PAMIKAT

Adegan I

Di palataran masjid Amat Kancang, Unggut, Jambul Tempekong bahitung duit imbah jumatan,
liwar saling banyakan duitnya hari ini, nang maulah buannya nyanyuk bahitung.

J.Tempekong: Ubuy bagunung duit sakali diluruk.

Unggut: Ai iih di kutak wadah ku liwar hibak jua imbah di buka.

Amat Kancang: Nang ngapanya banyak ricihan saribu wara ha wadah ku, nah maka balakban ha
sabalahnya.

J.Tempekong: Kd rajaki ikm tu bararti Mat ai.

Unggut: Iih kd rajaki

Amat Kancang: Napanya kd rajaki, maka pukul rata klo tdi.

J.Tempekong: Kd jadi hari ini Mat ai.

Unggut: Iih kd jadi.

Amat Kancang: Kd mau keitu hudah deal deal tdi di dalam.

Unggut: Iih mau haja keitu. ( sambil menjabat tangan Amat Kancang ).

Amat Kancang: Hah apa jar ikm tdi. ( Tangan hudah bejabat ).

Unggut: Alhamdulillah, baik bangat ikm.

Amat Kancang: Ai kd mau kd mau. ( Sambil manarik tangan ).

J. Tempekong: Ai mau pang hudah deal.

Buannya kd sadar pada dibelakang hudah bediri Kiai Kasafillah bin Panahuan, dan sidin mambawa
paikat hudah.

Kiai Kasafillah bin Panahuan: Nangapa deal deal?

Amat Kancang, J.Tempekong: Astagfirullah. ( Takajut malihat ustad ).

Unggut: ( Beunggut wara lawan ustad ).

Amat Kancang: Kd pp ustad, itu tdi mutur Amang Salingar payu hudah, nang RX King tuh, maka am
ulun hudah mangumpul akan duit asan manukari.

J.Tempekong: Mana ada inya ti, hdk maambil bagian banyak... ( Langsung ditukupi Amat Kancang
muntung ).

Amat Kancang: Inggih ustad ai, anu ti ulun hdk meambil bagian banyak ti, sakira kd betatawaran lagi,
inya Amang Salingar ti meandak harga 5jt, nah 5jt ti bagian banyak sambat sidin, eh sakalinya dilapas
sidin di harga 3jt, habis am tadahulu urang ustad ai.
Kiai Kasafillah bin Panahuan: Tahu ai ulun buan pian hdk membagi duit ngini klo.

Unggut: Inggih ustad ai, tahu jua ulun.

Amat Kancang: Labar am. ( Takarisut muha ).

J.Tempekong: Inya haja am ustad, malihat lah pian, makanya am tadi hanyar hdk bepadah itu ulun,
tagal inya manutupi muntung ulun.

Kd berapa lawas datang Galuh Suprem lawan Imeh, bejalan sambil mambawa tampian baras.

Amat Kancang: Tampian baras babagi.

Galuh Suprem, Imeh: Nah labihan sako. ( Testop ).

Amat Kancang: Nah ustad ini pang pelakunya.

J.Tempekong: Astagfirullah, Mat sadar Mat, salah apa bagiannya, maka ikm tuduh tuduh.

Unggut: Iih salah napa.

Kiai Kasafillah bin Panahuan: Bujur kah Galuh.

Galuh Suprem: Pun ustad, bujur apa ustad.

Kiai Kasafillah bin Panahuan: Pian yang menyuruh buannya membagi duit nginih.

Imeh: Eh duit ini kh ustad, maka pian yang menyuruh asan tatambahan balanja, ulun saban kali lalu
lawan Galuh rancak dikiau bagiannya nih.

Galuh Suprem: Itu jar buannya rancak ustad ai, pertama kali tuh kami di barii buannya, jar ulun kd,
tapi jar Amat ujar ustad sebagian rejeki manusia tu dititipkan lawan Allah pada manusia lainnya, nah
jadi rancak ulun ambil ai.

Unggut: Inggih ustad.

J.Tempekong: Nah iih bujur ai klo ustad.

Amat Kancang: Nah itu am ustad ai nang mendasari uluh. ( Peraga bujur banar hudah ).

Kiai Kasafillah bin Panahuan: Berapa duitnya, hudah lah dihitung.

J.Tempekong: Baluman ustad, pina banyak bangat hari ini, berarti bagian rejeki ulun pacang banyak
ni, iya kd Gut.

Unggut: ( Beunggut haja ).

Kiai Kasafillah bin Panahuan: Galuh, Imeh pian hitung duitnya badua, imbah tu unjuk lawan ustad.
Hanyar imbah tu buan ikm seberataan maghrib ni karumahan ustad.

J.Tempekong: Beapa kerumah pian ustad, membagi duitnya kh.

Amat Kancang: Bagi rata klo ustad.

J.Tempekong: Kd mau pang, ampun ikm seribuannya.

Unggut: Iih seribuannya.

Galuh Suprem: Sudah ustad. ( Sambil meunjuk duitnya ).

Kiai Kasafillah bin Panahuan: Tarimakasih Luh lah, habis maghrib ingati karumahan ustad lah, nyaman
bagi rata.

Amat Kancang: Alhamdulillah. ( Langsung manyalimi ustad ).

Muha Jambul Tempekong pun takarisut kd tarima di bagi rata, dan bagiannya pun bulikan.

Adegan II

Sore hari di pakarangan rumah Galuh Suprem buan Imeh, Galuh Suprem, Julian lagi bemainan
inting damprak.

Julian: Uuu Aluh Suprem lajui jalan.

Imeh: Iih Luh kasi am jalan.

Galuh Suprem: Iya iyan sayang.

Julain: Iiiihhhh, Iyan iyan, jiji nda, perkenalkan nama aku tuh Aluh Pulis Pulis Gerebek atau Aluh
Gerebek, kd kenal nda lawan Iyan tuh, iiiihhh siapa Iyan tuh, kasi dah jalan, muar nda.

Imeh: Iyan nih, ikm tu lakian.

Galuh Suprem: Nah undas ku hilang.

Julian: Kd usah ja gin main, manyambati tarus buan km nih, benci nda, bulik ja sdh hdk mandi, nah
undas km. ( Sambil meunjuk undas wadah Galuh Suprem ).

Kada lawas datang lah buan Jambul Tempekong lawan Unggut membawa logo.

J.Tempekong: Kapinggir kapinggir kami pulang.

Galuh Suprem: Ai napa ngini tanah nda.

Imeh: Iih ni tanah kekuasaan abahnya Galuh.

Raramiannya buan Jambul Tempekong lawan Galuh Suprem bakancangan lalu Aisyah anak Kiai
Kasafullah bin Panahuan.

J.Tempekong, Unggut: ( Tenganga malihat kabungasan Aisyah ).

J.Tempekong: Gut gut siapa tuh.

Unggut: Bidadari men ai, Asle heh, gadagupan aku nah.

J.Tempekong: Japai Gut japai, kaya gandang hudah nah.

Galuh Suprem: Uy uy buan km.

J.Tempekong: Siapa ngitu Sup.

Galuh Suprem: Aaaahhhh... ngitu ah anak ustad.

J.Tenpekong: Gut gut kasi kita bulikan, jui kita besiap ka rumah ustad.

Unggut: Kasi, tapi Amat kaya apa.

J.Tempekong: Biar ha. ( Sambil manarik tangan Unggut ).

Buan Jambul Tempekong awan Unggut pun bulikan karumah.

Adegan III

Rami bangat sudah dimuka pelataran Kiai Kasafillah bin Panahuan buan Jambul Tempekong,
Unggut, Amat Kancang, Galuh Suprem, Imeh, Julian bekumpulan.

Amat Kancang: Bul bujurkah, ada bidadari dirumah ustadz.

J.Tempekong: Na lihati ha ada tu, ya kd Gut.

Unggut: Iih bujur satumat lagi kaluar tu.

Galuh Suprem: Pasti Aisyah.

J.Tempekong: Kisah tahu.

Kd lawas datang Kiai Kasafillah bin Panuhuan lawan Aisyah.

Kiai Kasafillah bin Panahuan: Bakisah napa?

J.Tempekong: eh ustadz assalamualaikum, anu ustadz Amat ustadz ai handak bulik.

Amat Kancang: Katujunya mahual, apa rang kahandak