MARHUSIP

PANDUAN
PANGHATAION DI NAMARHUSIP
A. Pembukaan
1. PARBORU :
Hamu uduran ni . . . . . . . ., las rohanami ala ro hamu tu bagas nami on, aha do ulaning ala ro
hamu tu bagas nami on, mauliate.

2. PARANAK :
Mauliate Rajanami, ala ro pe hami tu bagas mu na martua on, ala silas niroha do parhorasan
panggabean do. Mauliate.

3. PARBORU :
Mauliate ma dihamu, ala dipatupa inanta soripada di dibagas on sipanganon dohot siinumon,
ala dao hutamuna, jolo marsipanganon ma jo hita asa tauduti pangkataion. Jala sian hami ma
mamboan tangiang mangan.

B. Makan Malam
1. Tangiang Mangan
2. Huhuasi sipanganon

C. Marhusip

1. PARBORU :
Dihamu uduran ni . . . . . . . ., nungnga didok hamu ia haroromuna tu bagas namion, ala
parhorasan, panggabean do. Gabe ma tutu jala horas – Amangboru !.
Sai sahat ma hata nauli hata na denggan songon na nidokmuna i, tumpahon ni Amanta Debata,
sai dapot ma nian songon hata ni umpasa:
“Bona ni aek Puli, di dolok ni Sitapongan
Sai tubu ma di hamu angka nauli, jala sai lam tamba Pan-camotan”
Alai di hamu Amangboru, sai marangkup do na uli, sai mardongan do na denggan. Jadi tung
tangkas ma paboa laengku hinaroromuna tu bagasta on.
“Ranting ni bulu duri, jait masi-jaotan,
Siangkup ni hata na uli, dia ma nuaeng si-taringotan?”
Botima

2. PARANAK :
Olo Rajanami, toho do na nidokmuna i, Sai marangkup do na uli, sai mardongan do na
denggan, Nuaeng pe paboaon ma tutu, siangkupna songon na hundul, sidonganna songon na
mardalan.
Jumolo ma hami Raja nami marsomba ujung dohot jari-jari sampulu tu tuamuna dohot
sahalamuna. Mauliate godang dohononnami tu hamu hula-hulanami, na ria manjangkon hami di
bagasta na marsangap na martua on.
Taringot diharoronami Rajanami, na adong do na solot di ate-ate nami, jala gompang di pusu-
pusu, na naeng sombahonon nami tu hamu Raja nami. Alai tung molo adong annon hata na
hurang manang na lobi, ba, anju hamu hami Rajanami :
“Ampapaga dolok tu ampapaga humbang

1
 MARHUSIP

Ba, hita do marsogot, laos hita do nang haduan”

Jadi songon on do Rajanami, Na ro do alu-alu ni anak nami tu hami songon on : Diluahon

patna ibana ninna, tu hutanta na uli on, huhut ma huroha jinou-jou huhut hiniap-hiap ni rupa na
uli dohot parulaon na denggan ni boru ni na gabe, boru ni na mauli-bulung hula-hulanami di
huta on. Longang do rohanami umbege hatana, ai ianggo rohanami, nda tung leak adong boru
ni halak na olo pangkulinganna. Hape Rajanami, didok ibana ma tu hami, disi mulak ibana sian
huta on, jolma na martua do ibana, alana :
“Pitu lili na – pa-ualu jugian na,
Na uli do nipi na – ai dijangkon borumu, ibana”

Ba, las roha antong huhut malambok pusu umbege i songon nidok ni umpasa:
“Tinampu bulung si-arum, bahen uram ni pora-pora
Na hansit gabe malum, molo dapot sinangkap ni roha”

Nuaeng pe Rajanami, ba nungnga dipasiat borumuna i anak nami, ba tung asi ma rohamuna
Rajanami, jangkon hamu ma anak nami i gabe anakmuna, nian ianggo sian sibahenon do
Rajanami ndada na barani hami mandapothon hamu, ala ni hapogoson, ai tung so adong do na
boi pangasahonon nami. Alai nang pe songoni Rajanami, ianggo somba ni uhum do, sai na
bahenon nami do olat ni na tarpatupa hami, jala pos do roha nami di hamu, ndada ampehonon
muna tu hami na so tarusung hami, botima.

3. PARBORU :
Olo amangboru, las do rohanami umbege hatamuna i. Hami pe antong dipangido rohanami do,
asa domu na marrongkap. Jadi asa tangkas jolo husungkkun hami ma jo borunami. Tu hamu
borunami, sungkun hamu jo paribanmuna taringot boa-boa ni amangboru rajai raja Manullang.

4. BORU NI PARBORU :
Mauliate di hamu hulahulanami, nungga husungkun hami pariban nami si . . . . . . ., toho do alu-
alu ni amparangku raja I raja . . . . . , botima.

5. PARBORU :
Mauliate dihamu borunami. Dihamu amangboru, nungnga husungkun hami borunami, jala toho
do nidokmunai, saonari tangkas ma pasahat hamu songon mandat sian suhutmuna, Dihamu
borunami tinggil hamu manangi-nangi pangkataion bodarion jala bahen hamu catatanmuna,
mauliate.

6. PARANAK :
Mauliate Rajanami, ia mandat sian suhut nami sipasahatonnami tu hamu rajai, ima (pokok-
pokok sihataon) :
a. Rencana pesta, ima pesta unjuk, martumpol dohot marhata sinamot
b. Godang ni sinamot
c. Godang ni Ulos
d. Godang ni undangan
e. Sifat ni pesta
f. Dohot na porlu.

Ima tona ni suhut nami tu hami rajanami, pos do rohanami dihaburjuonmuna, mauliate

2
 MARHUSIP

7. PARBORU :
Mauliate ma amangboru, andorang so hualusi, jolo marrunding jo hami, mauliate.

Nungga dipaboa amangboru songon tona ni suhut nasida, ima :

 Rencana pesta, ima pesta unjuk, martumpol dohot marhata sinamot
 Godang ni sinamot
 Godang ni Ulos
 Godang ni undangan
 Sifat ni pesta
 Dohot na porlu.

Saonari hupasahat hami ma tu hita, tar songonon ma urutan na laho pasahat pandapot :
a. Boru dohot Bere / Ibebere . . . . . . . .
b. Dongan Sahuta ni Suhut . . . . . .
c. Dongan Tubu . . . . . .

8. PARBORU :
Mauliate ma dihamu boru dohot berenami, dongan tubunami lumobi ma dihamu dongan
sahutanami disaluhut pandapotmunai. Saonari hupasahat ma tu Suhutnami. mauliate.

9. SUHUT PARBORU :
Mauliate ma dihamu boru dohot berenami, dongan tubunami lumobi ma dihamu dongan
sahutanami disaluhut pandapotmunai. . . . . . . . . . . . . . . . .. mauliate.

10. PARBORU :
Mauliate ma dihamu suhutnami. Dihamu amangboru, nungnga ditolopi suhutnami
pangidoanmunai I, saonari hupasahat hami ma tu hamu.

11. PARANAK :
Mauliate ma rajanami, andorang so masuk hita tu acara na mangihut, jolo dijahaon ma jo
songon notulen ni pangkataionta bodarion. mauliate.

12. PARBORU :
Mauliate, saonari hupasahat ma tu borunami laho manjahahon notulen ni pangkataion bodari
on, mauliate.

13. BORU NI PARBORU :

(Manjahahon notulen).
 Rencana pesta, ima pesta unjuk, martumpol dohot marhata sinamot
 Godang ni sinamot
 Godang ni Ulos
 Godang ni undangan
 Sifat ni pesta
 Dohot na porlu.

14. PARBORU :
Mauliate ma dihamu borunami. Saonari sahat ma hita tu acara hata mauliate sian Suhut, dungi
di tutup ma dohot tangian sian hita Parboru.

3
 MARHUSIP