HURIA KRISTEN INDONESIA (HKI) PONDOK GEDE

RESORT JAKARTA II
TATA IBADAH MINGGU ADVENT IV
Minggu, 24 Desember 2023

 Ev: Jesaya 35:1-4  Ep: Heber 10:5-10

TOPIK:
Ro Do Debata Paluahon Bangsona
1. Pangaradeon
L : Horas ma di hamu saluhutna, selamat Minggu Advent napaopathon ma di hamu
saluhutna.
J : Selamat ari Minggu Advent napaopathon ma nang di hita saluhutna
L : Huria ni Tuhantana marlas ni roha ma hita saluhutna ala nunga bongot be hita tu
minggu Advent na paopathon na paingothon hita asa tongtong rade maimaima
haroro ni sipalua I dibagasan Dame. Asa molo tung pe na paimahon hita di Pesta
bolon ari hatutu bu ni Jesus Kristus dohot di harorona na paduahalihon I dibagasan
Dame dang adong parungutunguton..
J : Jesus Kristus Raja ni Hadameon I, huhirim hami do haroroMi dingolunami.
Jala dibagasan Ho do hami dipadame dohot Debata Ama, Asa ganup hami
naung tubu sian haporseaon dibagasan Jesus Kristus gabe marparange na imbaru
ma Ibana, I ma parange Hadameon
L : Ditonga ni Portibi on nang lam sego saluhutna dohot roha ni jolma naung so
mabiar didosa, mangarahon hita asa unang gabe sarombang dohot nasida. Alai
tongtong ma tatiop haporseaonta, naung jonok ma ari ni sipalua I bongot tu
portibion. Unang be ganggu rohanta disi alai Dame ma rohanta rap dohot sude
angka na porsea di Ibana Antong beta ma hita mamuji pasangaphon Tuhan i di
acara parmingguon sadari on.Tapahibul, tapasada ma rohanta mandohoti
parmingguon on marhite Tema: “Ro Do Debata Paluahon Bangso Na. Ale
TuhanJahowa Debata Amanami, sahat tu Ho ma pamujionnamidi ari minggu sadari
on, marsangap ma Ho marhite parmingguonnami on. Tapahibul ma rohanta
martangiang ma hita.

2. Votum
U : Marhitehite GoarNi Debata Ama dohot GoarNi AnakNa Tuhan Jesus Kristus,
dohot GoarNi Tondi Parbadiana manompa langit dohot tano on, dipasaor ma
dameNa tu tondinta be ! Amen. Rap ma hita mandok tangiangta i:
U+H : Ale Jesus Tuhan nami, bereng hami na dison: PinarmahanMi do hami saluhutna
na dison, sai asi rohaM di hami sai pangolu hami on, Amen.
3. Marende B.E. No.44:1-3 “Hamuna Na Porsea I”
 Hamuna na porsea i Sai tomu Tuhan Jesus i Pahehe rohamuna
Jonok do ari pesta ni Saluhut huriaNa i, i ma hatutubuNa
I pe hehe ma hamuna Baen pantunna lao manjangkon Na manopot hajolmaon
 Marlas ni roha situtu Saluhut halak na burju Lao mangihuthon Jesus
I pe pataridahon ma Las ni roham di Debata SangkapNa ma patulus
Puji puji Jesus Kristus na manobus tondimuna Sian hamagoanmuna
 Sigati rohamuna be sai tanda dosamu sude paringkot rohamuna
Manjangkon Sipalua i na tuat sian Surgo i manggarar utangmuna
Tanda hata hangoluan na binoan ni Tuhanta na pasae sude dosanta
4. Ayat & Tangiang
L : Patuginjang ma tohangmuna, hamu ale angka harbangan, patuginjang ma hamu, ale
angka pintu sian na robi, asa bongot Raja ni hamuliaon!
J : Ise ulaning Raja ni hamuliaon i? I ma Jahowa, na gogo jala Ulubalang, Jahowa
Ulubalang di hamusuon.
L : Patuginjang ma tohangmuna, hamu ale angka harbangan, jala patuginjang ma
hamu, ale angka pintu sian na robi, asa bongot Raja ni hamuliaon i!
J : Ise ulaning Ibana, Raja ni hamuliaon i? I ma Jahowa Zebaot, Ibana do Raja ni
hamuliaon i. Sela. Martangiang ma hita: Ale Jahowa Debata, Amanami ro di
salelenglelengna! Pujionnami ma Ho, ala nib alga ni holongMu naung pinapatarMu
tu hami, marhitehite parsuruM di AnakMu Jesus Kristus gabe sipangolu jala
sipalua hami sian dosa dohot hamatean. Na mangido ma hami tu Ho, sai urasi ma
hami marhitehite TondiMna badia I, asa sintong panjangkonnami di jesus Kristus
Tuhannami. Sai rajai ma roha dohot pingkirannami, asa marunduk ni roha hami
manjangkon Ibana, raja naung ro I, sisombaon ni sandok Jolma di liat Portibi on.
Amen. Didongani Tuhan Debata ma hita on saluhutna, Amen,. Haleluya........
U+H:(Mangendehon) Haleluya..........Haleluya.........Haleluya
5. Manjaha Patik
U : Tatangihon Patik Ni Debata di minggunta sadarion ima sian patik I-X (Lihat
Agenda)
Ido Sahatna, Antong rap ma hita mangido gogo:
U+H: Ale Tuhan Debata ! Sai pargogoi ma hami mangulahon na hombar tu HataMi,
Amen.
6. Koor : PNB
7. Marende B.E. No. 392:1+4 “ Sai Pasiat Tuhan Jesus”
 Sai pasiat Tuhan Jesus tu bagasan rohami
Sai maimaima Jesus, bege panuktukNa
Sai pasiat Tuhan Jesus, jangkon i tu rohami
Nunga tingki parasian, sotung jolo salpu i
 Lehon ngolumi tu Jesus, ai hatop do salpu i
Sai pasiat ma Tuhanmu tu roham na loja i
 Sai pasiat Tuhan Jesus, jangkon i tu rohami
Nunga tingki parasian, sotung jolo salpu i
8. Manopoti Dosa & Hasesaan Ni Dosa
U : Tatopoti ma dosanta tu adopan ni Debata, martangiang ma hita. Ale Tuhan
Debata, Amanami na di banua ginjang! Ho do na patupahon hasesaan ni dosa di
hami halak na dangol on marhitehite Anak haholongan ni rohaM. Sai asi ma
rohaM di hami, angka na mangarsakhon dosanami. Sai sahapi ma tu bagasan
rohanami hasesaan ni dosanami i.
U+H: (Mangendehon BE.No. 182 :1 “TU JOLOM O DEBATANGKU” BL 24
 Tu joloM o Debatangku, sai use do rohangkon
Sai pasiat tangiangku, dohot iluilungkon
H : Molo hurimangi hami do angka Pambahenan nami siganup ari, jotjot na I tahe ale
Tuhan, hupangasahon hami do gogo nami dohot roha nami laho paluahon dirinami
sian angka hamaolon dohot parungkilon na ro tu parngoluon nami. Hape luhutna
do tahe I lam mambahen hasusaan tu dirinami. Asi ma rohaM dihami Ale Tuhan,
asa huboto hami holan ho sambing do Debata na boi paluahon hami.
U+H: (Mangendehon BE.No. 182 : 2“TU JOLOM O DEBATANGKU” BL 24
 Husolsoli do rohangku, na gok dosa i tongtong
Ai godang ariaringku, na hubahen ambolong
U : Ale Tuhan Debatanami Lehon ma tu hami TondiM na badia i, asa unang ganggu
rohanami di asi ni rohaM, alai asa hot rohanami marhaporseaon laho
manggotaphon nasa dosa dohot roha portibi on, asa hupasahat hami dirinami tu Ho,
gabe pelean na mangolu jala na badia marhitehite Tuhan Jesus Kristus Tuhannami.
Amen. Bagabaga ni DebataTaringot tu hasesaan ni dosanta : Songon sintong
na mangolu Ahu, ninna Tuhan Jahowa, tung na so lomo do rohangKu mida
hamatean ni parjahat, na lomo do rohangKu mida hamumulak ni parjahat i,
tumadingkon dalanna, asa mangolu ibana. Hasangapon ma di Debata na di ginjang!
U+H: Amen (Hundul Huria)
9. Marende B.E. No.41:4-5 “Paripe Ni Tuhanta”
 Antong girgir ma hita Manomu raja i/Mangungkap di Ibana Sandok rohanta I Denggan
tabaen nuaeng DalanNa tu rohanta
Na naeng pasonangonNa Tiur ma i tabaen
 Godang do lehononNa Di hita sasude/Sai naeng do bongotonNa Nuaeng rohanta
be/Tung ise hita on Manjua paluaon
Manjua pasonangon Ni Raja i antong?
10. Manjaha Epistel : Heber 10:5-10
11. Koor : PPr
12. Marende B.E. No. 544:1-2 “Molo Ro Panjouni”
 Molo ro panjou ni Tuhan, molo salpu tingki on/Molo binsar bintang sipaias i
Jala sahat ma tu ginjang angka na tinobus i/Dohot au dibaen Tuhanta lao tusi
 Reff:Molo jouon ni Tuhanta/Angka goar di pustaha
Dibaen asi ni rohaNa/Alusanku : O Tuhanku, au dison
 Molo dapot tingki, hehe angka na tinobus i/Idaon nasida Tuhan Jesus i
Di pangkuling ni sarune lao manomu Tuhan i
Dohot au dibaen Tuhanta lao tusi
Reff:
13. Mangkhatindangkon Haporseaon
14. Koor : P.A
15. Marende B.E. No. 45:1-3 “Hosianna Anak Ni” (PP I & II)
 Hosianna Anak ni, Raja David ro tu hita
Baen ture dalanna i, asa bongot tu rohanta
Baen ma gabagaba i, di Tuhanta na ro i
 Hosianna ro ma Ho, tu bagasan rohanami
Na manomunomu Ho, ale Jesus Tuhannami
Las do rohanami i, molo bongot Ho tusi
_______________Musik_______________
 Hosianna Raja ni Hadameon Ulubalang
Nasa na binoanMi Dame dohot hasonangan
Hami na hinophopMi Do nampuna i sude
16. Jamita: Jesaya 35:1-14
17. Marende B.E. No. 247:3-4
 Ndang jadi haposanmu Gogom sandiri da/Ai tung na so hasea Do i di Debata
Sai naeng basahononNa Di ho sinjatami/Ai ndang tarbaen so talu MusuNa baenon ni
 Manaon ma ho satongkin Di paraloan i/Tibu do i marujung Dibaen Tuhanta i
Dung i partumpalanNa Ma ho di Surgo i/DonganNa ho manggomgom HarajaonNa i
18. Tingting & Tangiang Pangondianon
19. Marende B.E. No.539:1-3 “Puji Tuhan Haleluya” (PP III&IV)
 Sai hutagam do Tuhanku, Sai masihol rohangki
Di haroro ni Tuhanku songon na nidokNa i
Reff: Sai mardongan olopolop/HuriaM managam Ho
Maranata, ro o Tuhan/Amen, sai tibu ma ro
 Las ni roha ndang hapalang do manggohi rohangki
Dung binege soaraNa di na ro Tuhanta i
Reff:
 Sai rade, ale tondingku, tagam panjouonNa i
Sai tu langit an manomu ho di Jesus Tuhanmi
20. Tangiang Panutup
SELAMAT HARI MINGGU
&
SELAMAT MERAYAKAN ADVENT IV