Mama..

tara dapa rasa ternyata ian so dua tahun ini tara baku dapa deng mama, ternyata so dua tahun
ini ian tara lia mama pe muka, tara pernah lagi dengar mama pe suara kalo pagi kase bangun
pa ian pigi skolah, tra pernah lagi ian dapa rasa mama pe masakan, apa lagi jantung pisang
deng ikang goreng sous, kasbi santang, hmmm.... pling enak suda...
Ian so paling rindu mo ba kumpul lagi di rumah deng keluarga, tapi ian tau kalo ian harus
kase selesai ian p skolah dlu, ian tau kalo selama ini mama deng papa selalu berusaha supaya
ian deng ade ade bisa trus skolah, dan ian akan terus berusaha supaya tra kase kecewa p
mama....
Yah biar ian so jao dari mama, tpi ian tetap selalu rasa klo mama dekat deng ian, ian selalu
rasa kalo mama terus kse berdoa p ian. Ian sangat bersyukur karna Tuhan kase ian p mama
yang baik, yang selalu sayang p ian....
Trima kasih mama...
Trima kasih buat samua yang mama so buat untuk ian p bae...
Terima kasih karna salalu sayang p ian, salalu kse berdoa p ian, salalu kse semangat p ian...
Ian akan selalu ingat mama p pengorbanan p ian, mama p bae p ian, ian akan salalu inga itu
selama ian hidup...
Ian tra akan pernah bisa balas mama p bae p ian, ian Cuma berusaha untuk bisa kase hibur
mama p hati deng cara ian berhasil nanti...
Selamat ulang tahun mama, Tuhan Yesus memberkati...
Ian berdoa, supaya mama selalu di lingkupi Tuhan, mama selalu di brkati dalam
kesehariannya, dalam kesehatan, dalam setiap usaha yang mama biking, dalam tugas dan
tanggung jawab sebagai orang tua dan seorang istri, ian berdoa supaya mama menjadi berkat
bagi banyak orang, mama menjadi hamb Tuhan yang bijak, yang rendah hati, yang takut akan
Tuhan, yang memiliki kasih yang besar....
Ian berdoa supaya mama tetap di kuatkan Tuhan Yesus supaya kuat hadapi setiap masalah
yang datang...
Ian berdoa supaya damai sejahtera Tuhan selalu ada dalam mama p hati...
Selamat ulang tahun mama...
Tuhan Yesus berkati..
Ian sayang skali p mama... :-*