1

Naskah Wayang Mbeling

“ Babad Alas Wanamarta “
Lustrum D’ Emmerick Hotel
Salatiga, 27 Mei 2022

Adegan 1 : Alun-alun Astina

( Patih Sengkuni , Dursasana, Dursala )

Dursasana : Yayi Dursala ... Wis rada sawetara anggone dhewe nunggu rawuhe Paman
Sengkuni ....Nganti gringgingen sikilku
Dursala : Leres , Kangmas Dursasana. Kula nggih radi pegel-pegel niki. Gumun kula, nek
sami rapat kok dangu men, jane napa to sing dirembug ???
Dursanana : Wah, aku ya ora ngerti, Dhi. Lha wong aku ora melu rapat. Hahahaha
Dursala : Kadingaren Kangmas mboten ndherek rapat, napa mboten pikantuk ulem???
Dursasana : Jane ya entuk, nanging pancen sangaja aku ora melu. Rada jeleh .... rapat sing
dirembug mung kuwi-kuwi wae .... Monoton...
Dursala : Lha mila .... kahanan dados stagnan .... mboten onten owah-owaahan. Hiyahahaha.
Dursasana : Husss ... aja seru-seru.... mundha kepireng Kaka Prabu Duryudana.
Dursala : Mboten mungkin Kaka Prabu mireng, lha wong lenggah teng dhampar kok mireng?
Dursasana : Lho.... ora kudu mireng dhewe... bisa uga ana sing nglapurake.
Dursala : Lha niku, Kangmas. Ngastina niku kathah tiyang sing senenge pados rai. Nggolek
pangalembana, nglapur-nglapurake kanca.
Dursasana : Kayata ....
Dursala : Hayah .... Kangmas kura-kura dalam perahu ... Pura-pura tidak tahu .
Dursasana : Hahahaha .... Kuntul di tengah sawah .... Anda betul , tidak salah .
Dursala : Kangmas, daripada kelamaan menunggu, apa sebaiknya kita karaoke saja?
Dursasana : Wah, mathuk Yayi. Wis suwe aku ya ora ngolor-olor kabel.
Dursala : Jangan lupa AP kangmas hahahaha
Dursasana : AP ....Ayam Panggang ???
Dursala : Ahhh kalau itu saya sudah biasa .... bosen
Dursasana : Arak Putih maksudmu Yayi????
Dursala : Itu juga sudah biasa, Kangmas.
Dursasana : Lha apa maksudnya AP?
Dursala : AP....Awewek Penggoda
Dursasana : Dasar AP lohhh !!
Dursala : Apa itu Kangmas??
Dursasana : Ancurrrr Parahhh. Hahaha
Dursala : Tapi Kangmas juga suka to ???
Dursasana : Huzzz.... jangan buka rahasia dong ....

( Datang Patih Sengkuni )

Sengkuni : Angger wis ngrembug sing aeng-aeng... lali yen ana wong tuwa wis teka ....
Dursasana : Welahhh Paman Sengkuni sampun rawuh....
Dursala : Biasa .... nek teka glenas-glenes ...
Sengkuni : Woooo ,,,, cah kurang ajar.... ngunekake wong tuwa kok glenas-glenes ....
 2

Ngko sik le... Dursasana ... Dursala ....mau aku krungu karaoke ... nganggo AP
barangan. Mbok aku diajak ...
Dursasana : Wah... ampun Paman... Niki mung kangge kawula muda, Man.
Dursala : Kalih ngelingi , Man. Paman niku yen tindak mpun mboten jejeg... napa kepangin
sangsaya ndhoyong, Man. Hahahaaha
Sengkuni : Malah sangsaya ora karu-karuwan...
Dursanana : Eeee eee eee, Man.... Man Sengkuni kula nyuwun warti.... Man Sengkuna, kula
nyuwun
warto...... Man sengkunar, kula nyuwun kabar..... Man Sengkunir , napa sampeyan
kenthir?? hahahahha
Sengkuni : Eeeeee .... Dursanana bocah edan !

Dursala : Stop... hop... hoppp... hoppp...

Wani men .... ngunekake edan...... njaluk SP pa piye ????
Sengkuni : Mumpung ana kesempatan... Wayang Mbeling ki bebas ....
Dursala : Nek ana akibatne ... rasakna lho !!!
Sengkuni : Lha pas latihan wis njaluk ijin... entuk kok. Nggih, Pak Didik ????
Dursala : Ming asline rada nesu lho ....
Sengkuni : Nek ngono sing salah Bu Puput.... ngakon aku dadi Sengkuni, Ya ngene iki dadine
Dursasana : Wis-wis .... kembali ke benang merah ....
Pripun, Man. Kok lehe rapat dangu temen? Napa sing dirembag, Man???
Sengkuni : Ngene ya, Dur.... Sing marakake suwe kuwi, amarga ana sing ora sarujuk yen
Pandhawa diusir saka Ngastina. Najluk supaya para Pandhawa digolei njuk dikan bali
maneh.
Dursala : Sinten, Man. Sing mboten sarujuk. Kula ajare!!!
Sengkuni : Tenan ...kowe wani ngajar ???
Apa kowe ora kelingan.... Awakmu adhem panas amarga dipeseni soto ayam.... malah
ora ana ayame .... Mung duduh thok ...
Dursasana : Hiya pa , Dhi....?? Sapa sing mbok salahi... gen aku sing ngatasi hahaha
Dursala : Anu-anu .... Anu Kangmas
Sengkuni : Gayamu, le... le .... Nek ngomong pating plenthus.... bul nggedebus.... kaya yes-
yesssa
Dursasana : Mpun, Man... Pripun genahe, anggene sami rapat?
Sengkuni : Ngene ya, Dur... Intine, Paukuman kanggo para Pandhawa ora isa dijabel. Kepara yen
nganti konangan, ukumane kudu ditambahi setahun maneh. Mulane , Angger Prabu
Duryudana paring dhawuh, supaya Aku ngajak kabeh adhi-adhimu Korawa, nggoleki
Pandhawa. Yen bisa kasil ketemu, rak ukumane dadi tambah setahun maneh.
Dursala : Wah.... mathuk niku , Man. Kula setuju yen Pandhawa niku uripe sengsara.... kepara
yen
saged sami dipejahi mawon.
Dursasana : Leres, Man. Mundhak dadi klilip. Negara Ngastina niku kudu dadi hake Korawa.
Sengkuni : Lha ya ngono kuwi kekarepanku. Mula aja kesuwen. Ayo nggoleki dununge
Pandhawa. Kosik, kosik. Iki korawa kudune ana satus.... ming kok mung 2 thok.lha
liyane endi???
Dursanana : Sanese nembe sami ngayahi tugas sesuai jobdisnya, Man.
Dursala : Walah .... kari kandha yen sesuai kahanan kok ndadak jobdis barang hahaha
Dursasana : Ampun kuwatir, Man.... Yen mung nggoleki Pandhawa cekap kula kaliyan Dursala
mawon.
 3

Sampeyan ece sekeca teng kepatihan mawon.

Sengkuni : Ngko nek aku ora melu.... njku ora entuk bayaran ... rugi no, Dur
Dursala : Wah... sampeyan niku angger mireng bayaran kok le nrithik... emoh keri ...
Sengkuni : Haa kuwi pokok je Dur.... Wis ayo ndang budhal ... selak sore.
Dursana : Nggih, Man .... Siyaga ...

Adegan II : Alas Gung Liwang-Liwung

Jin Kala Ngablah, Jin Kala Mangap

Narator : Para Korawa dan Patih Sengkuni pun segera berangkat untuk mencari keberadaan Para
Pandhawa. Sementara itu, di sebuah hutan Gung Liwang-Liwung beberapa jin setan
sedang berpatroli. Bagaimana perilakunya ? Kita saksikan di TKP

Kala Mangap : He eee bojleng-bojleng iblis laknat jeg-jegan. Adhiku, Dhi ... Wong bagus ...
Kala Ngablah : Mas... Mase.... Sampeyan ki nek ngomong sing genah...... Rupa kaya ngene kok
diarani
bagus. Bo ong luuu
Kala Mangap : Hahhh hahahahaaaa... Bagus-baguse bangsa jin ki ya kaya awake dhewe iki ....Marga
liyane ana sing ora jangkep.... mung sirah thok... ana sing gembung thok... ana sing
growong gegere ...
Kala Ngablah : Ho oh ya.... nanging bangsane manungsa ya akeh sing ngemperi awake dhewe ...
Kala Mangap : Apa hiya ????
Kala Ngablah : Ora ngandel.... ayo dibukak kuluke ....
Kala mangap : Ming tetep ana bedane, Dhi ...
Kala Ngablah : Bedane apa, Kang???
Kala Mangap : Yen manungsa ngene iki amarga pinter.... nek awake dhewe... amarga akeh mikir
butuhe Hahahahaaaaa
Kala Ngablah : padha-padha mikire ... mung beda sing dipikirake, ya Kang.
Kala Mangap : He eeee eee eee Adhiku , Dhi... Kala Ngablah ....Wis pirang tahun awake dhewe
njaga
keamanan ing alas kene?
Kala Ngablah : Nek sak elingku ... aku lagi (...) taun... Manut SK sing tak tampa lho , Kang.
Kala Mangap : Wah, undha-undhi karo aku, nek ngono.
Kala Ngablah : Hooh... Ming beda nasibe ...
Kala Mangap : Kok Bisa, Dhi.
Kala Ngablah : Lha kowe golongane wis dhuwur.... aku isih durung mundhak-mundak.
Kala Mangap : Ngono kuwi gumantung karo labuh labete.... loyalitase... dedikasine lan ubete.
Kala Ngablah : Lho kok nganggo ubete barangan ???
Kala Mangap : Haiya kudu gelem ubet... tlusap-tlusup.... dlosar-dlosor ....
Kala Ngablah : Aku ya wis kerep ndlosor.... nanging tetep ajeg wae .... mung bathi klumuh je ...
Kala Mangap : Ngko rak ya tetep digatekake.... manut wawancara mahasiswa marang aku ...
Kala ngablah : O walahhhh Kang, kang .... mbok aja nggedebus to ....endi ana mahasiswa
mewancarai dhemit kaya awake dhewe.... juk kuliahe nangndi ???
Kala Mangap : Minggu kepungkur aku diwawancarai mahasiswa saka UPIL.
Kala Ngablah : Ki apa maneehhh, Kang ???? UPIL ki perguruan tinggi apa? Kok njijiki.
Kala mangap : UPIL kuwi singkatan saka Universitas Pengembangan Ilmu Lelembut
Kala Ngablah : Kampusnya di mana, Kang?
 4

Kala Mangap :
Nang Kampung Kijing Miring, Kecamatan Pocong ngisor
Kala Ngablah :
Lha rektore jenenge sapa?
Kala Mangap :
Rektore jenenge ; Profesor DR. Gendruwo Samin
Kala Ngablah :
Dosene jenenge Luna Mayit.... samplak sisan !!!.
Kala Mangap :
Padha-padha dhemit ki ora entuk nesu, ya Dhi...
Kala Ngablah :
Lha sampeyan ya aeng-aeng kok.
Kala Mangap :
Ngko sik Dhi.... Kepriye anggonmu njaga alas sisih wetan lan kulon kana?
Kala Ngablah :
Aman, Kang..... pokoke ora ana sisi-sija manungsa sing wani mlebu alas kene.
Aku ya wis nggawa alat sensor barangan.
Kala Mangap : weeee eee eee .... kok ampuh men kowe ???
Kala Ngablah : Arepa golongane endhek , nanging aku ora gaptek kok Kang. Ora sombong lho
kang ...
Ngajukake penambahan alat ora dituruti... aku tuku dhewe kok. Padhak kan.
Kala Mangap : Aku njilih entuk ora ???
Kala Ngablah : Golongane dhuwur kok njilihan.... ngisin-isini ...
Kala Mangap : Malah ngambra-ambra... sing penting aman ya, Dhi.
Kala Ngablah : Amannn

Kala Mangap : Ngene, Dhi.... anggone dhewe njaga alas rina wengi ki rak ya kesel banget... mula iki
mumpung ana gamelan... ayo padha tetembangan karo jejogedan.
Kala Ngablah : Wah ... cocok, Kang... ayo bungah-bungah ngilangake rasa lungkrah.

JEJOGEDAN

Kala Mangap : Adhiku, Dhi Kala Ngablah ..

Kala Ngablah : Piye, Kang ???
Kala Mangap : Kaya wis rada sawetara anggone dhewe jejogedan nglipur ati.... ora prayoga yen
nganti
kesuwen... mengko mundhak kebablasen nglirwakaken kuwajiban.
Kala Ngablah : Hiya , Kang. Ayo patroli maneh!!!
Kala Mangap : Ayo, Dhi. Diwaspada sing ngati-ati.

Adegan III : Alas Wanamarta

( Dewi Kunthi, Werkudara, Janaka, Nakula, Sadewa )

Janaka : Kanjeng Ibu... prayogi kendel rumiyin. Menika sampun dangu anggenipun
mlampah.
Nakula : Leres Kanjeng Ibu. Kendel rumiyin.
Sadewa : Inggih, Bu, kula sayah, Bu.
Werkudara : Haaa bener kandhane adhi-adhiku. Leren dhisik, Kunthi Ibuku.
Kunthi : Iya ... iya ngger anak-anakku. Ibu uga ngrasakake kesel banget. Ngaso dhisik
ya ngger.
Koor : Inggih kanjeng Ibu.
Janaka : Kanjeng Ibu... Kula mangertos, menawi Kanjeng Ibu kathah penggalihan.
Nanging kula suwun Kanjeng Ibu ampun ngantos nandhang kingkin.
Sadewa : Kingkin niku napa to Kangmas Janaka?
Nakula : Kingkin kuwi bocah ayu saka Getasan... Anake Lek Jarwo.
 5

Sadewa : Jarwo kuwi kancane Sopo, ya Mas?

Werkudara : Haaaaa Kembar malah gojegan.... Ibumu lagi sedhih, kudune kowe nglipur
ibumu. Malah padha caturan sing ora nggenah.
Sadewa : Lha kula niku mboten ngerti tegese tembung kingkin je Kangmas. Napa leres
Kingkin niku putrane Lek Jarwo Getasan?
Janaka : Kembar .... tak kandhani ya. Tembung kingkin kuwi tegese sedhih.
Kunthi : Ngger, anak-anakku kabeh.... pancen Ibu lagi sedhih banget. Amarga kudu
nampa lelakon kang kaya mangkene.
Janaka : Sampun-sampun Kanjeng Ibu... Pancenipun Pandhawa kedah nglampahi rekaos
kados mekaten. Mbok menawi kanti lampah prihatos, mbenjangipun saged
manggih gesang kebak kamulyan.
Sadewa : Gumunku ki, Kangmas Puntadewa kok ya gelem-geleme dijak dolanan dhadhu.
Nakula : Hiya Dhi, dolanan dhadhu wae kok ya totohan negara.
Sadewa : Malah Mbakyu Drupadhi nganti diwirang-wirangake.
Nakula : Kuwi akibate seneng JUDI
( Joged dangdut “ Judi” )
Werkudara : Haaa bocah-bocah ora nggenah
Janaka : Kangmas nggih mboten cetha.... Werkudara kok njoged ndhangdhut.
Werkudara : Haaa liyane padha njoged mosok aku meneng wae. Ngko mundhak dikira ora
kompak.
Kunthi : Uwis- uwis.... ngger.... pirengna ngendikane Ibu.
Nganti seprene kangmasmu Puntadewa kok ya durung tekan kene. Jane
Menyang ngendi ta genahe?
Nakula : Ngertos kula, Kangmas Puntadewa menika nembe semedi.
Sadewa : Leres Kanjeng Ibu.... Kangmas Puntadewa nembe semedi wonten ing
puncaking Gunung Girilaya.
Janaka : Kanjeng Ibu.... Kula rumaos kuwatos.... Kangmas Puntadewa anggenipun
semedi menika amargi raos keduwung.
Werkudara : Haaa Karepmu kepriye, Jlamprong adhiku?
Janaka : Kangmas Puntadewa menika rumaos lepat, anggenipun dhadhu kawon, njalari
Para Pandhawa kedah kesah saking negari Ngastina.
Kunthi : Ya kuwi sing tak sumelangake.... Mangka anggone semedi dhewekan ora ana
Kancane. Mengko yen ana sing ngalap patine banjur kepriye?
Nakula : Kanjeng Ibu mboten sisah kuwatos. Najan piyambakan, kula pitados para dewa
badhe ngayomi Kangmas Puntadewa.
Sadewa : kasinggihan Kanjeng Ibu. Kangmas Puntadewa menika rak nggih kekasihing
para dewa. Dados mesti para dewa sami njagi kawilujenganipu Kangmas
puntadewa.
Kunthi : Najan mangkana, Ibu tetepora tega ninggalake Puntadewa semedi dhewekan.
Werkudara....
Werkudara : Kunthi Ibuku kepriye?

Kunthi : Dak suwun , kowe menyanga puncaking Gunung Girilaya. Aja mbok tegakake
kangmasmu ya, ngger!
Werkudara : Haaa .... dhawuhmu tak estokke. Ora mengko, apa maneh sesuk.... saiki uga
aku pamit
Kunthi : Ya, ya Ngger Werkudara...diprayitna ngati-ati .
Werkudara : Sangoni apa ora?
 6

Kunthi : Tak sangoni donga pangestu.

Werkudara : Wah... Kuwi wis kulina. Mbok kala-kala ki disangoni dhuwit.
Kunthi : Perkara kuwi gampang angger iki wis bubaran.
Werkudara : Tenan, Ya Bu!
Nakula : Wah.... enakmen ... angger kemlawe sithik kok njuk entuk-entukkan.
Sadewa : Kula tak ngancani Kangmas Werkudara, nggih Bu. Gen entuk sangu.
Janaka : Kembar.... kowe padha nang ngomah wae. Mengko sing nyangoni aku.
Nakula : Bar pikantuk proyek ... borongan etalase kaliyan kanopi nggih, Kangmas?
Janaka : Hooh .... ming aja kandha sapa-sapa. Iki mung uang dengar wae.
Sadewa : Hayah.... sing riyen nika nggih jebul diblenjani.
Janaka : Ya sesuk tak dobel. Angger bab dhuwit kok ora isa lali.
Kunti : Wis, wis ngger ... ayo padha neruske laku. Aja nganti konangan para Korawa.
Werkudara : Janaka .... Kowe sing kudu njaga keslametane Ibu lan kembar ya, Dhi!
Janaka : Ngestoakaken dhawuh Kangmas.

Adegan IV : Arimbi Gandrung

( Arimbi, Werkudara, Kunthi , Janaka, Nakula, Sadewa )

MUSIK Campusari “ Gandrung “

Arimbi : Penonton.... Perkenalkan .... Aku adalah seorang putri tercantik di dunia
perdemitan.
Namaku Arimbi... Aku anak dari Prabu Arimbaka Raja Pringgondani .
Penonton ... ngomong-ngomong by do way semelese semelekethe .....critanya
saya baru kasmaran gitu loh....
Malam jumat kliwon yang lalu.... saya bermimpi bertemu dengan seorang lelaki
yang sungguh gagah perkasa....Badannya kekar.... tinggi.... berotot dan bertulang
besi. Namanya Werkudara.
Kini aku mengembara.... mengarungi samodra.... kudaki-daki gunung yang tinggi...
Kuturun-turun lembah yang dalam.... Kemelewati padang rumput hijau
membantang.... demi bertemu dengan pujaan hatiku.
Penonton.... Adakah yang pernah mendengar nama Werkudara???
Atau... bahkan pernah berjumpa dengannya ..... Jangan-jangan ngumpet di situ
ya.... ( MENCARI WERKUDARA KE PENONTON sambil berteriak-teriak
menyebut nama Werkudara )
Kangmas Werkudara ..... Kangmas Werkudara ....

Kosik-kosik..... iki kok kaya ana gandane manungsa..... Wah ...cetha iki gandane
manungsa..... Yen manungsa sing lewat kene ora kaya pawakane Kangmas
Werkudara.... bakal tak pangan ....Nanging yen sing lewat Kangmas Werkudara...
Tegese pancen beja kemayangan. ...... Becik tak ngumpet dhisik.

WERKUDARA DATANG

Werkudara : Haaaa.....Jebul adoh temen puncaking Gunung Girilaya.... Iki isih ana alas sing aku
durung ngerti jenenge .
Arepa adoh paribasane, tetep tak doleki panggoane Puntadewa kakangku
anggone semedi
 7

Wahhhh.... iki kaya ana hawa sing nganeh-anehi.... Aku kdu waspada.
Arimbi : Cilubbbbbb baaaaa
Werkudara : Wahhhhh.... gawe kaget .... kurang ajar.....
Arimbi : Kalau melihat ciri-ciiri fisiknya.... ya seperti ini yang muncul dalam mimpiku....
Werkudara : Sapa kowe...??. ngganggu anggonku lumaku.
Arimbi : Raden... Raden.... Aku mbok tak takon.... Sapa jenengmu... lan saka ngendi
pinangkamu ???
Werkudara : Ora sudi mangsuli dhemit sing rupane elek kaya ngono!
Arimbi : Ditakoni ora mangsuli ... malah ngina rupaku elek....
Werkudara : Kowe bangsane jin, setan, wewe, lan sundel bolong.... gawene mung nggodha
manungsa.... sumingkira!!!
Arimbi : Pancen aku iki bangsane raseksa.... nanging.... najan raseksa ... aku ... Cantik to??
Werkudara : Cantik dari Hollen .... Ngilo kana ....
Arimbi : Mengko dhisik to... Ayo ngakua sapa jenengmu ?
Werkudara : Haaa.... ora perlu ngerti sapa jenengku...
Arimbi : Mesti.... Kowe sing jenenge Werkudara.
Werkudara : Kok ngerti?
Arimbi : Lhaa rak tenan to .... iki Kangmas Werkudara sing ana impenku...
Werkudara : Nek aku pancen Werkudara.... kowe arep ngapa?
Arimbi : Adhuh Kangmas.... Kangmas Werkudara.... Tebih kula kesah saking praja
Pringgondani, namung badhe kepengin suwita dhateng panjenengan, Kangmas.

Werkudara : Edaannn.... ana wong wadon kok nggoleki wong lanang....

Itu namanya rumput mencari kuda
Arimbi : Mangga anggenipun badhe mastani.... Kula namung ndherek menapa ingkang
dados nering batos...
Werkudara : Karepmu piye???
Arimbi : Kula pikantuk wisiking dewa. Menawi jodho kulakula menika satria panenggak
Pandhawa ingkang asma Werkudara.
Werkudara : Jenengmu sapa?
Arimbi : nami kula Arimbi, Kangmas.
Werkudara : Arimbi.... Delengen kulon kana ana apa?
Arimbi : Pundi , kangmas???

WERKUDARA LARI meninggalkan Arimbi

Arimbi : Wadhuh Kangmas, Werkudara.... Kula tetep badhe madosi paduka kangmas...

Narasi : Singkat Cerita, Dewi Arimbi mengejar Raden Werkudara. Tanpa disangka dan di
duga.... Dewi Arimbi sampai di tempat persembunyian para Pandawa.

Arimbi : Kangmas... Kangmas Werkudara...Dimanakah engkau Kangmas???

Kunthi : Iki ana titahing dewa , kang nangis ana ing pakuwonku.
Nduk.... cah ayu.... tangiya ya ndhuk.... lerena anggonmu nangis.
Arimbi : Paduka menika sinten? Kok wonten satengahing alas piyambakan?
 8

Kunthi : Ditepungake ... jenengku Dewi Kunthi Nalibrata.. Aku sejatine ana kene ora
dhewekan. Nanging bebarengan anak-anakku.
Arimbi : Lha putra paduka menika wonten pundi?
Kunthi : Lagi padha golek kayu lan woh-wohan , sarta ana sing lagi buru kewan.
Jenengmu sapa bocah ayu?
Arimbi : Dhuh Kusuma Dewi. Paduka ampun ngina dhateng kula. Kula menika raseksi,
temtu kemawon arupa awon.
Kuthi : Rupa ala kuwi dudu paugeran utama. Nanging sing baku bebuden dan
pakarti kang luhur
Arimbi : Dhuh Kusuma Dewi .... estu paduka menika mustikaning para putri. Kepareng kula
anepangaken..nami kula Arimbi, saking Kraton Pringgondani.
Kunthi : Arimbi...
Arimbi : Kasinggihan, Gusti
Kunthi : Geneya kowe ndheprok tetangisan ana papan kene?
Arimbi : Blaka waleh menapa... Kula nembe madosi calon garwa kula, ingkang asma Raden
Werkudara.
Kunthi : Jagad dewa bathara.... Kok kowe tepung karo anakku Werkudara?
Arimbi : Dhuh Kusuma Dewi... Menapa leres Paduka menika ibunipun Raden Werkudara?
Kunthi : Iya cah ayu
Arimbi : Dhuh Kusuma Dewi. Mugi welasana dhateng jasad kula. Kula kesah saking praja
Pringgondani, namung kepengin sanget nuhoni napa ingkang dados wisiking
Dewa, menawi kula pinesthi dados garwanipun Raden Werkudara.
Nanging saksampunipun pinanggih kaliyan Raden Werkudara, kula tinampik
sacara alus.
Kunthi : Arimbi.... marga aku wis ngerti tulusing atimu. Kowe bakal tak biyantu.
Kene-kene tak paringi aji silih warna. Mengkokowe mesthi bakal dadi ayu.

ARIMBI BERUBAH WUJUD

Narator : Dengan kesaktian yang dimiliki Dewi Kunthi.... Maka berubahlah wujud Arimbi
Menjadi putri yang sangat cantik.
Arimbi Ayu : Tenanan ora yaw? Aku penasaran .... Coba aku bercermin....
Waow .... Amazon ... eh ... amazing.
Penonton.... bagaimana penampilanku? Maju-maju cantik.... mundur-mundur
Cantik.
Dhuh Ibu .... thank you nggih....
Kunthi : We lah.... ajiane ana sing kleru.... mau tak sisipke 3 M
Arimbi : Apa tuh 3 M Ibu?
Kunthi : 3 M kuwi .... Manis Manja Menthel
Arimbi : Biarkan aja, Bu..... Yang penting Mas Werkudara mau dengan saya.

NAKULA DAN SADEWA DATANG, DISUSUL JANAKA DAN WERUDARA

Nakula : Ibu ..Ibu

Sadewa : Ibu... ibu
Nakula : Wow.... sapa iki kok ana wanita ayu temen?
Sadewa : Hiya ...Kangmas.... Kok ayu banget ya?
Nakula : Jane ki biasa wae.... nanging dhewe dikon ngalem .... manut naskahe
 9

Arimbi Ayu : Siapa tuh.... kok bisik-bisik .... terpesona ya ???

Nakula : Aku Nakula, dan ini adikku,
Sadewa : Aku Sadewa.
Nakula : Buah Jambu, buah kedondong
Sadewa : Cakepppp
Nakula : Sebut namamu dong!
Sadewa : Blewah madu ... di pasar baru
Nakula : Cakepppp
Sadewa : Maukah kamu, jadi pacarku?
Arimbi : Buah jambu merah merona.....jangan dipandang sebelah mata...
Koor : Cakeppppp
Baru ketemu sudah menggoda .... mengnya.... kamu ounyaapa???
Kunthi : Buah jambu, buah kedondong.... Buah Nanas, Buah Mangga.... Buah Melon, buah
pepaya...buah beimbing, ada timunnya
Koor : Cakeppppppppppp
Kunthi : Lutisan yuk
Nakula : Eeee... Ibu tidak boleh ndhagel...
Kunthi : Kawit mau aku kok kon serius terus... Kapan lucunya
Sadewa : Kalau ibu nglucu.... Bukan Kunthi Namanya... Tapi
Koor : Kunthilanakkkk
Kunthi : Ihhh..... sengit aku.... ora entuk nglucu...ngumpet wae aku .....

JANAKA DATANG DENGAN WERKUDARA

Janaka : (Nembang) Dhuh wong ayu.... pepujaning ati .... Kaya ngene rasane nandhang
asmara.... apa ta mung aku dhewe...
Arimbi : Wih.... iki ana satriya bagus rupane .... Kenalan dhong...
Janaka : Wong ayu.... ditepungake.... jenengku Raden Janaka.. Namamu siapa???
Arimbi : Namakyu Arimbi.... Ike dari Emerik
Janaka : Sudah punya pacar belum???
Nakula : Wah.... yen wis ngene awake dhewe ngalamat...
Sadewa : Hiya Kangmas.... bener.... Janaka ki ora nguman-umani.
Janaka : Kembar..... sumingkira kana sing adoh. Aja ngganggu anggonku sesandhingan
karo calon garwaku .
Nakula : Wahhh.... gagal maning-gagal maning...
Sadewa : Wis... payah... payah.... bojo pirang-pirang isih kurang

NAKULA DAN SADEWA PERGI

Werkudara : Haaa Jlamprong adhiku

Janaka : Wonten dhawuh Kangmas
Werkudara : Bener omongane kembar mau....... Kowe wis duwe bojo pirang-pirang....
Anakmu pating tlecek sak nggon-nggon.
Janaka : Menika resikonipun tiyang nggantheng, Kangmas. Ehm ehm ehm
Werkudara : Aku kangmasmu... siji wae durung duwe.
Aku krungu yen iki jenenge Arimbi.... Kuwi sing bakal dadi bojoku
Arimbi : Apa.... calon istrimu? Tak usah lah yaow...
Janaka : Kangmas mireng piyambak... Arimbi mboten purun kaliyan Kangmas.
 10

Werkudara : Janaka .... Nek sing iki aku gelem tenan....

Ngene wae .... Arimbi sing iki gen dadi bojoku... coba kowe rayu supaya gelem
dadi bojoku... aku janji, tak golekake orderan .... ngko yen ana tamu-tamu hotel
sing butuh pasang tralis... tak arahke nyanggonmu ya.
Janaka : Wah... jane aku ya wis mathuk karo Arimbi iki... Apa ngene wae... piye yen
Poliandre?
Werkudara : Aja ... aja.... kuwi ora kena...

(SEMENTARA WERKURADA DAN JANAKA BERBISIK-BISIK, NAKULA DAN SADEWA MERAYU ARIMBI )