Bapak sareng Ibu guru anu ku simkuring dipikahormat
Sareng rerencangan nu gaduh kabunggah Urang sadaya terang yen kebersihan teh penting pisan dina kahirupan urang. Kabersihan teh ngawengku sababaraha hal, nya eta kabersihan kaayaan, pakean, perumahan sareng lingkungan sakeuliling. Ngabersihkeun diri tangtu geus biasa urang laksanakeun tiap dinten. Kumaha urang ngajaga lingkungan sakeuliling urang? Hayu urang mimitian ku diri urang sorangan. Contona, nalika urang isuk-isuk nepi ka sore, urang disakola loba kagiatan anu ngahasilkeun runtah, contona lamun meuli dahareun atawa inuman urang bakal ninggalkeun bungkus dina bentuk plastik, kertas atawa lainna. Urang salaku nu meuli kudu miceun runtah di tempat nu geus disadiakeun. Ulah nepi ka runtah marakbak, sabab ngaganggu kagiatan sakola jeung ngarusak kaendahan. Kertas atawa runtah-runtah sejenna anu sumebar langsung dibersihkeun, tuluy runtah-runtahna dipupus sangkan henteu jadi sarang sato nu penyebaran panyakit. Aya paribasa nu nyebutkeun “Kabersihan teh dasar kasehatan.” Hartina lamun urang ngajaga kabersihan, awak atawa lingkungan tangtu bakal ngawujudkeun kasehatan jasmani jeung rohani. Ku kituna, hayu urang jaga kabersihan diri lingkungan sangkan tercipta budaya bersih dina kahirupan urang. Sakitu ti simkuring, sanaos sakedik, mugia aya mangpaatna kanggo urang sadayana. Bilih aya kecap anu kirang nyenangkeun hate, simkuring nuhunkeun dihapuntenna. Parantos sareng hatur nuhun.