BIB3023

7/9/2020

Pejuraika enggau nenak lalu beri chunto ti engkeman dikena nunjukka tiap bengkah pekara
di baruh tu:
1. Jalai ngena urup konsonan dalam jaku injau.
Konsonan tu iya nya munyi ti diasilka lebuh pejalai angin tesekat, betelisih, bekindas
tauka diempang organ artikulasyen. Jalai ngena konsonan injau:
 [f] – kindas mulut ngeli enda bemunyi
Iya nya mulut baruh diangkat negu ngeli mua atas. Kelekanit lemi enggau
unga diangkatka ngalit alur angin ngagai rumbang idung. Peti sura nyawa lalu
dibuka udahnya angin pansut ngindas nengah urung mulut enggau ngeli.
Maya ngasilka munyi konsonan injau tu peti sura nyawa enda begetar.
Chunto konsonan injau [f] dalam leka jaku iya nya fail enggau forum.

 [v] – kindas mulut ngeli bemunyi

Mulut baruh diangkatka negu ngeli mua ari atas. Kelekanit lemi enggau unga
dirapitka ngambi ngalitka alur angin ngagai rumbang idung. Peti sura mega
lalu dirapitka lalu angin pansut ngindas nengah urung mulut enggau ngeli.
Maya ngasilka munyi konsonan tu peti sura nyawa enda begetar. Chunto
konsonan injau [v] dalam leka jaku iya nya vokal, university enggau novel.

2. Atur nyepil ngena konsonan turu dalam jaku injau.

Dalam jaku Iban, konsonan tur utu dikena ngayanka identiti enggau penulin jaku
Iban. Ba gerim baruh tu iya nya atur nyepil ngena konsonan turu.

Konsonan turu Dalam jaku injau

ch Chunto, chire
ng Ngira, ngulung
ny Nyapu

3. Penambah gaya fonem dalam jaku injau

Dalam proses nginjau jaku, tukuh sepil enggau visual ari jaku English enggau jaku
Europa ti ditulis ngena urup Roman dikenatika dikena ngentapka sistem sepil jaku
Iban. Sekeda leka jaku injau enda disepil nitihka munyi leka jaku nya disebut dalam
jaku ti asal. Berindik ari nya, ubah fonem bukai ngagai jaku Iban semina deka
dipasukka maya ti begunaka iya aja. Chunto iya, leka jaku ‘structure’ diubah ngagai
struktur enggau ‘dialouge’ diubah dialog.

Jaku English Jaku Iban

Conductor Konduktor
Institute Institut
Volume Volium
4. Atur nyepil jaku injau ngembuan urup ‘g’.
Atur nyepil jaku English ti ngembuan urup ‘g’ ti disebut bemunyi /j/ lalu disepil
berubah nitihka sebut urup /j/.

Jaku English Jaku Iban

Agent Ejen
Engine Injin
Image Imej
Magistret Majistret

5. Atur sepil jaku injau patah sebut ‘tion’, ‘ssion’, ‘shion’ tauka ‘sion’ enggau penutup
‘al’.
Jaku English ti ngembuan patah sebut ‘tion’, ‘ssion’, ‘shion’, tauka ‘sion’ lebuh disepil
ke dalam jaku berubah nyadi ‘syen’ lebuh diengkah ba ujung leka jaku. Taja pia,
sida tu ulih berubah nyadi ‘sion’ lebuh diengkah ba tengah leka jaku

Jaku English Jaku Iban

Commission Komisyen
Profession Profesyen
Television Televisyen
Version Versyen
Informational Informasional

Jaku English Iban

Professional Profesional
Rational Rasional