Bahan Sermon Minggu XIII Dung Trinitatis HKBP RESSORT SUKADAME

TOPIK : SISOADA DO HAGIOT NI PORTIBION

EV : Parjamita 2 : 4-11
JUMAT, 11 SEPTEMBER 2020
Patujolo
Buku Parjamita ima sada buku na sian padan na robi, na digurithon di masa hamumulak ni bangso Israel sian habuangan ni
Babel. Di na masa hamumulak on ma boi taida ima tikki na tongtong dibagasan pardangolan ngolu ni bangso Israel, disi ma nasida
mangunjuni parngoluan na sintong. Di tonga-tonga tingki na songon I ma panurat di buku Parjamitaon di patubegehon tu halak
Israel. Sangkap panguritohon buku Parjamita, di tingki nai songon I, ima asa boi bangso Israel mangalapati ngolu na dohot sintong,
asa unang marisuang ngolu na pinasahat ni Debata ( memaknai hidup secara benar)
Alani I, laho mangondolhon tujuan I, dipake pangguritni buku parjamita on do filosofi ni halak gorik, (memakai filsafat
yunani). Marhite filsafat Yunani on, pangguritni buku parjamita on dungkot mangantusi parngoluan na secara kritis, dohot dang
mangandehon dirina tu kondisi buruk na niadopan nasida di ngoluna si ganup ari.
Dungi di hasomalan di bangso Israel di padan nai robi, ganup taon sai dipaandar nasida do, buku parjamita, hari raya
parlape-lapean, ima hari raya ni bangso Israel marningot parngoluan ni ibana, di tingki mangolu di padang gurun. Aha do tujuan
ni , ima asa boi mangalapati ngoluon dohot sintong.
Di na mangalapati ngoluon dohot sintong, di dok pargurit ni parjamita on ma, ai tung na laho salpu do luhutna. Ima na
gabe topik utama ni buku Parjamita di minggu ta sadarion, ai na laho salpu do saluhutna molo dang taulahon dibagasan ngolu na
biar mida Jahowa.
Hatorangan ni turpuk
Diusaho ni panggurit ni turpuk on, laho mangondolhon paboa na naung salpo do hape saluhutna, dipaandar do angka dia
ma na ingkon si pamanaton di ngolu siganup ari :
Ay.4 (Pangulaan dohot arta), Molo di halak Israel, tano ima tano teanteanan jolo di rajumi nasida do silehonlehon ni
Debata do i, jala songon arta na ingkon dipertahanhon sahat doi sahat ro diangka pinomparna manang sundutna muse, hata
“hupungka” di ahu angka porlak anggur, martudutudu naung bidang tano/ladang pangulaanna jala naeng manambai muse
marhite na mamungka manuan anggur porlakna i. Anggur ma songon suan-suanan na tubu jala songon sada pencarian di
pertanian ni halak Israel do I, molo nungga bidang tano jala denggan parbue ni tano i, pintor hatop do jolma mandok na mora do
angka nampunansa tano na bidang i jala godang parbue ni tanona i.
Ay.5-6, marhite tano na bidang, naeng suanon ni nampunasa tano i do ragam ni suansuanan na marparbuehon angka
parbue na denggan. Molo di zaman nuaeng on, sistem pertanian na lam maju, boi do angka tano na so napu hian gabe napu
marhitehite kompos nang pupuk kimia dohot na asing, asalma adong modalna manang sinamotna boi do mamungka pangulaan na
bidang jala manuan angka suansuanan na marparbue marragamragam, laho pamajuhon perekonomian.
Ay.7 (Huaso dohot Hasangapon), masa dope najolo di angka halak na mora manuhori angka hatoban baoa dohot
boruboru bahen hatobanna laho mangula ulaon na pinasahat ni tuanna tu ibana. Angka hatoban on, ima adongma na so mampu
hian manggarari utangna tu parutanganna, ujungna tuanna ima na manggarari, jadi dipelehon angka hatoban i ma ngoluna dohot
gogona mangula di tuanna i, taingot ma songon godang ni hatoban/naposo ni si Abraham dohot si Job, tanda ni hamoraon nasida
di masana. Patuduhon hamoraon, huaso nang hasangapon do molo godang angka hatoban ni dijolo ni sasahalak, ala selaku tuan
ibana ingkon menanggung ngolu ni hatobanna i saleleng di jolona karejo angka hatoban/naposo na tinuhorna i. Ndada holan i,
hamoraon ni sasahalak tarida do sian godang ni pahanpahananna ima lombu nang birubiruna, jala ido tugas ni angka
hatoban/naposona i ima mangaradoti angka arta ni tuanna ido.
Ay.8 (Sinamot, Arta, Perak, Sere dohot Hasonangan), dipagukguk angka jolma do perak, sere nang arta bahen silas ni
rohana. Lam leleng lam nangkok do arga ni sere. Angka naung godang hian manimpan sere/emas, molo pintor digadis nuaeng
tontu marlipat hali ganda ma pangomoanna, na mora lam mamora ma.
Ay.9-10 (Hamoraon) Naeng tumimbul hamoraonta martimbanghon donganta jolma, sai adong do bangko ni jolma
sisongonon, ndang lomo rohana molo adong sainganna, ingkon ibana na nian naumora sian donganna. Sai pajumpang do
pangalaho si songon i sahat tu nuaeng on. Ido umbahen ragam cara dipatupa jolma laho papungupunguhon arta hamoraonna.
Ay.11, ayat parpudi on ma na gabe tema di minggunta sadarion ima “Sisoada do hagiot ni portibion” Segala sesuatu
adalah sia-sia. Saluhutna na diportibion parsatongkinnan do, pangolaan dohot arta, huasa, hasangapon, sinamot, arta, perak,
hamoraan, na laho salpu doi, jala na so olo salpu ima harajaon, hagogoon dohot hasangapon ni Debata ro disaleleng ni lelengna.

Hahonahan ni turpuk

Alani i molo taantusi ai soada do sia-sia ni portibion, molo dang dibagasan biar mida Jahowa, alani i ahama na ingkon taulahon,
asa dang marisuang ngolunta, mangalapati ngolunta dohot sintong :

1. Ai di portibion do hita mangolu alai dada sian portibion do hita, songon na tarsurat di Johannes 15: 19 “ Aut na sian portibi
on hamu, haholongan ni portibi on do donganna. Alai ndang sian portibi on hamu. Ahu do tahe mamillit hamu sian portibi on; ala ni i
do, umbahen na dihosomi portibi on hamu”, sian I taboto ma sada penegasan dihita ima sude halak na porsea tu Debata, ai di
banua ginjang do sambulonna, agan pe dirina secara fisik di portibion dope. Ai dang portibion on na nampunasa dirinta
alai Debata do nampunahon dirinta. Alani I, aha na ta ulahon di ngolunta ima dalanta asa mangolu di Harajaon ni Debata,
alani ma unang ma di liat ni portibion rohanta.

2. Asa marlapatan ngolunta, jala asa unang marisuang ngolunta, antong sai ulahon na so ra salpu ima hata ni debata,
manang parsaoran dohot debata di ngolunta si ganup ari. Ingkon tarajumi do, ngolunta di portibion gabe sada asi ni roha
manang denggan basa na sian Debata di hita ima na naeng sihalashononta marhite na mangulahon hataNa di ngolunta
ganup dibagasan unduk dohot serep ni roha.