Bapa Ibu juri ingkang kula urmati, Bapa Ibu guru ugi ingkang kula urmati, saha kanca-kanca ingkang kula tresnani.
Ing kaludangan punika mangga panjenengan dalasan kula sesarengan
ngaturaken puja lan puji, puji syukur dumateng Gusti Allah SWT ingkang sampun paring rahmat saha hidayahipun satemah kula lan panjenengan saget makempal wonten ing adicara punika tanpa alangan setunggal punapa. Salawat saha salam mangga kita aturaken dumateng Nabi Agung Muhammad SAW. Ingkang sampun nuntun kulalan panjenengan dumateng agami Islam. Agami ingkang dipun ridhoi dumateng Allah SWT, lan mugi-mugi kita pikantuk safaatipun kanjeng Nabi Muhammad SAW, Allahuma amin.
Miderek kawontenan lan kita raosaken wonten wedal sakmenika kathah
warga ingkang kirang ngurmati negeri nasionalipun inggih punika saged ngresahaken menawi dipun terasaken saget dados perkawis ingkang saestu mboten mranani. Wonten jaman sakpunika sampun kathah luntur raos kebangsaan nasionalisme, awit kathah kawula muda ingkang ngelaleaken jati dirinipun dados warga Indonesia amargi para kawula muda langkung condong dumateng budya barat kadosto acara televisi, majalah, surat kabar, utawi kathah warga ingkang remen mundut produk luar negeri. Amargi reginipun langkung mirah lan kualitasipun langkung sae. Prekawis punika saged dipunicalaken lan saged wangsulaken raos cinta tanah air negeri tercinta Indonesia punika kalihan salah sawijining cara inggih punika mundut barang produk Indonesia, tansah remen dateng jasa pejuang, tindak dateng musium, lan monumen perjuangan.
Mekaten ingkang saged kawula aturaken, mugi-mugi saged ndadosaken
kawontenan ingkang sae, utawi damel kuwating raos nasionalisme dumateng kita sedaya. Kekirangan saha kalepatan kula nyuwun agunging pangaksami.