L : Selamat Ari Paska ma di hamu saluhut ruas ni huria! R : Selamat Ari Paska ma nang di hamu Parhaladonami! L : Ai ise do tahe na parjolo marnida haheheon ni Jesus i? P : Angka Parompuan do na parjolosahali marnida haheheon ni Tuhan Jesus. L : Boha do tahe barita ni Paska na parjolo i? P : Jadi mansai sogot di ari parjolo dung Sabbat i, laho ma si Maria Magdalena rap dohot angka donganna parompuan tu tanoman ni Jesus. L : Boha dibahen nasida manggulang batu na masai balga i? P : Masipandohan do nasida: ise ma manggulang batu i di hita sian baba ni pintu ni tanoman i? Alai diida nasida ma naung magulang batu na balga i. L : Ai ise do na manggulang batu i? P : Dibongoti nasida ma tanoman i, diida nasida ma surusuruan ni Tuhan i, parulos na marlinanglinang hundul tungkan siamun. Suruansuruan ni Tuhan ido na manggulang batu na balga i. L : Aha do didok Surusuruan ni Tuhan i? P : Unang ma hamu mabiar! Dilului hamu do Jesus na sian Nasaret, naung diparsilanghon. Nunga hehe Ibana, dang dison Ibana. Ida hamu ma inganan hapeahanna on. L : Aha do diulahon angka parompuan i dung marnida haheheon i? P : Dungi hatop ma nasida laho sian tanoman i, mabiar huhut las situtu roha nasida, marlojong do nasida laho mamaritahonsa tu angka siseanNa. Dungi ro ma Jesus mandapothon nasida L : Aha do didok Jesus tu angka parompuan i? P : Dame ma di hamu! Unang hamu mabiar, laho ma hamu mandokhon angka anggiKu tu Galilea, disi ma idaonnasida Ahu! P : (Holan parompuan mangendehon BE No. 96 : 2) Nunga Talu Hamatean Ia angka boruboru Lao do tu tanoman i Ndang disi be Tuhan Jesus Nunga hehe sian i R : Haleluya, Haleluya Nunga hehe Jesus i Haleluya, Haleluya Nunga hehe Jesus i