Pidaging nawegang titiang majeng ring ratu Ida Dane sareng sami, titiang nunas uratian

druwene, riantukan parikrama rahinane mangkin, jagi kakawitin!

OM SWASTYASTU
1. Perbekel Sukawati, sane dahat wangiang titiang
2. Jero Bendesa Adat Sukawati sane wangiang titiang
3. Penghulu Sabha Desa Sukawati sane wangiang titian
4. Penghulu Kertha Desa Sukawati sane wangiang titiang
5. Ketua BPD Desa Sukawati, sane kusumayang titiang
6. Ketua LPM Desa Sukawati, sane wangiang titiang
7. Ketua LPDP Desa Sukawati sane wangiang titiang
8. Ketua PHDI Desa Sukawati sane wangiang titiang
9. Babinkantibmas miwah Babinsa Desa Sukawati, sane kusumayang titiang
10. Kelihan kahyangan Desa Sukawati sane wangiang titiang
11. Ketua Yayasan Widya Swara Sukawati sane wangiang titiang
12. Pekaseh Gede Desa Sukawati sane wangiang titiang
13. Para Panureksa Lomba ri sajeroning Bulan Bahasa Bali Desa Sukawati, sane wangiang
titiang
14. Kelian Dinas lan Adat se-Desa Sukawati sane wangiang titiang
15. Ibu Ketua Tim Penggerak PKK Desa Sukawati, sane taler wangiang titiang
16. Ibu Ketua PIPA (Paiketan Istri Prajuru Adat) Desa Sukawati sane wangiang titiang
17. Ketua Karang Taruna Ptra Persada Desa Sukawati sane wangiang titian
18. Ketua Yowana Dharma Pertiwi Desa Sukawati sane wangiang titiang
19. Para Pamilet Lomba Bulan Bahasa Bali Desa Sukawati, sane tresna asihin titiang.

1. Pamahbah
Pinih ajeng lugrayang riin titiang ngaturang rasa angayubagia majeng ring Ida Sang
Hyang Widhi Wasa, riantukan sangkaning asung Kerta Wara Nugrahan ida, prasida
titiang ngiring Ida Dane sareng sami mapupul iriki ring Wantilan Jaba Pura Puseh/Desa
Sukawati, nyarengin parikrama Pamungkah ri sajeroning Bulan Bahasa Bali Desa
Sukawati Warsa Kalih Tali selikur rahinane mangkin, rahina Saniscara, Sasih Kasanga
tanggal masehi 27 (pitu likur) Februari Warsa Kalih Tali Selikur.
Nenten lali titiang ngaturang swasti prapta, rahajeng semeng, saha matur suksma antuk
kaledangan Ida Dane ngrauhin parikramane puniki.

2. Para Atiti miwah uleman sinamian sane dahat wangiang titiang, parikrama rahinane
mangkin jagi kariinin antuk ngaturang pangrastiti utawi doa. Antuk punika titiang
nunas mangda Ida-dane ngadeg! Majeng ring sang sane ngenterang durusang!

………………………… PANGRASTITI/DOA ……………………………

Inggih durusang mawali malinggih!

3. Ratu Ida-dane sareng sami sane dahat wangiang titiang, sinambi nyaksiang parikrama
salanturnyane, durusang ngunggahang pamisuguhe sane sampun kacumawisan. Inggih,
parikrama jagi lanturang titiang antuk Atur Piuning saking Manggala Prawartaka,
inggih durusang!

…………… ATUR PIUNING MANGGALA PRAWARTAKA …………

Suksma aturang titiang majeng ring Manggala Prawartaka.

4. Parikrama jagi tincapang titiang antuk Sambrama Wacana saking Perbekel Sukawati,
sapisanan jagi mungkah Bulan Bahasa Bali Desa Sukawati Warsa Kalih Tali Selikur
rahinane mangkin. Majeng ring Bapak Perbekel Sukawati, galahe katur, durusang!

…………… SAMBRAMA WACANA PERBEKEL SUKAWATI ……………

Suksma aturang titiang majeng ring Bapak Perbekel, sane sampun mungkah Bulan
Bahasa Bali Desa Sukawati Warsa Kalih Tali Selikur rahina mangkin.

Inggih Ratu ida dane sareng sami sane dahat wangiang titiang, salanturnyane lugrayang
riin titiang nguningayang indik lomba sane kalaksanayang rahinane mangkin, inggih
punika:

Lomba Nyurat Aksara Bali tingkat SD, jagi kalaksanayang iriki ring ajeng
panggung wantilan.

Titiang nunas majeng ring para atiti miwah uleman mangda ledang nyarengin miwah
nyaksiang parikrama lomba puniki ngantos puput, sakewanten manawi para atiti miwah
uleman madruwe parikrama sane tiosan, durusang!

Atur pakeling titiang taler, majeng ring para pamilet lomba maka sami, wusan nyarengin
lomba, sampunang budal dumun, durusang mawali ngrereh genah iriki, riantukan jagi
iring titiang masandekan sinambi anyita rasa boga samatra, taler jagi kasobiahang
sapasira sane ngamolihang jayanti/juara ring soang-soang lomba sane sampun
kalaksanayang.

Inggih Ratu ida dane sareng sami sane wangiang titiang, wantah asapunika pamargin
Parikrama Pamungkah ri sajeroning Bulan Bahasa Bali Desa Sukawati Warsa Kalih Tali
Selikur rahinane mangkin. Indik pamargin lomba malih jebos jagi kalanturang tur kaenter
olih prawartaka.
Majeng ring para panureksa miwah pamilet, durusang ngrereh genah lomba manut sakadi
atur titiang I wawu. Inggih durusang!

…………………………… PAMARGIN LOMBA ………………………

SANE JAGI KAENTER OLIH UGRAWAKYA UTAWI PRAWARTAKA

(Ri sampune maka sami lomba puput)

5. Inggih majeng ring Para Atiti miwah Uleman, Para Panureksa, miwah Para Pamilet
Lomba sane dahat wangiang titiang, santukan pamargin lomba sampun puput, durusang
mawali ngrereh genah malinggih, jagi iring titiang masandekan taler jagi katurang boga
samatra.
(ri sampune boga samatra katur)
 Ratu Ida Dane sareng sami, sinambi anyita rasa boga samatra sane sampun kacumawisan,
jagi aturang titiang PANGLILA CITA UTAWI HIBURAN!
Majeng ring ........................................................................................................, durusang!

…………………… PANGLILA CITA UTAWI HIBURAN ……………………

(ri sampune wusan anyita rasa boga samatra, miwah panglila cita puput)
Inggih Ratu Ida Dane sareng sami sane dahat wangiang titiang, sane mangkin sampun
panemaya galah, jagi kasobiahang sapasira sane ngamolihang jaya jayanti ring soang
soang lomba sane sampun kalaksanayang. Antuk punika galah jagi aturang titiang majeng
ring Para Panureksa.

(Pengumuman juara lomba sane sampun kalaksanayang)

 Kawitin titiang antuk Lomba Nyurat Aksara Bali. Ingiih majeng ring angga
panureksa lomba nyurat aksara Bali inggih durusang sobyahang sapa sira alit’ sane
prasida ngamolihang Jayanti.

(ri sampune puput nyukserahang piala, piagam taler hadiah)

6. Inggih Ratu Ida Dane sareng sami sane dahat wangiang titiang, sapunika wawu sampun
kasukserahang piala, piagam taler hadiah majeng ring para jayanti/juara ring soang-soang
lomba sane sampun kalaksanayang. Taler, maka cihna puput sampun Parikrama Bulan
Bahasa Bali Desa Sukawati Warsa Kalih Tali Selikur rahinane mangkin. Rahajeng
aturang titiang majeng ring para jayanti.
Titiang pinaka ugrawakya sapisanan ngangganin sang prawartaka karya, ngaturang
suksmaning manah majeng ring Ratu Ida Dane sareng sami, Para Panureksa punika taler
Para Pamilet Lomba maka sami, taler nunas agung rena pangampura, manawita wenten
atur, panyanggra miwah paripolah sane nenten manut ring kayun Ida-dane sareng sami.
Matur suksma antuk uratian Ida-dane sareng sami. Maka Wasananing atur, puputang
titiang antuk parama santih,

Om Santih Santih Santih Om.