, boha do muse dalan nion

Tumbaga : toho doi amangboru, ai na hupakke do pahean ni damang, asa songon doli2 au, manjaga
parmaraan di pardalanan

Datu : toema molo boti, tulang apala aha do haroa na porlu? Umbahen nadisuru ho anggiku
boru tumbaga mangalapi au?

Ompu guasa : iii? Boa do nimmu lae?

Datu : aha do haroa na porlu? Umbahen nadisuru ho anggiku boru tumbaga mangalapi au?

Ompu guasa : ehe partungkot bosi dara huanttusi i, anggim si tumbaga ma donganmu makkatai lae

Tumbaga : songon on do nian amangboru, tangkas do songon na binotom dua do hami songon pat
ni manuk dang mariboto, jadi amangboru martahi do au dohot anggiku si buntulan nanaeng manjujui
among on asa mangoli, angiat adong si raja ibot nami, asa bereng majo bukku parhalaanmi boru nise do
na olo tu among nami on?

Datu : eeee anggia, namaol namura do pulungan nion, buat hamu ma sada manuk lakk2
anndalu, appang, anduri, sawan, dohot pangir

Tumbaga : olo amangboru, paima ma satongkinda

Datu : ale oppung, sahalani hurukku artia, suma, anggara muda, boraspati, sikkora, samisara,
sipaha sada, sipaha dua, sipaha tolu, sipaha opat,sipaha lima, sipaha onom, papitu parsadaan. Dison
ompu guasa,naeng mangido asapatuduhon silomo ni rohana, takkas maho marboaboa

Datu : diho boru tumbaga dohot ho boru buntulan, unang jo loas hamu mardalani among muna
on dibagasan pitu ari pitu borngin on, lao majolo au,denggan2 pature hamu among munaon da

Tumbaga : olo amang boru

Ompu guasa : boru, buat ma jo inang tungkothi, asa hubereng jo durianan tu balian

Buntulon : unang jo mardalani among, didok amangboru nakkin unang jo mardalani dibagasan pitu
ari pitu borngin among

Ompu guasa : ehe nararat doho, ai aha naso dohononni datu

Tumbaga&buntulan: unang jo among unang lao ho among

Eda : tumbaga buntulan ai naidiado hamu anggi? boasa paloasonmuna natuatuaan lao
mamereng durian

Bawa 1 : ai naboha do hamu ito? Nga madabu tu lombang2

Boru tumbaga : aha do nimmu eda?

Eda : nga madabu amongmu tu lombang2

Boru tumbaga : amang taheee, nga huorai nakkin among on, naboado among?

Ompu guasa : mate nama au, mate nama au

Boru tumbaga : unang songoni among

Ompu guasa : tumbaga,buntulann, ia sitonahononku tu hamu nadua dainang, aik dia marujung ngolu
au, mas nadi lamari i dohot ringgit asa humatop bunihon hamu dainang, dohot pinggan pasu na di poti i,
unang sanga ro annon amangudam

Boru tumbaga : bohama pangandunghu da among

Raja adat 1 : hamu akka naumposo, alap hamu anggini amanttaon ompu buangga

Bawa 2 : olo rajanami

Bawa 2 : nangkok si deak, tuat si puti, ala pintor pajuppang do au dohot nahualapi, nunga
mangihut sian pudi (umpasa)

Ompu buangga : tumbaga dohot ho buntulan, takkas do diboto ho au pardara tinggi, jadi unang sampe
naik tensiku gabe mamuncak muse daratinggiku, nahudok tuho kunci ni lamari dohot kunci nipoti dia
tuson!

Ompu buangga : tumbaga hubukka lamari dang tarida mas, ringgit dohot perak hubukka poti dang tarida
pinggan pasu tudia dibahenko? Unang sampe naik daratinggiku
Raja adat 2 : sattabi rajanami, molo boinian pahundul hamu majo, asa tamulai pakkataionta taringot
tu amanta na marujung on, adong hata ni natuatua na mandok martampuk bulung, marbona sakkalan,
denggan ma attong sukkunonnami hamu, ima songon hasuhuton bolon

Ompu buangga : sai di datdati hamu dope, nga iboto hamu au marsitaonon, ponjot di pikkiranku,
sukkunonmuna muse au, namambaen sipiga do hamu tuau, nga hudok unang sampe naik daratinggiku,
dang huattusi martampuk bulung marbona sakkalan

Raja adat 3 : huboto hami do ponjot pikkiranmuna rajanami, alai manang boha pe, hami songon
dongan sahuta dang brani mambaen haputusan ia so jolo parbinoto hasuhuton, alani rajanami ikkon
manat2 do hami sotung tarjollung gabe mangkorhon parsalisian

Ompu buangga : dia nasuman dirohamuna ima baen hamu, alai ingot hamu unang palelenghu, molo boi
saonari ma ditanom unang sampe naik daratinggi ku

Raja adat 3 : nauli rajanami, alai molo sadarion do ninna hamu ditaruhon tu tanoman hera hurang do
sumanna, haru dakdanak dang pola songoni dibaen,apalagi on sada natuatua pinomat 3 ari diaopi
pinopparna rajanami

Ompu buangga : ohhh asa tabo taboan hamu mangallangi ate, saonari olo do hamu manaruhon manang
dang asa huboto

Raja adat 1 : palias ma i rajanami, dang apala dihalomohon rohanami sisongoni alai nang pe songoni,
tangan do botohon ujungna jari-jari, jongjong hami dison, jumolo hami marsantabi, molo songoni do
rajanami pahundul hamu ma asa hami makkatai

Ompu buangga : ima nian dok, anggoi turun ma attong daratinggiku, hatop baen hamu

Raja adat 1 : namanukkun ma au tuhamu saluhut, attar songondia ma adat nanaeng sipatupaonta
hombar di parmondingni amanta naung marujung ngoluon

Bawa 3 : molo pandapothu amang, ulaon saurmatua matabaen,alana nunga gajjang umurni
amattaon

Bawa 4 : sattabi amang, takkas taboto talak songon indahan di balanga, ia tubu ni amattaon,
sattabi holan dua do, jala boru do duassa jala dg adong dope na marhamulian, alani amang pandapot sian
au ulaon sari matua ma tabaen

Ina 1 : sattabi ma amang,songon manambai hatani amatta raja dison, molo huhilala naeng
manian mangkuling ogung sabangunan alana paradat do amattaon jala paradongan

Jolma natorop : ido hape tutu do hape

Raja adat 1 : aek godang tu aek laut, dosniroha sibaen nasaut,ala nunga diampehon hasuhuton tu
hita ulaon on,ulaon sari matua ma sipatupaonta

Ompu buangga : hepp pette hamu jo, hubege nakkin ditaringoti hamu ogung sabangunan,lao tudia i?
Sotung naik dara tinggi ku

Raja adat 4 : sattabi rajanami, ia natuatuaon siboto adat do, taringot tu ogung sabangunan ima
songon ganti ni andung2 ta tu amatta na marujung on

Ompu buangga : bah nga piu songon tali,putor songon langkitan nga dos songon bulu jarangjang huhut
jajambean, mardangdang muse au huhut matean

Raja adat 2 : sattabi rajanami, ikkon sangap do bahenonta paborhatton natuatuaon rajanami
Ompu buangga : dang ninna adat ninna uhum, dang gabe au mambayar adat ni da hahang on alai molo
singir na tu au ma i , unang sampe naik daratinggiku

Raja adat 2 : bah, jadi na marhua do hamu tuson?

Ompu buangga : rope au tuson ima nanaeng manean, manapus arta ni dahahang ondo, dang porlu diau
bangke nai, molo porlu dihamu,tanom hamu,molo dang asa husaratton tu binanga an, unang sampe naik
daratinggiku

Ina 2 : ehh sattabi sattabi dihamu rajani huta, di hamu amang hasuhuton ai nabohado sai
martongkari hamu, sian nakkin sai holan arta dihatai hamu, ai bangke ni amanta on majo tapature

Ompu buangga : anggoi toho mai, sapandapot dohita inang baru pe turun daratinggiki

Raja adat 5 : jadi mauliate di amanta raja nang inanta soripada, mamereng hita di partingkian,dohot
lan akka na asing, tumagon majolo tataruhon bangke ni amattaon tu inganan na barupe asa manghatai
hita muse

Jolma natorop : ai namai, nga tumagon i

Ompu buangga : anggoi hata ni rajamai, jadi nuaeng pe pittor hatop ma taruhon hamu ate

Raja adat 6 : marende mahita ise do ale-aletta naso olo mubai laos taendehon ma

Marende laos manaruhon tu udean

Ompu buangga : tumbaga, buntulan nakkin nunga hubukka lamari dang tarida ringgit, mas dohot perak
dohot pinggan pasu tudia dibaenko? Unang sampe naik daratinggiku hatop... hatop..

Tumbaga : nga habis be amanguda, passiubat ni among nahinan

Buntulon : toho doi amanguda

Ompu buangga : tumbaga dohot ho buntulan, asa botoonmu da tudos maho songon solu na matipul
holena di tonga ni tao, siboru nasomariboto, siteanon nama ho ima bagianmu

Raja adat 6 : rajanami Ompu buangga, ia bangke ni amattai nunga ditaruhon Hami be tu inganan na
Ompu buangga : jadi molo dung itaruhon Hamu? mulak ma Hamu, marhua be Hamu ro tuson ?
Bawa 5 : adong do hata ni natuatua na mandok, molo dung binarbar sumban, barbaron ma
pardingdingan, molo dung nigarar utang, pangidoon ma parsingiran , ia utang Nami manaruhon Ompu
guasa nunga hugarar hami saonari ro Hami tuson Lao mangido singir ima songon na mamuri tangan
Ompu buangga : bah, holan lao mamuri tangan ro hamu tuson? Ia tu bondar bondar an buri hamu tangan
munai
Ina : e amang sian nakkin holanna ambal ambal do hamu makkatai, haru au ina ina dang
songoni mangalusi hatani raja huta. Ianggo songon alus muna ido ise pe diboto do mandok songoni
Bawa 6 : dang holan alani juhut satanggo ibanna ro hami huson, adat do na makkatai amang,
ianggo juhut satanggo do boido tuhoron nami sian onan
Ompu buangga : adat...adat...sian nakkin holan adat. Unang haraphon hamu juhut satanggo sian au,
takkas bege hamu las tukkik nai dohot mommon nai dohot billoknai lak so hudekdekkon tuhamu
Bawa 7 : bah,bah ai so adong do huida
Bawa 8 : senidippu do hamu jolma, hape begu do hamu hape begu puehh
Ompu buangga : ise begu? Lak idokkon hamu au begu, lak didia asa tandaon muna au ompu buangga
pardaratinggi diluaton
Ompu buangga : tumbaga dohot ho buntulan, dipaila ho au ate ijolo ni natorop, lak idokkon au begu, ikkon
tambatonku nama ho, beta hatop
Ompu buangga : ison ma hamu,ikkon mate isi ho,ee lumban bege hamu hatakkon manang ise na barani
mambuka tali on tandaon na ma au ompu buangga pardaratinggi, jala au ma alona
Bawa oppung : bah bah bah lak pulut do rohani ompu buangga manambat boruna nadua i, bah dang
adat dang uhum i, amanggggg. Ito tumbaga dohot ho buntulan molo hupalua hamu sian borotan on, lao
ma hamu sian luaton da manang tudia, lului hamu ma dalanmuna manang tudia
Tumbaga : amang, unang pola bukka hamu sotung gabe dohot hamu dibadai amanguda
Bawa oppung : ee da ito pos ma rohamuna, au pe mangalo amanguda munai, alai lao ma hamu sian
hutaon da, dang tarpabereng bereng hami hamu dihutaon
Beberapa tahun kemudian
Amanta tumbaga : bah adong hubege suara marsasak
Amanta buntulan : ise dohamu disi? Jolma do manang homang
Tumbaga : jolma dohami rajanami
Amanta buntulan : molo jolma do haruar ma
Buntulan : maila hami rajanami, maribakribak bajunami
Amanta tumbaga : nion takkup hamu ma, haruar ma hamu. Na marhua do hamu tu harangan on?
Tumbaga : jolma harangan do hami rajanami
Amanta buntulan : unang dokkon hamu songoni, ai hami pe di harangan on do
Buntulan : na diaup amanguda nami do hami rajanami
Amanta buntulan : bah didia hutamuna?
Tumbaga : di sisugasuga rajanami
Amanta tumbaga : jolo tinitip sanggar lao bahen huruhuruan,jolo sinukkun marga asa binoto
partuturan, boru aha do hamu
Tumbaga : boru saruttuk do hami rajanami
Amanta buntulan : ia nidokmi suman tu marga ni dainang marganami marga simatupang, ise
goarmuna?
Tumbaga : au si tumbaga rajanami
Buntulan : au si buntulan rajanami
amanta buntulan : antong boru nise ma hamu?
Buntulan : sattabi sangapna, ompu guasa ima damang
Amannta duassa : bah boruni ompu guasa namorai?
Tumbaga : eeee naujui doi rajanami ianggo nuaeng nga itean amanguda i be dung marujung
damang
Amanta tumbaga : ise ma goarni amanguda munai
Tumbaga : sattabi sangapna ompu buangga rajanami
Amanta buntulan : antong mulak ma hita eta
Buntulan : dang barani hami rajanami
Amanta tumbaga : ia hamu boru ni rajaido hamu ma nagabe parsonduk bolon nami, boharohamuna?
Tumbaga : mauliate ma rajanami, nunga pos rohanami, disubut hamu do nadi bagas roha, beta ma
hita mulak ai nunga adong hata sitiopon