Polisi Minjau Leka Jaku Luar

Polisi Minjau Leka Jaku Luar

 Jaku Iban tu siti ari jaku di Malaysia ti benung

mansang sereta ngerembai nyerumba singkang
pemansang dunya kemaya hari tu.

 Dikena napi pemansang tu, atur ti ngumpul, nuru lalu

ngemasukka jaku injau ari jaku bansa bukai ke
pengaya jaku sigi chakah dipejalai ngambi ke jaku
Iban ulih seraris enggau jaku bukai ti udah tegap.
 Polisi Nginjau Leka Jaku Luar

 Polisi nginjau dalam jaku Iban lebih berat agi menatika

jaku English ti endang nyadi ke ‘lingua-franca’ ti entap
agi dikena dalam komunikesyen entarabansa.
 Ari segi sejarah, jaku English mayuh udah berasuk
enggau jaku Iban kenyau ari jeman Rajah ti megai menua
Sarawak.
 Taja pia, jaku seperugan ti mungkur jaku etnik ti
engkeman enggau daya idup Iban mega dikenatika lalu
diinjau dalam jaku Iban ke pengaya jaku Iban.
 chara nginjau jaku ari orang bukai.

1. Nginjau ari jaku seperugan (nusantara)

2. Nginjau ari jaku English
3. Nginjau ari jaku bansa bukai
 Jaku injau ari jaku seperugan (Nusantara)

• Jaku seperugan, kelebih agi jaku Melayu

mayuh dipasukka ngagai jaku Iban.
• Sistem sepil tu netapka chara nginjau jaku
ari jaku bansa bukai
• enda bepanggai penuh ba sistem sepil jaku
asal ti alai nginjau tang nitih ke sistem sepil
jaku Iban ti nginjau jaku nya.
• Taja pia, bisi mega leka jaku ti diinjau nya agi
mengkang sebaka.
 Polisi Nginjau ari Jaku English

i. Injau terus
ii. Injau salin
iii. Injau pengasai
iv. Injau serap
 Polisi Nginjau ari Jaku English
Injau terus

Sama baka atur ti nginjau terus jaku Melayu, leka jaku ti

diinjau, diambi sereta diterima enggau silik ari jaku asal.
Reti nya iya nadai berubah ari segi sepil enggau reti tajapan
disebut nitihka kaul dilah Iban.
 
Chunto:
standard, bank, hotel, bonus, mark, term,
 Polisi Nginjau ari Jaku English

Injau salin

Dalam proses nginjau ti bansa tu, leka jaku ti diinjau

disalin lalu dibali ngagai jaku Iban.
Taja pia, reti enggau konsep leka jaku nya agi
mengkang sama enggau jaku asal.
Chunto:
honey moon - bulan madu
night market - pasar malam
five foot way - kaki lima
 Polisi Nginjau ari Jaku English
Injau Pengasai
•Dalam kategori jaku injau ti baka tu, leka jaku ti diinjau lalu
disepil nitihka pengentap sistem sepil jaku Iban ti udah
ditetapka.
•Sekeda urup dalam leka jaku ti diinjau berubah nitihka
penemban urup lebuh disebut tauka disepil dalam jaku
Iban.
•Chunto:
– bomb - bom - tingkil konsonan sengian b
– computer - komputer - c berubah nyadi k nitihka sebut (konsonan)
– dobby - dobi - konsonan berimbai bb betukar nyadi siti b
– system - sistem - y betukar nyadi i nitihka sebut (vokal)
– telephone - telefon - phone nyadi fon nitihka patah sebut
– prism - prisma - ism nyadi isma nitihka penemban sebut
 Polisi Nginjau ari Jaku English

Injau serap
Dalam kategori ti baka tu, leka jaku ti diinjau endang
udah entap sereta masai dikena dalam jaku Iban.
 Berindik ari nya, semua leka jaku ti diinjau serap enda
nyengala menatika gaya tukuh visual leka jaku nya ditulis
dalam jaku asal ti alai nginjau.
Sepil iya ditulis ketebal agi nitihka munyi ti disebut
ngena kaul dilah Iban.
Chunto:
apple – ipul
ball-bol
 Jaku Injau Ari Jaku Bansa Bukai

Bisi dua chara nyepil jaku injau ari jaku bansa bukai
kelimpah ari jaku English enggau jaku seperugan.

Sanskrit
Tamil
Arab
Cina
Portugis
Belanda
Jipun
 Jaku Injau Ari Jaku Bansa Bukai

(i) Injau terus

 Dalam proses nginjau ti bansa tu, sekeda jaku

bansa bukai ti diinjau, diambi sereta diterima
enggau silik ari segi sepil, konsep enggau reti tang
ditulis chundung.
 Ketebal agi jaku injau ti baka tu dikena dalam laras
jaku ti spesifik.
 Jaku Injau Ari Jaku Bansa Bukai
Chunto Injau Terus
Latin
ultra-vires: ngereja pengawa ngelui tikas kuasa ti patut
Jerman
Weltanschauung: tampai dunya
coup d’ etat : ngerampas kuasa sechara kasar, pejal
sereta enda beradat
Peranchis
espirit de corps: semengat begempung
 Jaku Injau Ari Jaku Bansa Bukai

(ii) Injau serap

Proses nginjau serap jaku bansa bukai sebaka enggau

atur nyerapka jaku English.
Leka jaku bansa bukai ti udah masai dikena dalam jaku
Iban disepil enda nyengala menatika gaya tukuh visual
leka jaku nya ditulis dalam jaku asal ti alai nginjau tang
ditulis ketebal agi nitihka munyi ti disebut ngena kaul
dilah Iban.
 Jaku Injau Ari Jaku Bansa Bukai

Chunto Jaku Injau Serap:-

Sanskrit serega, neraka
Tamil kedai
Arab/Parsi seleju, miskin
China tauke, pangking
Portugis mija, gerepu
Belanda sepatu
Jipun karaoke
Lansa Kenang Pengerembai
Sistem Sepil Jaku Iban
 Lansa Kenang Pengerembai Sistem Sepil Jaku Iban

• Nyadi pemansang dalam sistem sepil jaku Iban endang

lama udah dipanggul, lama udah diatur taja pan sekeda
orang madahka jaku Iban nadai ngembuan sistem jaku
kediri empu.
• Pemansang tu ulih diperatika ari segi kereban bacha ti
kala diasilka ari menya nyentuk ke diatu.
 Entara bup ti keterubah dichelak nya baka Dictionary
Iban-English ti ditulis D.J.S Bailey seduai W. Howell
dalam taun 1900 enggau Tangga Serega ti ditulis dalam
taun 1936.
 Kedua-dua iti bup tu nadai ngembuan sistem sepil
enggau jalai jaku ti menuku tang semina bepanggai ba
penau penulis tu empu.
 Sekeda kereban bacha ti diasilka nangkan tu mega
endang nadai meruan bepelasarka sistem sepil.
 Penumbuh Borneo Literature Bureau dalam taun 1958 bisi
meri pangka enggau ubah ti besai ngagai sistem sepil dalam
jaku Iban laban sida mayuh nyelak kereban bacha.

 Bepuluh-puluh bup ti dichelak BLB berupai ngembuan

sistem sepil ti menuku laban bisi meruan diedit sebedau iya
dichelak.

 Taja pia, sistem ti dikena BLB bisi ditambah manah ulih N.C.
Scott ngena sistem sepil ti dikena iya dalam bup ‘A
Dictionary of Sea Dayak’ (1956) ke alai iya mantaika tuduh
penemu ngena ‘q’ nyadi simbol glotal ba semua leka jaku ti
ngembuan patah sebut vokal pandak.
 Nangkan tu, Anthony Richards nengah diksionari iya
‘An Iban-English Dictionary’ (1982) sama ngena
sistem sepil tu tang bisi ditambah ngena ubah guna
urup ‘C’ nganti ‘Ch’.

 Lalu pia mega Hussein bin Jamil seduai Henry Gana

Ngadi dalam bup seduai ‘Kamus Bahasa Iban-Bahasa
Malaysia’ sama ngena sistem sepil N.C. Scott tang
seduai betumbuh ngengkahka penambah ‘ka’ ba
leka jaku pengawa.
Nyerumba maya tu mega bala Komiti Penempa Turai
enggau Malin Pengajar ti benung chakah ngaga Turai
enggau Malin Pengajar dikena nangkup penumbuh
KBSR selubang penemu setuju bepelasarka sistem
sepil N.C. Scott tang enda setuju ngena tuduh
penemu Anthony Richards enggau Hussein bin Jamil
seduai Henry Gana Ngadi.
Komiti Penempa Turai enggau Malin Pengajar
enggau Panel Penulis Bup Teks Pelajar Jaku Iban
KBSR enggau KBSM ti ditumbuhka Opis Menteri
Pelajar Malaysia mekuh siti sistem sepil jaku Iban ti
menatika sebut dilah bansa Iban ari ti ngena sebut
dilah bansa bukai ti ditelah sida ATUR SEPIL JAKU
IBAN.
 Mayuh kereban bacha ti diasilka maya tu
bepelasarka sistem sepil tu kelebih agi kereban
sanding ti dikena ngajar enggau belajarka jaku
Iban di sekula maya tu.

 Sistem sepil tu mujur dikena ba sekula laban

ketebal agi sida tu endang mekuh pengawa dalam
Opis Pelajar.
 Amat atur sepil udah bisi maya tu, tang bala
tuai Iban ngasaika sistem nya bedau entap,
bedau tegap laban enda sampal ditemu, enda
sampal diterima lalu enda sampal dikena.

 ATUR SEPIL JAKU IBAN tu bedau chukup

kukuh dikena napi pemansang jaku Iban ti
majak deras.
 Segang pemansang jaku Iban dalam abad ke-21 kelebih
agi dalam pemansang pelajar sekula udah ngubah
runding (paradigm shift) ti deka ngaga siti Sistem Jaku
Iban ti dikira stindid.
 Sistem ti ulih dikena ngajar enggau belajarka Pelajar
Jaku Iban ngelui ari tikas Penilaian Menengah Rendah
(PMR) baka ti ngelama-lama tu.
 Maya tu tachar runding enggau tampai perening
endang udah jauh deka mai Pelajar Jaku Iban manggai
ngagai tikas Sijil Pelajaran Malaysia (SPM) ba taun 2008.
 Chuan sistem tu belabuh digaga urung taun 2001
dikena napi pengawa ti benung besak nulis bup teks
jaku Iban ke sekula primari enggau sekondari.
 Sistem tu semina ulih dipenyadi lima taun udah nya
lebuh Opis Menteri Pelajar netapka jaku Iban mesti
bisi dokumen Sistem Jaku Iban ti entap enti deka
ngasurka pemansang jaku Iban ngagai tikas ti tinggi
agi.
 Dokumen tu balat beguna ngambika bisi dikena nisih
(evaluate) lalu meri gred enggau sitipikit ti dikena
mandingka pengulih nembiak siku-siku enggau lebih
menuku agi.
 Berindik ari tu, nya ti ngasilkan siti dokumen ti
dikumbai Sistem Jaku Iban Di Sekula ti mungkur
Sistem Sepil enggau Sistem Jalai Jaku dalam taun
2006.
 TUTORIAL
Pansik chara sepil lama jaku Iban lalu beri banding
enggau atur sepil ke dikena diatu.
1. Berita Rakyat –(1974) Raban 1
2. Pemberita –(1953) Raban 2
3. Nendak –(1976) Raban 3
4. English Ka Kita – (1961) Raban 4
5. Tenggau Politik Ka Orang Menua Pesisir (1962) –
Raban 5
6. Ensera Telajan (1974) Raban 6