VERBATIM

Interviewer: Assalamualaikum Wr Wb, emm... baek kamoe inoe lake terimeng

keunaseh, sebab keu bapak ngen ibuk yang kajeut keu subjek kamoe. Jadi kamoe
ingin meneliti rasa kebersyukuran pada lansia muslim di aceh utara. Jadi diantara
yang kamoe ingin teupeu adalah bagaimana euntreuk rasa bersyukur, bentuk-bentuk
bersyukur, dan pajan meurasa bersyukur, peuna bersyukur peuhana. Dan untuk
identitas drouneuh akan dirahasiakan. Jadi nyoe hana ureung teupeu meusidroe.
Segolom loen tameng keu pertanyaan phoen, loen tanyeng ile padum ka umue bapak
ngen ibuk saat nyoe?

MH: 66 thon ka neuk

AB: Hmm... padum lhe nyeh! Menyeu lon hana salah 67 ka umue, ka tuha lon neuk.

SNH: Ka tuwe loen, tapi sang ka 61 thon

SY: Hahaha sang neuk ken, umue loen 64 thon

BDS: Loen paleng tuha hai neuk, ka 68 thon di donya nyoe hahaha

Interviewer: Get menye meunan jino ta lanjot keu pertanyaan phoen, pue manteng
aktifitas bapak ngen ibuk sehari-hari?

MH: Peutra nyeh, hana sapeu pih selaen ibadah. Nyang loen ingat sang tiep-tiep uroe
loen berzikir, wirit, hana pue laen ken ibadah sagai

AB: oh... aktivitas lon lawet nyo hana buet sapeu, cuma teungeh suntok lon duk-duk
bak warong kupi meuhan lon eh di rumoh. Selaen nyan hana buet sapeu-sapeu.

SNH: Buet lon siuroe-uroe jak u lampoh, bak lampohnya loen biasa jih pula bieok
sape tanaman, lage bungong ngen gule. Nyan menyeu ka panen gule loen kop brat
senang, seubab enteuk hasil panen nyan loen bagi-bagi keu teutangga ngen saudara,
ladom na sit ureng gampong jak u rumoh lake gule. Selaen jak u lampoh, biasa jih
loen jak beut yang na bak dayah di gampong, yang di peuget pengajian bak uroe
selasa, malam selasa, rabu, jumat, malam jumat ngen uroe sabtu. Selaen nyan loen
hana tuwe pubut ibadah wajib ngen sunnah, tiep uroe. Wate lon pubut ibadah nyan,
rasa jih bek ta beudeh-beudeh le bak tempat ibadah. Seubab tiep-tiep loen ibadahnya
hate loen teurasa seunang that lage hana beuban sapeu dan loen meurasa that brat thoe
ngen Allah.

SY: Biasa jih loen tiep uroe jaga cuco, peugleh-peugleh rumoh, magun, rah baje, rah
pingan dan sapoeh broeh nyan sagai buet lon tiep uroe i rumoh.
BDS: Pakwa lawet nyo ken ka tuha jadi tiep-tiep uroe pubut ibadah, jualan seubab
bek bosan di rumoh sidroe, leuh nyan seunam ngen jogging tiep beugeh. Aktifitas
nyan pakwa pubut supaya keusehatan pakwa sehat.

Interviewer: meuneurot bapak ngen ibuk na peugaroh postif peu hana bagi droe ngen
bagi ureung laen?

MH: Na peugaroh, yang keurasa kedroe, tapi nyoe karena kureung sehat padahai long
meu ubat na, tapi galom sehat, ken meuye bersyukur ka brat that, ka neubi rahmat
lhee that, kabahagia dup noe karena hana payah jak teupah, karena ka sep tapajoh.Jadi
yang paleng susah inoe masalah kesehatan loen nyoe.

AB: Untuk saat nyoe neuk, golom na peugaruh positif, kecuali meunyoe na ureung
hyei keurja. Seubab ekonomi lon lawet nyoe kop brat menurun padahai kop lhee
kebutuhan yang harus ta peunuhi, peu lom lawet nyoe harga barang kop meuhai-
meuhai ka, haek ta peuna pih peng.

SNH: Meunurot loen buet yang loen pubut tiep uroe nyo kop brat that beu peugaroh
get keu kehidupan loen dan keu ureung laen yang na disekitar loen.

SY: Hai menyeu loen pike, hana pengaroh positif pih bagi loen, karena aktifitas yang
loen pubut nyan lage babu i peuget loen, sampe loen pike lam neuraka padahai loen
tinggai bak rumoh meulinte tapi di peulaku loen lage babu. Seudangkan aneuk loen
ha di pateh peu yang loen peugah, jih lebih i pateh inoeng peugah.

BDS: Meunurot pakwa aktifitas lawet nyoe cukup brat na pengaroh positif keun untuk
pakwa manteng tapi keluarga lom. Karena pakwa manteng na ate untuk ibadah
walaupun tingeh rame bak toko tapi pakwa leubeh pileh jak ibadah ile, wate adzan ka
i kumandangkan. Keun nyan manteng, pakwa wate adzan pakat ureng-ureung laen
untuk jak seumbayang jamaah di mesjid, Alhamdulillah jih ureng nyo mandum
ngetem ikut tanpa na alasan.

Interviewer: Man meunurot droeneuh pak buk dengan keujadian nyan na rasa
syukur?

MH: Alhamdulillah na rasa syukur yang loen rasa dalam udep nyo, peulom kesehatan
loen lawet nyo hana get tapi insyaAllah loen tetap bersyukur, malahan loen hana
payah meuteupah bak gob.

AB: hai bersyukur neuk walaupun lage nyo, seubab menteng na ureung di miyub
tanyoe yang leubeh susah.
SNH: Na pasti lah, seubab ngen loen bantu tetangga, loen merasa cukup bersyukur
karena dup no umue loen yang ka tuha nyo manteng jeut loen bantu ureng, walaupun
ala kadar.

SY: untuk saat nyoe loen hana rasa syukur seubab keadaan loen yang tiep uroe sibuk
nguros cuco, jadi hana seumpat loen ibadah selaen yang wajeb. Tapi lam saboh sisi
loen meurasa seunang seubab jeut tinggai ngen cuso sampe cuco loen nyan ka jeut
peugah haba dari seugolom nyan hanjeut peugah haba. Sampe inoe hat cuco loen nyo
ka jeut hei mak ngen nek.

BDS: Menurot pakwa cukup brat na rasa syukur dalam diri nyoe karena kiban pih
rasa saboh tanyoe toe ngen Allah. Peu lom wate pakwa ngen istri jeut beribadah
bersama, jak peungajian bersama dan jeut sit pakwa ngen istri meurumpok ngen anak
dan cuco. Karena pakwa ngen istri pih ka tuha, yang kamoe pike cuma untuk meu peu
bahagia anak ngen cuco dan ibadah hana tuwe.

Interviewer: emm menurut ureung droneuh penteng peu han sidroe tanyoe na rasa
bersyukur?

MH: Sep penteng rasa bersyukur, ateuh rahmat allah dan nikmat allah yang ka
neubrie ke long ateuh rahmat droe, lon saba ateuh bala yang geubri, beu teutap
bersyukur.

AB: Meunurot loen brat penteng tanyoe harus na rasa syukur, seubab nyan saboh ubat
hate yang paleng ampuh dalam udep nyoe karena nyan saboh keubahagian bagi loen.

SNH: Rasa syukur nyan keun le penteng tapi meuleubehi penteng dalam udep loen
saat nyoe.

SY: Untuk saat nyoe loen hana rasa syukur seubab keadaan loen yang tiep uroe sibuk
nguros cuco, jadi hana seumpat loen ibadah selaen yang wajeb. Tapi lam saboh sisi
loen meurasa seunang seubab jeut tinggai ngen cuso sampe cuco loen nyan ka jeut
peugah haba dari seugolom nyan hanjeut peugah haba. Sampe inoe hat cuco loen nyo
ka jeut hei mak ngen nek.

BDS: Hai… nyak meunurot rasa syukur nyan hana peunten, seubab udep loen
manteung lage nyoe sabe padahai sabe loen meudoa bak Allah.

Interviewer: Inoe siat pak buk kiban, tanyoe sidroe muslim peu harus na rasa syukur
tiep-tiep uroe?

MH: Harus na rasa syukur nyan tiep-tiep uroe, seubab nyan saboh kunci untuk tanyoe
ta meu udep dalam donya nyo, supaya Allah ngeu lindung tanyoe di pat manteng.
AB: Nye lah, meunyeu hana tanyoe ka tue ngen Allah berati. Peu lom inoe siat
deungen aneuk lon na keurja ngen sehat, lon cukop meurasa bersyukur dan senang,
seubab nyan saboh raseuki yang Allah geubi ke lon. Walaupun lon lheu that yang
galom tercapai.

SNH: Menye meunurot loen harus na seubab nyan sit kalauh nge teunte le Allah,
bahwa mandum ureung Islam harus tiep-tiep uroe harus na rasa syukur dalam
rangkapeu hal lam udep nyo.

SY: seubenar jih harus na tapi kiban loen hantom meurasa syukur nyan kiban, seubab
loen rasa dalam hudep loen nyo hana yang berubah jeut ke nget, malah yang loen
alami seubalek jih.

BDS: Menye menurot pakwa rasa syukur nyan, emang harus sabe na dalam diri
tanyoe umat muslim, seubab rasa syukur nyan hanjeut gadeh lam jiwa tanyoe, karena
nyan cerminan sidroe ureng muslim.

Interviewer: man droneuh pak buk, sidroe ureng muslim peu na rasa syukur yang
droneuh alami tiep ureo?

MH: kadang2 tuwe kadang2 tiegat teuh,wate tigat ka teukliek teuh. Wate tingat
kaloeng syukur kiban lom. Wate ta ingat ingat, wate teuh ngeh oh tuwe tuwe teuh
wate pikiran geulisah wate tingeh saket,peu hanna meuteme jak tanoh muliya,
meunan ken. Leuh nyan pasrah ajue bak Allah, lon khuen doa bismilah “la rabiallah
hasbiallah dawakaltu allah idasabtul billah wartu amri inallah masyaallah la kuwata
ilabillah”. Dengan menyebut nama Allah, tuhan lon adalah Allah yang mencukupi
adalah Allah lon pasrah kan diri lon keudroe karena Allah, lon melindoeng karena
droe yang Allah,lon pasrah kan diri lon keu droe yang Allah, lon melindong lon
keudroe yang Allah, pasrah diri lon keudroe yang Allah, peuna takdir droe pasti jadi
hana daya upaya kecuali dengan pertolongan droe yang Allah. Eeu meunan sabe lon
serah droe bak Allah.

AB: Golom na rasa syukur yang loen alami tiep uroe, peu lom saat nyoe golom na
kerja dan ekonomi lon lawet nyoe kop brat menurun padahai kop lhee kebutuhan yang
harus ta peunuhi.

SNH: loen tiep meunet, loen rasa syukur keu Allah, seubab inoe siat manteng geu bie
wate loen untuk toe ngen Allah. Lage loen peugah bunoe, tanyo sidro muslim harus
na sabe rasa sukurnya dalam kondisi rangkapeu. Loen pih hana alasan sapeu untuk
hana lake terimeng keunaseh keu po Allah.
SY: Loen hana rasa syukur hai, malah loen hana tingat pih pajan loen rasa syukur,
seubab udep loen nyo sabe lam keuadaan susah, hana berubah-rubah dari jamen keu
jamen. Padahai sabe loen berdoa tiep uroe tapi hana sit berubah malah lage nyo sabe.

BDS: Na hai neuk, menyeu hana han mungken loen dengen ka tuha lage nyo manteng
lon meuteumeng pubut mandum urusan tiep uroe

Interviewer: biasa jih droneuh wate keadaaan kiban manteng na rasa syukur nyan,
peu dak-dak hana sesuai keuadaan yang droneuh keu hendaki peuna rasa syukut sit?

MH: tetap beuna syukur, walaupun na sipeu-sipeu troh tetap bersyukur, meuse lon
pajoh buk bie oe, kuah bie o, eungkot bie oe, ka syukur that-that ditnoe makanan yang
ka geubi le Allah. Tuman kureung sehat diBnoe tetap syukur, seubab na yang parah
lom daripada lon, jinoe saboh syukur lon lakei bak Allah karena bek lei tamah
peuyaket bak lon. Malah beu puleh lon. Beu ek lon peubuet ibadat, beu ek lon peut
seuroh, peujuoh teuka yang geularang lei Allah bek roh le kerja.

AB: Biasa jih loen rasa syukur nyan wate eu aneuk ka meuteumeng keurja, seubab ka
meubantu ekonomi bacut dalam udep lon.

SNH: hai... yang jeulas wate mandum keuadaan, tapi yang paleng penting wate
sembayang. Karena tiep sembayang loen manteng jeut meu lake bak Allah yang nget
keu keluarga loen, aneuk loen, suami loen supaya ureng nyan mandum geubie
lindungan le Allah di pat manteung ureung nyan beurada. Leuh nyan loen merasa
beurat that untong wate ngeubei aneuk agam yang hana hek loen ato dalam neumpu
hal, dan aneuk agam loen nyan rajin that bak ibadah, nyan yang peuget loen meurasa
sangat bersyukur.

SY: Hantom loen rasa syukur nyan kiban hahaha.

BDS: pakwa menye ta peugah rasa syukur kiban manteng, mandum pakwa yang
pakwa pubut siuroe-uroe nyo ka bersyukur untuk saat nyo pu lom hubungan pakwa
ngen keluarga, tetangga, lingkungan, Alhamdulillah terjalin ngen get, jadi hana alasan
sapue bagi pakwa hana bersyukur peu-peu yang ka geubi le Allah keu pakwa saat
nyoe. Seubab male rasa jih pakwa menye hana peugah terimeng keunaseh keu Allah,
yang kaleuh ngeubie mandum keu bahagiaan saat nyoe.

Interviewer: man pat droneuh ne meuruno rasa bersyukur nyan?

MH: eee lon duenge-duenge bak ceuramah, bak pidato, bak tv, tentang ucap syukur
nyoe.

AB: Hai lon meuruno bak teungku-teungku i bale tiep malam jumat, nyang keuh inan
lon teupu kiban seuharus jih tanyo bersyukur atas nikmat yang ka geubri lei Allah.
SNH: Inoe siat loen meuruno bak teungku di bale yang na i gampong loen.

SY: Kiban cara neuk lon pat meuruno, sedangkan loen rasa syukur manteung hana
tuoh kiban.

BDS: Inoe siat loen meuruno bak teungku di bale yang na i gampong loen.

Interviewer : Menyeu lage bapak ibu kajeut dup no manteng pertanyaan yang loen
brie keu ureung droneuh man bandum jadi loen tuan lake cukup brat terimeng
keunaseh keu ureung droneuh mandum yang saat nyoe ka neutem bantu kamoe dalam
meujawab pertanyaan yang kaleuh kamoe brie keu ureung droneuh mandu, sehingga
ka menyita wate ureung droneuh untuk kamoe wawancara.

MH, AB, SNH, SY, BDS : Hana peu-peu neuk, kamoe pun ka meurasa leuga wate
aneuk teumanyeng tentang kesaharian kamoe siuroe-uroe.