Prolog liturgi IV

Nunga jumpang tingkina hombar tu bagabaga ni Debata taringot Sipalua, natinubuhon ni siMaria,
na gabegabean sian Tondi Porbadia di huta Betlehem.

No 1

Salpu onom bulan disuru Debata ma pardisurgo Gabriel manopot sada anak boru, oroan ni sada baoa
namargoar si Maria.

No 2

Dungi ro ma uju i parenta sian Kesar Agustus, ingkon suraton nasa jolma di gomgomanna.
Pamilangan parjolo ma i, uju digomgomi si Kirenius tano Siria.

No 3

Jadi borhat ma sasude, asa disurati, ganup tu bona ni pinasana. Borhat ma nang si Josep dohot si
Maria, na sian Galilea, sian Nazareth, nangkok tu luat Judea tu huta ni si Daud na margoar Betlehem,
ala sian pomparan jala marga ni si Daud ibana. Pasurathon dirina rap dohot si Maria, oroanna i naung
gabegabean. Jadi dina disini nasida, gok ma ari ni hangoluanna.

No. 4

Jadi adongma akka parmahan nadiladang I mangingani pinahan nasida diborngini, didapothon sada
suru suruan ma nasida jala marsinondang sangap ni Tuhan I humaliang nasida. laos didokma tu
parmahan I “ unang hamu mabiar, ai barita las ni roha do na huboan on tu hamu, ai naung tubu do
dihamu saborngin on dihuta ni si daud sipalua I, ima Kristus Jesus Tuhan I “. Jadi borhat ma akka
parmahan I mandiori inganan hatubuan ni poso poso I, ai mansai las do roha nasida umbege barita
lasniroha nabinoan ni suru suruan I,

No 5

Asa dung tubu Jesus di huta Bethlehem di luat judea , uju hinarajaon ni si herodes , ro ma akka
parhapistaran sian purba tu huta Jerusalem, angka ninna ma: didia do raja na imbaru tubu i? naung
huida hami do bintangna di tano habinsaran. Alani I ro do hami sumomba ibana.

No 6

Alai disi dibege si herodes hatai, tarsonggot ma ibana ro di pangisi ni huta Jerusalem . jala dipapungu
ma akka sintua ni malim dohot siboto surat , dipamanat ma tu nasida huta hatubuan ni kristus i. laos
didok ma tu nasida “ attong molo songoni , laho ma hamu , lului hamu ma inganan hatubuan ni poso
poso I, ia dung jumping paboa ma tu au asa dohot au sumomba ibana”.

No 7

Marnida Bintang I, mansai las situtu ma roha nasida . laos dibongoti ma bagas I, gabe diida ma
dakdanak I dohot si maria, inana i. dungi manukkap ma nasida marsomba tu dakdanak I, dirungkari
ma arta nasida , sere, haminjon, dohot akka na angur, parsombaon nasida tu Ibana. Laos didok
nasida ma “ hasangapon ma di Debata na di ginjang, jala dame ma di tano on di akka jolma
halomoan i.”