KISOH AKU ORE SUSOH

Hambo nok sambung, kisoh diri sediri,

Doh adik kakok kampong pakat nok kenal lagi,
Hambo hormat sanjung, segalo kasih segalo budi,
Susoh hok hambo tanggung,
Adik kakok ambik perati
Ooo..ooo.
Terimo kasih setinggi-tinggi
Ooo..ooo
Terimo kasih setinggi-tinggi
Maso kecik hambo biso make nasik sajo sajo
Kalu ado sekerat ike pun keno bagi duo
Campo comor ado gare, jare benar ado gulo
Baco book male male paka minum air telago
Bangun pagi pagi sauk baju pakai seluar
Mek hambo rebus ubi, bungkus bui buat bekal,
Dio pese hari hari Lim ngajilah pandai-pandai
Kalu periksa pah tinggi, ore kato boleh jadi pegawai
Ooo..ooo
Hambo gi sekoloh, berengga-rengga,
Ooo..ooo
Hambo nok ngaji wi pandai-pandai
Ado satu ketiko, cikgu mintok 10 rial
Dio kato sekoloh kito nok gi melawat sambil belajar
Um..tak dok apo doh lah cikgu, sayo tokleh bayar
Ore lain gi belako, hambo sorre jah tinggal,
Ooo..ooo

Nilah baru hambo royak kokre

Ooo..ooo
Nilah baru hambo royak kokre,
Hei hambo sedih sengoti kena gi sekoloh alek pete
Cikgu kato wojib mari pasuke kuning ado latihe
Hambolah banyok sekali
Kena hungga keliling pade
Kerano hambo dok leh nok beli
seluar pendek, kasut suke
Ooo..ooo..malunya weh
Hambo keno paje..
Terimo kasihlah cikgu-cikgu
Kerano sudi ajar sayo
Dari darjoh satu hingga jadi manusia
Mintok halal segalo ilmu hok cikgu bui selamo maso
Ni tapok jadi guru
Hambo sungguh mintok redha
Hambo masuk universiti tahun 80
Budok kampung nok gi ngaji
Dok tahulah bangun jatuh
Adik-adik kecik lagi, raso berenang kot dalam baroh
Bertekad dalam hati
Hambo nok ngaji sungguh-sungguh
Ingat malu kokre
Warih waroh duk pakat kato,
Tok soh lah duduk tebeng
Kalu tidok bapo kayo
Hantar sekoloh anok jante

Wak ngabih ke hareto

Tidok kato nok pakat ratek
Tolong Bantu samah duo
Ooo..ooo..takdok worih nyo diri hambo
Ooo..ooo ore tok se kelih walau sebeloh mato
Mek dengan ayoh
Masuk jadi peneroko baru
Dale bukit nok tane getoh
Di Kesedar Lepir Satu
Hai pere dengan rimau, gajoh
Make dok make tak dok sapo tahu
Beginilah ore susoh,nok tanggung anok, ngaji di U
Eh kerano keadaan begitu ayoh ambik keputuse
Mu Halim anok nombor satu, duk Kuala Lumpur
ngajilah sore
Mu Halim anok nombor satu, duk Kuala Lumpur
ngajilah sore
Orang lain dengan kampong dulu duk pakat duduklah
limo ore
Ooo..ooselamat tinggal, selamat jale
Oooadik hok bongsu, jerit sokmo male-male
Akisohlah hambo pulok tengoh duk ngaji di U Malaya
Buku rujukan pun hambo takdok
Pakai harap ko salin nota
Hei berasa malu jugok masuk majlis hok besar-besar
Baju hambo murah terlajok 12 rial jah sehelai
Hari konvokesyen hari untuk ayoh bonda
Penat jerih seribu musim
Harap mek ayoh beraso banggo

Tahniah dari sain sain

Hambo terimo banyok bungo
Hambolah orang panggil Halim anak kampong sesok
pun boleh berjayo
Ooo..oooakhirnya hambo boleh sarjano..
Ooo..ooosyukur pada Allah Maha Kuasa..

Hak Cipta Terpelihara

Ayah Su..