I.

SIBUHA-BUHAI

(Paranak ni donganan ni angka tutur na sumolhot di manogot ni pesta unjuk i, mamboan sipanganon (namarmiak-
miak) tu jabu ni boru oroan. Parboru dht tutur nasolhot manjalo haroro ni paranak.(inanta boru rade mamparsiaphon
sipanganon-tambahan indahan / lauk). Dung dipasahat ampang inganan ni sipanganon i di jolo ni parboru, manigor
di sigati hira boru ni parboru i ma, jala huhut di dai patuduhon las ni roha nasida.
Dipasahat paranak ma tudu-tudu ni sipanganon i tu pihak parboru, laos di uduti ma dohot tangiang sian paranak

1. PROTOKOL NI PARANAK (koordinasi dohot boru ni parboru)

Dihamu hulahulanami, rajai . . . . . . . .. . . ala naeng ro ma hami, boha nungga rade
hamu?, mauliate
2. PROTOKOL NI PARBORU
Nungga rade hami amangboru, masuk ma hamu, dihita namardongan tubu, boru dht
bere lumobi dihamu dongan sahutanami mangarade ma hita manomunomi na naeng
parboruonta.
3. Penganten tukar bunga
4. PROTOKOL NI PARANAK (koordinasi dohot boru ni parboru)
Dihamu hulahulanami, rajai .. . . . . . . . . .a ala naeng ro ma hami pasahathon tudutudu
sipanganon, boha nungga rade hamu?, mauliate
5. PROTOKOL NI PARBORU
Nungga rade hami amangboru
6. RP. PARANAK (huhuasi ni sipanganon)
On ma da tutu rajanami, tudu-tudu ni sipanganon sibuha-buhai ni pestatta sadarion, Sai
anggiat buha parsaulian panggabean dht parhorason di hita tu joloan on, Bosur hita
mangan na godang mok-mok mangan na otik, Bulung ni dap-dap ma langkop, ba’i
dope natarpatupa, ba’ i ma taparhajop. Botima rajanami!
7. RP. NI PARBORU (Mangalusi Hata ni Paranak)

Nang hami pe songon tanda las ni rohanami diharoromuna mambuhai

ulaonta, pasahaton nami do dengke simudur-udur, dengke sitio-tio tu hamu
parboaruonnami, asa sai rap sauduran hamu diangka nauli dohot na
denggan, jala sai dapot mual natio. Jala sai asi ma rohani Tuhanta sai
dibuhaima tutu ari nauli, ari na denggan dihita mangulahon adatta
sadarion, botima.

Didok rohanami nian raja ni boru ala hamu do na patupahon sipanganon,

hamu ma manguluhon tangiang mangan.

8. RP. PARANAK
Nauli rajanami. Dipasahat hami ma tu . . . . . . . ............. . . . . laho manguluhon tangiang mangan
Songon Huhuasi ni sipanganon : “Sititi ma sihompa golang-golang pangarahutna, tung so sadia pe
nahuboan hami on, sai godang ma pinasuna” botima rajanami.
 9. INA - MANGUPA BORUMULI DHT HELA
(Diparsiaphhon inganan na agak tenang, mangupa calon pengantin dht na serba sada, sada piring
na marisi indahan, sada dengke, sada sendok, sada galas marisi aek sitio-tio )
“Inang boru hasian dht hamu amang hela, di hadapan kalian berdua tersedia yang
serba satu, satu piring, satu dengke, satu sendok dan satu gelas aek sitio-tio.
Dengan harapan kalian berdua ke depan dalam melangkah dan berbuat adalah satu
pikiran. Ikan atau dengke simudur-udur, adalah simbol agar kalian berdua ke depan
ber-iringan dalam mangarungi bahtra keluarga, panjang umur, murah rejeki dan gabe
maranak marboru”
“ Dangka ni arirang peak di tonga onan ‘
Badanmu unang sirang, tondimu masigong-goman”
“Tubuma singkoru di dolok ni Purbatua ;
Sai tubuan anakma hamu tubuan boru, donganmuna saurmatua”
“ Eme sitambatua parlinggoman ni si borok ;
Amanta Debata do silehon tua, sai horas ma hamu diparorot “.
Boti ma .
10. Tangiang dung sidung mangan dohot naeng borhat hu gereja sian : . . . .. . . . .
11. Rombongan borhat tu Gareja

II. ACARA DI GEREJA

A. Catatan Sipil di Konsistori
(Molo memungkinkon do tingki denggan do marfoto angka keluarga sebelum catatan sipil dohot
pamasumasuon)
B. Prosesi Masuk tu Gereja
Penganten diiringi Suhut Paranak dohot Suhut Parboru rap dohot uduranna masuk tu gereja
C. Acara Pamasumasuon
Acara diparade huria
D. Hata huhuasi sian Paranak (Naparjolo ima na bolahan amak)
1. Hamu angka napinorsangapan, amanta raja dht inanta soripada jongjong au dison, mewakili
suhut paranak, mandok mauliate godang di hamu, di amanta pandita nang pangula ni huria,
punguan ama, punguan parompuan HKBP Makassar, rajani dongan tubu, rajani dongan sahuta,
rajani parboruon dht berenami, rajani ale-ale, tarlobi hamu rajani hula-hula nami , rajani tulangnami
dht pariban nami, Rodi sude tahe hita napungu dison. Mauliate huhut malambok pusu di haroro
muna manghadiri pamasu-masuon ni anak dht parumaen nami dibagasan sadarion.
2. Pangidoan nami dohot gomos, dung ruar sian bagas gereja on rap udur ma hita tu bagas naung
diparade hami di . . . . . . . . . ., asa rap hita disi marsipanganon, jala pasahat dohot manjalo
adat na hombar tu paradatonta
3. Molo tung adong dope sian hita nadison, naso manjalo Surat Undangan nami ba’ laos hatangkon
ma nuaeng manjou huhut manggokkon hamu.
Huulahi hami, mandok godang mauliate. Boti ma
E. Hata huhuasi sian Parboru (Naparjolo ima na bolahan amak)
1. Songon wakil ni suhut parboru, jong-jong do ahu nuaeng dijolo muna, mandok hata mauliate parjolo
tu amanta Debata namangalehon ari na ulion dihita. Ai nunga saut jala sahat manjalo pasupasu
boru dht hela nami.
2. Tu hamu angka napinarsangapan, rajani dongan tubu, rajani dongan sahuta, rajani parboruon, rajani
ale-ale, tarlobi hamu raja-ni hula-hula nami, tulangnami dht angka amanta pangula ni huria dohot
punguan kategorial HKBP Makassar (molo adong), dohonon nami ma mauli-ate godang, malambok
 pusu, siala na binahen muna tu hami dibagasan ari on. Ndang tarbalos hami i, sai Tuhan Parasiroha
i ma mamaloshon i tu hamu marlipat ganda.
3. Dung sidung sian gereja on pangidoan nami rap udur ma hita tu bagas naung
diparade pamoruonnami di . . . . . . . . ., laho mangan indahan na las dht minum aek sitio-tio, Laos
manjalo adat sian parboruonta huhut pasahat adat tu nasida mangihuthon hasomalanta.
4. Molo tung adong dope sian hita nadison, naso manjalo Surat Undangan nami ba’ laos tingkion ma
hatangkon, amang raja, inang soripada manggokkon huhut manjou hamu. Mauliate ma jumolo
hupasahat hami siala haroro muna Boti ma !

F. Acara Marsijalangan
(Acara marsilangan apabila memungkinkan dipercepat supaya acara digedung tidak terlambat)
G. Acara Foto
1. Proses foto harus cepat dan disiplin supaya tidak mengganggu acara di gedung dan diusahakan
sesuai daftar
2. Apabila memungkinkan untuk foto keluarga (sesuai daftar) dapat sebelum acara gereja (dipercepat
dari sibuhabuhai)

III. ACARA DI GEDUNG

1. PROSESI PANOMU-NOMUON
a. Angka Raja na ginokkon masuk ma tu gedung.
b. Paranak mangarahon Dongan Tubu, Boru dht Bere/Ibebere, dohot Dongan Sahuta masuk tu Gedung
c. Paranak manggorahan asa masuk uduran ni Parboru tu gedung (Parboru manggorahan asa masuk
dongan tubu, boru, bere/ibebere dohot dongan sahuta)
d. Paranak dohot uduranna manomu-nomu haroro ni Hulahula, Tulang, Tulang
Rorobot dohot Hulahula namarhaha-maranggi :
- Hulahula . . . . . . . .. ., Tulang . . . . . . . . . . dohot Tulang Rorobot . . . . . .. . . (rap masuk)
- Hulahula Namarhaha-maranggi . . . . . . . . . . . dohot Hulahula Anak Manjae . . . . . . . . . . . . (rap
masuk)
e. Parboru dht uduran na manomu haroro ni Hulahula, Tulang, Tulang Rorobot dohot Hulahula anak
manjae :
- Hulahula . . . . . . . .. ., Tulang . . . . . . . . . . dohot Tulang Rorobot . . . . . .. . . (rap masuk)
- Hulahula Namarhaha-maranggi . . . . . . . . . . . dohot Hulahula Anak Manjae . . . . . . . . . . . . (rap
masuk)
f. Pengantin masuk tu Gedung
Raja na ginokkon rap jong-jong laho manomu-nomu haroro ni Penganten na nidampingan ni
Keluarga Parboru (dohot sisolhot) dohot Keluarga Paranak (dohot sisilhot) diiringi musik

2. ACARA ADAT
A. Pasahat tudutudu ni sipanganon
1. RP. Parboru
 Dihamu amangboru, nungga boi hita mulai?
2. RP. Paranak
Nauli Rajanami, jala mangarade ma hamu rajanami asa ro hami pasahat tudutudu ni sipanganon tu
hamu rajanami, mauliate
3. RP. Parboru
Mauliate amangboru, Tu hita namardongan tubu lumobi suhut mangarade ma hita.
4. RP. Paranak
Dihamu borunami boan hamu tuson tudutudu ni sipanganon asa dipasahat tu rajai
5. Paranak Pasahat Tudutudu ni Sipanganon.
(Suhut Paranak + Paidua Ni Suhut)
Dison huboan hami do tudutudu ni sipanganon, napinatupa ni parboruon-mu Rajanami, las ma
rohamuna manjalo!.
“Butong mangan na godang , mokmohan mangan na otik”
Sai pamurnasmai tu daging , saudara tubohi
Asa dohonongku ma ;
“Habang pidong halohalo, didongani pidong sitapi-tapi;
Tung las ma rohamuna manjalo, ai i dope natarpatupa hami”
Boti ma Rajanami !!
6. Parboru pasahat “ Dengke “
(Suhut Parboru + Paidua Ni Suhut)
Di hamu raja ni parboruon nami, dison ro do hami pasahathon:
 Dengke simudur-udur tu hamu, Asa rap ma hamu, mudur-udur diangka nauli dht na denggan tu
joloan on.
 Dengke saur do on tutu, Asa rap saur hamu matua sude parboruon nami.
 Dengke sahat do on huhut, Asa sahat ma tutu nauli dht na denggan, di hamu parboruon nami,
tumpahon ni amanta Pardenggan basa i.
Asa uli ma rohamu manjalo, songon nidok ni umpasa ma dohonon :
“Tubu simarhora-hora, di topi ni tapian;
Sai ro ma tu hamu las ni roha, tiur na pancarian”
Boti ma.

HUHUASI tudu-2 ni sipanganon sian na dua bola pihak :

RP.Parboru :
Dison dijalo hami do tudutudu ni sipangan sian parboruonta na rap manjalo ma hita disi, Botima.
RP Paranak :
Dison dijalo hami do dengke sian hulahulanta na rap manjalo ma hita disi, Botima.

B. Marsipanganon
1. Tangiang Mangan Sian Paranak . . . . . . . . . .
2. Huhuasi ni sipanganon sian Paranak
Sititi ma sihompa, golang-golangpangara-hutna. Tung so sadiape na hupatupa hami, sai godang ma
pinasuna.
3. Protokol ni Parboru manjahahon daftar dengke siuk na ro (sesuai daftar)
4. Protokol ni Paranak manjahahon daftar dengke siuk na ro (sesuai daftar)
5. Pasahat pinggan panganan (digorahon protokol sesuai daftar)
a. Protokol ni Parboru manjahahon pinggan panganan jala dipasahat boru/bere (sesuai daftar)
b. Protokol ni Paranak manjahahon pinggan panganan jala dipasahat boru/bere (sesuai daftar)
c. Pasahathon tango-tanggo tu sude raja na ginakkon (Sude Boru + Bere/Ibebere)
d. Protokol ni Parboru manjahahon dengke na ro diuduti protokol ni Paranak
6. RP. Parboru
Dihamu amangboru, taringot parjambaran, ala sesuai kesepakatan ima Jambar mangihut, boha
molo tapasahat ma huhasahatanna, mauliate
7. RP. Ni Paranak,
Mauliate rajanami, nungga uli jala denggan I rajanami. Dihamu borunami pasahat hamu ma jambar
tu hasahatanna songon naung dihatai, mauliate
8. RP. Parboru
Dihamu borunami, pasahat hamu ma jambar tu hasahatanna, mauliate mangihut, boha molo
tapasahat ma huhasahatanna, mauliate
9. RP. Ni Paranak,
Dihamu rajanami, nungga boi hita uduti ulaonta?

Catatan Pambagian Jambar :

 Jambar di Parboru ima : ihur-ihur, 2 Soit, Na-marngingi siamun, ½ osang, ½ rusuk, ½ Aliang-
aliang dohot Pohu/tanggo-tanggo.
 Jambar di Paranak ima : 2 Soit, Na-marngingi hambirang, ½ Osang, ½ rusuk, ½ Aliang-aliang
dohot pohu/tango-tanggo.

Konsep parjambaran tu horong ni Parboru, ima :

a) Jambar ni Suhut ima . . . . . . . .
b) Jambar ni Hulahulai . . . . . . . . . ima . . . . . .
c) Jambar ni Hulahula . . . . . . . . ima . . . . .
d) Jambar ni Hamu Tulang . . . . . . . . ima . . . . . .
e) Jambar ni Tulang Rorobot . . . . . . . ima . . . . . .
f) Jambar ni Hulahula Namarhaha-maranggi . . . . . . .. . ima . . . . . .
g) Jambar niHulahula anak manjae . . . . . . . ima . . . . . .
h) Jambar dihamu boru/bere/ibebere nami ima . . . . . . . . . . ..
i) Jambar di Dongan Tubu dohot Dongan Sahuta, ima . . . . . . . .
j) Jambar tu pariban ni Suhut . . . . . . . ima . . . . . . . . .
k) Jambar tu Pangula ni Huria dohot ale2 ima . . . . . . . . .

Konsep parjambaran tu horong ni Paranak, ima :

a. Jambar ni Suhut ima . . . . . .
b. Jambar ni Hulahula . . . . . . . . ima . . . . . .
c. Jambar ni Tulangi . . . . . . . . . . . ima . . . . . . . .
d. Jambar nihamu Tulang Rorobot . . . . . . . . ima . . . . . . . . .
e. Jambar ni Hulahula namarhaha-maranggi . . . . . . . . .ima . . . . .
f. Jambar ni Hulahula Anak Manjae . . . . . . . . ima . . . . . . . .
g. Jambar di Dongan Tubu dohot Dongan Sahuta ima . . . . . . . .t
h. Jambar dihamu Boru/bere/Ibebere nami ima . . . . . . . . . . . .
i. Jambar ni Pariban ni Suhut . . . . . . . ima . . . . . .
j. Jambar di Pangula ni Huria dohot ale-ale ima . . . . . . . . .

10. RP. Ni Parboru

Nauli jala na denggan ma i amangboru.
11. RP. Ni Paranak,
Mauliate rajanami, mangido tingki jo hami Rajanami, laho manjalo tumpak sian angka raja na
ginokkon, alai jumolo ma jo ditutup Pangula ni Huria dibagasan Tangiang.
12. RP. Ni Parboru
Nauli jala na denggan ma i amangboru.
13. RP. Ni Paranak,
Dipasahat hami ma tu . . . . . . . . . . . . . . . . . . . laho mamboan tangiang simpul mangan, mauliate
14. Hata huhuasi Paranak na laho manjalo Tumpak.
Hamu angka na pinarsangapn amanta raja dht inanta soripada, rodi sude hamu angka na hugokkon
hami, mauliate dipasahat rohanami diharoro muna tu ulaon on.Jong-jong ahu dison songon
 mewakili hasuhuton paranak, pasahat pangidoan nami tu hamu, jala tangkas do dohonon nami,
tung hamu do na hupangasahon hami na
laho mangurupi hami di pesta on. Nuaengpe ro ma hamu,
nunga rade hami manjalo. Mauliate ma parjolo hupasahat hami tu hamu. Botima.
15. Hata huhuasi Paranak tu silehon tumpak
a. Hata tu Undangan Umum
b. Hata tu Undangan Batak
Hamu angka na pinorsangapan, amanta raja dht inanta soripada, tung mauliate
malambok pusu ma dohonon nami tu hamu amang dht hamu inang, naung
mangalehon tumpak muna na godang i, ndang tarbalos hami i, sian amanta
Pardenggan basa i ma jaloon mu singkat ni i, marlipat ganda,
Asa dohonon nami ma ! ;
“Tano ni Pakatto, hatubuan ni Andaliman; sai horas ma hami na manjalo tumpak munai , lam tamba
ma sinadongan dihamu na mangalean “ Boti ma !!
(Andorang so disimpan suhut tumpak i, disuru do digomak boru muli, dht harapan asa lomuk jala mura-
mura dapot hepeng tu pudianna jala ditinggalhon 1 lembar tu boru)

C. MARHATA ADAT

1. RP. PARBORU
Hamu Raja ni Parboruon nami, beha nungnga boi udutanta ulaonta?.
2. RP. PARANAK
Nauli Rajanami, boi ma hita uduti, mauliate
3. RP. PARBORU
o Mauliate amangboru, naeng marsipasangapan jolo hami dibaribaon.
o Dihita namardongan tubu dohot boru/bere/ibebere, dongan sahuta, lumobi ma dihamu hulahula . . . . .
. . , Hulahula namangamai (molo adong) . . . . . . . . ., Tulang . . . . . . . . .Tulang
rorobot . . . . . . . . Hulahula namarhaha maranggi . . . . . . . . . . anak manjae . . . . . . ., dohot
Hulahula anak manjae . . . . . . . . ala naeng mulaionta ma pangkataion hot ma hita dihundulanta,
tiroi jala tuturi hamu hami molo beda pandapot, mauliate
4. HULAHULA / TULANG NI PARBORU :
(Hulahula / Tulang, marsiaturan laho mangalehon pandapot)
Horas jala gabe amangboru, uduti hamu ma.

5. RP. PARANAK
 Mauliate Rajanami, mangido tingki ma jo hami satongkin, asa marsipasangapan jolo hami.
o Dihita namardongan tubu, dongan sahuta dohot boru/berenami, lumobi ma dihamu hulahulanami rajai
Raja . . . . . . . ., Tulang raja . . . . . . . ., Tulang Rorobot . . . . . . . ., Hulahula Namarhaha
Maranggi . . . . . . . . dohot hulahula anak manjae . . . . . . . ., ala naeng mulaionta ma pangkataion hot
ma hita dihundulanta, tiroi jala tuturi hamu hami molo beda pandapot.
“Ompu Nibisuk Sabungan ni roha,
Hula-hula do sungkunon dibisuk, jala sidodo roha”
6. HULAHULA / TULANG NI PARANAK :
(Hulahula / Tulang / Tulang Rorobot/Hulahula namarhaha-maranggi, marsiaturan laho mangalehon
pandapot)
Horas jala gabe amangboru, uduti hamu ma.
7. RP. PARBORU
Ta-uduti ma amangboru !,
“Artia do mula ni ari, sipahae sada do mula ni bulan,
Molo naeng hita mangkatai, pasahat hamu ma jolo Pinggan Panungkunan. Botima.
8. RP. PARANAK
Gabe jala horas rajanami, molo naeng mangkatai dohot hulahula ingkon pasahaton do Pinggan
Panungkunan.
Dihamu borunami pasahat hamu ma Pinggan Panungkunan.
9. RP. PARBORU
(Andorang so diuduti pangkataion, Paranak manuru parboruonna paradehon pinggan panungkunan, na
marisi saotik boras, napuran dht tanggo-tanggo juhut, diatas ni i ma dipeakkon maropat suhi, opat uang
harotas. Jala laos disuru pasahathon tu jolo ni RP. Parboru)
“Mangkatai ma hita rajani anakkon. !
 Ba’ nungnga peak dison pinggan sitio soara, na hot di hundulanna, sai tio ma antong parni-idaanta
tu joloan on, jala sai hot ma dihita pasupasu sian Amanta Debata.
 Peak diatasna napuran sirata bulung, hasoloan ni boru ni raja, ba’ sai rata ma antong dihita tu
joloan on pancamotan dht parhorasan.
 Adong huhut dison parbue santi, siriburribur, parbue sipirni tondi, anggiatma antong sakti madingin,
sakti matogu angka pomparanta, matorop maribur huhut matangkang manjuara.
 Laos adong do dison ringgit na marmata, tinongos ni negaranta, sipalas roha ni na torop dht amanta
raja. Sai martamba ma antong ria dht las ni roha di hita tu joloan on.
 Songon i muse peak diatasna, juhut tanggo-tanggo na godang, i ma na songon simbol ni
hatanggoon dht hatoguon ni partuturanta dht parrohaon na denggan, di angka na marhula marboru,
di hita tu joloan on.
== Hubuat tolu asa tubu ngolu-ngolu, gabe naniula, sinur napinahan, martumbur panabian, sai
tamba di hamu pancamotan, jala sada ma taripar tu hamu asa sada hamu parboruon. Taruhon
hamu ma lae nami tu bariba an, laos husolothon ma tu kantongkon, annon pe tabagi ate angka
dongan.
10. RP. PARANAK
Mauliate ma dihamu, sai tamba ma pansamotan jala gabe na niula dihita dipasupasu Amanta
Debata.
11. RP. PARBORU
Jadi Amang Raja ni boru, na manungkun ma hami jolo taringot di hata ni sipanganon. Parjolo
dohonon nami tu hamu ;
“Tano ni Pakatto , hatubuan ni andaliman ;
Sai horas ma hami na manjalo,
ba’ sai martamba di hamu na mangalean “
Ba’ nungnga bosur hita mangan indahan na las, sagat marlompan natabo dht minum aek sitiotio, sai
tu tiona ma angka pancamotan, parsaulian dihita, jadi
Diama langkatna, dia unokna ;
Diama hatana, diama nidokna !,
sibegeon ni pinggol, sipeopon ni roha,

Boti ma da , rajani boru !

12. RP. PARANAK

Horas ma jala gabe rajanami! Taringot di sipanganon i rajanami ;
a. “Marbau tanduk marbau holiholi,
Godang sibutong-butong, otik sipirni tondi,
Sai pamurnasmai tu daging, saudara tu bohi;
Sipasindak panaili, sipaneang holiholi”.
Manumpak ma sahalamuna Rajanami, manuai tondimu marhite tangiang muna tu Amanta
Debata, asa sai lam tamba di hami ianakkonmuna sinadongan, asa boi dope patupaon nami
sipanganon na tumabo, jala na dumenggan na laho pasangaphon hamu hulahula nami.
Jadi songon lapatan ni sipanganon i, Rajanami, Panggabean, Parhorasan do. Boti ma “ !!
13. RP. PARBORU
 Ba’ ianggo i do hape, sai asima rohani Amanta Debata, sai ditambai dope asi ni rohana
dht pasupasuna di hamu, tamba ni hagabeon dht parhorason naung adong.
”Bonani aekpuli di dolokni Sitapongan;
Sai tubuma dihamu angka nauli,
lam martamba nang sinadongan”
Alai, Amang Rajani boru, Sai marangkup do nauli, mardongan do na denggan, jadi
tangkasma paboa hamu sibegeon ni pinggol, sipeopon ni roha!
“Ranting ni buluduri, jait masijaotan;
Angkupni hata nauli, diama na naeng sitaringotan ?”
Boti ma da
14. RP. PARANAK
Gabe ma hita jala horas Rajanami! Ido tutu rajanami, sai marangkup do nauli, sai mardongan na
denggan, Jadi nuaeng pe paboaon nami ma tu hamu, Siangkupna songon na
hundul, sidonganna songon na mardalan. Songon naung taboto Rajanami, nungnga be dijangkon
hamu, anaknami gabe helamuna, jala nungnga taadopi nangkin, nasida manjalo
pasupasu nabadia sian Tuhanta, marhitehite naposona di bagas Gareja.
Sai sautma antong sahat pasupasu i, tu nasida tumpahon ni Amanta Debata. Jadi nuaeng
pangidoan nami Rajanami!, asa dohot ma hamu mamasu-masu anak dohot parumaen nami i, laos
dht mamasu-masu hami sude parboruonmuna. Asa gabe jala horas huhut mamora, tumpahon ni
Amanta Pardenggan basa i.
Angkup ni, Ianggo taringot tu adat dohot uhum, na mangonai Sinamot, ninna rohangku nungnga
sude i marreso di patupa suhut nami. Alai hudokpe songon i, molo tung adong dope naso gok, ba;
rade do hami manggohisa. Alai molo naung gok do ba’ pasupasu hamu ma hami sude.
Boti ma “
15. RP. PARBORU
Hamu raja ni boru nami, ianggo pasupasu i sai na lehonan nami do i tu hamu parboruon
nami !,
“Aek natio do hami, riong-riong di pinggan pasu;
Hulahula na basa do hami, na ringgas mamasu-masu”
Alai raja ni boru, andorang so huhatahon hami hata pasupasu tu hamu, tangkasan nami dope jo tu
suhutnami dison, manang na olat ni dia, naung margarar dibahen hamu (diadophon tu
suhutna). Beha Suhut Bolon nungnga margarar sude Sinamot?
16. PAIDUA NI SUHUT
Ni alusan ma tutu, di sungkun-sungkun ni amanguda Raja Parhata nami. Sian Sinamot Rp.. . . . . . .
i, ndang dope gok dipatupa Suhut Paranak. (Didok ma hatana tu Paranak) “Di hamu rajani parboruon,
pasahat hamu ma panggohi ni Sinamot i godangna Rp.. . . . . . nari, jala laos pasahat hamu ma
jambar panandaion, lumobi tu suhi ampang naopat”. Boti ma !
17. RP. PARBORU
Mauliate ma di paidua ni Suhut nami, namangalusi sungku-sungkuni, Ipe di hamu
Rajani Parboruon nami, nungnga di bege hamu hatorangan ni Paidua ni Suhut nami,
Onpe pasahat hamu ma panggohi ni sinamot i, asa pintor binilangan, Huhut angka
jambar na mangihut, hugoari hami-pe sada-sada.
“Di hamu inanta soripada hasuhuton bolon (Suhut Bolon), mangarade ma, tarehon
hamu ulos muna manjalo panggohi ni sinamot i, sian parboruonta sian baribaan.”
18. SUHUT PARANAK
(Suhut Paranak, ro pasahathon panggohini sinamot diatas ni piring namarisi boras dohot napuran, laos
dijalo RP. Parboru, dung dibilangi dilehon muse tu Suhut Paranak, laos Suhut Paranak ma pasahathon tu
inanta suhut bolon).
On ma da Inang, hulahula nami panggohi ni sinamot ni ulaonta, lasma rohamu manjalo.
19. SUHUT PARBORU
Nungga hujalo hami panggohi ni sinamot, tung hami pe na manjalo naung saluhut ma hita manjalo,
mauliate.
20. RP. PARBORU
Mauliate ma di hamu rajani parboruon nami Hutabarat, Nungnga hujalo hami-be panggohi ni
sinamot.
Angkup ni i pasahat hamu ma muse, Jambar panandaion tu angka sisolhot nami jala parjolo ma
pasahat hamu tu suhi ampang naopat, hugorahon hami pe sianon, botima.
21. RP. PARANAK
Mauliate rajanami rade do hami pasahathon, gorahon hamuma, botima
(Dijaouhon ma sesuai daftar, khusus suhi ampang naopat dohot parjambar nagok asa ditor-torhon)
(Dung sidung dipasahat panandaion diarbishon ma muse tu dinahumaliang asa marsipaingotan)
22. RP. PARBORU
Pasahat hamu ma panandaion tu Suhi Ampang Naopat ima :
 Sijalo Bara . . . . . . . . . . .
 Simandongkon . . . . . . . .
 Pariban ni boru muli . . . . . . . . . .
 Tulang ni boru muli . . . . . . . .
23. RP. PARANAK
 Tu Sijalo Bara, dipasahat Pamarai . . . . . . . . . . .
 Tu Simandongkon, dipasahat Simanggongkon . . . . . . . .
 Tu Pariban ni boru muli, dipasahat Sihunti Ampang . . . . . . . . . .
 Tu Tulang ni boru muli, dipasahat Suhut Paranak
24. RP. PARBORU
Pasahat hamu ma muse panandaion tu Sisolhot ni Suhut :
 ...........
 ........
 ..........
 ........
........

25. RP. PARANAK

Nauli Rajanami, diboru parlopesnami, pasahat hamu ma panandaion tu :
...........
 ........
 ..........
 ........
........
26. RP. PARBORU
Pasahat hamu ma muse panandaion tu i :

 Pasahat hamu ma tu Hami na Mardongan Tubu, ala godang do hami, godang ma

pasahat hamu.
 Pasahat hamu ma muse tu Borunami, ala godang do nasida, buhul hamu ma sian i
Rajanami.
 Pasahat hamu ma muse tu Bere/Ibeberenami, ala godang do nasida buhul hamu ma
sian i Rajanami.
 Pasahat hamu ma muse tu Dongan Sahutanami, ala godang do nasida buhul hamu
ma sian i Rajanami.
 Pasahat hamu ma muse tu pariban ni suhutnami boru . . . . . . . . ..
 Pasahat hamu ma muse tu Ale-Ale, ala godang do nasida buhul hamu ma sian i
Rajanami.
27. RP. PARANAK
Nauli Rajanami, dihamu borunami pasahat hamuma.
28. RP. PARBORU
Tu hita saluhut, Dongan Tubu, boru/bere/ibebere, dongan sahuta, Hulahula dohot Tulangnami,
masipaingotan hita, jambar tuise dope naso tarjou-hon, andorang so masuk hita tu jambar
pangabis tu raja parhata dohot pasahathon jambar tulang ni hela (Tintin marangkup).
Molo so adong be saonari pasahat hamu ma jambar pangabis
29. RP. PARANAK
Mauliate ma rajanami, andorang so sahat na pasahat Tintin Marangkup, ala sesuai
kesepakatan tingki namarhata sinamot asa marsitopot hulahula na be, molo boi saonari
ma tapasahat rajanami.
30. RP. PARBORU
Nauli Rajani parboruon
Dihamu suhutnami pasahat hamu ma somba-sombanta tu :
1. Hulahula . . . . . . . . . . . . . . .
2. Hulahula Namangamai . . . . . . . . . . . . . (molo adong)
3. Tulang . . . . . . . . . . . .
4. Tulang rorobot S. . . . . . . . . .
5. Hulahula Namarhaha-maranggi . . . . . . . . . .
6. Hulahula anak manjae . . . . . . . . . . . .

31. RP. PARANAK

Dihamu suhutnami pasahat hamu ma Ragi-ragi tu :
1. Hulahula . . . . . . . . . . . .
2. Hulahula Namangamai (molo adong) . . . . . . . . . . . .
3. Tulang . . . . . . . . . . . .
4. Tulang rorobot . . . . . . . . . . .
5. Hulahula namarhaha-maranggi . . . . . . . . . . . . .
6. Hulahula Anak Manjae . . . . . . . . . . . . . . .

32. RP. PARBORU

(Dung so adongbe dipasahat suhut parboru ma jambar tintin marangkup i tu tulang ni hela,
somalna parbandingan 2:1, ima 2 paranak, 1 parboru )
Tu hamu Suhut Parboru dohot Suhut Paranak, pasahat hamu ma Jambar Tulang ni
Hela (Tintin Marangkup) jala Suhut Parboru ma pasahathon.

33. SUHUT PARBORU

Tu ho Ampara, nungnga saboru hita umbahen na ingkon, pangigil-hononton, jambarmu
sian borunta on. Onpe Ampara, nunga be hupangido jambarmu, songon jambar ni
parboru situtu, jala pasahatonku ma i nuaeng. Las ma roham manjalo. Tung otikpe i,
sai godangma pinasuna. Mamasu-masu ma tondim manuai sahalam, marhite tangiang
tu Tuhanta Pardenggan basa i, asa sahat horas jala gabe boruntaon. Boti ma.
(Dung dipasahat, dialusi tulang ima dht hata mauliate ! )

34. TULANG NI HELA

Mauliate Ampara, mulai sadarion rap ma marboru jala rap marhela ma hita tu boru
dohot helanta na baru manjalo pamasumasuon na badia sian huranta, ala :
Hot-pe jabu i sai tong do i margulang-gulang;
Tung sian dia pe mangalap boru bere i,
sai hot doi boru ni tulang
 Nuaeng pe Ampara, ra ma hita managiangkon boru dohot parumaenta on asa boi
nasida jadi keluarga sitiruon dijolonta lumobi di jolo ni Tuhan Debata, molo hami dipudi
hamu ma dijolo jala molo hami dijolo hamu ma dipudi, asa boi nian songon hata ni
umpasa :
“Tubu lata ni singkoru, didolok Siambaton;
Sai saurmatuama hamu pairing-iring pahompu,
nang sian borunta on”
Horas, Botima.
35. RP. PARBORU
Di hamu Raja ni Parboruon nami, nungnga sahat be jambar tintin marangkup tu Tulang
ni helanami, saonari pasahat hamu ma jambar pangabis, hapal bahen hamu ala tu raja
parhata do pasahatonmuna.
Mauliate ma amangboru nungga singkop be parjambaron hujalo hami, hupasahat hami
ma tingki tu hamu.

36. RP. PARANAK

Mauliate Rajanami, ala naung ris be parjambaran tapadalan, ,Mangido ma hami tu rajai
asa pasu-pasu hamu ma hami marhitehite ulos dohot tangiang, anggiat marhitehitei
mamasumasu Tuhanta Debata na diginjang tu hami saluhut pamoruonmuna tarlumobi
di anak dohot parumaennami, na baru mamungka parsaripeon apala sadarion, botima
rajanami.

37. RP. PARBORU

Nauli amangboru, rade do hami disi, alai molo tung so ris pe hamu annon diulosi hami
dohot ulos herbang, ba ulos tinonun sadari ma hupasahat hami tu nasida, gorahon
amangboru ma sian baribai.

38. RP. PARANAK

Mauliate Rajanami, parjolo ma pasahat hamu ulos tu suhutnami ima ulos Passamot

39. SUHUT PARBORU

(Suhut parboru pasahat ulos Passamot)
On ma da lae, ulos passamot di hamu. Sai dipargogoi Tuhanta ma hamu,
mangalului hangoluan siapari, dht mangalului pancamo-tan, Laos on do ito nang ulos
passamot di ho Lae dohot ho Ito, gomgom ma parumaenmu. Alai lambok ma ho ito,
mangajarajari parumaenmi, ai;
“Ramba naposo dope i, naso tubuan lata;
Halak naposo dope i, naso umboto agia aha”
“Tubu ma tabbissu, di lambung ni Pinasa;
Sai torop ma anak nabisuk di hamu, dht boru na ulibasa”
“Dolok ni Purbatua, tondongkon ni Siborotan;
Sai saurmatua ma hamu, jala tiur nang pancamotan”
Boti ma da Lae, ito !
40. RP. PARANAK
Pasahat hamu ma muse ulos Hela (musik . . . . . . .)
41. SUHUT PARBORU
(Suhut Parboru pasahat Ulos Hela)
Songonon ma da amang, dohot ho, inang!,
 Ulos ganjang - ma on di hamu, na sumintahon asa ganjangma umurmu sahat rodi na
saurmatua,
 Ulos parhorasan, na umpinta tubu anak dohot boru di hamu,
 Ulos las, ditingki ngali ni ari, sibahen na borgo di tingki las ni ari,
 Ulos holong, ma on di hamu, pataridahon holong nami tu hamu anakkon nami.
Sai dapot ma songon hata ni umpasa :
“Dangka ni arirang, napeak di tonga onan;
Badan mu ma, na sora sirang,
tondimuna ma masi gomgoman”
“Takki ma, jala ulubalang, galinggang jala garege;
Sai tubu ma di hamu angka anak, partahi jala ulubalang, dohot angka boru par-
mas dht pareme”
“Eme sitambatua parlinggoman ni siborok;
Amanta Debata do silehon tua, sai horas ma hamu diparorot”
“Sahatsahat ni solu, sahat ma tu Tigaras;
Sahat ma hamu leleng mangolu, sahat gabe jala horas”
Boti ma.
Mandar Hela
((Dideba luat, laos dung sidung diuloshon ulos hela i , laos huhut do di ampehon Mandar Hela (= asa
ringgas marhobasi angka ulaon adat haduan)), jala didok inanta suhut, “On ma da Amang Hela,
Mandar hela pangkeonmu, asa ringgas hamu diangka ulaon adat tu joloan on, horas
ma”
42. RP. PARANAK
Untuk sementara Penganten dipersilahkan kembali ke tempat semula, nanti dipanggil
lagi. Terimakasih.
Pasahat hamu ma muse ulos tu Suhi ampang naopat
 Ulos tu Pamarai . . . . . . . . . .
 Ulos tu Simanggongkon . . . . . . . . . .
 Ulos tu Namboruna . . . . . . . . .
 Ulos tu Sihunti Ampang . . . . . . . . .
43. RP. PARBORU
Nauli Rajani parboruon, gorahon hamu ma asa mangarede ma na pasahat ulos
 Ulos tu Pamarai, dipasahat Sijalo Bara ima . . . . . . . . . .
 Ulos tu Simanggongkon, dipasahat Simandongkon ima . . . . . . . . . .
 Ulos tu Namboruna, dipasahat Namboruna ima . . . . . . . . .
 Ulos tu Sihunti Ampang, dipasahat Pariban ni boru muli ima . . . . . . .

44. RP. PARANAK

Na mangihut tusi, sihol do roha nami di pasupasu mu na uli i, asa nian tong ma ulosi
hamu hami angka na martutur (Ulos Herbang), Rade ma hamu Rajanami!
Di hita angka na martutur, naeng ro ma Rajani hulahulanta mangulosi hita. Asa
mangarade ma hita, jala sada-sada ma hujouhon hami. Tu tutur naung hujouhon hami,
ro ma nasida laos hundul di inganan naung di parade !.
45. RP. PARBORU
Gorahon hamu ma amangboru

46. RP. PARANAK

 Pasahat hamuma ulos todoan / panoropi tu :
No. Panjouon Goar
1
2
3
4

No. Panjouon Goar

5
6
7
8

No. Panjouon Goar

9
10
Pasahat hamuma ulos panimpuli tu Parsinabung (Raja Parhata) ima . . . . . . . . .

47. RP. PARANAK

Hamu Rajani hulahula nami, nungnga singkop dijalo hami ulos herbang, mauliate ma
dihamu. Na mangihut tusi sihol do roha nami di pasupasu mu na uli i, asa nian tong
ma ulosi hamu hami angka na martutur, dohot ulos na tinonun sadari ma lehon hamu,
jala asa buhul hamu ma (sesuai daftar). Nungnga rade hami Rajanami! Botima.
48. RP. PARBORU
Nauli Rajani parboruon, Rade do hami, Lam godang siulosan, lam tamba do
sangap, gorahon hamu ma
Tu Borunami, . . . . .............. . . . . . mangarade ma hamu pasahathon.
49. RP. PARANAK
Mauliate Rajanami,
a) Pasahat hamu ma ulos tinonun sadari tu Hami na Mardongan Tubu, ala godang do
hami, godang ma pasahat hamu.
b) Pasahat hamu ma muse ulos tinonun sadari tu Borunami, ala godang do nasida, buhul
hamu ma sian i Rajanami.
c) Pasahat hamu ma muse ulos tinonun sadari tu Bere/Ibeberenami, ala godang do
nasida buhul hamu ma sian i Rajanami.
d) Pasahat hamu ma muse ulos tinonun sadari tu Dongan Sahutanami, ala godang do
nasida buhul hamu ma sian i Rajanami.
e) Pasahat hamu ma muse tu pariban ni suhutnami boru . . . . . . . . ..
f) Pasahat hamu ma muse ulos tinonun sadari tu Ale-Ale, ala godang do nasida buhul
hamu ma sian i Rajanami.

Di hita namardongan tubu dohot Boru nami, na so mandapot ulos dope diacara sadari
on dijabu pe dipasahat dung sidung acara sian gedung on rap udur ma hita tu jabu ni
Suhut.
 Dihamu hulahulanami raja . . . . . . . . ., nungnga singkop be hami manjalo ulos sian
hamu, sai herbang ma pasupasu i tu hami borumu. Saonari sahat ma tu hita pasahat
pasupasu marhite ulos holong sian angka hulahula, tulang dohot sian angka na
mangkaholongi anak dohot parumaennami. Kepada Penganten dipersilahkan datang
menuju tempat yang sudah ditentukan.’

50. RP. PARBORU

Mauliate Rajani Parboruon!. Sian horongnami ma jo ate baru taripar tu hamu. Hita
Parboru na martutur, on ma tingkina tutu, songon pataridahon holong ni rohanta
pasahat ulos holong tu Pengantin baru, marjojor ma hita pasahathon, huhut tahemat
tingki, unang maborngin hu hita mulak annon.
Urutan na pasahat ulos songonon ma :
a. Dongan Tubu Sinaga ni Parboru, Boru dohot Bere/Ibebere, parjolo ma horong sisolhot ni
suhut bolon
b. Dongan Sahuta
c. Raja na ginokkon (na rade pasahat ulos).
d. Sahat ma tu horong ni Hulahula dohot Tulang, hamu ma marsiaturan
Dipangido hami ma pandapot sian hamu Hulahula dohot tulangnami.

51. HULAHULA/TULANG
Mauliate Amangboru, nungga denggani, uduti hamu ma.amangboru.

52. RP. PARBORU

Saonari dipasahat hami ma tingkion tu :
1. Dipasahat hami ma tingki tu Dongan Tubu, Boru Bere, jala parjolo ma hamu angka
namarhaha-maranggi dohot na mariboto dohot angka sisolhot.
2. Dipasahat hami ma tingki tu Dongan Sahuta
3. Dipasahat hami ma tu hamu angka raja dohot inanta soripada molo adong na naeng
pasahat ulos dohot pasupasu tu boru dohot helanami
4. Saonari sahat ma tu hamu horong ni Hulahula dohot Tulang, hamu ma mangatur
rajanami.
(Dung hira mansohot na mangulosi,) Di hamu parboruon nami, nungnga ris hami
mangulosi, hupasahat hami ma tu hamu. Botima !

53. RP. PARANAK

Mauliate Rajanami. Dihamu amanta raja dohot inanta soripada na mangkaholongi hami,
andorang so sahat tu hulahula dohot tulangnami, hu lehon hami ma tingki tu hamu
mamasumasu anak dohot parumaennami marhite tangiangmuna, mauliate,
(dung sidung sian umum sahat ma tu horong ni hulahula dohot tulang)
Dihamu hulahula nami . . . . . . . ., Tulang . . .. . . . . . . . , Tulang
Rorobot . . . . . . . . , Hulahula namarhaha-maranggi . . . . . . . . . ., Hulahula Anak Manjae
. . . . . . . .. . . . hu-lehon hami ma tingki tu hamuna rajanami asa pasupasu hamu anak
dohot parumaennami marhite ulos holong dohot tangiangmuna. Hamu ma
marsiaturan rajanami. Botima!

54. MANGULOSI SIAN TULANG dohot Hulahula

 (Diuluhon hulahula ma mangatur partording ni na mangulosi jala hulahula ma memandu penganten
tu jabu/hundulan ni paranak laos dipasahat ma sipir ni tondi dohot aek sitio-tio)

55. RP. PARANAK

Dihamu hulahulanami, Tulangnami rodi sude namangkaholongi hami naung pasahat
ulos holong dohot pasupasu tu hami lumobi tu anak dohot parumaennami, mauliate ma
hupasahat hami rajanami dohonon nami ma :
Naung sampulu pitu juma ni sampulu ualu, angka pasupasu muna marhite ulos dohot
tangiang munai boanon nami mai antong martongo-tonga jabu, botima.
Dihamu hulahulanami . . . . . . . . . . . . . nungga singkop be na pasahat ulos holong sian
hami hupasahat hami ma tu hamu dohot pangidoan asa pasupasu hamu hami
pamoruonmuna marhite hata saur, hata gabe-gabe tarlumobi tu anak dohot
parumaennami,. Botima Rajanami!

56. RP. PARBORU

Mauliate rajani boru, boi ma hita masuk tu acara Manauri. Botima.

E. ACARA MANAURI
1. RP. NI PARBORU
Jadi masuk ma hita tu acara manauri, songonon ma partording ni acaranta, Parjolo ma
hami pihak Parboru pasahat hata sigabe-gabe dohot pasupasu, dungi dilehon hami ma
tingki tu hamu laho mangampu, Botima.
2. RP. NI PARANAK
Mauliate Rajanami, nungnga denggan i. Botima.
3. RP. NI PARBORU
Jadi dilehon hami ma tingki tu hamu Dongan Tubu laho pasahathon hata sigabe-gabe
dohot pasu-pasu tu Parboruonta. Botima.
4. HATA SIGABE-GABE SIAN DONGAN TUBU NI PARBORU
Nunga tutu mardalan sude angka paradatan na patut bahenon ni Paranak tu Parboru,
Laos songon i nang na patut bahenon ni Parboru tu Paranak. Dapot ma songon ni dok
ni umpasa :
“Aek siuruk-uruk, tu silallan Aek Toba;
Ndang adongbe hita na marungut-ungut,
nung sude marlas ni roha”
“Tubuan laklak tubuan singkoru di dolok Purbatua;
Tubuan anak tubuan boru ma nasida,
donganna saurmatua”,
Botima !
5. RP. NI PARBORU
Dipangido hami dohot hormat asa Hulahulanami ma jolo pasahat hata sigabe-gabe
dohot pasu-pasu, dilehon hami ma tingki tu hamu, Botima.
6. HATA SIGABE-GABE SIAN HULAHULA NI PARBORU
Olo ma tutu, tambaan nami ma hata sigabegabe dohot pasupasu di hamu parboruon
ni borunami.
Tu joloan on, sai tongtong ma mian, dame dht holong di hamu, na marhula marboru,
asa sai dapotan pasupasu hamu, sian Amanta Pardenggan basai.
 Nunga sahat be bere nami, gabe parumaen muna, ba’ sai parumaen siboan tua ma i,
dht las ni roha di hamu, sai tibu ma berenami :
“Bagas marurat tu toru, timbo marbulung tu ginjang;
Mardangka tu siamun, huhut marranting tu hambirang”
Boti ma, di paujung Hasuhuton ma !!
7. RP. NI PARBORU (Paampehon tu Suhut Parboru)
Ba’nungnga marliat-liat hita pasahat hata sigabe-gabe dohot pasu-pasu, ba’Ampara
Suhut ma panimpuli hata sigabe-gabe dohot pasupasu sian hita Parboru. Botima.

8. HATA PASU-PASU PANIMPULI SIAN SUHUT BOLON NI PARBORU

Hamu lae, ito, dohot sude hamu parboruon nami. Tapuji ma Amanta Debata
Pardenggan basa i, na mandongani hita di sude ulaonta sadari on. Di urupi do hita,
gabe boi hita masipau-nean di sude sibahenonta. Tu hamu lae dht ho ito, dohononku
ma:
Gomgomma parumaenmi, marpanganju ho di ibana.
“Andor halumpang, togutogu ni lombu;
Sai saur ma hamu saurmatua, pairingiring pahompu”

“Tinampul bulung ni salak, tarihut bulung singkoru;

Sai tibu ma nasida mangabing anak,
jala tibu mangompa boru”
Tu hita saluhutna dohonongku ma;
“Simbora gukguk, rarak diatas amak;
Horas ma hita jala mamora apala luhut,
sai torop ma boru dohot anak”
Boti ma, ima sahat ni hatanami, Ampu hamu ma !!
9. RP. NI PARANAK
Mauliate Rajanami, andorang so diampu hami dilehon hami ma jo tingki tu Hulahula
nami laho pasahathon hata sigabe-gabe dohot pasu-pasu tu hami. Botima.
10. HATA SIGABE-GABE SIAN HULAHULA NI PARANAK
11. RP. NI PARANAK
Nuaengpe Ampara, nunga ris angka hulahulanta mandok hata sigabe-gabe dohot hata
pasupasu tu hita, ba’ diampu Amparangku ma i sude, jala parjolo ma Dongan Tubu
mangampu, dungi paampuhon hamu ma tu Suhut Bolon. Boti ma !”
12. MANGAMPU SIAN DONGAN TUBU NI PARANAK: (boi ndang pola)
Rajanami, mauliate malambok pusu ma dohonon nami di sude hata nauli, hata na
denggan dht hata pasupasu muna i Rajanami. Ampe ma i antong di sambubuhu nami,
jala tuat di abara nami, tarlobi di abara nasida jala ampu diabingan-na.
“Turtu ma ninna anduhur, tioma ninna lote;
Saluhut hatamuna na uli i, tarlobi pasupasumuna, sai unang muba unang mose”
Sahali nari dohonon nami mauliate. Saonari pe Hahadoli, Suhut Bolon, ampu ma hata
nauli hata na denggan sian hulahulanta, Boti ma !
13. MANGAMPU SIAN SUHUT PARANAK dohot PENGANTEN
I ma tutu angka Rajanami, rajani hulahula, nungnga marliat hamu sude mandok hata
nauli, hata nadenggan, songoni nang hata pasupasu tu hami parboruon muna, ba’ sai
 liat ma hami parboruonmuna gabe jala horas. Sai ampema i antong sude di simajujung
nami, tuat di abara nami, jala abing diampuan nami, tarlobi di helamuna dohot
parumaen nami. “
“Naung sampulu pitu jumadi sampuluualu Hata pasupasumuna i,
boanonmami ma i tu tongani jabu”
“Andor ras ma andor ris tu andor ni Purbatua;
Sai horasma hamu sude hulahula nami jala torkis,
sai gabe jala Saurmatua”.
Hu ulahi ma mandok mauliate godang di hamu angka rajanami, !
Boti ma !

- TANGIANG PANUTUP (Sian Pangula Ni Huria)

(Andorang so dibagi olopolop, jumolo ma ditutup dht ende- dht tangiang sian pangula ni huria)
- MAMBAGI OLOP-OLOP
(Diujung ni ulaon do dibagi hepeng olopolop i, Jala Dongan Sahuta ni Parboru do manjalo hepeng
olopolop i sian na dua bola pihak, laos ibana do makkatahon, jala didongani Dongan Sahuta ni Paranak)
Hamu angka na pinarsangapan na liat nalolo, nungnga marujung ulanta dibagasan
sadari on, tadokma mauliate tu Amanta Debata na mamasu-masu ulaonta on, Songon
hata ni umpasa ma ;
“Aek si-uruk-uruk tu silanlan Aek Toba;
Na metmet so marungut-ungut,
na magodang pe marlas ni roha”
Nungnga hujalo dison olopolop, sibagihonnonton tu hita luhutna, laho magolophon
parbagason ni anakta dht borunta sadarion;
“Balintangma pagabe tumandalhon sitadoan;
Ingkon saut do hita gabe, ai nunga masi olooloan”
“Simbora gukguk, peak di atas amak;
Horas ma hita apala luhut, toropma boru dohot anak”
Boti ma !
(Dungi dipambagihonma huhut dibantu dongan sahuta ni Paranak, Jala dung dibagi didokma 3 x
olopolop !) Rap mandok ma , Olop-olop --- 3 x

c. MEBAT (MARSIHOL-SIHOL)
1. RP. PARANAK
Dison huboan hami do sipanganaon, sulangsulang natabo tu hamu Rajanami, songon
obat lungun. Ala sihol ni rohanami, borumu nang helamuna, mangebati hamu. Jalo
hamu ma Rajanami ! “
“Tubu hau ingol, didolok ni simalungun;
Molo iba masihol, ba’ roma iba marubat lungun”
Angkup ni, ndang holan na masihol, didok roha nami tong do mangido pasupasu hami
tu tuamu Rajanami, ai songon pandok ni natuatua;
“Pangula ma pangula, laos dipasae duhut-duhut;
Pasupasu ni hulahula, padao mara marsundut-sundut”
Ima haroro nami, Rajanami, Boti ma !!
2. RP. PARBORU
 Ba’ molo ido hape haroromuna Parboruon, naulima i, Hami pe, tung masihol do di
borunami dht helanami, nang tu hamu parboruon nami, Ianggo pasupasu i, sai na
lehonon nami do, ai ;
“Aek na tio do hami, riongriong di pinggan pasu;
Hulahula na burju do hami, na basa ma masumasu”
”Napuran ni Lumban Julu, tu gambir ni Pahae;
Rap mangalangka ma hamu tu julu,
rap mangambe ia tu jae”
Boti ma !
3. SUHUT PARBORU
Hamu borunami, naro manopot hami tuson! Las situtu do rohanami di haroromuna,
pataridahon holong dht sihol ni rohamuna di hami. Sipanganon na binoan muna i nunga
huhasagathon hami, sai pamurnas mai tu daging, saudara tubohi. Ba’ horas ma hami
na manganton, songon i nang hamu na mangalehon.
“Lubuk ni siguragura, halomoan ni parhonong;
Mago do angka na humurang, dihorhon roha holong”
On pe inang dht hamu amang hela, sai dipasupasu Tuhanta ma parsaripeonmuna,
dilehon ma hagabeon,ganjang ni umur dht pandaraman na denggan, Nang tu hamu
Lae, Ito, Sai ganjangma umur ni Laengku dht Ibotongku na sahat rodi mangiring-iring
pahompu sian anak dht parumaenmon.
Boti ma !!
4. MANGAMPU SUHUT PARANAK,
Mauliate godang ma di hamu Rajanami, na manjakkon hami di bagasta na martua on,
sude na pasupasumu tu boru nang helamu, songon i nang tu hami, sai dipeop tondi
nami mai marhite-hite pasupasu ni Tuhanta.
Boti ma !!

V. MANINGKIR TANGGA (MARSIHOL-SIHOL)

1. SUHUT PARBORU
Di hamu Parboruon nami, Ro do hami hulahulamu mandapothon hamu di tonga ni
jabunta na martua on, ala holong dht sihol ni rohanami di hamu parboruon nami.
Dison peak do dengke;
 Dengke simudur-udur doi, asa sada hita mudur-udur na martondong tu joloan on di
angka nauli dht na denggan
 Dengke saur doi huhut, asa anggiat saurmatua hamu
 Dengke sitio-tio doi, asa sai tio ma nang angka parngoluon
 Jala dengke sahat doi, asa sahat ma angka nauli dht nadenggan tu hamu tu joloan
on.
Laos mamboan boras sipirnitondi-siribur-ribur, asa sai matorop maribur ma antong
pomparan muna tumpahon ni Tuhanta.
Jala sai pir tondi madingin, horas tondi matogu di hamu boru nami. Asa sai tio ma nang
parnidaan dht parngoluonmuna tu joloan on.
Tubu ma singkoru, ditoru ni tandiang; Asa denggan marhula marboru, ingkon
masitopotan do songon pidong liang, lam denggan ma ngolu-ngolu, jala mokmohan
na marniang,, Boti ma !!
2. SUHUT PARANAK (Mangampu)
 Mauliatema Rajanami di hatanamuna i !
“Inggir-inggir di pulopulo, parasaran ni satua;
Tokkin pinatikkir-tikkir do na sida,
Tokkin pinadulo, atik beha manang mahua”
Anggiat ma tu joloan on sai tu sehatna ma boru dht helamu. Ai molo dung jinalo
pasupasu sian hamu hulahula nami, umpos ma roha mangula siulaon tu joloan on,
“Nidurung siguma, laos dapot porapora;
Molo mamasu-masu hulahula,
napogos hian boi do mamora”
Ala ni i, manang sadiharipe hamu mulak, sai dao ma singkal sian pardalanan muna,
Rajanami !!
Boti ma da ! “
3. PANUTUP, TANGIANG DOHOT ENDE
Di ujung ni ulaon ditutup ma dohot ende nang tangiang, na ni uluhon pangula ni
huria (Molo ndang adong, boi do sian Hulahula)