BAHAN SERMON

Invocatio : I bas wari e arus ilakoken lakon pembersihen, guna ngalemi

dosa-dosana, gelah ia bersih i lebe-lebe Tuhan (Im. 16:30).
Ogen : Jeremia 18:1-11
Kotbah : Lukas 3:1-14
Tema : Jera I Bas Dosa Nari

I. Kata Perlebe
Masa adven itandai sebagai masa persiapan menjelang natal. Janah kita
bengket ku minggu adven sipeduaken, singartiken ibas kita nimai kerehen Dibata
kita tetap setia. Ibas kesetian ende me iajuk kita gelah meninggalkan sisi negatif
bas dirinta, meninggalkan perbahanen hal si lapayo bas geluhta seh maka jera arah
perbahanen siilakoken kita manusia. Alu bage erlajar kita arah 3 bahan singajarken
kita gelah banci jera ibas dosa nari.
II. Pebagesi pengangkan
Kitab Lukas 3:1-14 nuriken kerna dahin Johanes Peridiken,ija Kitab Lukas
ngidah maka kerehen Johanes enda i kutip arah Jesaya 40:3-5, ertina hadirna
Johanes Peridiken enda desken sekalak utusen, siigambarken sebagai si mbuka
dalan man kerehen Jesus. Emaka lit 3 pembagian arah bahan khotbahta enda kerna
pendahin Johanes Peridiken eme:
1.Berita Si Meriah gelah jera i bas dosa nari (1-6)
Johanes Peridiken anak Sakaria, reh Kata Dibata man bana i bas taneh si
mesawang nari, maka Kata Dibata e, e me Jeralah i bas dosa-dosa nari. Johanes
Peridiken si megi Kata e, lawes dingen niari kerina kuta-kuta guna mpeseh Kata e,
gelah kerina kalak banci jera i bas dosa-dosa si ibahanna. Tanda kalak si enggo jera
i bas dosa-dosana nari, maka harus nge ia iperidiken. Tanda pertobaten arah dosa-
dosa nari, seh maka kegeluhen si ndekah enggo salih ku kegeluhen si mbaru. Sebab
kalak si erbahan dosa labo banci pulah ibas ukumen Dibata nari, sebab ibas Roma
6:23a ngatakenca sabab upah dosa eme kematen.

2.Cidahken Perbahanen tandana Jera I bas dosa nari (7-9)

Johanes Peridiken tole mpeseh man kerina kalak, maka arus nge lit tandana
adi kin enggo jera i bas dosa-dosa nari. Tandana arus teridah arah perbahanen tep-
tep wari. Sebab lit perbedan antara kalak si enggo jera i bas dosa-dosa nari ras si
lenga jera i bas dosa-dosa nari. Sabab adi kin perbahenen tetap perbahanen si la
mehuli maka enggo me siap guna iambekken ku bas api si merara.
3.Perbahanen si arus i lakoken (10-14)
Perbahanen-perbahanen si arus ilakoken, irangkum jadi dua kata eme
nehken kekelengen. Johanes Peridiken nuriken maka, perbahanen si arus ilakoken
e harus berbagi ras kalak sideban, ola merangap dingen ola buat si la jadi
sikerajangenta. Kerina enda palasna kekelengen. Sabab adi lit bas kita kekelengen
maka ngasup me kita nehken kekelengen. (Roma 6:23b “Tapi pemere si ibereken
Dibata man banta eme kegeluhen si rasa lalap i bas persadan ras Kristus Jesus”.)

Ertina arah 3 pembagian enda melalui Johanes Peridiken berita si ipesehna tuhu-
tuhu ngeruntuhken pemahaman kalak Jahudi sedekah enda, ija iyakinina maka ia
me bangsa kekelengen Dibata, bangsa-bangsa sideban uga pe iukum Dibata
sementara kalak Jahudi ipulahi ibas ukumen erkiteken ia kalak jahudi jine, ia
sindatken hak istimewa erkiteken kesusuren Abraham.
Emaka Johanes peridiken ndai pe bereken pesan, eme ndai bas pembagian
sipeteluken kerna nehken kekelengen, selanjutna kerna pendahin manusia gelah
tetap idahiken alu mehuli bagi sekalak pemungut cukai ndai, arus jadi pemungut
cukai simehuli, bagi tentara arus jadi tentara si mehuli. bage me bagian Johanes
ibas membuka dalan kerehen Jesus.
Ogen Jeremia 18:1-11, Pedah si ipeseh Dibata man Jeremia guna ipeseh
man bangsa Israel. Dibata mpeseh sada anding-andingen man Jeremia tupung
Jeremia i rumah pande kudin taneh. Maka nina Dibata man Jeremia, banci nge Ku
bahan kalak Israel bagi si ibahan pande kudin taneh ndai, dikune la sikap emaka
buatna sideban. Adi ateKu ngeruah banci Kuruntuhken nina Dibata man Jeremia,
Tapi pesehlah man kerina kalak Israel gelah itadingkenna perbahanenna sijahat
dingen jera ia. Sebab dikune la robah dingen jera maka Dibata ngelawen dingen
mereken ukumen ban bangsa e. E me pedah si arus ipeseh Jeremia man bangsa
Israel gelah bangsa e banci nadingken perbahanen si erbahanasa ceda ate Dibata.

Invocatio Imamat 16:30 “I bas wari e arus ilakoken lakon pembersihen,

guna ngalemi dosa-dosana, gelah ia bersih i lebe-lebe Tuhan” Hari raya
perdamen jadi salah sada hari raya keagamaan terpenting ibas penanggalan Jahudi.
Ibas wari raya e, imam besar mengorbanken seekor lembu guna dosa-dosana ras
seekor kambing guna dosa-dosa umat. Dareh hewan si ikurbanken menyucikan
Kemah Suci, mezbah kurban, perpulungen,ras tempeh Mahakudus. Ibas paksa e,
perpulungen ersembah dingen erpuasa ibas nuriken pengakun dosana. Emaka
teptep wari perdamen ilakoken pembersihen, gelah dosa-dosa ialemi Dibata dingen
banci bersih ilebe-lebe Dibata.

III. Pengkenaina
Ngerana kita kerna Jera ibas Dosa nari, maka arah 3 bahan ndai simenjadi benang
merahna man banta eme:
- Suatu pertobatan bukan hanya menyesali dan menolak kejahatan, tapi lit
tindakan si menerima Allah alu cara Dibata jadi otoritas ibas kegeluhennta.
- Ibas jera e, bagi sikataken arah ogen maka adi manusia ngadi ngelakoken
dosa janah la mengulangi kesalahanna berulang kali maka Dibata la
ngeruntuhken manusia, la ngkernepken manusia. ertinya jera enda tuhu-tuhu
meherga kel ibas Dibata. Emaka arah tema enda ibas adven sipeduaken si
nimai kerehen Dibata iajuk maka kita kalak sitek enda, banci memperbaiki
diri la menjadi kalak si tomat (gundari tobat, pagina kumat) janah tuhu-tuhu
jera ras ngedalanken singena ate Tuhan.