Acara Ibadah Pagi STGH HKBP 19 November 2021
Acara Ibadah Pagi STGH HKBP 19 November 2021
Martangiang Nahohom
Tangiang Pamuhai
H: Ale anak ni jolma, tujuhon ma bohim dompak * Sidon, jala manurirangi ma ho taringot tusi!
U: Jala dohononmu ma: Songon on do hata ni Tuhan Jahowa: Ida ma, ahu ro * marlulu dompak
ho ale Sidon, jala marmulia ahu bahenonku di tongatongami, asa tung diboto nasida ahu do
Jahowa, molo huputushon angka uhum di bagasanna, jala badia ahu hubahen di tongatongana.
U: Jala ndang adong be sogot di pinompar ni Israel tau suga na manura manang basir na
mambugangi sian saluhut halak angka na humaliang nasida, angka na marhu ni roha mida
nasida: Asa tung diboto nasida ahu do Tuhan Jahowa.
H: Songon on do hata ni Tuhan Jahowa: Molo ahu papungupunguhon sogot pinompar ni Israel
sian angka bangso parserahannasida na sai laon, jadi badia ma ahu marhite sian nasida di adopan
ni bangso parbegu, jadi maringan ma nasida di tanonasida i naung hubasabasahon hian tu si
Jakkob naposongki.
U: Asa marsonangsonang nasida maringan disi huhut pauli angka bagas dohot manuan angka
porlak anggur, asa tung marsonangsonang nasida maringan, molo huputushon angka uhum tu
saluhut angka na marhu ni roha mida nasida sian angka na humaliang nasida; asa tung ditanda
nasida ahu do Jahowa, Debatanasida i.
“Dan inilah keberanian percaya kita kepada-Nya, yaitu bahwa Ia mengabulkan doa kita,
jikalau kita meminta sesuatu kepada-Nya menurut kehendak-Nya.”
Hatorangan Ni Turpuk
Nasa jolma na mangolu adong do tingkina mangido dohot mangalehon. Halak na mangido tontu
hadirionna ingkon do sian unduk ni roha, jala sian serep ni roha jala ingkon do mangelek tu na
mangalehon. Godang do halak na lomo rohana holan mangido sian na mangalehon. Songon
halak Kristen hita, tontu hita mangido tu Debata. Dalanta mangido tu Debata, ima marhite
tangiang, jala hita na mangido dibagasan tangiang ingkon do sian unduk ni roha jala ingkon do
sangkap ni Debata do na saut sian saluhut na tapangido. Ragam na naeng tapangido alai godang
do na tapangido i dang tulus songon sangkap ni rohatta. Isarana tapangido hapistaran, hamoraon,
hasangapon, dang sudei boi songon na di rohatta i, tugas ta holan na mangido alai na pasauthon
jala na mangalehon holan Debata sambing do. Molo mangido hita tu Debata, tama ma nian hita
mangido sian unduk ni roha, jala dang sude saut songon na dirohatta i, unang pintor mandele
manang gabe so porsea hita di tangiangta, jala gabe so porsea hita tu Debata. Alai ingkon
marpanghirimon do hita tu Debata, jala ingkon porsea do hita na sailehonon ni Debata do
pangidoanta na tama tu hita, jala ingkon tahaporsea i do nasa na adong dihita ima silehon-lehon
ni Debata tu hita, jala memang ido na patut dihita.
Marhiras ni roha ma hita maradophon Debata, Ai Ibana do manompa hita, jala Ibana do
nasumarihon hita. Saluhutna do hita di sarihon Debata, jala di hahologi Debata. Sangkap ni
Debata do na saut dingolutta, jala saguru di Debata do ngolutta. Pangido ma lomo ni roha ni
Debata dingolum, jala loas ma Debata mangalehon na rikkot dingolum jala nasa na pinangidom
naeng ma nian marguru tu lomo ni rohaNa. Halak na mangido, ima tanda halak na gale jala halak
na mangharingkothon pangurupion. Sian on boi ma botoonta, hita halak na gale, na tontu
mangharingkothon pangurupion, sialani tapangido ma saluhut na nasa na ringkot di ngolutta tu
Debata. Hata ni Debata, na di gorithon di 1 Joh 5:14 on, na marlapatan panindangion
haporseaon tu Debata ai ibana do mual ni nasa na adong jala ibana do silehon nasa na tapangido,
jala sai tangihonna do pangidoanta. Unang mabiar hita mangido tu Debata nasa na ringkot di
hita. Pos ma rohatta di Debata. Amen