SEJARAH PENATAI

BANSA IBAN
 Bisi 3 iti teori madahka penatai Iban ke Sarawak nitihka
ditulis Benedict Sandin dalam taun 1967
1. nengah Tanjung Datu di Lundu.
2. nengah Bukit Merudu enda jauh ari Brunei.
3. Ari Lembang Kapuas melunggang ke Sarawak nengah
menua Kumpang
 Teori 3 suah agi dipansik lalu mayuh penerang udah
digempuruka

PENATAI BANSA IBAN KE

SARAWAK
PENATAI IBAN ARI
KAPUAS
 Ari Yunnan
pindah ke Indochina. Ti mungkur menua Laos,
Vietnam, Cambodia enggau Thailand.
Ari Indochina pindah ke Malaya.
Ari Malaya pindah ke Sumatera
Udahnya Iban pindah ke Borneo laban enggai ke ajar
pengarap Islam.
Nambah ke nya, bisi kena pansa leka pengap ti madah ke
kitai kala diau di menua Kemuja (Cambodia) lalu lari ketegal
bansa Kemarau (Khmer Rouge) ti kasar sereta jai amat.

ARI YUNNAN DI MENUA CHINA

MECCA DI TIMUR TENGAH

 Siti agi pansik madah ke bansa Iban tu datai ari semak Mecca di timur
tengah, pindah ke Sumatera.
 Ari Sumatera Iban pindah ke Borneo, napat ke Batang Kapuas.
 Tang taja pia, bisi mega raban bansa Iban ke ukai datai ari Kapuas
(non-Kapuas ancestors). Raban sida nya diulu ke Sabatin enggau anak
iya Drom. Sebatin datai ari Timur Tengah lalu diau di Tanjong Datu di
Borneo. Uchu Sabatin, anak Drom ke benama Sera Bungkok Ketok
Tunjok Penebok Tiang Tembang nurun ke bansa Iban enggau bansa
Beketan di Sarawak nitih ke tusut tuai. Sabatin mega bisi anak siku
benama Senaun, beranak ke Tugau lalu nurun ke bansa Melanau Rajang
tauka Tanjung.
 RABAN IBAN KE DATAI ARI BATANG
KAPUAS

• Keterubah Iban datai kelia di Pulau Borneo iya nya di

Kayong.
•Sida ke meraka tasik tu tadi terubah ia enda nemu ni
menua ti patut dituju laban sida iya semina bemalin ka
jelu kijang ti semampai nyemerai dulu ari sida iya
belama.
•Ari Kayong (bisi nyebutnya Jayong tauka Rayong)
sida pindah napatka Batang Mandai, indu batang
Kapuas enggau Batang Ketungau (Tembawai Bejuah)
 RABAN IBAN KE DATAI ARI BATANG
KAPUAS

Dulu kelia di Batang Ketungau ianya semak Sintang ke diatu, bisi deh siti menua
ke dikumbai Tembawai Tampun Bejuah. Kedua bali nama Kemedu Repuk
Lempung, Ketimbang Lentur Ujung, Temaga Gelang, Terusan Tanjung Bakung.
Ba menua tu mih kitai Iban kelia agi begulai sejalai enggau petara, antu, jelu
enggau semua leman utai enseput di dunya tu datai ka sida iya beserara.
Menua ke dikumbai Sintang enda jauh ari Danau Lemu enggau Danau Lidong ke
diatu lalu batang Ketungau tu siti sungai ke benanga ba Batang kapuas. .
Penyerara enggau pemindah semua leman utai enseput ari Tembawai Bejuah
mayuh kaul nitihka pengarap kitai Iban ba ai siti-siti. Penyara nya kelia bepun
tauka beduduk ari sekeda penyarut.
 RABAN IBAN KE DATAI ARI BATANG
KAPUAS

1. Beduduk ari laya ti berebut deka bempu pintu mas enggau kayu nimung
ranyai (pauh laba) ke tumbuh di belakang Antu Gumba. Buah nimung ranyai
tau diambi nyadika pengaruh kena matak serang. Ari nya semina orang ke
raja berani aja ulih ngerarah ka buah nimung ranyai tu tadi.
2. Beduduk ari pengawa Bunga Nuing ti mejal Sengalang Burung ngajat.
Sengalang Burung meh keterubah petara angkat pindah ninggal ka Tembawai
Bejuah ka tisi langit landung, naban ka gerempung babi geman.
3. Belaya ka kayu semakau ke dichuri Antu Tapang ari Sintau
4. Laban Keling udah belaya enggau Apai sambang Rumbang Kesuling berebut
ka taring tengiling tauka aning simpai lengan.
 RABAN IBAN KE DATAI ARI BATANG
KAPUAS

5. Laban Aki Nyakai Lang Benguk (Sengalang Burung) udah

belaya enggau Apai Selulut Ribut Ngusuk berebut ka batu
tanduk pelanduk tauka penuduk madam ka seruan
6. Laban Laja seduai Pungga udah belaya ngelaban Apai Bua
Buga berebut ka batu punggung kesa, mesai ma takaran
Kayan.
7. Laban Ngelai seduai Tutung udah belaya ngelaban Apai
Sambang Rumbang Ketebung berebut ka batu tanduk
adung, raja ikan.
 RABAN IBAN KE DATAI ARI BATANG
KAPUAS

 Ditetak kitai enggau jako pandak, pemindah tauka

penyerara sida tu kalia endang bepun ari laya berebut ka
pengaruh.
 Penyerara ke dudi agi arinya penyerara bansa Iban enggau
sida ari Panggau Libau.
 Penyerara tu bepun ari Chang Chelawang (Apai Keling)
enda ulih peda agi udah ke makai silui ular tedung
 Pekara tu nyadi di menua ke dikumbai Nanga Semitau,
pemindah sida ari Lawai Labai di tebing ai Kapuas.
 RABAN IBAN KE DATAI ARI BATANG
KAPUAS

Nyadi sida ke bisi lima puluh pintu ke enggai enggau

makai silui tedung nya tadi lalu pindah ka Merakai
enggau Sarawak dibatak Buntak enggau Belayan
Lelang udah kitai Iban enggau orang Panggau nanam
Rian Sandung ka pengingat diri udah begulai.
 RABAN IBAN KE DATAI ARI BATANG
KAPUAS

Kitai Iban belabuh pindah ke Sarawak urung taun

1400 – 1500 kalia nengah mayuh jalai sereta neresa
mayuh menua nitih ka tuai siku-siku nuju Kumpang,
di Batang Ai.
Ari Kumpang tu mih bala Iban pambar ari pangan diri.
Kitai Iban ke enggai pindah ari Indonesia nyin agi
meruan nguan menua Emperan, Batang Kanyau, Bila
Sedi enggau mayuh endur bukai datai kesehari tu.
PENATAI IBAN UKAI ARI
KAPUAS
1. Ari Gunung Mensuat
2. Ari Timur Tengah
 GUNUNG MENSUAT, SEMAK MECCA
DI SAUDI ARABIA

Siti agi raban ke ukai datai ari Kapuas iya nya dibatak Merom Panggai ke
datai ari Gunung Mensuat, semak Mecca di Saudi Arabia. Merom Panggai
beranak ke Merom Panggah. Merom Panggah beranak ke Abang Musa. Abang
Musa beranak ke Pateh Simpung. Nyau datai be tubuh Pateh Simpung, iya
matak bala iya pindah ari Sumatera ke Munggu Merudu, semak Munggu
Majista di Brunei.
 RABAN IBAN UKAI ARI KAPUAS

Anak Pateh Simpung ke benama Pateh Rejap bekerja ngumpul chukai di

Bintulu; nyadi wakil Sultan Brunei. Anak Pateh Rejap ke benama Raja
Rendah diau di Mukah. Ari Mukah, Raja Rendah pindah ke Batang Kapuas
sereta diau di Batang Ketungau. Raja Rendah beranak ke Pateh Gurang. Pateh
Gurang beranak ke Pateh Iri ke beranak ke Pateh Teliang. Pateh Teliang bebini
ngambi Dayang Simba lalu beranak ke Pateh Ambau ke bebini ngambi
Remias.
 RABAN IBAN UKAI ARI KAPUAS

Ba tubuh Pateh Ambau, iya matak bala ari Ketungau ba

Kapuas ke Marup, semak Engkilili. Ari Marup, Pateh
Ambau pindah baru sereta diau di Pengkalan Tabau ari
ulu Lubuk Antu. Nya alai be leka pengap tauka timang
senentang Ngerintaika Tuai, iya dikangau ke orang
munyi tu : “Ni nuan Pateh Ambau, Ke mungkal
pengkalan Tabau, Peling lanting tawang bedagang”
PEMINDAH IBAN ARI
KAPUAS
(SENGALANG BURUNG)
 Bala bansa Iban melunggang ke Sarawak ari Kapuas laban nya meh jalai ti
muntang kena melunggang sempadan Sarawak-Kalimantan (Jensen, 1966).
 Keterubah iya Sengalang Burung enggau bala iya diau ba sepemanjai
Sungai Kapuas enggau anak sungai ba barat daya Pulau Borneo. (Benedict
Sandin, 1956), tang udahnya uchu Sengalang Burung ti benama Sera
Gunting lebih rindu ka diau ba Banjaran Tiang Laju ba barat Pulau Borneo.
 Taja pan Sengalang Burung enda rindu ka menua nya, tang iya lalu ngatur
siti aum enggau bala iya ba Merakai, iya nya siti ari anak Sungai Kapuas
kena mantai ka penemu ti mai bala Iban pindah ke Batang Ai.
 Bala Sengalang Burong lalu pindah ngagai menua ti terubah diindik sida ba
Sarawak iya nya ba Kumpang. (Richards,1949).
 Sebagi agi bala Iban nitihka tuai ti benama Lelang Belayan ke ulu Sungai
Kumpang lalu nuju ke Lubuk Antu enggau Engkelili, lalu netap ba Batang
Lupar, tauka selalu disebut Batang Ai.
 Udah bansa Iban melunggang ari Batang Kapuas ngagai Batang Ai, dia
sida lalu bemunsuh ngelaban Punan enggau Baketan, ke dulu agi diau
nguan menua nya, lepas ari sida ke seruran bemunsuh enggau Kantu
enggau Bugau.
 Meda menua ngulu enggau ngili ke Batang Ai udah sekut laban mensia,
sekeda tuai-tuai matak nembiak pindah ngagai menua baka Jinggin, Mujan,
Engkari, Mepi, Deluk, enggau Lemanak.
 Sebagi agi bala Iban pindah Ari Lemanak ke Sungai Undup enggau Wong
Tempangau (Benedict Sandin,1994).
 Sida ka pindah kia betuai ka Kajup. Bala Iban tu dikumbai kitai Iban
Undup.

 Ari Undup sida pechah baru, sekeda sida matak nembiak pindah kili agi,
lalu diau di Bukit Balau, ari ili Sri Aman ka diatu.
 Ari nya tuai siko ka benama Gelungan matak nembiak iya pindah baru, lalu
diau di Balu Sebuyau.
 Orang ke diau di Bukit Balau pen lalu ngumbai diri bansa Balau.
 Ari Sebuyau Gelungan matak nembiak iya baru pindah ka Sadong, iya
empu parai dalam Sadong. Nyadi ari Sadong sida pechah baru, pindah ka
Meredang Gayam, Meredang Lumut, Meredang Limau enggau ke Batang
Samarahan.
 Bakanya sida ari Sebuyau bisi ga pindah baru ke Samarahan enggau Lundu.
Tang laban semua sida nya tadi endang amat datai ari Sebuyau, datai ka
seharitu sida ngumbai diri bansa Sebuyau.
 Manggi angkat ari Batang Ai, lalu berumah di Tisak ngalih ari ulu, ari nya
iya berumah ngulu ke Tisak.

 Ari Tisak Manggi pindah baru ngili ka Semudam.

 Ari Semudam iya lalu merau ngulu ka Layar lalu diau di Semaruang. Ari
nya iya angkat baru lalu diau di Supa.
 Tindin angkat ari Skrang ka Saribas lalu mudik ke Paku. Dalam Paku iya
diau di Berutan, lalu parai lebuh iya berumah di Tanjung Melanyut.
 Lepas nya maioh bendar Iban pindah ari Sekrang melunggang ka Layar.
Jalai sida kin melunggang bedarat ari Bangat enggau mayuh ga muntang ari
Padeh.
 Orang ke dulu datai di menua nya Talap, Patinggi Ngadan, Chaung, Gerijih
enggau Begarak.

 Nyadi iya ke benama Entigar ke diau di Ulu Layar nya nama tuai Baketan
Layar, baka Entigu ke tuai Baketan diau di ulu Paku, di Nanga Gelu
Penuan.
 Ari Layar enggau Paku, bala tuai mayuh bendar matak nembiak pindah
mungkal menua baru, baka ke Kerian, Awek, Sabetan, Sebelak enggau lalu
terus ka Nyabur lalu ngerampit ngagai menua ngelingi Luba Rajang.
 Udah bekau pemindah sida nya tadi, udah sida Rentap nunduk di Sadok,
nya baru bala iya pechah baru.
 Bisi sida pindah ari Skrang ngili ka Kanowit, Entabai, Entaih, Wak, lalu
ngerampit ka Julau, nambah ka nembiak gempung Mujah ke bensumbar
Buah Raya, ke endang dulu agi pindah kia ari Lemanak enggau Ulu Anyut.
 Nyadi orang ke pindah ka Batang Rajang ulu, terubah sida angkat ari
Batang Ai, ngulu ka Lubang Baya, melunggang ka Katibas lalu diau ba
Musah enggau ba Ngemah.

 Ari nya sida mupuk pindah baru ke ulu ti betuai ka Matahari enggau
Unggat lalu mungkal diau ngelingi Kapit ke diatu.

 Ari nya sida diau ba Baleh enggau dalam sungai-sungai bukai di menua
nya.
 Bisi mega tua-tuai matak nembiak pindah,
ke lalu dikemendar ka perintah mungkal
menua Mukah, Oya, Balingian, Tatau,
Bintulu, Niah, Sebuti, Baram, Limbang
lalu terus ke Lawas.
TUTORIAL

 Giga cherita ti bisi nusi pendiau bala Petara di baruh tu:

 Sengalang Burung
 Raja Sempulang Gana
 Beji Nangga Hari
 Orang Panggau