KAMPUS STMIK NEUMANN AKAN PINDAH KE LOKASI BARU

Ketua Moderamen: Sekali enda enggo me maju kampusta, erkiteken pemilikna enggo GBKP
Sekum Moderamen: Konsep si beritaken emekap New Neumann, ija konsep ras gagasen si mbaru ras
modern arus teridah ibas kehadiren kampus si mbaru enda.
Kabid Moderamen: Kami kerina kabid sepakat maka kampus New Neumann enda harus sidukung.
Yayasen Neumann: Sebagian saham sibuat ibas jemaat nari, gelah kerina merasa memiliki kampus
GBKP enda

Menindaklanjuti keputusen SKMS tahun 2023 si enggo lewat, Moderamen, Yayasen bagepe
pihak kampus STMIK Neumann, ibas Wari Kamis tanggal 16 Nopember 2023 I kantor
Moderamen, enggo sepakat maka perpindahen kampus Neumann ku lokasi si mbaru ibahan ibas
tanggal 15 Januari 2024. Ertina perkuliahen enggo banci ilaksanaken ibas ingan simbaru enda.
Emaka proses perpindahen e sihitung mundur ibas tanggal enda nari. Kepanitian pe nggo banci
ibentuk gelah kerinana pagi banci erdalan alu mehuli, janah siban sada acara peresmian alu
ngundang kerina pemangku kepentingen. Salah sada si la banci lang ikut iundang emekap
LLDIKTI Wilayah I, sebab e perlu ilakoken sebagai ijin perpindahen kampus ku lokasi si mbaru.
La ketadingen pe kerina pemerhati pendidiken, bagepe simpatisan GBKP si tetap nggit mereken
penampatna guna kemajuan pelayanen GBKP sedekah enda.
Proses perpindahen enda la saja meningkatken kualitas kampus melalui proses Akreditasi, tapi pe
jadi sada penguaten man kampus enda serkiteken kampus Neumann enggo secara penuh jadi
milik GBKP. Adi enggo jadi milik GBKP tentuna, kerina jemaat enggo merasa memiliki
tanggung jawab penuh guna pehuli kampus enda. Lebih asa sie maka rencana menjadi
Universitas GBKP tahun 2030 akan menjadi sada moment penting ras bersejarah, ija GBKP
sebagai salah sada gereja si memiliki sada kampus si mejile, la ketadingen arah gereja sideban si
enggo lit kampusna si maju sedekah enda.
Ibas lokasi si mbaru endape lit ka ije sada Permata Center si irencanaken bakal menjadi ingan
Permata guna berkreasi dan berinovasi ibas pelayanenna. Sentudu ras percakapen ibas
Moderamen, maka Kerjasama enda iarapken banci meningkatken kualitas pelayanen ibas kedua
belah pihak. Sebab Studio Permata enda kari banci saling berkolaborasi ibas ngelitken produk-
produk kreativitas berbasis IT.
Ibas kampus si mbaru enda irencanaken maka fasilitas ruangen kelas, laboratorium, perpustakaan
bagepe sarana pendukung lainnya, ibahan dengan konsep modern ras mendukung kubas
perkembangan teknologi Informasi si berkembang pesat enda. Alu bage maka irapken kerina
jemaat GBKP khususna lanai beber ukurna namaken anakta kuliah ibas kampus ta enda. Arah
Kerjasama ras komitmenta kerina maka visinta menjadi Universitas GBKP Tahun 2030 akan
terwujud. Dibata simasu-masu gerejaNA. Solideo Gloria.