BIB1054

AYAT TURU BERAKIT

AYAT TURU
• Ayat turu nya ayat ti digaga ari berakitka dua tauka lebih ayat
tunggal awakka nyadi siti ayat baru ti ngundan lebih sri siti
klausa. Ayat turu bisi empat bengkah :
a. Ayat turu berakit
b. Ayat turu selit
c. Ayat turu champur
d. Ayat turu pasif
AYAT TURU BERAKIT
• Ayat turu berkait nya ayat ti dipenyadi ari berakitka dua tauka
lebih ayat ngena jaku penyambung enggau, tauka, sereta,
tang, taja pia, ukai semina enggau ti bukai.

• Chunto Ayat :
a. Bala nembiak nya begagai enggau betundi.
b. Aku enggau Lina benung masu gari.
c. Hari ujan lebat kemari tang sehari tu panas.
d. Rumah nya panjai, taja pia orang nadai diau dia.
e. Aku ngirup ai kupi tang iya ngirup ai Pepsi.
f. Nuan ka milih aku tauka iya nyadi ka ambai?
• Ayat turu berakit mega tau dipenyadi enda ngena jaku
penyambung tang semina ditanda ngena tanda koma (,). Ayat
ti disambung nya ngembuan tingkat ti sama lalu ulih berdiri
kediri.
• Chunto :
a. Muyan nyenguk ari mua empelua, beratika gaya hari.
b. Orang ke betanda Poco-poconya chukup landik, mansang
kiba, mansang kanan, sereta betempapka jari.
c. Iya bejalai ari setak, mangkung tawak, ngasuh orang di bilik
nanggung pemakai ke ruai.
d. Aku malik ke kiba, malik ke kanan sebedau ngelayang ke
seberai jalai alun.
e. Undangnya surut mansang, deka lari ari kena tngkap.
TUKUH AYAT TURU BERAKIT
Ayat 1

Ayat 2 Jaku penyambung Ayat 3

Ba grafik atas tu ayat turu (ayat 1) dipenyadi ari berakitka ayat 2 enggau ayat 3
ngena jaku penyambung.
• Ayat turu mega ulih dipenyadika ari berakitka dua tauka lebih
ayat tunggal baka ba grafik baruh tu.

Ayat 1

Ayat 2 + Ayat 3 + Ayat 4 + Ayat 5

CHARA NUKUH AYAT BERAKIT
• Ayat dirakit ngena jaku penyambung. Bisi dua chara ngerakitka
ayat.
a. Sambung nitihka rurun perkara ti nyadi.
Chunto:
I. Penemu iya mabu, tambah mega dikenataika ngena
chara ti bebalut.
II. Aku tu orang merinsa, kedua endang kurang bepengerai,
lalu ketiga aku nadai reta.
III. Keterubah aku diasuh duduk, udahnya dibai berandau,
kepenudi aku dibai beteu enggau menijar kompeni.
• Sambung ti meri reti belaban ngagai pekara ti nyadi.
• Chunto:
I. Apai iya rindu bekebun sayur tang anak iya enggai ngereja
pengawa nya.
II. Orang nya regas taja pan umur iya udah tuai.
III. Rega kain nya kelalu mar amat pan gamal iya enda berapa
manah.
IV. Aku meli bup enggau pen ba kedai Aloi kemari.
V. Minang rindu nyadi pengajar tang madi biak iya rindu nyadi
lutur.